Ramanand Sagar's Ramayan & Shri Krishna CC#3 DONE!(Page 93)

Share
Posted: 2010-05-05T02:21:05Z
1 more Arun Bhanu pic updt...frns!!!EmbarrassedBig smile Hope U'll like!!TongueTonguen off-course...like alwaysLOL U can use it for making sigs!!Embarrassed Sorry for d pic quality...Confusedbt can't help.....Embarrassedjust wanted to share dis cute updt wth U!LOLTongue
0 Likes this
Posted: 2010-05-05T03:42:08Z
1 more Arun-Bhanu sig guys!!Embarrassed Hope U'll like it!!!Tongue
0 Likes this
Posted: 2010-05-05T06:50:34Z
Yaaaaaaaaaaaaaaaaaay!
 
Guess what guys!Shocked
 
I can now stack avis!Dancing It's a super long and difficult process, but will tell you all how I did it!Big smile
 
For now I can only stack vertically, but will learn how to do it horizontally soon!
 
Here's my first attempt with the Ram Kahani avis Mahi made long ago.
Edited by JanakiRaghunath - 2010-05-05T06:53:04Z
0 Likes this
Posted: 2010-05-05T09:31:47Z
Learned how to stack horizontally too!!!!
 
0 Likes this
Posted: 2010-05-05T10:44:30Z
This looks much better than vertical. Well done Lalitaji. Congrats.ClapClapClap
0 Likes this
Posted: 2010-05-05T11:04:40Z
Posting the dialog which I had committed a long time ago so that members can use any part of the post for posting in future in debates without typing the dialog to be referred to themselves.

Shantidoot Angad
Ravan: Vaanar, kaun ho tum? Aur kya sandesh le kar aaye ho?

Angad: Mahaaraj, sabhya deshon ke raajdarbaaron ka vidhaan hai ke dusre raajya se aaye hue raajdoot ka, aadar kar ke pehle use aasan diya jaay. Phir sammaan sahit uska aatithya karke, use uske aane ka kaaran puchha jaay.

Ravan: Murkh. Itna bhi nahi jaante ki raajdoot use kehte hain, jise kisi raaja ne bheja ho. Jungle se aaye hue kisi bhikhari ke bheje hue vaanar ko, raajdoot nahi kehte.

Angad: Aap raaja ki baat karte hain Lankeshwar. Mai jinka doot hun, we to raajaon ke bhi raaja hai. Raaj Raajeshwar hai. Woh keval is bhoomikhand ke hi nahi, varan, teeno lokon ke swami hai. Devtaon, vedon aur vidhi ke bhi wohi naayak hai. Mai unhi Trilokeshwar ka, Shri Ram ka raajdoot hun.

Ravan: Wah Hari hai, Har hai ya Brahma hai? Kaun hai wah? Tum itne bade bade vartaalaap jiske liye suna rahe ho, us tumhare Ram ki vaastavikta keval itni hi hai ki wah ek bhatakta hua vanvaasi hai, jise apne raajya se bhi nikaal diya gaya hai. Bataao. Us bhikhari ne kya sandesh de kar bheja hai?

Angad: Maharaaj Ravan. Aapne mere swami Raaj Raajeshwar, Shri Ram ka apmaan kiya hai. Isliye mujhe, niyamaanusaar is sabha se chala jaana chaahiye. Raajdoot ka sammaan, uske raaja ka sammaan hota hai. Isliye, raajdoot ka pratham kartavya hai, ki wo apne sammaan ki raksha kare. Kyunki, mere apmaan ka arth hoga, mere swami Raj Rajeshwar, Shri Ram ka apmaan. Isliye, mere liye ab do hi raaste hain. Pehla to yeh ki jahan mujhe sammaan purvak aasan nahi diya gaya, mai us sabha se hi chala jaun. Parantu, jo sandesh mai laya hun, woh itna mahatvapurn hai, ki uspar, Lanka, Lanka nivaasion, aur saari raakshas jaati ka jeevan aur maran nirbhar hai. Isliye mere liye doosra raasta yahi hai, ki mai is sabha me apne liye, ek raajyochit aasan, swayam hi nirmaan kar lun. Jis par, sammaanpurvak baith kar, mai apne raaja ka sandesh, aap tak pohuncha sakun.

(Then he expands his tail by taking the name of Shri Ram and arranges it such that he can sit over it even above the level of Ravan's seat. And he then sits accordingly over it.)

