Naina and Sameer FF- drama sequence Part 6 updated - Page 2

Super update.

YUDKBH: Drama sequence

Part 4: Kaash jhooth ko chupana itna aasan hota...

MunDit ( Munna + Pandit) , SaMunDit ( Sameer + Munna + Pandit), Samiana ( Sameer + Naina ), SwaPreeNa (Swati + Preeti + Naina)

College Garden:

Sameer: Naina ruko.. suno to meri baat...arey kahan jaa rahi ho...

Aur vo daud ke Naina ko pakadta hain aur ghumata hain..

Naina ki aankhein laal ho gayi hain aur bas aasoon behey jaa rahey hain.. Sameer vo dekh ke sirf Naina ko dekhta rehta hain..

Naina: kya sunu tumhari baat Sameer? Ab kutch sunana baaki hain? mujhey laga tha drama mein select na hone ki wajah se tum mujhsey naraz ho...par kyun yeh mujhey nahin maloom tha. Haan shayad pehli baar tumhey rejection mila ho.. isi liye.. aur mainey bhi tumhara saath hi dene ka socha.. par fir Princi ki baat saamney aa gayi aur mainey wahi kiya jo us waqt mujhey sahi laga.. aur mujhey maloom tha ki tum is sab se khush nahin ho. isi liye mainey tumhey thodi jagah di ki tumhari narazagi thodi kam ho jaye aur jaldi se yeh drama khatam ho to bas sab pehle jaisa ho jaaye...

Ab to Naina bas roye jaa rahi hain..

Naina: par lagta hain pehle jaisa kutch bhi nahin hain.. tum is tarah mera dil todogey yeh nahin laga tha mujhey Sameer.. kyun aakhir kyun.. aisa mainey kya kar diya tha .. jo tumhey us Sunaina...tum mujhsey aake baat nahin kar sakte the? Ki kya ho raha hain.. aur kya chal raha hain tumharey maan mein? Kya hum dono mein vo rishta bhi nahin raha? Itni berookhi? Tum mera maan rakhney ke liye mujhsey kutch to keh dete...

Sameer: haan tumhara maan rakhaney ke wajah se yeh sab ho raha hain.. suna tumney...

Naina: accha? To fir yeh Sunaian kya keh rahi thi... jab Aunty ne mujhey pasand kiya hain to mama-mami Sunaina ka rishtey ki baat karney kyun gaye the? Sameer tum mujhsey kutch chupa rahey ho? ya tumney kutch jhooth bola hain...Sameer mein tumsey kutch puch rahi hoon...

Pura Gang yeh sab baatein sunkey shocked hain ki aisi kya baat ho gayi hain ki baat Sunaina ke rishtey take pahonch gayi aur Sameer is tarah se behave kar raha hain..

Sameer: nahin yeh baat sach hain.. Mummy ne tumhey pasand kiya hain... balki sirf pasand hi nahin.. unhey to lagta hain ... tum ek smart intelligent ladki ho...jo practically life ko sochti hain.. aur apney dimag se kaam leti hain. ...jismein zindagi ko jeeney ke saarey guun hain...aur tum bahout acchi ho.. yeh sab mummy ne mujhsey kaha tha.. Mummy ne tumhey sach mein pasand kiya tha... lekin...

Naina: Lekin? Is mein lekin kahan aa sakta hain.. yeh to sab acchi baat hain..

Sameer: Lekin mere liye nahin pasand kiya hain...unkey hisab se hum dono ek dusarey ke liye bilkul thik nahin hain.. hum dono ki jodi kabhi successful nahin hogi.. hum dono saath to ho saktey hain par zindagi saath saath hanstey hanstey bita nahin saktey...

Naina aur pura gang yeh sunkey dang reh jaata hain... Munna to shock ke maare zameen pe baith jaata hain...

Naina: to tumney mujhsey jhooth bolo?

Sameer: to aur kya karta? Main tumhara dil nahin tod sakta .. aur mainey socha waqt rehtey main mummy ko manaloonga.. waise bhi 1 ghantey ki mulakaat mein koi kitna jaan sakta hain dusarey ko... par fir...

Sameer chup ho jata hain aur Vishakha ki baat yaad karta hain: Mummy ne tumhey reject nahin kiya.. mummy ne mujhey tumharey saath reject kiya hain.. unke hisaab se main 19 hoon aur tum 21.. aur is wajah se hum kabhi khush nahin reh sakte.. main apney dil ki baat sochta hoon.. aur hamein jo dil kehta hain wahi karta hoon chahey vo sach ho ya nahin.. aur tum dimag se sochti ho..practically sabhi cheezoin ko dekhti ho... aur unkey hisab se.. hum saath mein khush nahin reh sakte.. aur is drama .. is drama mein wahi hua...

Ab Sameer Naina ke saamney dekh raha hain... aur Naina bhi Sameer ko ek tak dekh rahi hain...

Naina: bolo Sameer main aaj sunna chahti hoon...

