Broken Soul- Meet TS Last Part- Page 3 - Page 2

Originally posted by: Chatterbox1

Wow finally something to give relief. Please don’t make her forgive him easily this time..he needs to understand that his words are meaningless when his actions are opposite. 

Eagerly waiting for next part, please write soon and let meety give back left, right and centre. Family too please 🤗

I have only thought of Meet².. Family ko to itna butcher kardiye ki unke liye kuch nikalta he nahi muh se.. 🤮

Originally posted by: Nja91

Eagerly look forward to reading more. 

Great job with this! 

Thank you 💗

Originally posted by: Anjureads

Wow Jiggy... I am so happy for this... please please continue and Meety should be like hathodi with her words. Sabko achhe se dena... so fed up of those hollow promises and ye Meet iss Meet talks. 

Exactly bas baate badi badi aur kaam.. 🥲

Actually I am okay with Ahlawat's behaviour somewhere.. Humans by default are weak and hypocrites.. If it would have been someone else, Meetwa would have stood like a rock behind her and we would have hailed him.. Jab baat apno pe aati hai sab palti maarte hai..

Problem I have with Meety.. Apne baare mai to nahi sochti.. Ab apne papa ke baare mai bhi no reaction.. Worried about Meetwa and Raj uncle more!

Originally posted by: Jiggy7

Exactly bas baate badi badi aur kaam.. 🥲

Actually I am okay with Ahlawat's behaviour somewhere.. Humans by default are weak and hypocrites.. If it would have been someone else, Meetwa would have stood like a rock behind her and we would have hailed him.. Jab baat apno pe aati hai sab palti maarte hai..

Problem I have with Meety.. Apne baare mai to nahi sochti.. Ab apne papa ke baare mai bhi no reaction.. Worried about Meetwa and Raj uncle more!

Meetwa has a lot of expectations from her which are neither justified and neither based on harsh realities. He talks big but doesnt think through them practically. And that trait is somewhere maintained still. 

Mujhe bhi sabse zyada gussa Meety par hi aayi hai... like she gives them the freedom to treat her anyway they like and then also justifies it. Actually jabse pyaar mein padi hain she has changed. It happened in Ravi track too but tab Meetwa ka Uturn karwa diya thha and brought in comedy so things didnt go out of control. 

Actually in giving the pen drive, I guess she was aiming 2 things with one stone..  to get to the actual murderer and also in the process remove any possibilities of Raj being murderer. ( Ignore the fact that there is only one possibility to follow up if she thinks Raj is not the murderer 🤣 )

for the first time meety showing her disappointement mazaa aa gaya , its the fact till the situation is in meetwa's favour he adores and just a up down and iska circuit hil jata hai

Originally posted by: Jiggy7

Part-2

Meety- Galat to ab bhi ho raha mere saath.. Sab galat kar rahe.. Tu, papaji, pura parivaar, mai khud apne saath galat kar rahi hu is ghar mai ek min bhi rook ke lekin raat ko jaaungi to daadi aur maa pareshan ho jaayegi, isiliye kal subah jaaungi..

Meetwa- Kya bol rahi ho Meet? Kisine tumse kuch kaha kya phirse? Masoom di ya mom ne? Mai abhi unse baat karke aaunga Meet aur unko clearly bata dunga ki wo tumhaare saath aise behave nahi kar sakte!

Meety- Mujhe kisike kuch bolne se pharak nahi padta.. Jab is parivaar mai jispe bharosa karke aayi thi, wahi jhut bolne lage to aur kisise kya he umeed karu!

Meetwa- I know Meet aaj tak mai tumhaari expectations meet nahi kar paaya.. Ek pati ke hisaab se jab tumhe samajhna chahiye tha, support karna chahiye tha tab nahi kia maine and uske liye jitni baar sry bolu kaafi nahi hai.. Lekin phir bhi bolunga ek aur chance deke dekho mujhe.. Is baar disappoint nahi karunga tumhe..

Meety- Tujhse koi umeed nahi thi mujhe.. Pata tha jab tak tere hisaab se sab kuch chalega ya phir jo tujhe thik lagta hai wahi hoga tab tak saath dega tu mera, bharosa mera papaji ne toda hai.. 

Unhe apne papa jitna pyaar aur samman dia, unhone ek baar bhi nahi socha mujhe kaisa lagega ye jaanke ki wo mere papa ke kaatil ko chupaa rahe.. Kaisa lagega mujhe jab wo sabke saamne ye bol rahe the ki jis insaan ki mai puja karti hu ussi ne mere bhagwan ko maar dia.. Unhone sirf apne pariwaar ke baare mai socha, mere ya mere pariwaar ke baare mai nahi..

