Note :- I have not focused on case & its details. And their is some problem with Font & its size, I tried to correct it but was unable to do so.
ETF office
ETF team ek murder case investigate kar rahi hai, case ek couple ka murder case hai Mrs & Mr Robin, sab log crime scene se abhi abhi laute hai aur conference room mein baithe hai.
Sameer, "Chotu Robin ke business revials ke baare mein pata karo"
Chotu, "yes sir", bolke conference room se chala jata hai.
Sakshi, "Sameer I think meine pehle bhi aisa ek murder case dekha hai but mein pehle confirm kar leti hoon phir batati hoon", itna kehkar Sakshi bhi chali jati hai.
Arjun, "Shree Robin aur uski wife ke call records aur bank details nikalo", Arjun ka sentence khatam hota hai ki Aisha conference room mein enter hoti hai,
Sameer, "Aisha tumhara kaam hua??"
Aisha, "yes sir, khabri ne sahi information di thi, Mahtre pakda gaya hai, usse local police ke pass bhej diya hai, ab bass wob apna muh khol de aur apne upar ke logo ka naam bata de"
Sameer, "Don't worry Mahtre jaise logo se sach ughalwana police ko achi tarah aata hai"
Aisha, "Hope so", itna kehkar Aisha Shree ke pass baith jati hai aur SamJun apne apne cabin mein chale jate hai. Aisha Shree se case ke bare mein puchti hai aur Shree usko case details batata hai.
Arjun ke haath mein ek file hai aur woh use padte hue apne cabin mein enter hota hai, Arjun apni chair pe jake baitha hai aur uske baithne se ek awaz hoti hai, jo ki bache ke khilone jaisi awaz hoti hai, Arjun ko apne neeche kuch hone ka ehsaas hota hai, woh khada hoke dekhta hai aur usse apni chair pe toy dikhta hai tweety wala, jispe baithne ki wajah se awaz hui thi, Arjun use apne haath mein leta hai, Arjun, " Yeh yahan kisne rakha hoga??"
Arjun khud se hi baat karte hue bolta hai ki, "Sakshi...iss ladki ke alawa iss office mein aisa aur koi kar bhi nahi sakta"
Arjun apne sir disbelief mein hilake toy ko apne drawer mein rakh deta hai, Arjun ko aisa karte hue bahar se koi dekh leta hai aur uske face pe smile hai.
Aise hi saara din nikal jata hai aur sab apne apne ghar chale jate hai.
Next day, in morning, sab log aa chuke hai except Arjun, sab conference room mein baithe hai, isse pehle koi kuch bole Arjun bhi aa jata hai, usse dekhke Sameer, "Rawte, kahan the ab tak, sayad tum office ka timing bhool gaye ho"
Arjun bina Sameer ki taraf dekhte hue apni chair ki aur bad raha hai aur reply bhi kar raha hai, "Mujhe ache se pata hai ki office ka timing kya hai but Sir aapki jankari ke liye bata doon commissioner sir ne mujhe bulaya tha, isliye late ho gaya"
Isse pehle ki Sameer kuch bole Arjun hi bol deta hai, "kya ab hum case discuss kar sakte hai"
Ab tak Arjun apni chair tak pahunch chukka hota hai, jaise hi woh apni chair pe baitha hai, phir se ek awaz hoti hai, jisse sunke sab log except Sameer, Arjun ko dekhte hue face banate hai aur sabke haath unke naak pe hai kyunki jo awaz hui woh gas pass hone ki thi, Arjun ko samaz nahi aata ki yeh awaz aayi kahan se jab woh idhar udhar dekhta hai toh sabke expression aur kyunki sab log uski taraf dekh rahe hai Arjun samajh jata hai ki sab logo ko yeh hi lag raha hai ki yeh awaz usne ki hai, Arjun sabka doubt clear karne ke liye bolne hi wala hota hai ki uski nazar Sameer pe padti hai, jisne apna sir almost file mein hi ghusa diya hai, Arjun samajh jata hai ki Sameer file ke andar hass raha hoga, ab agar usne clarify karne ki koshish ki toh sab ka doubt confirm ho jayega jabki awaz usne nahi ki hai, isliye woh decide karta hai ki woh kuch nahi bolega.