Sameer: to suno.. is drama mein pehle tumney part nahin lene ka faisla liya aur fir jab tumhey laga ki practically dimag se socho to yeh thik nahin to tumney uske liye rehersals chalu kardi aur mujhey batana jaroori nahin samjha... aur vo us Kartik ke saath... jisney.. garbe ke waqt... yaad hain kutch kya karney wala tha tumharey naam ke saath... ab achanak Kartik accha ho gaya.. kyun ki tumhey bas tumhara promise hi yaad tha.. tab main kahan gaya Naina? Mere liye pyar vo respect sab kahan gaya? Kitney dinon se hamney thik se baat nahin ki .. aur tumney socha sab drama khatma hone pe sab thik ho jaayega kyun.. aisa nahin hota... saath agar nibhana hain to har waqt nibhana padata hain...aisai nahin jab tumhey sahi lage tum nibhao baki waqt.. Sameer to samaj jaayega... par bas ab mujhey kutch nahin samjhana..

Sameer ka gussa dekh sab aur bhi confused ho jaate hain ki yeh kya ho raha hain...

Sameer: is pure kisse ki wajah se mein Mummy ki baat ko samajh paya hoon.. main yeh nahin kehta ki vo sahi hain.. par hum bahout alag alag hain yeh baat ek dum sahi hain.. aur zindagi main pyar hona jitna jaroori hain utna hi aapsi taalmel bhi jaroori hain.. par tum ho ki.. tumhari soch ke aagey tumhey kutch dikhai hi nahin deta...par ab bas.. main tumsey pyar karta hoon aur jee jaan se karta hoon par iska vo matlab nahin meri koi respect nahin hain... mujhey bhi dukh hua tha jab tumney mujhe dekha undekha kar diya tha...

Naina bas ab wahan se chalney lagti hain...par Sameer to dusari aur mud ke baat kar raha hain...

Sameer: aur haan Sunaina ne jo baat kahi yeh mujhey na to maloom hain nahi interest hain.. main mamaji se bhi yahi kehney wala tha.. par waqt nahin mila aur main khud apney mein hi itna khoya hua tha ki shayad mainey dhyan bhi nahin diya.. Mera aur Sunaina ka rishta kabhi bhi nahin ho sakta samjhi tum..

Aur vo ghoomta hain to dekhta hain.. Naina wahan se jaa chuki hain... aur vo shock ho jata hain..aur vo bhi gusse se dusari aur mud ke chala jaata hain...

---------------------------------------------------------------------------

Naina ka ghar raat mein:

Naina balcony mein khadi khadi bas saari baatein soch rahi hain aur bas roye jaa rahi hain.. Preeti ussey baat karney aati hain to vo uskey saamney bhi nahi dekhti..tabhi Chachaji wahan aate hain...

Anand C: Naina beta kya hua tum aisey ro kyun rahi ho? drama practice mein kutch hua?

Naina to bas unehy galey laga ke roye jaa rahi hain...

Anand C: arey beta jab tak tum apney dil ki baat bataoogi nahin to samajh kaise aayega ki kya hua hain aur main tumhari madat kaise kar sakoonga..

Naina to kutch bol hi nahin paati...

Anand C: hmmm to Sameer ki baat hain.. isisliye tum bata nahin rahi.. koi baat nahin... mujhey maloom hain tum kutch na kutch soch ke baat ko sambhal logi... tum itni smart to ho hi...

Naina: Chachaji bas isi baat ka to rona hain ki main Sameer se smart hoon... aur vo rotey huey wahan se bhaagti hui kamrey mein aajati hain...

Anand C thodi der wahin khade reh jaate hain aur jo abhi Naina ne kaha us pe soch ney lagtey hain... aur jaldhi kutch karney ka thaan lete hain...

--------------------------------------------------

College campus: Drama ka dress reheral day:

Sab auditorium mein aaj gaye hain.. SaMunDit aur gang bhi wahan aate hain.. aur dekhtey hain ki Naina stage pe practice nahin kar rahi..

Sameer: Munna jara jaake puch to Naina kahan hain..

Munna: yeh sahi hain bhai.. jhagda karo tum dono aur ..par Sameer main tujhse sach mein bahout gussa hu Sunaina wali baat ko leke.. aur tujhse baad mein nipat ta hoon..

Munna Kartik se puchata hain Naina ke baare mein... aur wapis aata hain..

Munna: vo Kartik bata raha hain Naina subh subh aake practice kar ke chali gayi uski tabiyat thik nahin thi is liye...dekh Sameer haan Naina ki galti thi shaayad.. par is mein to hum sab ko teri galti jyada lag rahi hain.. samjha... aur vo yeh keh ke wahan se chala jaata hain...

Tabhi Preeti wahan aati hain..

Sameer: Arey Preeti Naina ki tabiyat thik nahin hain? kya hua?

Preeti: maloom nahin.. main jab uthi to vo nikal chuki thi.. aur yahan aake pata chala vo to ghar ke liye nikal gayi thi... ab to ghar jaakey hi pata chale ga.. par ek baat hain Sameer... main maanti hoon Naina ki galti hain aur mainey usey samjhaya bhi tha.. par tum ego issue banaogey is baat ka yeh mujhey nahin pata tha... aur vo bhi wahan se chali jaati hain...