Angad ne nahi dekho nahi aiso, raaja asabhya aniti ko shaasan;
Teenoho lok ke, raaja ke doot ko, baithan ko nahi det jo aasan;
Aag lagi, Angad ke ang me, sun abhimaan bhare sambhaashan;
Punchh bina, kahin poochh na hoti so, daali liyo nij punchh ko aasan, daali liyo nij punchh ko aasan.

Angad (Continue): He Dashgreev! Ab mere aane ka kaaran suno. Mai aapke hit aur bhalaai ke liye, Shri Raghuveer ka doot ban kar aaya hun. Maharaaj. Mere pita se aapki mitrataa thi. Isliye bhi, mai aapko bhali sammati dene aaya hun. Aapka uttam kul hai. Aap Pulast rishi ke pautra hain. Aapne Shivji, aur Brahmaa ji ki pooja karke, unse bahut se var paaye hain. Aur aapne sab kaam siddh kiye hain. Usi shakti se, aapne samast lokpaalon ko bhi jeet liya hai. Parantu, phir aapne, kisi sangdosh athva kumati ke kaaran, un shaktion ka, durupayog karke, rishi, devta, gandharva, apsaraa, naag, yaksh, aur raajaon ka bada apraadh kiya hai. Usi raajmad se andhe ho kar, aap ab, jagat janani Sitaji ko, har laaye hain. Jab paap karm, is prakaar apni paraakaashtaa ko pohunch jaate hain, to daivi shaktion ko, paap ka nash karna hi padta hai. Parantu, us nash ke sath hi, paapi ki ghor durgati hoti hai. Uska ant bada bhayaanak hota hai. Aur mrityu upraant, uski dashaa, atyant dukhdaayee hoti hai. Aapke paap, aaj aapko, usi seema par le aaye hain. Mai aapke hit ke liye, aapko yahi paraamarsh dene aaya hun ki yahi ek aisa kshan hai, jab aap chaahen to, Shri Ram se kshama maang kar, unki sharan me chale jaaen. Shri Ram ki yeh aan hai, ki sachche hriday se sharan me aane vale ke doshon ko nahi dekhte. Jisne sharan me aakar pukara, ki meri raksha kijiye, Prabhu, meri raksha kijiye; aisi aart pukaar sunte hi, Prabhu apne sharnaagat ko, abhay pradaan kar, sansaar ke samast dukhon se mukt kar dete hain. Unke baano me, teeno lokon ko eksath bhasm kar dene ki shakti hote hue bhi, wo ek sachche veer ki bhaanti, dayaa ko nahi chhodte. Isliye, aap meri maaniye. Isi samay gale me kulhaadi daal kar, aur daanton me tinka dabaa kar, apne samast kutumbion ke sath, Shri Ram ki sharan me jaa kar, Maata Jaanki ko, bade aadar ke sath unke pati ko lauta de. Shri Ram aise udaar aur kripaalu hain, ki aapke kshama shabd kehne se pehle hi, wo aapko kshama kar denge.

(Relate this portion with "Sarva dharmaan parityajya, maamekam sharanam vraj.")

Ravan (Pretending to be amazed) Shocked Achchha! Hamare kshama mangne par, we hame kshama kar denge, is baat ka tum hame vishwaas dilaateho? Ham Sita ko le kar, apne kutumb sahit, daanton me tinke dabaaye, unse kshama maangne ke liye, itni door unke shibir tak jaayen, aur we hame kshama na kare, aur bandi bana le to?? Sara jag ham par hansega. Is baat ka vishwaas hame kaise ho?

Angad: Maharaaj Ravan. Prabhu par vishwaas rakhna hi padtaa hai. Jise Prabhu par poorn vishwaas nahi hota, use Prabhu ki praapti kabhi nahi ho sakti. Aap ko aaswasth karne ke liye, mai itna bata dun, ki jab vaanarsena ne, susajjit ho kar, Lanka ko chaaron ore se gher liya, aur sab Lanka par dhaava bolne ke liye, Shri Ram prabhu ki aagyaa ki pratiksha kar rahe the, to, us samay, un karuna ke saagar ne, mujhe bula kar, swayam kaha, ki "jaao. Ravan se ja kar kaho, ki mai is yuddh ki jwaala me, Lanka ki nirdosh praja ki aahuti nahi dena chaahta. Yadi, wo Janki ko pure sammaan ke sath, mere hawale kar de, to mai abhi, use kshama kar dunga. Aur Lanka se, waapis chala jaaunga. Mai shanti chaahta hun. Tum mere shantidoot bankar, maharaaj Ravan ke paas jao."

Ravan (Again trying to be too smart and amazed): Yeh bat Ram ne swayam kahi? Shocked "Tum mujhe meri Sita de do. Mai waapis chala jaaunga. Mai yuddh nahi karunga. Mujhe shanti chaahiye."!!!!!