Itna sochne ke baad jab Arjun baki sab ki taraf dekhta hai toh sab log apne samne rakhi hui file ko dekh rahe hai aur sabke haath unke naak pe hai, tabhi Liza conference room mein enter hoti hai aur sabko iss tarah dehke Sakshi se ishare se puchti hai ki kya hua, Sakshi koi jawab de usse pehle Arjun Liza se puch leta hai, "Kaise murder hua hai??"
Liza, "Sir, murder zeher se hua hai, aur yeh zeher bohat hi asani se market mein mil jata hai"
Sameer ab tak apni hassi rok chuka hai aur Liza se puchta hai, "Khooni ke bare mein koi clue mila??"
Liza na mein sir hilate hue, "nahi sir"
Arjun Shree se puchta hai, "Shree Mrs & Mr Robin ke call records se kuch pata chala"
Shree apna haath naak pe se hatake bolta hai, "No sir, kuch khaash nahi mila aur bank records mein bhi kuch problems nahi hai"
Sameer Chotu se, "Chotu tumhe kuch mila??"
Chotu, "haan sir, Robin ka business kuch jyada bada nahi tha lekin pehle yeh business partnership mein tha kisi Mayur Sinha ke saath, abhi kuch time pehle hi Mayur ne partnership todh di thi"
Arjun, "Partnership todne ki koi khas wajah??"
Chotu, "Pata nahi sir, iski actual wajah kya thi yeh toh bahar nahi aayi, par logo ka kehna hai ki Robin aur Mayur ki beech kuch jhagda ho gaya tha jiski wajah se Mayur ne partnership todh di"
Aisha, "Aur yeh Mayur iss waqt kahan hai??"
Chotu, "Pata nahi sir, partnership todhne ke baad Mayur aur uski biwi kahan gaye koi nahi janta, meine apne khabiryon ko bol diya hai jaise hi kuch pata chalta hai mein batata hoon"
Tabhi Sameer ka mobile bajta hai, Sameer phone pe baath karne ke liye wahan se uthke chala jata hai. Arjun bhi wahan se uthke chala jata hai.
Arjun ke jaate hi, sab log aaram se relax hoke baithe jate hai, tabhi Liza puchti hai, "Tum logo ne muh kyu banaya hua tha??"
Aisha puchti hai, "Kab??"
Liza, "Arey abhi, jab mein conference room mein aayi thi"
Sab ko woh scene yaad aa jata hai aur apne aap Shree-Aisha-Sakshi ke faces pe yuk wala expression aa jata hai, par Chotu ki haasi fut padti hai.
Chotu ko hastha hua dekh sab confuse ho jate hai, Liza ko samajh nahi aata ki woh hass kyu raha hai, Aisha Chotu se puchti hai, "Chotu...tum hass kyu rahe ho??"
Chotu casually reply deta hai, "Arey yaar simple si baat hai ke Arjun sir ka pet kharab hai"
Shree faces banata hua, "Haan...lekin sir ko medicine leke aana chahiye na...aisa hawa ko dushit nahi karna chahiye"
Chotu Shree ke gale mein haath dalte hue, "Oh ho...tu kyu itna ubal raha hai...aur waise bhi agar himmat hai toh ja...sir ko medicine deke aa"
Shree, "Abbe Bheem...tune kya mujhe pagal samjha hai jo mein sher ke muh mein haath dalne jaunga"
Liza, "Tum log kya baat kar...aakir hua kya hai"
Shree, "Liza tum sach mein tube light ho...tumhe abhi bhi samajh nahi aaya ki kya hua hoga"
Isse pehle Liza kuch bole aur Shree-Liza ka jhagda start ho, Chotu bol padta hai, "Waise Shree baath toh teri sahi hai, sir ko aise hawa dushit nahi karni chahiye, dekh na hum abhi bhi ussi hawa mein khade hai aur saans bhi le rahe hai matlab humari saans ke saath woh gandi wala hawa bhi humari body mein ja rahi hai, (tabhi Sakshi yawn karti hai, Chotu use dekh leta hai) aur abhi bhi Sakshi ne ubasi(yawn) kiya means ke usne apne muh se hawa ko andar kicha..."