Sameer bas sab ki baatein yaad karkey upset hokey chala jaata hain..

----------------------------------------------------

Drama finale ke ek din pehle..Grand Rehersal day

College campus:

Sameer dekhta hain ki college mein drama ki koi practice nahin ho rahi aur koi dikh bhi nahin raha...vo jaakey JBR se puchata hain..

Sameer: JBR vo sab drama wale kahan gaye?

JBR: hanstey huey... Vo Drama waley jaise achanak aaye the.. waise hi achanak se gayab ho gaye..aur khud hi jor se hanstey hain... bad joke... vo aaj Grand rehersal hain to sab Patel Mahavidyalay gaye hain final practice ke liye... vo sab to subh se gaye hain... tumhey kaise nahin pata...

Sameer yeh sunkey chounk jaata hain ki Naina ne usey kyun bataya nahin: ohhh haa yaad aaya JBR.. Naina ne bataya tha.. par main hi bhul gaya.. thank you.. aur vo class ki aur chala jaata hain

------------------------------------

Class mein:

Pandit: aaj yeh class kutch khali khali nahin lag raha aur Sameer ki aur ishara karta hain..

Sameer: bas karogey tum dono... sab Grand rehersal ke liye Patel MahaVidyalay gaye hain... samjhey..

Munna: bhai wah accha hain tumhey itna to maloom hain...

Tabhi Kartik aur Swati ko aate hue dekhta hain...

Sameer darwaje ki aur dekhney lagta hain aur Naina ko dhoondh raha hain... par vo nahin aati...

Sameer: arey Kartik Naina tum sab ke saath nahin thi?

Karthik: haan vo thi waha pe.. par abhi uski tabhiyat puri tarah thik nahin hain aur kal finals mein ek dum acchi tarah se vo thik ho jaye.. is liye Mr Poonawala ne usey ghar bhej diya aaram karney ke liye...

Sameer yeh sunkey chinta karney lagta hain ki kya hua hain jo Naina ki tabiyat itni kharab hain...aur vo class se nikal jaata hain...

---------------------------------------------------

Sameer ka room:

Sameer Naina ke ghar phone lagata hain to Chachiji phone uthati hain.. aur unki aawaz sunkey vo phone kaat deta hain...

Thodi der baad vo wapis phone lagata hain to is baar Anand C phone uthatey hain.. aur thodi der unki hello hello sunke bhi jab Sameer kutch bolta nahin to...

Anand C: Sameer kya tum bol rahey ho?

Sameer thoda chounkta hain: umm jee chachaji main Sameer hi hoon.. Namaste.. aap kaise ho? ghar pe sab thik?

Anand C: jeete raho.. sab thik hain.. aur tum batao tum kaise ho aur wahan sab thik?

Sameer: jee sab thik hain.. vo Naina... Naina hain wahan..?

Anand C: arey Naina to abhi college se aayi nahin hain.. usney phone kiya tha ki usey aaj thoda late hoga..vo drama ke kaam se kahin gayi hain..

Sameer yeh sunkey gussa ho jata hain... Kartik ko kaha bimar hain aur yeh dekho madam to idhar udhar ghum rahi hain: ohh accha chachaji vo shayad usney bataya tha...main bhul gaya.. thik hain...

Anand C: accha Sameer beta tum abhi free ho thodi der ke liye? Mujhsey milney aa sakogey?

Sameer chounk jaata hain: kyun Chachaji sab thik? Naina ne kutch kaha?

Anand C: nahin nahin vo kahan kutch kahegi... aur vo bhi tum dono ki aapsi baat to definitely nahin kahegi...itna samajhdaar maine banaya hain usko... aur tum to yeh baat jaantey ho .. hain na...? to kya abhi mil sakte ho? main bas kutch kaam ke liye nikal raha hoon to tum market mein mil sakoge?

Sameer: umm jee Chachacji.. main 15 min mein pahonch jaaoonga... namaste..

------------------------------------------

Market mein Sameer: Anand C ki mulakaat:

Sameer: Namaste chachaji ...kya hua sab thik hain aapney yun achanak aise bulaya...

Anand C: haan beta umeed to yahi hain ki sab thik ho kyunki main jitna tum dono ko jaanta hoon.. us pe se keh sakta hoon ki tum dono hi samajhdaar ho aur ek dusarey ko sambhal sakte ho...

Sameer: Chachaji aap aisa kyun keh rahe ho..kya Naina ne..

Anand C: Sameer mujhey Naina ne kutch nahin bataya.. par main tumsey jaan na chahta hoon ki kya hua hain? chahta to main Naina se bhi yahi baat puch sakta tha.. par mujhe lagta hain tumse mujhey shaayad pura sach jaan ne ko milega... naina shayad mere respect ki wajah se mujhey saari baat na baatay...

Sameer- Chachaji ki baat sunkey thoda confuse ho jata hain ki vo kare to kya karey.. jo baat Naina ne batai nahin vo usey bata ni chahiye ki nahin.. fir vo thoda sochta hain aur aankhein band karke chachaji ki aur dekhta hain..