Angad (Becoming hopeful): Ji Maharaaj. Unhone swayam kaha tha.

Ravan (Suddenly getting excited and shouting): Aaaaaaaaas...!!!! Yahi baat ham tumhare muh se sunna chaahte the. Yahi baat Ram ne kahi ki mai yuddh nahi karunga. Mujhe shanti chaahiye. Murkh! Is baat me tujhe Ram ki karuna dikhaai di. Uska bhay dikhai nahi diya? Ki rann kshetra me Ravan ke saamne aane ke vichar se hi, us dhanurdhaari ke haath paanv kaampne lage! Jiski priya patni ko, koi har ke le gaya ho, us shatru ke liye, itne mahino se, uske rakt me pratishodh ki koi jwala nahi bhadki! To phir woh kshatriya ka rakt nahi hoga. Woh tera paramveer, jo bhikharion ki bhaanti, ham se Sita ki bhikh maang raha hai, usse jaa kar keh do, ki Sita koi bhiksha me dene vali vastu nahi. Aise anmol ratn ko to, apne baahubal se jitna padta hai.

Angad: Maata Sita ko, unhone apne baahubal se hi jeeta tha. Maharaaj. Shaayad aap bhul gaye ki woh Shiv dhanush, jise Shri Ram prabhu ne, tinke ki bhaanti utha diya tha, usi dhanush par, apne baahubal ki pariksha karne, kabhi aap bhi gaye the. Aur suna hai, woh aapse uthaya bhi nahi gaya tha!! Pratishodh veerta ki nishani nahi hota. Aur kaayar me shatru ko, kshama karne ka saahas nahi hota.

Ravan: In dantkathaaon me kya rakha hai murkh vaanar. Tumne kaha tha. Tumhare pita hamare mitr the. Parantu apne kul ka parichay nahi diya tumne.

Angad: Maharaaj. Devraj Indra ke putr, maharaaj Baali ka, mai putr hun. Mera naam, Angad hai. Maine ek aisi bhi dantkatha suni hai, ki mere pita maharaaj Baali, ek baar Ravan naam ke kisi praani ko, apni punchh me baandh kar, kai parvaton par ghumte rahe the. Yeh wahi Baali hai, jinhone Amrut manthan ke samay, samudra ko mathne me sahaayta ki thi.

Ravan: Tum vaanarraj Baali ke putr ho? Unki hamari to mitrata ki sandhi thi. Hame yeh dekh kar atyant dukh ho raha hai ki aise mahaabali ke putr ho kar ek tuchchh nar ke tum doot ban kar itni prasannata dikha rahe ho!!! Jo tumhare pita ka hatyaara hai uske pichhe, sevakon ki bhaanti haath jod kar ghum rahe ho!! Tumne apne vansh ko lajjit kar diya hai Angad.

Meghnaad: Ho sakta hai. Baali ke marne ke baad, Sugreev ke darr se, kisine bechare Angad ka sath na diya ho; aur yeh nihssahaay avastha me, apne kaka aur pitrahanta ki sevakai karne par vivash ho gaya ho.

Ravan: Yadi yahi baat hai, to tum apne aap ko nissahaay mat samjho. Angad. Tum hamare putr samaan ho. Ham tumhe tumhara rajya waapis dilayenge. Tumhare pita ki gaddi par, tumhara hi adhikaar hai. Tum apne aap ko vivash mat samjho. Apne hriday me pratishodh ki jwaala ko bujhne mat do. Tum Ram ke vishwasniy ho. Uska labh utha kar, akele me, chupchaap uska vadh kar ke, apne pita ki hatya ka badla le lo. Yahi ek veer putr ka kartavya hai.

Angad: He Dashaanan. Aap baar baar veerta ka bakhaan kar rahe hain. Par sachchi veerta ke gun nahi jaante maharaaj. Pratishodh veerta ki nishaani nahi hota. Aur kaayar kabhi shatru ko kshama karne ka saahas nahi kar sakta. Yadi Shri Ram prabhu, aapke apraadhon ko bhul kar, aapko apni sharan me aashray pradaan kar den, to yeh unki mahaanta hai. Unki udaarta hai. Unki paramveerta hai. Kaayarta nahi. Jinhone apne baano se, aapki naani Tadka, aapke mama Marich, aapke bhai Khar-Dushan jaise yoddhaon ko, aapki vishal sena samet, akele hi maar diya; unhe shaktihin mat samjhiye. Woh teeno lokon ke swami hai. Mere mahabali pita ne, marate samay, mujhe yeh bhed bataya tha, aur aagyaa di thi, ki mai unke shri charnon ki seva karta rahun. Isliye aapko mujh par daya karke, meri sahaayta ki aavashyak nahi. Ab apne aap par daya kijiye. Aur ho sake to, Shri Ram ki sharan me ja kar, apne desh, aur raakshas jaati ka, nash hone se bacha lijiye.

