(a)
Do Dil hai hum
Aur ek Jaan hai hum,
Hamarey Milaap ka woh khubsurat Pal
Roshan banagaya hamara anewala Kal,
Akruti mera Naam Hai,
Pyaar key ehsaas sey thi Anjani,
Aaoo Aaj Sunau Tumhe,
Kaisey Shuru Hue Meri Prem Kahani...
Umra Meri Kuch Unnees - Bees key Aass Paas,
Mann Mey Ujhala tha Ek Ehsaas,
Kahan? kaisa? hoga Mera Jeevan Saathi,
Mann Mey Basaali Banaali thi Ek Chavii Jarasi....
College Mey Kai Love letters Miltey,
Kehtey Pyaar hai Unhey Mujhsey,
Lekin Mere Mann ki Uss Chavii Sey,
they weh sabhi Anchuey sey....
Chavii Ek Muskuratey chehrey Ki,
Unn Pyaar bhari nazaro ki,
Chehra Jo Sukun Deta,
Thoda sa Bhi Aakrosh Naa Jhalkataa...
Jo khub mehnati, Hoshiyaar Aur sachaa Hai,
Jo Kadar karey, Pyaar Karey, Baahon mey bharley,
Jazbaaton ko samjhata hai....
Unsey Milna pyaar hona kitna suhana hoga,
Mere aur unkey Milaap ka woh pal kab anewala hoga,
Jab 21 ki Huee to unkey barey mey soch
mann muskura uthta tha,
Maata Pita chunegey Ya Prem Vivaah hoga,
Dil yeh sochta tha...
24 saal ki huee to Ek CA ki naukari
Main ab karney lagii thi,
Kaee logon sey milti julti Uss humsafar ka
besabree sey Intezaar karney lagi thi...
(b)
Ek family function mey mulakat huee Naam unka 'Prachet' tha,
Unka Chehra Murjhaya hua, Chehrey pey najaney kyun Gussa tha,
Mujhe To pehli mulakat mey hi Naapasand tha,
Lekin Naa Janey kyun unka chehra jehen sey naa chuta tha...
Jab Mere Maata Pita Ussi Insaan sey
Meri Shaddi Ki baat chalaney lagey,
Mann ghabraya Mere mann mey Premi ki bassi chavii
ko naa wah samajhtey they,
Wah Ladkey ka Parivaar, Ghar baar,
Aachaar Vichaar sey santusht they,
Mujhe kahin bhi wah dil mey bassi chavii
sey ulat hi lagtey they....
Umra 25 -26 Ho rahi thi,
Maata Pita Ki ab hukum ki taameer karni padi thi,
Maanoo sapney sapney hain
haqueqat nahi Maan kar chali thi,
Mann ka bhram tha shayad
Jiskey peechey main Bhaag rahi thi...
Shaadi ki tareekh tay karney sey pehley ek baar hum miley they,
Theek theek lagey kahin wah uss chavii ko chuu nahi paa rahey they,
Mann mey nirasha thi lekin yeh nahi ki 'Prachet' burey they,
Bass kuch jyada apeksha thi, sapney reh gaye Adhurey they...
(c)
Mulakato mey Prachet kehtey kahaan padhey, kya kaam kartey hain,
Kahaan kahaan Ghumey Aur kinn kinn batton ko Naapasand kartey hain,
Pyaar bharii unki nazarey nahi lagti thi,
Romance jhalkey aisee koi baat nahi hoti thi...
Muskuratey bohat hi kamm they,
Darr lagta gussa naa ajaye unhey ekdam sey,
yeh bhi sach hai baatein kartey Prabhavshaali,
thodey aur saral shabd hotey, par dil dimaag ko chuuleti unki boli,
Awaaz bhaari saaf aur spasht,
Ankhen khulee aur lagey kahin dil pey pad jaye naa koi khanjar,
Sukun nahi unkey chehre par tha,
Lekin baaton mey aaadar izzat jarur dikhta tha...
