Hello friends...Thank you for liking this TS...Thanks a lot...🤗🤗🤗
Annu di...Thank you for the help...🤗🤗🤗
Part 2
******************************
Sameer haste hue gusse mein, "Yeh sab kya bakwaas hai Rawte??"
Arjun haste hue irritatedly, "Pata nahi...meine yeh mail send nahi kiya hai kisiko bhi"
Sameer haste hue confusingly, "Tumhare ID se aur kaun mail kar sakta hai??"
Arjun haste hue gusse mein, "Pata nahi...par jisne bhi yeh gatiya harqat ki hai usse chodunga nahi"
******************************
Tabhi Arjun ki nazar samne pade hue ek cylinder par padti hai, cylinder ka size perfume bottle jitna hai, Arjun apni chair se utthke table tak jata hai, cylinder ko haath mein utthata hai, cylinder ke upar ka label dekhke samajh jata hai woh aur Sameer hass kyu rahe hai, woh Sameer ko dikhata hai aur Sameer bhi samajh jata hai.
Dono Arjun ke cabin se bahar aate hai, dono pagalo ki tarah hass rahe hai, aur dono ko iss tarah hasta hua dekh pura office shock mein hai, aur Sakshi ka gussa aur badh jata hai, usse lagta hai ki Arjun aur Sameer isliye hass rahe hai kyunki saari ladhkiyaan red color ka dress pehenke aayi hai, isse pehle Sakshi pure office ke samne bole Arjun uske expression se samajh jata hai ki woh kya karne wali hai isliye woh pehle hi bol deta hai haste hue, "Shree"
Shree SamJun ko hasta hue aankhe faad ke dekh raha hai, woh toh jaise shock mein hai, usne Arjun ki awaj nahi suni hai, par Aisha uske pass khadi hai aur woh usko hilati hai taki woh shock se bahar aaye, Arjun ek baar phir jor se, "Shree"
Shree Aisha ke hilane se hosh mein aa jata hai aur iss baar Arjun ki awaj bhi sun leta hai, aur apne chashme ko sambhalte hue SamJun ke pass aata hai, isse pehle Shree kuch bole Sameer haste hue bolta hai, "Liza ko bulake lao"
Shree confuse ho jata hai, "Liza ko kyu??"
Arjun haste hue gusse mein, "Shree Liza ko bulao"
Shree dar ke maare light ki speed se bhaagta hai aur ussi speed se Liza ko leke aata hai, Liza bhi SamJun ko haste hue dekhke shock hai, Arjun Liza se, "Liza...andar laughing gas ka chota cylinder hai"
Ab sabko samajh aata hai ki dono hass kyu rahe hai, Liza pehle lab mein jake antidote lati hai aur SamJun ko lagati hai, SamJun Sameer ke cabin mein jate hai, Liza apni team ke saath Arjun ke cabin mein jati hai aur kisi tarah gas ka asar khatam karti hai.
SamJun antidote ki wajah se thodi hi der mein thik ho jate hai, dono thak gaye hai itni der continuous hassne ki wajah se, tabhi door pe knock hota hai, Aisha enter hoti hai.
Aisha dheere se bolti hai, "Sorry sir"
Sameer ko samajh nahi aata ki woh sorry kyu bol rahi hai, isliye puchta hai, "Sorry...par kyun??"
Aisha, "Sir woh...cylinder mein hi Arjun sir ke cabin mein bhool gayi thi"
SamJun shocked, Sameer, "Matlab??"
Aisha , "Sir...actually woh cylinder mujhe Liza ko dena tha...mera haath mein tha...aur mein woh cylinder ke saath Arjun sir ke cabin mein chali gayi file rakhne ke liye...aur cylinder wahin bhool gayi"
Sameer kuch nahi bolta, usko lagta hai ki Aisha galti se cylinder bhool gayi thi, aur usne khud se yeh baat accept bhi kar li.