Sameer: Vo chachaji Diwali ke waqt meri mummy Delhi se aayi thi...

Sameer saari baatein batata hain... Mummy aur Naina ke milney ki.. drama audition.. uska rejection.. Naina ka acceptance of the drama...unka jhagda...Mummy ki baatoin ka sochna... aur Sunaina ke saath ka confusion...

Anand C yeh sab sunke chounk jaate hain: itni saari baat ho gayi aur tumney mujhey bataya nahin.. kher koi baat nahin...Sameer mainey tumhari mummy ki baat suni aur sach kahoon to main unki baat se sehmat hoon.. par aaj main tumhey ek baat batata hoon... scotter ke 2 paiyye hotey hain.. agar ek min thodi hawa jyada ho to kya scooter band ho jata hain? nahin na? vo to chalta jaata hain aur thodi der chalney ke baad...vo jyada hawa wale tire ki thodi hawa nikal jaati hain aur vo dono saman ho jaate hain.. aur ride smooth ho jaati hain... waise him jeevan saathi ka hota hain... vo dono agar samantar nahin bhi hain to aisa nahin ki zindagi ruk jaayegi... par agar un dono mein us antar ko samajh ne ki shakti hain aur usein jeevan mein positively lene ki chaah hain to zindagi aur bhi khubsurat ho sakti hain...

Sameer Anand C ki baatein gaur se sun raha hain...

Anand C: beta mujhey aur Bela ko hi dekh lo... main ladkiyon ke padhaney ki pichey kitna jor deta hoon... aur isi wajah se Naina-Preeti aaj padh rahi hain... par Bela ko dekho... vo padhi likhi nahin hain.. to kya iski wajah se main usey kam pyar karney laga hoon? Balki usney jis tarah se mujhey aur mere ghar ko sambhala hain .. aur khaas karkey Rakesh bhaisaab aur Bhabhiji ki baat suntey hue hanstey rehna..yeh usney mujhey sikhaya hain... vo jab gussa ho jati hain to main usey samjhata hoon aur jab main thoda gussa hota hoon to vo mujhye sambhal leti hain... ab socha jaaye to is mein padhai na karney ki wajah se mere jeevan mein joi khaas kamiya nahin aayi.. balki Bela ne aapne pyar aur samajh se purey parivaar ko sambhal liya hain.. vo dil se sabko pyaar karti hain.. aur mein thehra aankado ka gulaam.. CA jo hoon.. par aaj koi keh sakta hain ki hum dono khush nahin hain...

Sameer saari baat sochta hain..

Anand C: bas beta mujhey yahi kehna tha.. tum yeh mat samajhana ki mainey tumhey koi lecture dene ke liya bulaya tha... par tum mujhey apney bade ki jagah pe rakh ke meri baat ko sochana aur samjhana thik hain...chalo ab main chalta hoon.. aur shayad tumhey bhi kafi kaam hain... chalo byee beta..

Sameer: jee namaste...

Aur vo wahan se nikal ke sidha apney kamrey mein jaakey Vishakha se leke Chachaji ki saari baat ko sochta hain...aur nanaji ko yaad karta hain... ki jab nanaji ney bhi yahi kaha tha.. ki mujh jaise ladkey ke liye Naina jaisi tez dimag wali hi chahiye... aur na jaane kab uski aankhoin mein se aasoon behney lagte hain vo samajh hi nahin pata...aur jab uskey aasoon tham jaate hain to usey saaf saaf dikhai deta hain ki usey ab kya karna hain .. aur vo besabri se kaal ka intezaar kar raha hain...

-------------------------------------------------------

YUDKBH: Drama sequence

Part 5 : Akirkaar Drama competition din aahi gaya.. Parda uthega ki gir jaayega...??

Very nice update... how CVs show similar convo b/w samaina ans Sameer with Chachaji...

Interesting story..i m hooked to ur story dont delay for nxt update...chachaji example of scooter is the best part.

Whenever i read ur story it surprised me! Aur main sochti hu CVs kyun yeh sab nahi dekhate. Chachaji kitni asani se baat ko sambhala. Loved the update.

Part 5 : Akirkaar Drama competition din aahi gaya.. Parda uthega ki gir jaayega...??

MunDit ( Munna + Pandit) , SaMunDit ( Sameer + Munna + Pandit), Samiana ( Sameer + Naina ), SwaPreeNa (Swati + Preeti + Naina)

Drama Finale: Patel Mahavidyalay:

Saarey auditorium mein baithe hain aur VJN ki baari aane ki raah dekh rahey hain..

Sameer: Yaar Munna ab to sach mein sabra nahin ho raha .. main Naina ko dekhna chahta hoon.. jab diwali ki chutti thi to main usey dekh nahin paaya tha..par aaj jab hum ek dusarey se gusse hokey mil nahin paaye ... kitna fark hain dono mein.. aur aaj main kafi cheezoin ko samajh gaya hoon aur mujhsey kya galti hui vo bhi jaan gaya hoon.. bas ab Naina jaldi jeet ke aaye aur usssey baat kar ke mein saari galatfehmi door kardoo ... bas yahi bhagwanji se chahta hoon... bas ab aur nahin..