Meetwa- Nahi Meet aisa nahi hai, dad tumse bahut pyaar karte hai, jitna Masoom di aur Isha se karte hai utna tumse karte hai.. 

Tumhe nahi pata Meet jab mai unse milne gaya tha parso police station ke andar tab unhone do logo ke baare mai sabse jyaada pucha- mom aur tumhaare baare mai.. 

Mai nahi dekh paa raha tha tumhaari kosis, taklif aur dard lekin dad ko pata chal gaya tha Meet ki unki beti theek nahi hai, unka pariwaar uske saath galat kar raha hai, waada lia tha unhone mujhse ki mai khayal rakhunga tumhaara.. 

Agar koi galat hai, to wo mai hu.. Agar koi apna farz nahi nibhaa paaya to wo mai hu.. Main hu tumhaara dosi.. Jo bhi hua pichle dino uske wajah se apna aur dad ka rishta kharab mat hone do Meet.. Wo tumse bahut pyaar karte hai aur mai ye bhi jaanta hu tum kitna pyaar karti ho unse..

Meety- Maine kab mana kiya ki wo mujhse ya mai unse pyaar nahi karti hu.. Lekin jinko maine apne bade dilo waala uncle maana tha wo waise nahi hai jaisa maine pehle socha tha..

Aur waise bhi tu maane ya na maane unka phaisla galat hai mere liye, mere papa ke liye, meri mummy aur daadi ke liye..

Meetwa- Meet tum samajh..

Meety- Mujhe jo samajhna tha mai samajh chuki hu pichle dino mai aur jo sahi hai mere hisaab se mai wahi karungi tujhe pasand aaye ya naa aaye! Pehle mujhe pharak padta tha ki mere uthaaye kadmo ka tujhpe kya asar hoga, ab nahi padta! 

Good... she is showing all her disappointment with Raj also. Thhoda bahut badi badi batein karne ka trait Meetwa ko Raj se hi mila hai... kitne bade bade vaade kiye thhe Raj ne bhi shadi ke waqt 

Waiting for the next part...👏

After Mito's OS another great TS here🥳. Kaash ye sab saach mai ho jaye. I can't wait to read the next.

I will add this to the list.

I think there are more of your writings left to add. Please check and send the links.

Loved it. This is exactly what ahould happen.Her father got murdered. And the 2 people meet loves, adores and trusts are letting her down. one person is shielding the criminal just to protect his own family with no concern that it is his bahus fathers murderer, one person who keeps making tall promises of trust takes seconds to flip. He doesn't have to agree or not be upset/angry - but he repeatedly doesn't even give her a chance to speak....its like he never stops to think. 2 din pehle he saw her almost die to collect proof against Shanty n now he thinks she does not care. She learnt that Raj murdered her dad, saw his video yet she stopped herself from getting emotional n carried away and  never jumped to conclusions and trusted Raj. If anyone should be carried away n affected by that video its meet hooda. Instead she was handling an over emotional meet. He didn't once consider that destroying the evidence to protect his own father would mean losing evidence to track ashok hoodas murderer. 

Part-3 

Meetwa- Ghar chod ke jaana solution nahi hota hai Meet.. Hum baat karte hai na.. Shaadi mai problems communication se he to solve hota hai..

Haan is baar maine jo kia wo bahut galat tha.. Tumhe bahut humiliation sehna pada sabke saamne.. Main apne gusse ko control nahi kar paaya aur yahan tak tumhe ghar se nikal jaane ko kaha.. Lekin wo tab dad ko jail mai dekhke kuch samajh nahi paa raha tha, apne aap pe mera control nahi tha Meet.. Jab tumne bola ki wo confession waali pendrive tumne police ko di to mujhe bahut bura laga Meet.. 

Actually jo bhi tha, meri galti thi.. Main halat aur insaan parakh nahi paaya aur saara gussa saara frustration tumpe nikal raha tha.. Pls maaf kardo..

Meety- Sahi kaha tha tune mai is ghar ki punching bag hu.. Jab bhi is ghar mai kisiko kuch hota hai meri galti he to hoti hai chaahe mai wahan rahu ya nahi.. 

Meetwa- Nahi Meet tum galat samajh rahi ho.. 

Meety- Mai sab kuch sahi sahi samajh chuki hu..

Jab Duggu ko Jiju mele mai leke gaye aur wahan aag lag gayi, tab kisiko pata bhi nahi tha mai wahan thi lekin jaise he sabne mera naam suna galti meri ho gayi aur mujhe ghar se nikaalne ki naubat aa gayi!

Jab gundo ne tujhpe hamla kia wo drugs se related tha lekin mujhe thappad maarke teri zindegi se nikalne ko kaha gaya!