Par Arjun ki dimag mein kuch aur hi chal raha hai, Sameer Aisha ko jane ka ishara karta hai aur cabin se chali jati hai, jate waqt Aisha ke face pe smile hai jaise ki woh bach gayi hai.
Arjun bhi Sameer ke cabin se nikalke apne cabin mein jata hai, ab tak uske cabin mein sab kuch thik kar diya gaya hai, Arjun chair pe baitha hai aur rewind mode pe jake thodi der pehle ka scene yaad karta hai jab woh aur Sameer haste hue cabin se bahar aaye the.
Arjun dekhta hai ki sab log unhe iss tarah hasta hua dekh shock hai, woh Shree ko awaj lagata hai, par Shree se koi response nahi aata isliye woh Shree ki taraf dekhta hai, Shree shock mein usse gur raha hai, par uske pass mein Aisha khadi hai aur kisi tarah apni hassi rokhne ke koshish kar rahi hai, Arjun ko ussi waqt uspe doubt ho jata hai.
Arjun ka doubt confirm tab ho jata hai jab Aisha khud apna clarification dene ke liye Sameer ke cabin mein aati hai, aur woh jate time Aisha ke face ki smile bhi dekh leta hai.
Arjun MV, "Iska matlab cylinder Aisha ne jaan puchke mere cabin mein choda tha, par kyu??...woh aisa kyu karegi??"
Kuch hi seconds mein Arjun ko yaad aa jata hai ki, pichle kuch dino se jo bhi ajeeb cheese uske saath ho rahi hai unke piche Aisha ka hi haath hai like Arjun ki chair pe tweety toy ka hona, conference room mein woh gass pass hone wala sound, woh mails aur yeh laughing gas.
Inn sabko yaad karte hue Arjun ko apne college time ki yaad aa jati hai.
Flashback
Excel college
Arjun aur Aisha ek hi college mein padte hai, same batch, same class mein. Lekin dono ki kuch khas banti nahi hai as dono totally opposite nature ke hai, Arjun ek dum mast molla ladka hai, uske din ki shuruwaat pranks se hoti hai aur khatam bhi pranks se hi hoti hai, wahin dusri aur Aisha ek simple si ladki hai, jiska matlab sirf aur sirf books hai.
Dono ek dusre ko as classmates jante hai, Aisha ko Arjun bilkul bhi pasand nahi hai, yeh baat Arjun bhi janta hai, aur woh jaan bhujke mauka milne par Aisha ko irritate bhi karta hai.
Arjun college mein pranks ke liye famous hai, sab jante hai ki agar kuch gadbad hui hai toh uske piche Arjun ka hi haath hoga lekin woh kabhi pakda nahi jata, isliye koi kuch kar bhi nahi sakta. Arjun ke kuch pranks Aisha ko pata chal jaate hai, unhi mein se kuch hai :-
Aisha ka Arjun pe ussi ka prank no. 1
Arjun ne college mein bohat se students, teachers ke saath prank kiye hai jaise ki, ek din saare students class room mein baithe hai, Arjun as usual apne dosto ke saath last bench pe baitha hai, Aisha first bench pe aur Prof. Bakshi ki class hai, par woh abhi tak class mein aaye nahi hai, jaise hi woh class mein enter mein hote hai, puri class mein shanti ho jati hai, Professor ek ek student ko notice karte hue apni chair pe jake baithe hai, unke baithne se ek awaj hoti hai, kyunki class mein ek dum shanti hoti hai toh awaj bhi jor se sunai deti hai, kisiko samajh nahi aata ki awaj aayi kahan se, tabhi Professor apni chair se khade hote hai aur chair pe se tweety toy ko utake sabko dikhate hai, issi toy ki wajah se awaj hui thi, Professor gusse mein sabko puchte hai, "Yeh kisine yahan rakha??"