Isse pehle Chotu aage kuch bole Aisha aur Sakhi saath mein jor se "Yukk" chilate hai aur Chotu ko ek ek maar ke bahar chale jate hai, unke piche piche Liza bhi chali jati, Chotu-Shree ko dekhta hai aur dono khulke haste hai.
Lekin Arjun inn sabki yeh saari baate sun leta hai kyunki woh conference room mein file lene ke liye wapas aata hota hai.
ETF ke pass cases ki kami nahi hoti aur kaam ki bhi, sab apne apne kaam mein busy ho jate hai.
Next day
Shree apne laptop mein kuch kaam kar raha hai, Sakshi abhi tak office nahi aayi hai, Chotu local poice station gaya hua hai, Liza apni lab mein hai aur SamJun apne apne cabin mein.
Aisha Sameer ke cabin pe knock karti hai, Sameer usse andar aane ki permission deta hai.
Aisha file aage badhte hue, "Sir aapke signature chahiye"
Sameer usse file leta hai aur usse padne lagta hai, Aisha notice karti hai ki Sameer kuch pareshan hai, thodi hi der mein Sameer file pe sign karke Aishako de deta hai.
Aisha file lete hue Sameer se puchti hai, "Kya hua sir...aap kuch pareshan lag rahe hai"
Sameer, "Haan ...woh kuch problems ho gayi hai"
Aisha puchti hai, "Kaise problems sir??"
Sameer, "Kuch khas nahi...you don't worry...tum bas Arjun ko jaldi se mere cabin bhej do"
Aisha samajh jati hai ki Sameer usse matter nahi bata sakta isliye kuch nahi bol raha hai, woh haan mein sir hilake cabin se bahar chali jati.
Aisha Arjun ke cabin pe knock karti hai, Arjun usko andar aane ki permission deta hai, Arjun apne laptop pe aur 5-6 files se kuch kaam kar raha hota hai, Aisha, "Sir...aapko Rathod sir urgently bula rahe hai...I think kuch serious problem hai...woh kuch pareshan se lag rahe hai"
Yeh sunke Arjun apna sir laptop se uttake Aisha ki taraf dekhta hai aur puchta hai, "Kaisi problem??"
Aisha shrug her shoulder indicating she don't know, Arjun file ko band karne lagta hai tabhi Aisha bolti hai, "Sir aap jaiye...mein saari files close kar deti hoon"
Arjun haan mein sir hilata hai aur apni gun, mobile leke Sameer ke cabin mein chala jata hai.
Sameer ke cabin mein kya baat hoti hai kisiko nahi pata aur thodi der mein dono office se ek saath nikal jate.
Raat ke 9 bajh chuke hai par SamJun abhi tak wapas nahi aaye hai, sab log apna apna kaam khatam karke ghar chale jate hai.
Next day
Sab log office aa chuke hai except Arjun, aaj office ka mahol bhi kuch ajeeb sa hai, kafi log rather saari girls kafi khush hai, par ek bohat hi ajeeb baat bhi hai, ajeeb yeh hai ki saari girls aaj red color ke kapde pehenke aayi hai aur yeh baat Sameer ko samajh nahi aa rahi hai.
Tabhi Sakshi Sameer ke cabin mein enter hoti hai, Sakshi ko apne articles se related Sameer se kuch baat kari hoti hai, baat khatam hone ke baad Sakshi nikal hi rahi hoti hai ki Sameer use puchta hai, "Sakshi...aaj kuch khash hai kya??"
Sakshi, "Khash...nahi toh aisa kuch nahi hai"
Sameer, "Are u sure??"
Sakshi, "Sameer tum puchna kya chahte ho saaf saaf pucho...mujhe kuch samajh nahi aa raha hai"
Sameer, "Mein sirf yeh puchna chahte hoon ki aaj koi specific day hai kya, jaise rose day, valentine's day hota hai, waise hi red day"
Sakshi ab tak puri tarah se confuse ho chuki hai, "Kya bol rahe ho Sameer??"
