Ariya Love and Deceit - Page 2

Next day ETF conference room

Sab kaam par lag gaye hai, aur clues dhundhne ki koshish kar rahe hai...kuch der baad

Rathore: Riya! Hume ab tak kya-kya mila hai...brief karo!

Riya: ji sir...intelligence reports ke mutabik Sikandar ka dhandha ki frequency kaafi bad gayi, which leads us to believe that woh desh mein hai, aur kuch bada plan kar raha hai par kya?...pata nahi, hume jo pehli tip mili thi R.C enterprises ke godown ki...woh fail hui thi, humare jaane se pehle hi unhone wahase saara maal transfer kar liya tha...dusri baar hume uske ek drug transaction ki khabar mili lekin woh information fake thi...hume gumrah karne ke liye, asli transaction kahi aur hi ho gaya...aur kal jab hum us bungalow mein gaye jo supposedly uske addo mein se ek tha...

Flashback

ETF team ek bungalow ko surround karke khadi hai, dheere-dheere woh andar ghusti hai, waha mushkil se teen-char log the...unhe silent karke woh andar jaati hai par...andar kuch bhi nahi

Rathore: DAMMIT!!!  Yaha Bhi Kuch Nahi !!

Arjun ko bhi gussa aata hai: EK MAHINE SE EK HI CHAKAR MEIN GOL-GOL GHUME JAA RAHE HAI!!! THIS IS RIDICULOUS!! CHOTU!!! SHREE!!! AASPAAS PUCH TACH KARO MUJHE IS JAGAH KI HAR EK INFORMATION CHAHIYE SAMJHE YE SAMJHAO!!!

Dono darker nod karte hai

Ayesha: Sir yaha kuch hai

Sab us taraf turn hote hai...Ayesha ek paper aage karti hai, Arjun immediately use lekar zor se padhta hai

Chahe jitni bhi koshish karlo ACP, tum mujh tak kabhi nahi pahunch paoge!!! Na tum aur na tumhara dost!!!

Dono ko gussa aata hai

Flashback Ends

Arjun (gusse mein): In Short Humare Paas Kuch Nahi Hai!!! aur file fekta hai

Rathore: Arjun pls apne gusse par kabu rakho...koi na koi raasta zar...

Arjun: KAB MILEGA???? NA KOI DHANKA EVIDENCE HAI AUR NAHI KOI INFORMATION !!!

Rathore sigh karta hai: is tarah gussa karne se bhi toh kuch nahi milega na? warna bahot pehle hi mil jaata

Arjun thoda shaant hone ki koshish karta hai

Riya: sir! Mujhe lagta hai ki kuch toh gadbad hai...I mean use kaise pata chal jaata hai ki hum kab kaha jaanewaale hai? hum saari planning toh yahi karte hai, aisa bhi nahi ki koi sun le

Sakshi: Riya sahi keh rahi hai...koi toh weak point hai humara jo hum dekh nahi paa rahe hai

Chotu: magar agar humari information leak ho bhi rahi hai toh kaise? Aur kaun kar raha hai?

Liza: kaun ka kya matlab hai Chotu? Hum sab hi toh hai? koi baahar waala nahi...office se information leak kaise ho sakti hai?

Sab soch mein chale jaate hai

Shree: kahi aisa toh nahi ki koi hum par nazar rakhe ho? Aur isliye jab bhi hum kahi jaa rahe ho...tab unhe information mil jaati hai aur jab tak hum waha pahunche tab tak woh log rafu-chakkar ho jaate hai

Rathore: theory toh theek hai Shree lekin practically possible nahi hai, jab tak hum raaste mein ho tab tak kitna time milta hoga unhe? Hum par shak karne ke liye? Humara agla move guess karne ke liye aur fir alert hokar bhagne ke liye?

Woh agree karke nod karta hai

Arjun: hume kisi aur angle se sochna hoga...(kuch sochkar) jaha tak mujhe pata hai yeh Sikandar bahot hi pahunchi hui cheez hai, uske department aur system dono mein kaafi connections hai...agar unke baare mein pata kare toh hume zaroor koi na koi information milegi

Rathore nod karke order deta hai: Get to Work guys!!!

Sab apne-apne tareeko se pata karne ki koshish mein lag jaate hai, apne informers activate karke, saalon puraani files Kholkar aur apne contacts laga kar...

Shehar ke dusre kone mein ek ghar mein ek insaan recliner par rest karke baitha hai...ek aur admi uske paas aata hai

Admi: Boss!!

Boss: kya khabar hai?

Admi: boss ETF humare andar ke admiyon ko dhundh rahi hai

Boss: kya?

Admi: ha boss

Boss: hmm...dhundhne do...jitna udna hai udne do waqt aane par unke par kaat laange, abhi toh khel shuru hua hai

Admi: ji boss...

ETF Office

Do din mein sab Sikandar ke admiyon ki information collect karte hai, saari information filter karke ek naam sabse prominent hai...

Riya: M.P. Harish Jadhav!!! Iske khilaaf bahot saare criminal cases hai lekin apni post ke comparatively uski power kayi zyaada hai, koi use aaj tak haath nahi laga saka hai

Arjun: uska aaj ab khatam ho chuka hai...case banao!!