Koi kuch nahi bolta, Professor ko pata hai hi yeh kis ne kiya hoga, isliye woh direct Arjun ki taraf dekhte hue sabko bolte hai, "Aainda agar kisi ne mere saath aisi harqat ki toh anzaam bura hoga"
Arjun koi reaction nahi deta balki aise expression deta hai which means he-is-innocent', par jaise hi Professor ki nazar usse hatthi hai, woh smile karta hai.
Aisha ka Arjun pe ussi ka prank no. 2
Exams chal rahe hai, paper start hua hi hai, saare students hall mein apni apni bench pe baith chuke hai, sabko answer sheet bhi mil chuki hai, aur question paper bhi, sab log question paper read karne mein busy hai.
Arjun aur Aisha pass hi baithe hai means same row but in 2nd & 3rd column, Aisha paper padh rahi hoti hai tabhi uski pencil niche gir jate hai, pencil uthate waqt who Arjun ko notice karti hai, uske chere saaf pata chal raha hai ki woh kuch karne ki firaak mein hai, Aisha jis taraf Arjun dekh raha hai uss taraf dekhti hai, uss taraf Invegilator khada hai aur woh apni chair tak ja raha hai, Aisha ko samajh nahi aata ki Arjun karne kya wala hai, woh ek nazar Invegilator pe aur dusri Arjun pe rakhti hai, jaise hi Invegilator chair pe baitha hai, pure hall mein ek awaz hoti hai, awaz gas pass hone wali hai, sab log apna muh bigadte hai aur ek dusre ko dekhte hai, Aisha Arjun ko gusse wala look deti hai kyunki usne usse haath aur muh se awaj nikalte hue dekh liya tha, Arjun Aisha ko dekhke wink karta hai, Aisha murmuring, "Isko exam time mein bhi yeh hi sujta hai kya??", uske baad Aisha apne paper mein busy ho jati hai aur Arjun bhi.
Note :- Aisha ne Arjun ke upar yeh prank ke liye mobile se recorded sound bajayi thi, kyunki woh haath se awaz karti toh koi na koi dekh hi leta.
Aisha ka Arjun pe ussi ka prank no. 3
Amit Malhotra, college ka President aur bohat hi charming personality hai, par woh kisi ko bhi bhaav nahi deta, uske birthday party mein uske batch ki saari ki ladhkiyaan aa aake usse sharmate hue puch rahi hai, "Ki woh kaisi lag rahi hai"
Amit pehle pehle toh sab ko ache se jawab deta hai, lekin baad mein woh chid jata hai sab pe, usko samajh nahi aa raha hai ki sab ladhkiyaan usse kyu puch rahi hai, upar se sab ne red color ka dress kyu pehna hua hai, ek do ladhkiyoon se baat karne ke baad usse pata chalta hai ki kisi ne uske naam se uske batch ki saari ladhkiyon ko ek letter bheja hai, jismein woh yeh kehta hai ki usse woh bohat pasand hai, agar woh bhi usse pasand karti hai toh aaj ki party mein red color ka dress pehenke aaye, Amit samajh jata hai ki kisine uske saath mazak kiya hai, lekin kisne??
Amit bohat koshish karta hai lekin usse pata nahi chalta ki letter kisne bheje, usne party mein hi clarify kar diya hai ki letter usne nahi bheje the.
Ussi party mein Aisha aur Arjun bhi hai, Aisha counter pe cold drink lene ke liye khadi hai, tabhi Arjun bhi aata hai, uske face pe bohat badi smile hai, Aisha to Arjun, "Tumne yeh sab karke kya milta hai??"
Arjun confusingly, "Matlab kya hai tumhara??"
Aisha, "Meine tumhe aaj college mein bohat saare colored papers aur envelops ke saath dekha tha, tum papers ko fold karke unn envelopes mein daal rahe the, aur yahan sab jaante hai ki kisine Amit ke naam se girls ko letters bheje hai, toh obviously yeh kaam tumhara hi hai".