Ravan (Shouting): Angry Bas! Bahut ho chuka yeh pralaap. Matimand. Tune Ravan ki shaktiyon ko nahi pehchana. Hamara hath khadag ki ore jaata hai, to aakash me lokpaal bhay se kaampte hain. Jin bhujaaon ne swayam Kailash ko utha liya tha, un bhujaaon ke phadakne maatr se devta, gaandharva aur nakshatra bhi bhay se saans rok lete hain. Tumhari sena me aisa ek yoddha to bataao, jiske sath yuddh karne me Ravan ko aanand mile.

Angad: Aapne satya kaha. Hamari sena me, aisa koi nahi, jo aapse ladne me shobha paaye. Niti kehti hai, ki preeti aur bair, baraabarvalon se hi karna uchit hai. Aap jaisa paapi, kaami, stri-lolup; jo chhupkar dhokhe se, paraayee stri ko, churaata phire, aise neech ke sath, yuddh kar ke, kiski shobha badhegi?

Ravan (Very seriously angry): Savdhaan Angad. Yeh mat samajho ki tum doot ban kar aaye ho, isliye kuchh bhi kaho, hamare hatho bache rahoge. Doot ki bhi kuchh maryaada hoti hai. Yadi Ravan ke saamne seema se aage badha, to yahi tera shesh pralaap hoga. Abhaage. Yadi tujhe Ravan ki sahaayta nahi chaahiye to uske krodh se daro.

Angad: Ravan. Ravan. Kitni baar is naam ko dohraayenge maharaaj. Mai jaanna chaahta hun ki jagat me kitne Ravan hain. Maine kitne hi Ravano ke naam apne kaano se sun rakkhe hain. Maharaaj, inme se aap kaun se Ravan hai?

Ek Ravan to maine suna hai ki wo rajaa Baali ko jeetne, paataal me gaya tha. Wahan bachchon ne, use ghudsaal me baandh kar, bahut pita tha. Tab Baali ne hi, use daya karke, chhudva diya.

Aur ek Ravan ke vishay me maine suna hai ki Sahastrabaahu ne, ek jantu ki bhaanti kida samajh kar, pakad liya tha. Tab, Pulast muni ne, use chhudva liya tha.

Ek aur Ravan ki baat kehne me, sankoch lagta hai. Kyunki, kehte hain, ki mere pitashri, use apni kaakh me daba kar, apni pooja karte rahe.

Aise aise veeron me se, aap kaun se Ravan hai maharaaj? Big smile

Ravan: Murkh. Ham wahi balwaan Ravan hain, jinki bhujaaon ki leela, Kailash parvat jaanta hai. Hamari shoorveerta ko, Umapati Mahadevji ne swikaar kiya. Apne shishroopi pushp chadha chadha kar, hamne jiski pooja ki. Hamari bhoojaon ka paraakram, digpaal jaante hain. Hamari chhati ki kathorta ko, dashon dishaaon ke haathi jaante hain. Un diggajon ke daant, is chhati se takra takra kar tut gaye. Ham wahi jagprasiddh parataapi Ravan hain, jiske chalne se prithvi is prakaar dolti hai, jaise naav me koi haathi savaar ho. Us Ravan ke saamne, tu us manushya Ram ki baat karta hai!

Shath. Vaanaron ki sahaayta se, usne samudra par setu baandh liya, yahi uski prabhuta hai? Samudra ko to pakshi bhi laangh lete hain, usse we sabhi shoorveer nahi ho jaate. Yadi tera swami aisa hi yoddha hai, to doot kisliye bhejta hai? Shatru se sandhi karte use laaj nahi aati?

Angad: Maharaaj. Lajja to keval aapka hi gun hai. Isi lajja ke maare, aap baar baar apne gun gaate nahi thakte. He Lankesh. Ram ne darr kar, mujhe doot bana kar sandhi karne nahi bheja. Shri Raghuveer ne, yeh soch kar bheja hai ki siyaal ko marne se, sher ki shobha nahi hoti. Is kaaran, wo tum par daya karna chaahte hain. Parantu, tum daya ke paatra nahi ho. Ab, Shri Ram ki antim chetaavni, tumhe sunaata hun. Unhone kaha hai, ki mai tumhare apraadhon ka dand dene, Lanka ke dwaar par aa gaya hun. Brahmaa ke var ke kaaran, tumhe jo abhimaan hai, uske nasht hone ka, ab samay aa gaya hai. Raakshas adham. Yadi tum Sita ko le kar, meri sharan me nahi aaye, to mai is prithvi ko, raakshashin kar dunga. Jis bal ke bharose, tumne Sita ka haran kiya hai, us bal ko, aaj yuddhbhoomi me dikhao. Mai mantri, putr, aur bandhu baandhvo sahit, tumhara vadh karunga. Kyunki tumhare maare jaane se, teeno lok nishchint ho jaayenge.