Munna: chalo der aaye doorust aaye.. tuney is baar Sameer hum sabko chounka diya tha... to naina pe to kya biti hogi.. vo bhi Drama competition ke duaran.. kher tum dono wapis ek ho jaao .. yeh to hum sab bhi chahte hain..

Pandit: sach kahan Chenu... Sameer is baar maanta hoon Naina ki bhi galti thi.. par tuney to ..kher.. chalo raat gayi baat gayi.. bhagwan karey ek baar bhabhi aur tumhari baat ho jaaye to bas maamla set..

Suanaina: tumney mujhey bulaya Pandit?

Sunaina ko dekh to SaMunDit gusse se laal ho jaate hain...

Munna: Dekh Sunaina mujhye nahin maloom kya khichadi pak rahi hain tumharey papa aur Mamaji ke beech... par main itna jaanta hoon.. yeh bas khichadi hi rahegi aur vo bhi be-swaadi... aur hakikat hone se rahi...

Pandit: aur ek baat... meri bhabhi... yani Sameer ki biwi sirf ek hi hain aur ek hi rahegi...aur vo hain...

Sameer: Ms Naina Agrwarwal... jo banegi meri Mrs Maheshwari...aur koi nahin.. yeh baat tum jaan bhi lo aur samajh bhi lo... haan dekha mainey kaise tumney is situation ka faayda utha ke mamaji aur tumharey papa ko involve kiya hain.. us baat ko to main Mamaji ke saath baith ke suljha hi doonga.. par ab bas Sunaina... kisi baat ki haad hoti hain...

Sunaina Sameer ki baat sunkey dang reh jaati hain: Sameer main tumsey..

Sameer: haa jaanta hoon par iska vo matlab nahin ki tum is haad tak gir jaao... fir thoda shaant hota hain... Dekho Sunaina.. tum sach mein ek bahout acchi ladki ho aur tumharey papa ko milney ke baad laga ki vo bhi bahout acche hain.. aur sach kahoon to main tumharey liye kabhi tha hi nahin.. aur jo tumharey liye hain usey tum reject kar rahi ho.. jaise kabhi mainey kiya tha Naina ko (flashback to school times)... tum vo galti mat karo... pyar tumharey saamney khada hain.. Kartik ke saath mein. Usey pehchano aur usey apnao.. sach tum bahout khush rahogi..

Sunaina: accha to ab tum mujhey bataogey kya sahi hain aur kya galat mere liye... abhi main tumsey koi baat nahin karna chahti .. main tumsey baad mein nipat ti hoon... aur keh kar vo wahan se chali jaati hain...

SaMunDit sab Sunaina ko dekh ke uspe taras khaa te hain.. tabhi VJN ka naam annouce hota hain aur teeno stage ki aur dekhney lagtey hain..

Sameer : Naina jaldi aao maujhey tumhey dekhna hain please please...

Tabhi Announce: aur next peshkash hain VJN University.. main stage pe bulana chahoonga play ke main charachters aur drama teacher ko... Mr Poonawala...

Mr Poonawala: thank you hamein yahan bulane ke liye.. aasha hain aap sabko hamari yeh peshki pasand aaye.. aaj ke play ke main role leads hain... Vicki..Manoj.. Swati...Kartik aur... Kamya...

Vo sab stage pe aate hain...

Sameer to shock ke maarey uth khada hota hain aur MunDit bhi chounk jaate hain: Kamya... yeh kya kar rahi hain stage pe.. Naina kahan hain?

Teeno auditorium se baahar aate hain back stage jaaney ke liye..

Sameer: Mr Poonawala sir Naina kahan hain?

MR Poonawala: voww Sameer great Maheshwari... tumhey Naina ki fikar hain? chalo accha hain.. waise uski tabiyat thik nahin thi isiliye usney Kamya ko peechle dino train kiya tha.. aur vo aaj nahin aayi... mujhey uspe pura vishwaas hain ki usney sahi faisla liya hain aur trophy VJN ko hi milni chaahiye..

SaMunDit yeh sunkey shock ho jaate hain...

Sameer: yeh sab meri wajah se hain.. kya hua hain aise kaise uski tabiyat kharab ho sakti hain usney mujhey bataya kyun nahin.. par chachaji ne kutch kaha nahin ki uski tabiyat kharab hain... kutch to gadbad hain...MunDit tum ruko main phone karke aata hoon.. yeh kya chal raha hain.. Naina tum kahan ho...

------------------------------------------------------

STD/PCO

Sameer Naina ke ghar phone milata hain...

Anand C: hello

Sameer: Hello chachaji.. namaste main Sameer... vo Naina aaj play mein kyun part nahin le rahi ..aur vo thik to hain? kya main usesey baat kar sakta hoon?

Anand C: Sameer bete...mainey faisla Naina pe choda tha ki usey is samasya ko kaise haal karna hain.. aur usey jo sahi laga vo kiya... aur haan main baat jarror karvata par Naina...