Papaji ne jhoot bola, video ke saath chedkhaani ki apne aap ko gunehgaar dikhaane ke liye lekin unke halat ke peeche mujhe zimmedaar maana gaya aur mujhe ghar se nikal ne kosis ki gayi! 

Jab Duggu ghar chodke gaya tha, tab Masoom di ne sabse pehle ilzaam mujhpe lagaya jabki galti unki thi!

Jab baat Shanty ki aayi mujhe saboot laane bola gaya lekin abhi tu jaake bas bolega ki Shanty galat hai to sab maanenge teri baat, koi uspe sawal nahi uthaayega!

Meetwa- Meet Meet mai tumhaari saari baate samajhta hu aur sabki galti maanta bhi hu.. Lekin..

Meety- Nahi meri baat khatam nahi hui hai abhi, sun na padega tujhe!

Jab Ravi ne bola ki maine usse maara hai, sabne maan lia ki galti meri hai.. 

Chaahe gharwaala ho ya baharwaala galti hamesa Meet bahu ki hogi!

Tej bhaiya ne phaisla lia Ram Lakhan ko godh lene ka, mera uss matter mai koi haath bhi nahi tha, mujhe to pata bhi nahi tha aisa kuch ho raha, lekin Sunaina bhabi ki saari gaali aur shrap mujhe sehna pada aur majje ki baat pata hai unki baate sach bhi ho gayi kyunki jis rishte ke wajah se mai is ghar mai rehti hu wo rishta he kamjor hai..

Meetwa- I am sorry Meet.. Mujhe pata hai mere aur mere pariwaar ki wajah se tumhe bahut kuch sehna pada.. Lekin I promise aage se aisa nahi hoga.. 

Meety- Tujhe lagta hai mujhe tere kasme waade inpe bharosa karna chahiye? Tu to businessman hai na.. Ek baar tujhe laga ki Deep bhaiya galat hai to tune kisipe bhi bharosa nahi kia uske baad.. 

Ib bata tu baar baar kasme waade deta hai mujhe, baar baar galti karta hai aur mera saath chod deta hai.. Tanne lagta hai matlab meri jagah khade hoke bata mujhe tujhpe bharosa karna chahiye phirse?

Meetwa- Nahi karna chahiye.. Agar mai tumhaari jagah hota to nahi karta tumhaare pati pe bharosa, wo us laayak kabhi tha nahi sayad lekin banna chahta hai.. 

Ab tum mujhe ye bataao ki kya karna chahiye tumhaare pati ko baar baar tumhe chot pahunchata hai, tumhaare vishwas ki maan nahi rakh paata hai, kya karna chahiye usse taaki tum uski zindegi mai, uske ghar mai raho, uspe aur uske saath apne rishte pe phirse bharosa karo?

Meety- Mujhe tujhse faltu ki baate karne mai koi interest nahi hai.. Raat bahut ho gayi hai aur kal subah jaldi nikalna hai mujhe.. Dam ghut ta hai mera is ghar mai aur is ghar ke logo ke saath!

Meety starts to put the comforter on herself and prepares to sleep.. 

Meetwa- Mai tumhe jaane nahi dunga Meet, chaahe uske liye mujhe kuch bhi karna pade, kisi bhi hadh tak girna pade.. Meri baate tumhe sayad jhuti lage Meet lekin sach yahi hai ki mai tumse bahut pyaar karta hu aur agar aisi situation aayi ki tum ye ghar chodke jaa rahi ho to mai bhi tumhaare saath chalunga! 

Meety- Sun mera dimaag aur mat garam kar.. Bahut bakwas ho gayi aur mujhe is baare mai phirse koi discussion nahi karna hai tere saath.. 

Aur ke bola tune mai bataun tujhe ki aisa kya karega tu ki phirse mai tujhpe bharosa karu.. Ek kaam karte hai mai kal subah nahi chaar din baad jaaungi is ghar se.. Tab tak tu apna ek waada nibha le aur mere papa ke asli kaatil ko dhundke dikhaa!

Meetwa- Meet 4 din mai.. Thank you mujhe ek aur chance dene ke liye lekin itne kam waqt mai kaise mai..

Meety- Kyun maine 4 din mai tere papa ko begunah saabit kia na to tu 4 din mai mere papa ke kaatil ko kyun nahi dhund sakta!? Is rishte mai saara kaam karne ka theka maine le rakha hai ke?

Meetwa- Thik hai 4 din he sahi.. 4 din mai tumhaare papa ka asli kaatil tumhaare saamne hoga aur ye waada mai har haal mai nibhaunga.. 

Ab so jaao.. Good night and I love you..

And he was greeted with silence from the other side..