Sameer Sakshi ko cabin se bahar dekhna ka ishara karta hai, Sakshi bahar dekhti hai lekin use kuch khash nazar nahi aata, woh wapas Sameer ko dekhti hai, Sameer samajh jata hai ki use abhi bhi kuch samajh nahi aaya hai isliye woh khud hi bol deta hai, "Aaj office ki saari females ne red color ka dress kyu pehna hai??...yahan tak ki tumne bhi red color ki kurti pehen rakhi hai"
Yeh sunke Sakshi pehle toh confuse hoti hai, phir bahar ki taraf dekhti hai, sach mein saari females ne red color ka dress pehene hua hai, kuch seconds ke liye Sakshi isko light li leti hai, phir ek dum se usse kuch yaad aata hai aur woh pareshan ho jati hai, Sameer yeh notice karta hai aur puchta hai, "Kya hua??...kahin tum logo ne aaj koi dress code toh nahi rakha hai na??"
Sakshi, "Nahi Sameer aisa kuch nahi hai...woh bus aise hi...itefaaq se ho gaya hoga"
Isse pehle ki Sameer aur kuch bole ya puche, Sakshi , "Mujhe kuch kaam hai...mein chalti hoon"...itna kehkar woh cabin se bahar nikal jati hai.
Sakshi bahar aake saari girls ko observe karti hai...par use samajh nahi aa raha hai ki aisa kaisa ho sakta hai...usne red color ki kurti peheni hai iske piche ek wajah hai...par baki sab ne red color ka dress kyu pehena hai.
Sakshi Aisha se puchne ka sochti hai kyunki usne bhi red color ka top pehena hua hai, woh Aisha ko dundti hai...par Aisha use kahin dikhai nehi de rahi hai...tabhi wahan se Neha nikal rahi hoti hai...Sakshi use rokhke puchti hai, "Aisha kahan hai Neha??"
Neha, "Aisha mam toh interrogation room mein hai...woh Mahtre wale case mein kisi ko interrogate kar rahi hai"
Sakshi, "Oh ok"
Neha Sakshi ko smile pass karti hai aur nikalne wali hoti hai, tabhi Sakshi usko phir se rok leti hai aur puchti hai, "Neha...woh...tumne aaj yeh red suit kyu pehena hai"
Neha yeh sunke thodi ghabra jati hai, Sakshi yeh notice karti hai par Neha cover up karne ke liye bolti hai, "Kuch nahi Maam...bus aise hi...aaj mann hua isliye pehen liya"
Sakshi kuch puchne wali hoti hai tabhi Neha ka phone bajta aur woh wahan se chali jati hai. Sakshi ko kuch samajh nahi aa raha hai tabhi woh Aisha ko interrogation room se bahar aate hue dekhti hai, Sakshi sida Aisha ke pass jati hai, Aisha uss waqt Chotu se kuch baat kar rahi hoti hai, Sakshi ko wahan dekhke Aisha ruk jati hai aur Sakshi ko questioning nigaho se dekhti hai, Sakshi "Aisha mujhe tujhse kuch baat karni hai", isse pehle Aisha kuch bole Sakshi Aisha ka haath pakad ke usse cafeteria ki taraf khichti hai, Aisha samajh jati hai ki baat kuch serious hai woh Chotu ko baad mein baat karne ka ishara karti hai.
Chotu Shree ke pass aata hai aur usse kisi gehri soch mein pata hai, Chotu Shree ko hilate hue puchta hai, "Kya soch raha hai"
Shree, "Chotu tune aaj ek baat notice ki"
Chotu, "Kya??"
Shree, "Yeh ki aaj office ki saari ladhkiyo ne lal dress pehena hua hai"
Chotu apne charo taraf dekhta hai, "Haan yaar...baat toh teri sahi hai"
Shree, "Par sawal hai kyu??"
Chotu shrug his shoulder indicating he also don't know.
Meanwhile in cafeteria
Aisha, "Sakshi kya hua?? Tu mujhe aise kyu leke aayi hai???"
Sakshi ignore her question & ask, "Tumne aaj red color ka top kyu pehna hai??"
Aisha yeh sawal sunke palat jati aur ab Aisha ki back Sakshi ki taraf hai aur mann hi mann Aisha bohat khush ho rahi hai, "Woh...aise hi...kyu nahi pehen sakti kya?"