(Looking at courtiers) Is Ravan roopi jahaaj ke doobne ka samay aa gaya hai. Ab bhi samay hai. Jise Shri Ram ki sharan me aana ho, woh aa jaay.

Ravan (Screaming): Vaanar!!!!! Angry (Stunned silence in the court) Ab isne apne jeene ka adhikaar kho diya hai. Isi sabha me, iska sir kaat kar, ise Ravan ki shakti ka aabhaas kara do. Aagya ka paalan ho.

Angad: Thehero. Maharaaj. Yeh bechare aapki shakti mujhe kya dikhaayenge. Mai aapko apni shakti batata hun. Jai Shri Ram. (He throws away all soldiers far away and contracts back his tail after coming down)

Angad (Continued.. - Now standing): He Lankesh. Yadi aapko apne yoddhaon ki shakti par bada maan hai, to mai Shri Ram ki ore se, aapke samast yoddhaon ko chunouti deta hun. Mai apna peir, is darbaar me jama deta hun. Yadi aapka koi yoddha, is peir ko dharti se utha sake, to mai apne swami ki ore se, yeh vachan deta hun ki woh apni haar maan kar, Lanka se waapis chale jaayenge. Jai Shri Ram.

Samujhi prataap Ram kapi kopa, sabha maanjh pan kari pad ropa;
Jo mam charan, sakasi sath taari, phirahi Ram Sita mai haari.

(Nobody including Meghnaad is able to move Angad's rock solid foot. When Ravan is about to do it......?? – Suspense Smile – he smartly and badly insults him. ClapClapHow? We all know it.Big smile)


Links for the references
http://www.valmikiramayan.net/yuddha/sarga41/yuddha_41_frame.htm
http://hindi.webdunia.com/religion/religion/hindu/ramcharitmanas/LankaKand/9.htm


Now Youtube links:
http://www.youtube.com/watch?v=3kZ3xP9G-ls&feature=related
http://www.youtube.com/watch?v=EzApN7FEVIQ&feature=related
http://www.youtube.com/watch?v=295BV1bGEPY&feature=related
http://www.youtube.com/watch?v=Nj-ymNAlAuA&feature=relatedEdited by ShivangBuch - 2010-05-08T08:17:04Z
0 Likes this
Posted: 2010-05-05T22:57:42Z
Originally posted by JanakiRaghunath


Yaaaaaaaaaaaaaaaaaay!
 
Guess what guys!Shocked
 
I can now stack avis!Dancing It's a super long and difficult process, but will tell you all how I did it!Big smile
 
For now I can only stack vertically, but will learn how to do it horizontally soon!
 
Here's my first attempt with the Ram Kahani avis Mahi made long ago.
 
 
Woooooooooooooooooowwwww......amazing avi!!!! So emotional!! I'm dying 2 know d process no matter how much difficult it is!!
And ya...have seen Ur horizintally stacked avis too...really brilliant work...!!  Btw...do U know where z our Lolavati these days???
I m missing both of U!!!Luv U alooooooooooooott!!!For U...
 
 
0 Likes this
Posted: 2010-05-06T07:50:32Z
Hi evr1!Big smile I made dis Siya-Ram sig...Hope U'll like!!Tongue
0 Likes this

Related Topics

Topics Author Replies Views Last Post Reply
CC~ 48 ~ DONE DANA DONE ~I/O

Anupama.   1145   47488

Anupama. 1145 47488 2014-03-22T00:00:29Z barauni
RamKiSeeta 1313 132486 2010-11-09T18:04:04Z RamKiSeeta
RamKiSeeta 1198 199678 2010-09-21T17:47:10Z RamKiSeeta
RamKiSeeta 1187 296386 2010-03-16T01:17:29Z Dpka1415
RamKiSeeta 1192 213504 2009-12-27T09:12:48Z RamKiSeeta

Topic Info

  • 1200 Replies
  • 242790Views

Topic started by RamKiSeeta

Last replied by RamKiSeeta

FORUM QUICK JUMP

TOP