Arjun haste hue, "I am impressed...tum kafi achi jasoos ban sakti ho...not bad haan"
Aisha koi jawab nahi deti, woh apni drink leke wahan se jane wali hoti hai tabhi, Arjun "Miss Kapoor"
Aisha palatke usko dekhti hai, Arjun uske pass aake continue karta hai, "Tum itni samajhdaar toh ho ki apna muh band rakho"
Aisha Arjun ko gusse se dekh rahi hai, Arjun hass raha hai, "Am I right aur Am I right"
Aisha gusse mein wahan se chali jati hai. Yeh baat sirf Arjun aur Aisha ko hi pata hoti hai ki letters Arjun ne bheje the, Aisha kisi ko nahi batati iss bare mein kyunki who Arjun se kisi tarah ka panga nahi lena chahti.
Note :- Aisha ne letters ki jagah mail bheje, aur usne iss baat kya pura dhyan rakha ki mail mein aisa kuch bhi nahi likhe jisse Arjun ki reputation kharab ho.
Aisha ka Arjun pe ussi ka prank no. 4
Professor Priyadarshi, ek din pure college ke samne Arjun ka danthe hai, jabki iss baar Arjun ne kuch nahi kiya hota hai, college ke samne toh Arjun kuch nahi bolta par Arjun chup bhi toh nahi reh sakta.
Usko dhantne ke baad Professor staff room mein chale jate hai, humgama dekhne ke baad baki sab bhi apne kaam kaam lag jate hai, Arjun ko pata hota hai ki Professor Chemistry lab jane wale hai.
Arjun unse pehle lab ke bahar pahuncta hai, Arjun lab ke bahar khade hokar sab taraf check kar raha hai ki koi usse dekh toh nahi raha, ussi time jis corridor mein lab hai uske samne wale corridor mein ek bench pe baithke Aisha padh rahi hoti hai, woh Arjun ko chemistry lab ke bahar dekhti hai, Aisha murmuring, "Yeh Arjun chemistry lab ke bahar kya raha hai, management ke student kab se chemistry padne lag gaye??"
Tabhi Arjun Aisha ko usse questioning nigaho se dekhta hue pakad leta hai, kyunki dono alag alag corridor mein hai isliye koi kuch bol nahi sakta, Arjun usko wink karta hai aur lab mein guss jata hai.
Aisha confusion mein hai ki yeh karne kya wala hai, usse curiosity ho rahi hai ki woh wahan jake dekhke ki kya kar raha hai, par Arjun ke dar se jati nahi hai.
Arjun lab mein gusne ke baad soch raha hai ki kya kare, tabhi uski nazar samne likhe board pe padti hai, jispe likha hai, "Don't enter without permission"
Arjun haste hue ussi cabin mein jata hai, usse wahan bohat saare chemicals dikhte hai, sab pe note bhi likhe hue hai, par kuch samajh nahi aata kyunki woh science ka student nahi hai, lekin ek note jo ek cylinder pe laga hua hai usse samajh aata hai jispe likha hua, "Laughing gas"
Arjun usse uthake cabin se bahar lata hai aur rakh deta hai, saath mein uski seal bhi tod deta hai, uske baad Arjun lab se bahar aa jata hai.
Bahar aate hi sabse pehle woh aas pass dekhta hai, corridor mein koi nahi hota, phir woh samne wale corridor mein dekhta hai jahan se Aisha usko gur rahi hai, Arjun uski curiosity samajh jata hai aur wahan se hasta hua chala jata hai.
Aisha murmuring, "I am sure isne andar kuch na kuch gadbad jaroor ki hai...par kya aur kyu??"
