Originally posted by: Priyapriyu
Is samvaad me Aryaputra Malhar ki do dharm patniya hai.. Sampada evam Kalyani
Ek divas ki ko Aryaputr Malhar apni dono patniyon k sang bhraman ko gaye huye the..
Marg me lautate samay devi kalyani ki Drashti ek pushp par padi.. devi kalyani ko vah pushp itna aakarshak pratit hua..devi kalyani ne apne arya se vinti ki..Kalyani- Hey Arya tanik rukiye.. dekhiye us or wah pushp atyadhik sundar hai, humare man ko ati priy prateet ho rha hai, kripya kar hume wah pushp prdaan kare
MJ- kis or Devi kalyani, purv ki or ya pashchim ki or kis or dekhe hum..
Kalyani- purv ki or dekhe aarya, Laal varn ka vah pushp kitna aakarshak Hai kripyakar use Hume pradan kare swami.. hum aapka aabhar maanenge..
MJ- Yeh aabhar maanne ka vishay nahi hai devi. Aapki har manokaamna ko purn karna humara dharm hai. Hum abhi aapko wah pushp lakar dete hai
Tabhi Rani sampada kehti hai
Sampu- Devi Kalyani bhi ek pushp ke prati aakarshit ho rahi hai.. ek pushp k liye aap Aarya ki kasht kyu de rahi hai pushp to humari vatika me bhi hai
Devi kalyani aapko jitne pushp chahiye daasi se kehkar samaksh prastut karwa diye jayenge..
Aap aarya ko kasht na de...
Kalyani- Parantu Devi sampada yeh pushp humari vatika me nahi hai. Hume yahi pushp chahiye..Sampada- Aapko kaise gyaat hai yeh pushp nahi hai humari vaatika me..
Kalyani- Hume gyaat hai kyunki hum vatika k har vriksh, pushp, laatao se parichit hai.. ve sab humare mitr hai
Samada hasya karte huye - Aap bhi na Devi, ab bhi aapka ek balika ke saman vyavhar kar rahi hai ..
Pushp vriksh se mitrta...
Kalyani- Devi Sampada aap sadaiv hi humare uphaas karti hai , Aap bhi to aarya se bhet ka agrah karti hai, humne kabhi aapke vishay me hastakshep nahi kiya, to aap kyu vyarth me humara uphaas kar rahi hai
Arya kripya kar hume wah pushp pradan kare ..
Sampada- Ye baalika ke samaan vyavhar aapko shobha nahi deta Aap vyarth ka hatth na kare
Hume vilamb ho rha hai Aarya.... chaliye prasthan karte hai
Malharji- Devi Sampada ,Devi Kalyani aap dono Shant ho jaye ko
Aur devi sampada aap devi kalyani ko is prakar na khahiye yadi unke man me us pushp ko paane ki abhilasha hai to yeh humara kartavya hai ki hum unhe wah pushp lakar de
Aap tanik rukiye hum abhi wah pushp lekar aate hai...Devi Sampada ko shaant ho jati hai
Malharji pushp lekar aate hai
Ye lijiye devi kalyani aapka pushp ab aap prasann ho jayiye..
Devi kalyani pushp paakar prafullit ho jati hai
Kalyani- Aarya aapka koti koti dhanyvad aapne Hume pushp prdaan kiya
Malharji- Devi dhanyvad ki koi aavashyakta nahi hai yeh to humara kartavya hai aapke prati.. aap aise hi prasannta se rahe Hume aapki prasannta ati priy hai
Devi Sampada ki drishti us pushp par padhti hai , unhe bhi wah pushp aakarshit prateet hota hai..wah kehti hai...
Sampada- Aarya... Ye pushp to atyant hi manmohak hai, Hume bhi yeh pushp chahiye
Malharji - Devi Sampada aapko ko to pushp me koi ruchi nahi hai to ab kis prakar aap ko pushp manmohak pratit ho raha hai
Sampada - Aarya Hume bhi pushp lakar de anyatha hum rusht ho jayenge aur ye maan lenge ki aap humse prem nahi karte
Malharji- Nahi devi aap aisa na kahe, hum aapse prem karte hai parantu yeh ek durlabh pushp hai aur matra me ek hi prapt hua hai, Aapko anya mulyvaan vastu bheth denge... Is pushp ko rehne dijiye
Devi kalyani pushp ko sambhalkar rakhne lagti hai aur yeh dekh devi sampada ko krodh aata hai aur wah rusht ho jati hai ....
Sakhi priya 😘❣️ iss athi uttam Samvaad likhne keliye hridhpurvak dhanyawad 😘😘
Devi Kalyani ki vinambhrata, Maharshay Malhar ki devi Kalyani ke prathi prem, Devi Sampada ki irsha ko aapne adbuth prakaar se pradarshan kiya hain 💕💕
iss smriti main aapka varnan aprathim hai ❤️
comment:
p_commentcount