Sameer: kya hua chachaji kya uski tabiyat sach mein kharab hain... main aa jaoon usey dekhney... mujhey apni galti ka ehsaas hain bas main ek baar usey dekh ke baat karna chahta hoon..

Anand C: yeh to acchi baat hain... par beta Naina to Taiji ke saath Baroda ke liye nikal gayi abhi abhi.. unhey 1-2 din ke liye jana tha.. aur Taiji ne usey saath chalney ke liye kaha aur vo nikal padi unkey saath.. to ab tumhari baat uskey aaney ke baad hi hogi.. wahan ka koi number nahin hain warna main vo tumhey deta.. vo bas 2 din mein aa jaani chahiye...

Sameer to shock ke maarey kutch samajh hi nahin pata.. Naina usey bataye bagair Baroda chali gayi...vo itni naraz hain ki usney uskey Sameer se door jana jyada behtar samjha aur aasoon nikal aate hain uski aankoin se..

Sameer: thik hain Chachaji main rakhta hoon namaste...

MunDit Sameer ki haalat dekh ke ghabra jaate hain: arey bhai kya hua.. kya kaha uskey chachaji ne..

Sameer ladkhadata hain aur niche girney hi wala hota hain ki MunDit usey sambhal lete hain: vo Baroda chali gayi hain.. taiji ke saath... mujhsey door... mujhey apni galti ki maafi maangney ka chance bhi nahin diya... main mar jaaoonga uskey bagair...aur vo jor se roney lagta hain..

MunDit Baroda wali baat sunkey kya kahey aur kya nahin..bas rotey hue sameer ko sambhal te hain...

Aur usey waapis auditorium leke aate hain...

Tabhi announcement hoti hain: sabhi plays ho gaye hain.. bas ab thodi hi der mein results bhi declar ho jaayengey.. bas ab thoda aur intezzar.. may the best team win...

Kamya aur Preeti SaMunDit ke saamney aate hain...

Pandit: kamya tum kaise aur kab Naina ke role ke liye tayaari kar rahi thi...

Kamya sab ki aur dekhti hain: us din jab Sameer aur Naina ka jhagda hua tha garden mein.. Naina ne mujhey baad mein phone kar ke uske ghar pe bulaya tha.. aur kaha ki vo ab yeh play nahin kar sakti... kyunki ab is play aur trophy se usey koi nato lagav hain nahin iccha.. kyunki uski saari icchayein to tumsey judi hain Sameer- aur agar tum uskey pass nahin ho.. uskey saath nahin ho to vo ab is play mein part nahin lena chahti .. par vo VJN ki GS hain to vo is tarah team ko chod bhi nahin sakti.. usney pure 2 din jab vo college nahin aayi thi mere saath practice ki aur mujhey uskey role ke baare mein sab bataya.. Grand rehersal ke din usney Mr Poonawala Sir ko bataya aur sari team ko bhi sabhi hi shock ho gaye par sir ne uski baat ko samjha aur mainey aur Kartik ne back stage purey play ki practice ki do-teen baar aur Sir khush bhi hue Naina ki practice aur mere hunar se..aur bas is tarah aaj mainey Naina ka role nibhaya...

SaMunDit yeh sab sunkey kya kahey aur kya nahin vo samajh hi nahin paatey..

Preeti: Sameer tum yeh mat samjhana mujhey yeh sab maloom tha.. nahin tha.. is baar Naina ne apni behen ko bhi kutch nahin bataya.. kyunki usey maloom tha ke main tumhey bata hi doongi...aaj to main uski aisi khabar loongi ki bas pucho mat..

Sameer: vo agar ghar hogi to na.. vo to Baroda chali gayi hain Taiji ke saath..

Kamya, Preeti, Hema: kya? yeh kaise ho sakta hain...

Sameer yeh keh ke wahan se chala jaata hain ... tabhi announcement hoti hain... Results are in..

Sameer ruk jaata hain aur auditorium ki aur sabhi chale jaatey hain...

Announcer: third price goes to... ST Xaviers College, Maninagar...

Second Price goes to... Arts college , Rajkot...

Aur first price... Sabki saansein tham jaati hain...

It's a tie... ladies and gentleman.. between Patel Mahavidyalay aur VJN University...

Pura auditorium taliyon se gunj uthata hain...

Announcer: please dono college ki team stage pe aajaye aur apni trophy le le..

Mr Poonawala aur Princi... puri team stage ke saath stage pe jaati hain trophy lene ke liye..

Princi: this is indeed a big achievement for VJN... lagatar kitney saal try karney ka baad aaj hamein yeh trophy mili hain.. aur iska pura credit jaata hain Mr Poonawala aur hamari GS Naina Agrwal ko.. congratulations to all the winners and participants... GO VJN...

VJN ke saarey students naarey laga rahey hain...

Sameer to bas khushi aur dukh dono hi ehsaas se ro raha hain... uski wajah se Naina aaj us stage pe nahin hain.. sirf uski bewakoofi ki wajah se... aur vo wahan se nikal aata hain..