Sakshi, "Yeh mere sawal ka jawab nahi hai"
Isse pehle ki Aisha kuch bole Sakshi bol padti hai, "Aisha...aaj office mein saari ladkiyon ne red color ka dress pehena hua hai...yahan tak ki tune aur meine bhi"
Aisha instantly reply karti hai, "Toh kya hua??"
Sakshi kuch nahi bolti, kuch hi seconds mein Aisha ko baat samajh aa jati hai ki Sakshi kya kehna chahti hai, woh palat ke Sakshi ko dekhti hai, Aisha ke expressions se Sakshi samajh jati hai ki Aisha ko bhi sab samajh aa chukka hai, Sakshi, "Tumhe bhi mail mila tha"
Aisha nervously, "Haan...issi liye toh red top pehena hai"
Yeh sunte hi Sakshi ka gussa saatve aasmaan mein pahunch jata hai, aur woh wahan se gusse main chali jati hai.
Sakshi gusse mein Shree ki table pe pahuncti hai jahan pe Chotu bhi present hai, Sakshi ko itne gusse mein dekhke Shree, "Kya hua Sakshi...tu itne gusse mein kyu hai"
Tabhi wahan Aisha aa jati hai aur Sakshi ko bolti hai, "Sakshi...I am sure kuch misunderstanding hui hai"
Sakshi Aisha ko gusse wala look deti hai, Aisha samajh jati hai usse kuch bhi samjhane ka matlab nahi hai, Aisha, "Sakshi...hum ek baar sir se direct baat karni chahiye"
When Sakshi gives her irritated look, Aisha replies, "I am sure unke pass koi na koi justification jaroor hoga"
Shree-Chotu dono ki baatein sunke sirf aur sirf confuse ho rahe hai, dono mein se koi bhi kuch bolne ka sochta bhi hai toh Sakshi ke ek look se dono chup ho jate.
Tabhi Arjun office mein enter hota hai, usse dekhke Sakshi ko aur gussa aata hai, Aisha ne kisi tarah uska haath pakad ke usko rok rakha hai.
Arjun office mein enter hote hi sabse pehle sabki red dresses notice karta hai, phir uski nazar Sakshi aur Aisha pe aati hai, Sakshi Arjun ko gussa wala look de rahi hai, jaise ki abhi ke abhi usko maar dalegi, Arjun ko kuch samajh nahi aata, par woh Sakshi ko ignore karta hai aur Sameer ke cabin mein chala jata hai.
Arjun ko sab kuch ignore karta dekh, Sakshi bhi apna haath Aisha se chudhake Arjun ke piche piche Sameer ke cabin ki taraf badti hai, aur Sakshi ke piche Aisha bhi.
Arjun aur Sameer just baithe hi hote hai aur isse pehle dono mein se koi kuch bole, Sakshi bina knock kiye enter hoti hai, aur uske piche Aisha bhi.
SamJun dono ko questioning nazaro se dekhte hai, par Sakshi sirf aur sirf Arjun ko gusse wale look de rahi hai, Sameer ko kuch samajh nahi aata woh Aisha ko ishare mein puchta hai ki "kya hua", Aisha kuch reply de usse pehle hi Sakshi bolna start karti hai, "Tum aisa kaise kar sajte ho Arjun...itni cheap harqat tum kaise kar sakte ho??"
Arjun was shocked with the acquisition, isse pehle ki woh kuch bol paye Sakshi bilkul uske samne khadi ho jati hai, Sakshi ki ankhen gusse se lal bhi hai aur usmein yeh bhi saaf dikhai de raha hai ki woh kafi hurt hai.
Sakshi, "Mujhe laga the ki tum auro ki tarah nahi ho...jo dikhate kuch aur hai aur hote kuch aur hi hai...but no I was wrong...(Arjun kuch bolne wala hota hai, par Sakshi uski taraf ungli dikhake bolti hai)...and you proved me wrong"
Sameer ko kuch samajh nahi aa raha hai, par woh iss tarah Sakshi ko Arjun pe ilzaam lagate hue nahi dekh sakta, isliye gusse mein bolta hai, "Sakshi...kya bol rahi ho tum...aur yeh kya tarika Arjun se baat karne ka??"