Kitni baar Log meri sunderta ki tareef kar chukey they,
Aur Aaj bhi kartey rehtey hain,
Prachet kehtey Sunder ho par sunderta badhti jaati hai
jab dil mey khushi bikharti hai,
Yeh Aarzu hogi hum jab bandhan mey bandhey
to dono uss sunderta ko kamaa sakey,
Saath chaltey ek dusrey ko aur bhi sunder lagey
Aur bhi sunder dikhey Yeh saath Kaayam rakh sakey,
Wah baatein dil mey roshni bikherti,
Sapnoo ko peechey jhod kaamna ki , aagey ki raah ho thodi sunehri'
Shaadi ka wah din pal aney ko tha,
Dil mey kitna kuch horaha tha,
Kahin khabrahat to kahin pareshani thi,
Kahin khushi to kahin becheini thi,
Maata Pita ki ankhon ki khushi mujhe nishchit kar deti,
Agey ki zindagi kaisi hogi socch bechain ho uthti,
Prachet mere Sapno ke humsafar jaisey nahi they,
Sachey rishto aur bhavnaoo ko samjhengey kaisey,
Main soch khabrati thi, Apno ko chod kar kaise rehpaungi,
Pyaar hua nahi hai kaisey Kisi aur ki purnaroop sey hojaungi'
(d)
Shaadi ke din sab kehtey Mera chehra Khushi sey damak raha hai,
Prachet dheere sey boley mere mann ki uljhan thakawat unhe dikh raha hai,
Yeh sunn to main ekdam muskurayi,
Mehsus huaa unhey kaisey dikhi mere mann ki sachaaee...
Saat phere hogaye aur maang mey sindoor bhara tha,
Galey ka wah mangalsutra bhyataa ka har shrungaar chola tha,
Babul sey bidaee ki wah Ghadii maanoo mujhe channiii kar gayi,
Jaisey gaadi mey baithi Prachet ki berukhi sey main darr gayi...
Socha Kuch kehkar Aansuu Ponchkar mujhey Sambhaltey kyun nahi hain,
Samajh rahi thi, Prachet itney Jazbaati nahi hai'
Woh suhaag ki pehli raat ya kahun
Milaap ka woh Pal sejh par main beithi thi,
Prachet kamrey mey ayee dil ki dhadkan tezz ho rahi thi,
Beithi soch rahi thi Jo Ab tak mann mey bas Na paaya hai,
Tann sey kaisey Usey sab kuch arpan kar dungi,
Shaadi karkey Pati hai mere, Kya patni ka har
Kartavya Nibha sakungi?
Prachet Aaye aur baithey paas mere,
Uljhan jhijhak, ghabrahat thi mujhey ghere,
Unhoney tab Mera haath pyaar sey thaamaa aur bohat kareeb Aaye,
Kuch pal saansey Ruksi gayii Kyunki haath thaamkar wah Muskuraye.
(e)
Unki wah muskurahat mere sapno ki chavii jaisi thi,
Jab unhoney mera Naam pyaar sey Liyaa to dil mey bhari khushi thi,
Wah boley Aakruti hum pati patni hai Ab jeevan saath guzarna hai,
Main tumhara hun aur tum meri Aisi ganth mey bandh jaana hai,
Hamarey Beech ki saari Uljhaney, ghabrahat sabko Mitaakar
tumhe Apney dil mey Basaa kar rakhana hai,
Itnaa kehta hun Iss janm mey hi itna pyaar baant sakun
jitna saath janm mey karnaa hai'
Prachet Ney kaha Shaadi ki hai Tum mere dil par Raaj karogi,
Sacch kehta hun Tum hi to ho Mere jeevan mey khushiyaan bharogi,
Kahun to tumhey yeh baatein filmy lagey,
Lekin main pyaar ka ehsaas karna chahta hun,
Apney jeevan mey tumhari sunderta mey doob kar
prem rass mey bheegna chahta hun'
Main sharmayee aur kuch keh na paee thi,
Wah bhi sharmayee lekin meri muskurahat unki himmat badhaa rahi thi,
Prachet Boley pehli mulakat mey Naa janey main tumhe kaisa lagaa hunga,
Sacch kahun shaddi honey tak tay nahi kar paaya
tumhe kaisey bataa kar samjha kar apna banaa lunga'
Main boli Prachet Aap Romance ki baatein kar saktey hain,
Maine kuch mulakaton ko dekh socha nahi tha,
Jo insaan Itna sanjeeda dikhta hai
