Posted:
Joru aur Joru ka ghulaam Sharad ka case lad rahe hain aur shaher ke itne bade wakeel ko pata hai Anand ko kaise patana hai.
"Agar kal ko Arjun ki tarah Naina bhi kisi ko pakad layi toh hum kya karenge."
( jaise ki inn logon ko pata hi nahi yeh log kya karenge? Aur kis hadd tak gire huye hain aur kya kya kar sakte hain)
Anand ko letters yaad aaye, Bela ne bharosa hai bola par Tauji ko yeh ajeebo ghareeb shabd lagta hai.
( Ajeebo ghareeb toh tum logon ke ghar paida hona hai Tauji)
Donon ne Anand ko time bhi diya tha sochne ke liye par Anand ne haan bol diya. Bela shocked.
Bela said ki ek baar N se puchh lijiye.
Anand ne bola N ke liye kya sahi hai kya galat main achchi tarah jaan gaya hun.
( Phir Bela ka dimaag satak gaya aur usne Tauji ko khanjar khupas khupas ke maar daala aur moti ka bhi gala dabaya. Anand ko pistol se niptaya... Phir uska sapna toot gaya aur woh hosh mein aa gayi)
Aaj Anand ki aatma mar gayi, aur woh ban gaya zinda laash. Ek aur insaan ne apne Agrawal hone ka saboot pesh kiya.
Ek baap bhi apni beti se badla leta hai jo sirf in Agrawals mein ho sakta hai.
College mein JBR Kartik aur Priyank ki maza le raha hai aur yeh toh itne dumbo hain ki Su ko full takkar de rahe hain
( birds of a feather flock together you know)
MunDit ne muhaware se dono ko patakh patakh ke maara aur JBR ko bada maza aa raha hai.
Doosri taraf N ko Sam ka proposal yaad aa raha hai, har candidate ko speech deni hai aur Kamya boli first impression is the last impression.
( aisa zaroori nahi hai Kamya, humne bhi Anand ko sensible samjha tha par woh toh Rakesh aur Tauji ka bhi nikla)
Naina ka naya drama mujhe nahi ladna koi election.
( ab manaate raho par hoga wahi jo Agrawals chahenge, Naina bhi toh unhi mein se hai)
Kartik aur Priyank aa kar inka mazaak udaane lage aur in logon ne sahi naam diya hai Sam ko Rutlu.
(Ab agar koi banda college mein bhi aansuon se rohega toh yahi naam padega na. Waise inko pata nahi par thode dinon mein Sam VO Tulsi, Parvati, Prerna ke rone ka bhi credit lega)
Ab bole Preeti ladegi election
(Preeti ne apne Agrawal hone ka saboot pesh kiya, pehle decision lenge phir sochenge.)
Kamya ne bataya tere itne percentage nahi toh N ne Swati ko convince kar liya.
( waise 52% ka odd creteria kyun? Sirf Swati ke liye ya CVs ne apne time ko yaad kiya)
Sam VO talking abt udhar chachaji ne dono candidates ke beech naap tol karke ( wait what? Naap tol? Nah na, it was only badla jo Anand ne Naina se liya tha, ek baap aisa bhi)
Aur idhar Naina ne apne naam wapas le liya.
( isne bhi badla hi liya Sam se kyunki yeh Sam ka idea tha)
Hero ka passionate hona kaafi hota hai bole.
( isko passionate bolenge ya rotlu yeh toh waqt hi batayega)
Music room mein candidates ki speech chal rahi hai.
Ek dumbo Disha Patel hai jo poore desh mein naam roshan karna chahti hai VJN ka.
( Isko koi batao re GS kis liye chuna jaata hai)
Phir JBR ne Swati ko bulaya.
Vicky, Dimple bhi dikhe
(Yeh Dimple kyun nahi khadi hai election mein? Ideally GS toh T. Y ke students banna chachiye na)
Sam aa gaya aur N ki shakal dekhi
( aur Munna ka promise tod diya shakal na dekhne ka. Kuchh dhang ka promise leta Munna ya bata hi deta kaise ek hi college mein reh kar shakal dekhna avoid kiya ja sakta hai)
BG teri bewafai ka shikwa karun toh yeh meri mohabbat ki tauheen hogi
( bass tu isi zone mein raha kar Sam, tu nahi sudhrega!)
Topper dimaag ne kya speech likhi thi yeh na bataya CVs ne,
(hopefully chaand pe VJN ka naam roshan karungi, aisa kuch nahi likha hoga.)