Thodi hi der mein Professor Priyadarshi lab mein enter hote hai, Aisha unko enter hote hue dekh leti hai, aur apne ears pe haath rakh leti hai, usko lagta hai ki Professor abhi chilate hue bahar aayenge, par hota kuch aur hi hai, aur Proffessor jor jor se haste hue bahar aate hai, unko iss tarah hasta hua dekh sab log heran hai, Aisha bhi heran hai, uska muh shock se khula hai, tabhi wahan Arjun aata hai aur bolta, "Muh band kar lo warna makki gus jayegi"
Aisha immediately apna muh band kar deti hai, isse pehle Aisha kuch puche Arjun hi bol deta hai, "Laughing gas ka asar hai"
Pehle Aisha ko kuch samajh nahi aata, Arjun bhi uske confusion ko samajhke usko Professor ki taraf dekhne ka ishara karta hai, Aisha Professor ko dekhti hai phir Arjun ko, tab usse samajh aa jata hai ki Arjun ne andar jake kya kiya hoga.
Aisha apna sir disbelief mein hilati hai, isse pehle Arjun kuch bole, Aisha, "Meine kuch nahi dekha" Arjun usko winning smile pass karta hai, aur Aisha wahan se apni books aur bag leke chali jati hai.
Flashbacks End
Arjun FBs se door open hone ki sound se bahar aata hai aur dekta hai ki Sameer aaya hai, Sameer door se hi, "Meine Shree se keh diya yeh pata karne ki liye ki kahi tumharu mail ID kisine hack toh nahi ki hai"
Arjun, "Uski jaroorat nahi hai"
Sameer confusingly, "Kyu??'
Arjun confidently, "Kyunki mein janta hoon yeh harqat kaun kar sakta hai"
Sameer Arjun questioning nazaro se dekhta hai but Arjun apni hi soch mein hai, woh apni chair turn kar leta hai, Sameer samajh jata hai ki Arjun usko batana nahi chahta isliye woh wahan se chala jata hai.
Kuch der baad Arjun apne cabin se bahar dekhta hai, lekin usko Aisha kahin nazar nahi aati, Arjun Aisha ke mobile pe call karta hai, fourth ring pe Aisha call pick up karti hai, Aisha "Hello...yes sir"
Arjun ko Aisha ke piche se kuch shor aur music sunai deta hai, Arjun, "Aisha kahan ho iss waqt??"
Aisha, "Sir...woh mein kisi kaam se Rainbow Bar mein aayi thi"
Arjun, "Thik hai...office aao tab ek baar mujhse mil lena"
Aisha, "Kuch kaam tha sir??"
Arjun, "Haan..."
Aisha, "Boliye sir"
Arjun, "Phone pe nahi...aame same baat karni hai"
Aisha ko samajh nahi aata, but kyunki woh uss waqt kam ke liye bar gayi hoti hai, "Yes sir...bye" bolke phone cut kar deti hai.
Aisha pura din office nahi aati, next day Chotu sabko batata hai ki, Robin ka business partner Pune mein missing ho gaya hai, uski wife ne complain likhai hai, isliye next day early morning puri team ko Pune ke liye nikalna padta hai.
Team by road nikalti hai SUV mein, lekin aade raste pe ek sun saan area mein gadi band ho jati hai, sab log koshish karte hai lekin car start nahi hoti, as woh kafi sunsan area hai toh unko koi lift bhi nahi milti, yeh decide hota hai woh log gadi ko dhaka lagayenge, Shree map se pata karta hai ki 2 km ki duri pe garage hai, saare boys gadi ko dhaka laga rahe hai, Sakshi driving seat pe hai, Aisha-Liza gadi ke saath chal rahe hai, dono koshish bhi karte hai dhaka marne ki lekin ladke being the gentlemen unhe mana kar dete hai.