Aisha ko situation ko bigadta dekh Sakshi ko bolti hai, "Sakshi please...hum yahan baat karne aaye hai"
Arjun, "Kaisi baat...(Sakshi ki taraf dekhte hue) aur Miss Anand meine aisa kya kar diya ki tum itna badak rahi ho???"
Sakshi kuch bole isse pehle Aisha bolti hai, "Sir...woh... woh..."
Sameer annoyingly bolta hai, "Kya woh woh kar rahi ho Aisha??"
Aisha, "woh...Arjun sir...kal aapne kuch mail kiya tha??"
Arjun, "Kisse??"
Aisha, "Hum sabko...I mean Sakshi, mujhe aur baki girls ko??"
Arjun, "Nahi...meine kisi ko mail nahi bheja"
Sakshi to Aisha, "Tumhe lagta hai ki yeh ab sach bolega??"
Aisha Sakshi ko ignore karti hai aur bolti hai, "Sir...kal hume ek mail aaya tha...aapki mail id se"
Arjun confusingly reply deta hai, "Par meine kisi ko koi mail nahi bheja"
Sakshi scaristickly bolti hai, "Haan Aisha, hua yeh hoga ki Arjun ki mail ID ko khud se kuch suja hoga...toh usne khud se mail type kiya aur hum sabko bhej diya...(Arjun ki taraf dekhte hue)...right Arjun"
Arjun gusse mein, "Sakshi tum ab had se jyada bol rahi ho"
Sakshi se pehle Sameer gusse se bolta hai, "Stop both of you..."
Sakshi cabin se bahar chali jati hai, Aisha bhi jane wali hoti hai par Arjun usse rok ke puchta hai, "Aisha hua kya hai??"
Aisha ko samajh nahi aata ki kya bole, woh sirf itna bolti hai, "Sir...aap khud apni mail id check kar lijiye" aur cabin se nikal jati hai.
Sameer Arjun ko questioning look deta hai, Arjun "Mujhe nahi pata...yeh dono kis bare mein baat kar rahi thi"...itna kehkar Arjun bhi apne cabin mein chala jata hai. Sameer "Damm it"
Sameer Arjun ka 15 minute tak wait karta hai, par jab woh nahi aata toh woh khud uske cabin mein jata hai. Jab Sameer Arjun ke cabin mein aata hai toh dekhta hai ki woh apni chair pe baitha hai aur khulke hass raha hai. Sameer ko samajh nahi aata ki woh hass kyu raha hai, par kuch hi second mein woh bhi dheere dheer hasne lagta hai, aur thodi hi der mein Arjun ki tarah pagalo jaise hasne lagta hai.
Dono hass bhi rahe aur confuse bhi hai ki dono hass kyu rahe hai, Sameer haste hue puchta hai, "Tum itna hass kyu rahe ho??"
Arjun haste hue reply deta hai, "Pata nahi"
Ab tak Sameer chair pe baith chuka hai, Arjun haste hue bolta hai, "Yeh mail meine nahi kiye hai"
Sameer haste hue, "Kaunse mail"
Arjun haste hue apna laptop Sameer ki taraf modta hai, Sameer padna start karta hai.
Mail ka subject hai, Only for you
Aur message hai,
Yeh sayari sirf aur sirf tumhare liye.
lal mere dil ka hal hai,
lagta tumpe kamal hai,
ye tohfa nahi sawal hai, kya subhash ghai ki picture tal hai.
Agar sayari samajh aa jaye toh reply mat karna, bus isse implement kar dena.
And this mail was sent to every female member of ETF office.
Sameer haste hue gusse mein, ""Yeh sab kya bakwaas hai Rawte??""
Arjun haste hue irritatedly, ""Pata nahimeine yeh mail send nahi kiya hai kisiko bhi""
Sameer haste hue confusingly, ""Tumhare ID se aur kaun mail kar sakta hai??""
Arjun haste hue gusse mein, ""Pata nahi, par jisne bhi yeh gatiya harqat ki hai usse chodunga nahi""
***********************************
Reviews plzzz...
Meine first time hindi mein likha...hope everyone enjoy...😃😃😃
Edited by Snehajain - 10 years ago
Fan Fictions
Anupamaa
103