Sameer: bhaiyo.. main ghar jaa raha hoon.. aur kisise milna nahin chahta thik hain... main phone karta hoon baad mein..

Pandit: arey Sameer hum bhi chaltey hain tere saath...

Munna: nahin Ponga.. jaaney de isey.. aaj isey apney aap se bahout saarey jawab chahiye.. jo isey khud hi dhoondhney hain..thik hain Sameer hum yahin hain.. tujhey jab jaroorat ho bas bula lena hum aa jayenge.. thik hain...chal byeee...

Sameer haan keh ke wahan se nikal jaata hain...uskey jaaney ke baad...

Munna: Ponga aaj mujhey kisko kutch to kehna hain... jisney yeh saarey drama ko stage se utha ke in dono ki zindagi mein bhar diya hain... tu chal mere saath... Oo Meri Maiyaa aaj meri laaj rakhlena.. kyunki aaj mujhey yeh to maloom hain ke jo main karney jaa raha hoon vo sahi hain.. par jis tarike se karney jaa raha hoon vo sahi hain ki nahin.. vo maloom nahin hain.. par ab bas hua.. yeh jaroori hain..

Pandit: Chenu yeh kya badbada raha hain.. sahi hain aur tarika galat hain.. tu kya karney ki baat kar raha hain?

Munna: tu chal .. tujhey sab maloom ho jaayega.. aaj dosti mein vohi marney maarne ki ghadi aa gayi hain... chal mere saath..

Pandit Munna ki baat sunkey shock ho jata hain uskey saath chal padta hain...

-----------------------------------------------------

STD/PCO Booth

MunDit booth mein jaate hain aur Munna phone utha ke number milata hain..

Delhi-Vishakha ke wahan ring bajati hain..Vishakha phone uthati hain..

Vishakha : Hello

Munna: Hello mausi main Munna ahemdabad se...namaste.. aap kaisi hain?

Vishakha Munna ki awaz sunke dang reh jaati hain: Munna.. kya hua.? Sameer thik hain?

Munna : umm Mausi haan thik hi samajh li jiye abhi tak to..

Vishakha: kya matlab tumhara.. vo thik nahin hain?

Munna: aapney jo faisla sunaya hain uskey baad vo thik reh sakta hain bhala...aur aap jaantey ho main kis faisle ki baat kar raha hoon hain na?

Vishakha samaj jati hain vo Naina ki baat kar raha hain: Dekho Munna tum Sameer ke best friends ho isiliye mein tumsey yeh baat bhi kar rahi hoon warna mujhey tumhey safai dena jarrori nahin lagta...Sameer mera beta hain aur main uskey bhaley ke baarein mein hi sochungi..samjhey...

Munna: kya mausi aapney kardi na vo hi wali baat.. haan maa to aap hain Sameer ki par vo jaan hum dono ki hain.. aur uskey har dukh sukhh ke saathi hum dono rahey hain... sahi kahan maa to ho uski..par maaf kijiye mausi.. aap samajh hi nahin paaye Sameer ko...aapke saath vo purey ek saal tha.. fir bhi nahin.. shayad Rohan Deepika ko aap jyada acche tarike se jaanti hain...nahin mausi??

Vishakha: Munna tum apni haad mein raho warna mein phone rakh rakh deti hoon...jab tumhara gussa thanda ho jaye to baat kar saktey hain ya to Sameer ko kaho mujhsey baat karney ke liye.. samjhey..

Munna: haad?? Mausi yeh aap keh rahi hain? yaad hain jab nanaji chale gaye the to Sameer naa to aapse sambhal raha tha na hi aapki sun raha tha... tab hum dono hi the jisney usey sambhala tha..haan yaa na? aur Jab aap ne achaanak usey Delhi rato raat leke jaane ka socha tab ek baar usesey pucha uski marji kya hain? mana vo waqt hi aisa tha.. ki vo to apney aap ko kho chuka tha aur Naina bhi us waqt uskey pass nahin thi usey sambhalney... to vo chala bhi chala.. agar Naina us din/us waqt uskey saath hoti.. to aap khud hi jaan jaati.. uskey liye kya accha aur kya bura hain.. shayad vo khud him aapko bata deta...

Pandit bhi yeh sab sunkey us waqt ko yaad karta hain.. ( flashback to Nanaji passing away and those days )

Munna: aur chalo mana ki aap uski maa hain.. to maa ka farz to bacchoin ko sambhalna.. unko sahi raah dikhana hota hain.. hain na? to aapney Delhi mein kya kiya? Diya aapney Sameer ka saath? Nahin na.. harbaar bas jo bhi Dadi kehti usi ko maan leti.. phone pe lock laga diya taki vo hum mein se kisi ke saath baat na kar sake.. khaas karkey Naina se.. yaad hain uska vo Rohan ki bike pe is girna.. vo sab Naina se ek baar baat karney ke liye tha..

Vishakha yeh sunkey dang reh jaati hain aur yaad karti hain us din jab Rohan ki bike ka accident hua tha Sameer se.. aur kaise Dadi aur Vivek ne milke usey khari khoti sunai thi...aur usney bhi ek baar pucha nahin tha kyun hua aur kaise...aur vo dukhi ho jaat hain...