JBR impressed, toh theek thaak hi likhi hogi.
Su ko bulaya par K aa gaya aur apne dumbo hone ko jag zaahir kar diya.
Bola jaise aap ne use Ms. Fresher banaya tha waise hi GS bhi banayenge yeh ummid hai.
( ab batao, Ms Fresher aur GS mein koi similarity hai kya? Arrey dumbo, GS voting se banegi students ke)
N ko canteen wala FB aaya jab gang khushh the esp Sam ki Naina GS banne ke liye maan gayi thi.
( Aur Naina ne socha hoga mera badla poora hua maine Sam ki woh khushi udaasi mein badal di)
Aur yeh SwaMun kaise couple hain, ya inka breakup ho gaya hai aur hamain pata nahi ya inko Samaina ke hi beech mein ghusna hota hai otherwise they are OK living separately. Donon mein se ek ko bhi doosre ki yaad nahi aati aajkal!
Ghar pe, jo ek insaan jiska zameer abhi tak zinda hai, Bela,zinda laash I mean Anand ko sunate huye.
Hadd toh tab ho gayi jab Taiji boli ki tum toh aise bol rahi ho jaise N ki nahi P ki shaadi ho rahi ho!
Ispar bhi Anand kuchh na bola
(aur hamain CVs ne bata diya ki inki sirf badi badi baatein thin. Ab jiski aatma hi mar chuki ho woh kya bolega.)
Bela boli ki maine aajtak dono mein koi farq na kiya.
Bela confronting zinda laash par jab kisi ke paas jawaab nahi hota toh woh sawaalon se bhaagne ki koshish karta hai aur wahi hua. Anand wahan se jaane laga. Bela ko lagta hai BKC N ko bhi maar sakta hai.
Taiji boli ki har insaan ka har insaan se behaviour alag hota hai.
( yeh toh hum dekh hi rahe hain Taiji kaise Anand ka behaviour change hua N ke saath)
Rakesh ne bata diya Anand bachpan se Rakesh ki har baat maan liya karta hai, der se hi sahi.
( inke genes same to same hain re)
Idhar college mein BKC rajnigandha flowers le aaya
( yeh pakka rajnigandha paan masala khata hoga apne boss ki tarah)
Phir usne bata diya ki chachaji ne haan bol diya hai.
( Naina ko bhi hamari tarah yaqeen nahi aane wala, kya karein Anand ne apne genes badi hi khoobsurti se chhupa ke jo rakhe huye the)
N ko iski shakal bhi nahi dekhni aur BKC ne apne Agrawals ka jamai banne ke poore gun hone ke saboot pesh kiye. Itni third class baat ki, jaise log waise baatein!
N abhi bhi mere chachaji, mera pyar zone mein.
( iss bechari ko kya pata jiss family ke liye isne Sam ka pyar thukraya woh ise andhe kunwein mein bhi phenk denge aur ghar aa kar party bhi karenge, Bela aur Preeti ko chhod ke baaki saare)
BKC ne N ko thappad maar diya sabke saamne aur apna badla poora kiya aur bola maafi maango.
( yeh ab phirse doormat ban jaayegi, iski akad sirf Sam par chalti hai.)
BKC ne phirse maarne ki koshish ki par Sam ne haath pakad liya aur phir Naina pe haath uthane ka badla liya.
(Aaj Badle ka din jo hai, har koi apna badla poora kar raha hai aaj, par CVs kis baat ka badla le rahe hain humse)
Saara frustration utaar diya aur jam kar dhoya.
" iski himmat kaise hui N pe haath uthane ki, main iski jaan le lunga"
Kartik ne jaa kar Principal mam ko bata diya aur woh aa gayi.
Sam ne aakhri dhamki di ki aayinda se ladki pe haath uthane ki koshish ki toh mujhse bura koi nahi hoga.
N VO bhi confused ki kya ho raha hai, yeh kya ho raha hai.
( yahi toh hum bhi puchh rahe hain Naina CVs se)
Lekin gehun jitna zyada pise aata utna hi achcha hota hai aur uski rotiyaan utni hi mazedaar.
( woh toh theek hai par CVs gehun ki tarah hamain kyun pees rahe hain bhai, hamain apni koi rotiyaan nahi banwani)
Precap... Zinda laash (Anand), zinda zameer (Sam) ko gunda mawali bol raha hai. N crying in classroom.
Mannat Har Khushi Paane Ki
Veer Hanuman