Rathore: ruko...Arjun jaldbaazi mat karo, hum is baar koi bhi galti afford nahi kar sakte...case banegi par pehle hume saare evidence record karke apna case strong karna hoga

Arjun nod karta hai

Rathore: and guys be careful galti se bhi ye baat unhe nahi pata chalni chahiye( watch dekhte hue) anyways kaafi late ho gaya hai, baakhi ka kaam kal karenge...thats it for the day!!! Pack up!!

Sab nod karte hai...

Arjun apne cabin mein jaata hai

Riya: aapko ghar nahi jaana?

Arjun turn hota hai: tum kab aayi?

Riya smile karti hai: sawaal ka jawaab sawal nahi hota

Arjun sigh karta hai: kya karu ghar jaakar? Kaun intezaar kar raha hai?

Riya ko bura feel hota hai: we'll catch him

Arjun: When?

Riya: mujhe nahi pata

Arjun usse muh mod leta hai, Riya apne aap ko rok nahi paati aur uske paas jaati hai

Riya: lead mili haina? Kab tak bhaghega woh? Ravaan ko bhi maut aayi thi...ise bhi apne karmo ki saza chukaani padegi

Arjun sigh karke use hug karta hai: promise me

Riya: I promise...

Wahi ghar wahi admi apne boss ko information deta hai

Admi: boss woh log us Harish ko pakadne jaa rahe hai

Boss: hmmm...maanna padega sidhe badi machli pakdi hai...theek hai tum jao main dekhta hun

Admi: ji boss

Next day early morning

Rathore conference room mein enter karke: maine Commissioner sir ko inform kar diya hai, hum us Harish Jadhav ko interrogation ke liye la sakte hai

Arjun dekhta hai ki woh upset hai: toh tumhara chehra itna utra hua kyun hai?

Rathore sigh karta hai: unhone kaha ki agar hum usse information nahi nikal paaye toh...woh ruk jaata hai

Sab uska ishara samajte hai

Liza(annoyed): is Gautam sir se bada hitler toh maine zindgi mein aaj tak nahi dekha...problem kya hai unki?? Purane waale commissioner sir hi ache the

Riya: seriously!! Unhe bhi abhi retire hona tha? Kuch mahine baad hote toh kya ho jaata?

Rathore: unhe chodo case par focus karo ye humara aakhri mauka hai

Sab nod karte hai, aur official orders lekar us M.P ke ghar jaate hai lekin waha ke guard unhe rokta hai

Guard: rukiye!! Kaun hai aap log? Aap is tarah andar nahi ja sakte!!

Shree: hum ETF se hai, hume Mantri ji se milne jaana hai

Guard: appointment hai?

Bas aur kya Arjun ka thapad padta hai us guard ko aur woh niche gir jaata hai

Arjun(gusse mein): mil gaya appointment?

Rathore: chodo Rawte...andar chalo

Woh log aage ghar mein ghuste hai, toh waha Mantri ka P.A unhe milta hai jo unhe dekhkar chouk jaata hai

P.A.: are-are kaun hai aap log? aur aise kaise ghuse jaa rahe hai?

Arjun uski gardan pakadta hai: dekh!! Mere sabar ka imtihan mat le samjha!! Seedhe-seedhe puch raha hu seedha-seedha jawaab de warna kanooni karwaahi ke bich mein taang adane ke liye andar kar dunga SAMJHE YA SAMJHAO?

P.A. darker nod karta hai...Arjun use chodta hai

P.A.: ji...bo...boliye...kya..kya madad kar sakta hun main aapki?

Rathore: Mantri ji ko bulao!!

P.A.: kya?...lekin...lekin woh ...main unhe nahi bula sakta

Chotu aage aata hai: toh tu aise nahi bolega...woh apni fist tight karta hai

Isse woh P.A. ke hosh ud jaate hai aur woh immediately backsteps leta hai

P.A.(darte hue): dekhiye...main...main sach keh raha hun...Mantri ji yaha nahi hai

Riya: toh phir kaha hai??

P.A.: woh...woh mujhe...nahi pata

Ayesha: fir wahi baat...Sir! isse office le jaate hain tabhi...

P.A.: dekhiye main...main sach keh raha hun!! Mujhe sach mein nahi pata, mujhe sirf itna pata hai ki woh desh chodkar chale gaye hai

Is baat se sab shock ho jaate hai

Rathore: DESH CHODKAR !!!

Rathore gusse mein uska collar pakadta hai

Rathore: DESH CHODKAR CHALA GAYA HAI KA KYA MATLAB HAI???

P.A.(darte hue): saab...woh kal raat ko Mantri ji ko ek ...ek phone aaya tha...

Flashback

Harish apne P.A. ke saath kuch discuss kar raha hai tabhi uska phone bajta hai

Harish: hello?...kya???...theek hai

Call disconnect

P.A.: kya hua sir?

Harish: meri jitni bhi appointments hai sab cancel karo, saari meetings saare functions sab kuch main abroad ja raha hun

P.A. choukta hai: lekin kyun sir? Kya hua?

Harish use glare karta hai: jitna kaha utna karo jaao!!!

P.A. : ji sir

Flashback Ends

P.A.: aur fir sir ne ek bag bhari aur airport ke liye nikal gaye...

Rathore use chodta hai: DAMMIT!!!

Sab tensed ho jaate hai, agar Harish desh mein nahi hai toh koi use haath nahi laga sakta aur waapis kab aayega uski bhi guarantee nahi upar se commissioner sar par baitha unhe dhamki de raha hai...