Munna: aur Dadi ka to main kya kahoon.. waise aapko to sab maloom hi hain.. kya kutch nahin kiya tha unhoney uskey saath.. uskey sweater se pocha lagana.. vo jo Naina ney uskey liye buna tha.. jab ki vo kaam aapko karna chahiye.. par Naina ne vo saarey farz nibhaye.. vo uski saansein ban gayi...vo jee to raha tha aapke saath par saansein uski Naina se judi thi..hum sab se judi thi...

Vishakha yaad karti hain us sweater wali baat jis sey dadi ne pocha lagvaya tha aur Sameer aag babula ho gaya tha...

Munna: Mausi.. haan aap maa to hain.. par Naina ne usey bachaya jab dadi se taang aake usney galat tariko ka saath apnaya..aap jaanti bhi hain us baarein mein? Nahin na.. aaj Sameer sach mein hamarey beech nahin hota.. pada hota kisi jail mein agar Naina aur uska pyar aur uska vishawaas uskey saath nahin hota...

Vishakha: kya bakwaas kar rahey ho.. mujhye apney Sameer pe pura bharosa hain.. vo kabhi koi galat kaam nahin kar sakta... tum bas Naina ko accha dikhaney ki koshish kar rahey ho...

Munna: Accha mausi.. aisa lagta hain aapko... to aap ek baar dadi se puch hi lijiye.. ke unhey maloom tha ki Sameer galat rang mein rang raha hain.. kya unhoney usey rokney ki koshish ki? kya unhoney aapko bataya ki aap usey sambhal sakey.. pyar de sakey... nahin na.. us waqt na jaaney Naina ko kya sujhi ki hum dono ko Sameer ki beemari ka bahana bana ke wahan bhej diya Sameer ke pass... aur hum dono ney Naina ke vo ek phool se aur uskey pyar ki wajah se usey bacha paaye aur sahi raah pe le paaye.. warna...

Pandit bhi vo Delhi wala pehla din aur vo Delhi gang se mulakat soch ke gussa ho jata hain..

Vishakha to bas ab roye jaa rahi hain... aur MunDit ki Delhi visit yaad karti hain jab un dono ko dadi ki wajah se thappad pada tha...

Munna: Mausi.. agar aaj gussey mein maine kutch jyada keh diya ho to mujhye maaf karna.. par aap sameer aur Naina ke rishtey ko samajh hi nahin payi.. jo Nanaji ne samjha aur saraha...Naina na hi Sameer ki sirf pasand aur pyar hain.. uskey jeeny ki prerana hain vo.. aur Sameer uskey liye...jab jab Sameer ne koi galat kadam uthaya hain to Naina hi thi jisney har baar usey sahi raah aur chaah dikhai thi...aaj vo college mein apni padhai pe dhyan de raha hain uski wajah bhi vo hain.. haan hum sab jaantey hain vo Sameer se tej hain.. par yahi to Sameer ko chahiye.. ki koi usey zindagi ki raah pe dil aur dimag dono mein usey jitaye.. aap bhi to wahi chahti ho ... Hain na...

Vishakha ab saari baat yaad karti hain.. aur samajhati hain ki Sameer sahi tha..aur Papa bhi.. Naina hi Sameer ki saathi aur sangini ban sakti hain... aur tabhi usey mami se Sunaina wali baat yaad aati hain.. aur vo shock ho jati hain ki yeh usney kya kar diya

Munna: Mausi.. aapke us ek faisle ne Sameer ke jeevan aur dilo dimag pe aisa sara kiya ki naa to vo Naina ki baat ko samajh paaya aur nahin khud ki baat keh paaya... aaur aaj to Sunaina ko leke jo aapney aur mama-mami ne usey uljaya.. vo to bas main kya kahoon...

Vishakha: dekho munna haa vo mujhsey galti hui aur main jald se jald unsey baat karkey us baat ko suljhaney ko koshish karoongi.. kyunki tab naa to main kutch soch rahi thi nahi hi kutch samajh rahi thi.. par aab jaan gayi hoon.. aur haan main tum sab se bahout badi hoon.. par badoin se bhi galtiyan hoti hain aur main is galti ko jarror se sudharoongi... Thank you.. main baad mein baat karti hoon... byeee

Munna: namaste mausi.. byeee aur vo phone rakh deta hain...

Munna Pandit ki aur dekhta hain aur Pandit usey bas galey se laga leta hain... aur dono Sameer- Naina ko sochkey roney lagtey hain...

--------------------------------------------------------

YUDKBH: Drama sequence

Part 6 : Pyar to bahout hain.. par zindagi mauke baar baar nahin deti.. :(

Kya baat hai munna!! Munna ne toh dil jeet liya. Naina is so hurt that she doesn't even want to meet sameer! Sameer ko ab akkal ayi. Thank god sunaina drama jyada nahi chalega. Awesome update.

read all parts in one go

Great convo b/w Munna and Vishakha... kaash show mein Aisa hota 😊

Superb...munna part was awesome.