Posted:
Sunday , Feb 12th.
Aaj mere paav bahut dukh rahe hai. Salsa jo practice karta rehta hun din bhar. Par kya karoon. Pair ke dard ke liye tablet bhi nahin le sakta.
Man to karta hain ki Priya ko bataaun. Phir woh shaayad pairon ki bhi maalish kar de . 😉
Par Salsa practice is a secret. so I can't tell her about it yet.
Kal Choti ke party me Surprise karoonga Priyako. Waise, sirf Priya hi nahin, ghar ke sabhi log surprise ho jaayenge. Me, Ram Kapoor, dancing!
Main khud nahin believe kar sakta ki main itna badal gaya hun. Yeh sab Priya ka jaadoo hai. Uski Nature Therapy, aur uski jindagi ke prati philosophy, sab kitni achchi hain.
Itne saalon tak main sirf doosro ke liye jeeta tha, par ab man karta hain ki main apne liye jiyun. Ab aisa lagta hain, ki meri khushi bhi matter karti hai. Jab main khush hota hun, to Priya kitni khush hoti hai. Aur uske liye main badalna chahta hoon.
Par aisa kyoon lag raha hai? Pehle bhi Neha aur Vikram hamesha kehte the ki main apni aadaton ko sudhaaroon, par main unki baat kabhi nahin maanta tha.
And come to think of it, sirf Neha aur Vikram hi kehte the...Maa aur Choti ne kabhi mujhe sudhaarne ki koshish kyun nahin ki? Woh dono to apni health ki itni parvaah karte hain. Hamesha sugar free , low calorie khana khaate hain. Phir un dono ne ...Oh well. Main bhi kaisi baaten soch raha hoon. Choti mujhse bahut pyaar karti hai. Woh bas apni kaamon me itni busy rehti thi, use mere khaane ka khayaal nahin rehta tha. Aur maa ke baare me mujhe aisa nahin sochna chahiye. Woh tab Pitaaji ke saath thi, jab unhe saath ki sab se jyaada jaroorat thi. PItaaji ko unpar bharosa tha, to woh galat ho hi nahin sakti.
Oh Well. coming back to the party, mujhe thoda sa nervous lag raha hai. Aur thodi si excitement bhi... Wonder what Priya will wear for the party. Kahin woh hook waali blouse peheni toh! 😲
Udne Ki Aasha
Members Lounge