Kuch hi der mein woh log garage pahunch jate hai, lekin sabhi ladko ke kapde pasine aur mitthi se kharab ho jate hai, garage ka malik unn logo ko kapde change karne ke liye bolta hai, sabse pehle Sameer jata hai, phir Chotu, phir Shree aur last mein Arjun, kyunki bathroom chota sa hota hai wahan kapde rakhne ki jagah nahi hoti isliye jo andar jata hai usse baad mein bahar se koi kapde deta hai, sab kuch thik chal raha tha, gadi bhi thodi der mein thik hone wali hoti hai tabhi Arjun bathroom se Shree ko awaj ko lagata hai aur usse uske kapde dene ke liye bolta hai, sab log wahin baithe hote hai aur chai pi rahe hote hai, Shree Arjun ka bag kholta hai Arjun ke kapde nikalne ke liye.
Lekin bag ke andar ka nazara dekhke Shree ki aankhen almost bahar aa jati hai, baki sab log apni apni baton mein ghum hai, tabhi Arjun phir se Shree ko bathroom ke andar se awaj lagata hai, iss baar sab log pehle bathroom phir Shree ko dekhte hai, Shree puri tarah shock mein khada hai, Chotu bhi Shree ko awaj lagata hai lekin Shree sunta nahi hai, isse pehle Arjun ek aur baar awaj lagaye Chotu Shree ke pass pahuncta hai, aur bag mein se kapde nikalne ke liye bag ke andar dekhta hai, Chotu ka bhi woh hi haal hota hai jo Shree ka hai, iss baar Arjun andar se jor se Shree ko bulata hai, lekin phir bhi Shree-Chotu hosh mein nahi aate, Sakshi-Liza-Sameer ko kuch samajh nahi aata, kyunki Sakshi Shree-Chotu ke sabse pass hoti hai isliye iss baar woh jati hai, lekin bag ke andar dekhte hi usko chakkar aane lagte hai par kyunki tab tak Sameer aur Liza bhi wahan pahunch chuke hai woh Sakshi ko pakad lete hai, Liza Sakshi ko sambhalti hai aur Sameer Shree-Chotu ko literally dhaka marke wahan se hatata hai taki woh dono hosh mein bhi aa jaye aur usko kapde nikalne ke liye jagah bhi mil jaye.
Lekin bag mein dekhte hi Sameer ke bhi hosh udd jate hai, kyunki Arjun bahar kya ho raha hai woh nahi dekh sakta isliye usse bohat gussa aata hai aur woh gusse mein bohat jor se Shree ko bulata hai, uski awaj sunke sab dar jate hai, Shree-Chotu-Sakshi ka buss chale toh zameem khodke usmein dafan ho jaye.
Wahin Sameer ka para bhi high ho jata hai aur woh pura bag uthake Arjun ko de deta hai, Sameer, "Yeh lo...jo tumhari marzi aaye pehen lo"
Arjun ko samajh nahi aata lekin woh Sameer se bag le leta hai, woh bina dekhe haath mein jo aata hai usse nikal leta hai, lekin jab woh use pehne ki liye dekhta hai toh uske haath mein uska shirt nahi balki ek red color ki lingerine hoti hai, jisse dekh ke Arjun, "What the hell?"
Arjun ki aankhen almost bahar aa chuki hai, woh apne bag mein dekhta hai toh usse lehenga chuni, salwar suit, mini skirt with short top, aur pata nahi kya kya dikhta hai, jisse dekhke Arjun shock mein hai, woh check karta hai kahin bag toh galat nahi hai, but woh bag ussi ka hai, Arjun, "Mere bag mein yeh sab kahan se aaya??"
Kuch hi seconds mein woh samajh jata hai, aur uske dimag mein ek hi naam aata hai, "AISHA"
Note :- Arjun ne college ke tour pe yeh hi harqat ek student ke saath ki thi aur Aisha ko pata hota hai lekin uss student ne woh bag akele mein khola tha aur yahan Arjun ka bag sabke samne khul raha hai.
Arjun gusse mein khud se, "Tum ab apni limit cross kar rahi ho Aisha...aur inn sabke jawab tumhe dena padega".
Tabhi bahar se Rathod bolta hai, "Rawte agar tum inmein se kuch pehna chahte ho toh pehen sakte ho...lekin agar irada badal jaye toh yeh mere kuch kapde bahar rakh raha hoon pehen lena."
Rathod janta hai ki yeh kapde Arjun ke bag mein kisi aur ne dale hai but sawal hai kisne?
Wahin Aisha kisi kone mein chupke yeh sab dekh rahi hai aur bohat koshish kar rahi hai ki jor se na hasse, morning mein jab sab log office mein Pune jane ke liye ikatte hote hai tab sab ke pass ek ek bag hota hai, lekin Aisha ke pass do bag hein ek uska khud ka aur dusre mein woh saman jo usse Arjun ke bag mein dalna hai lekin dusra wala bag woh sabki nazaro se chupake rakhti hai, mauka milte hi woh dusra wala baki saare bag ki ke niche rakh deti hai taki kisi ki nazar mein na aaye.
Jab sab log raste mein kuch khane pine ke liye rukhte hai, Aisha mauka pa kar Arjun ke bag ke kapde dusre wale se badal deti hai, uske baad car kharab hoti hai aur jab Arjun fresh hone ke liye bathroom jata hai tab woh puri koshish karti hai ki kisi tarah bag wapas badal de, SUV ki keys Rathod ke pass hoti hai, woh kisi bahane se Rathod se keys toh le leti hai lekin jab woh kapde exchange karne ke liye bag ki chain open karti hai Sakshi wahan aa jati hai aur Aisha ke laakh koshish karne pe bhi woh wahan nahi jati, as Sakshi Aisha ko Rathod ke naam se ched rahi hai isliye usse lagta hai Aisha usse pareshan hoke usse wahan se bhagane ki koshish kar rahi hai, isliye woh wahan se nahi jati.
Tabhi wahan Shree aa jata hai aur wahan se Arjun ka bag le jata hai aur Aisha kuch nahi karpati. Aisha Sakshi ko bolke ki usse koi phone karna hai wahan se chali jati, Sakshi knows ki Aisha jhoot bol rahi hai but usse lagta hai ki Aisha sirf usse picha chudane ke liye gayi hai but asal mein Aisha wahan se isliye gayi kyunki usse pata tha jo bhi bag kholega uska reaction kaisa hoga aur woh apni hassi nahi rok payegi.
Aisha murmuring, "Sorry Arjun...par mujhe nahi pata tha ki yeh bag sabke samne khulega, par kher jo hua woh acha hi hua".
Aisha ne sab kuch dekha hai, Shree-Chotu ka shock hona, Sakshi ka almost behosh hona aur Rathod ka Arjun ko apne kapde dena.
Kafi der tak hasne ke baad usne apni control kar li hai aur ab woh sabke pass jake baith chuki hai.
Arjun Rathod ke diye hue kapde pehenke bahar aata hai, bahar aate hi woh sabse pehle Aisha ko dundta hai aur usse woh Shree-Choti-Sakshi-Liza ke pass dekhta hai, sab log time pass kar rahe hote hai, Rathod Arjun ko Aisha ko gurte hue dekh leta hai lekin usse kuch samajh nahi aata, tabhi Rathod ka phone bajta hai, phone pe baat karne ke baad woh sabko chalne ke liye bolta hai aur sab Pune ke liye nikal jate hai.
Pune pahunchne ke baad Arjun kisi tarah se apne kapde arrange karta hai aur do din mein case solve ho jata hai, lekin inn do dino mein Arjun ko Aisha se baat karne ka mauka nahi milta.
Saari formalities puri hote hote kafi late ho jata hai isliye woh log subah nikalne ka sochte hai, jis guest house mein puri team rukhi hui hai Arjun uski terrace pe khada hai, Arjun ne call karke Aisha ko bhi wahan bulaya hai.
***************************
Reviews please...😳😳😳
Edited by Snehajain - 10 years ago
Real Estate
Fan Fictions
103