wah dillagi ki baatein kar payega Aisa lagtaa nahi tha,
Prachet Phir Muskuraye Kaha gairoo ke samney
thoda serious type hun aisa duniya ko dikhaata hun,
Bheetar mujh mey jhaank sakoo to dekhogi
main ander sey pyaar key liye kitnaa tarastaa hun'
Maine kaha jheejhaktey huye
aap jazbaati Hongey Aisa nahi pataa chalaa,
Prachet jab bidaaii mey main itna royee
aap ko Dusree orr muh phertey Dekh bura Lagaa tha,
Prachet achanak Pareshaan Huye Aur mere dono hathon ko unhoney thaamaa,
Shama karo kehkar main tumharey ankhon mey itney aasuu dekh
kahin bhavuk naa hojauu isliye muh jhipaa raha tha'
(f)
Prachet kehney lagey choat lagi hai jab apno key Agey
maine apney ghaav dikhaye hain,
Apney hi they woh ab gair hain
jinhoney unn kamjoriyon key faydey uthaye hain,
Maine poocha Aisey kaunsey ghaav kamjoriyaan thi,
Mujhe jaanani wah saari haqueekat thi'
Wah boley Shaadi jab tak hue nahi
mujhe itney kareeb naa laa sakey they ,
Dil key unn konoo mey mujhe
jhankney deney ki koshish nahi kar paa rahey they,
Ab jab shaadi ho gayi hai to kahin ek Ehsaas jaagaa hai,
Saari baatein dard, jaanlo, janana chahoo har ek haq tumhara banta hai'.
Boley ghaav they ki wah andherey sey dartey jaa rahey they,
Maaa ki mrutyu key paschaat Har kisi ki gooad mey sar rakh roo letey they,
Maa bohat hi badi Vakeel reh chukki thi,
Bohat kuch unkey naam kar chukii thi,
Ussi doraan Maa ka naam lekar rishteydaron ney Khoob paisey lutey,
Pyaar mamta ka hath pher kar vachan kiye sarey jhuthey they'
Rishtey Daaro ney Mere Ghaav kamjoriyon Ka khub Faydaa Uthaya tha,
Binaa Bhanak padey Maa ki mehnat sey jutaya paisa khud par udaya tha,
Main jahan Ek Ek Rishteydaar ke ghar jaakar
Unki Goud Mey seer rakh Maa Kaa Anchal Dhundtaa rehtaa,
Wahan Woh Ek Ek kar kagaz par mere mujhe behalakar
apne naam karlena yehi hota rehta tha,
Tab kamjorii yehi ki akelepan sey darr lagta andhere sey,
Dikha nahi Unka maksad lagaa
Itney sarey Rishtey darr key pyaar mey gheerey they'
Lekin Lalacch thi pyaar Ansoo unkey sab banawat tha,
Jaise Jaise paise khatm hue wah sb door hue Dikha tab sach tha,
Ab khoob mehnat ki hai aur jitna tha utna khone nahi diya aur Kamiyaab horaha hun,
Apne bal par agey baddh kisi ki ungli thamne ki koshish nahi karta hun'
Ab tak kabhi unh Rishteydaro ko maine koi sawaal nahi kiya hai,
Galti merit hi jo apni kamjori dikhayee maine hi to galat kiya hai,
Isliye main jazbaati logo key samney nahi hota,
Apney rehey hi nahi koi Jinkey agey main Jee halka karpata,
Ab tum mere jeevan mey ayi ho,
Pura karogi mere jeevan ki iss kami ko?
Main poocha Andhere sey kyun darney lagey they?
Aur kya uss darr par jeet paa chukey they?
Wah boley andhere sey darr kyunki aisey ek andhere mey
unki Maa ney damm toda tha,
Pitaa ney kaee saal pehley kisi aur key liye
unki Maa ko chooda tha,
Kehney lagey darr parr jeet paa chukey hain,
Poocho nahi us jeet key liye kitney dard sey guzarey hain'
Maine Poocha thoda Jhijhaktey huey ki
Jab jazbaati nahi Aur geiron par Vishvaas hi nahi,
To Shaadi karney ka Nichchay kaisey Kar Paaye they,
Kuch sawaal they dil mey maine poonchliye sarey they'
(g)
Wah boley Shaadi Ka Nishchay Shayad kabhi nahi kartaa,
Rishtey daaron ney Alag Alag Ladkiyyon ka prastaav Rakhaa
Main Unhey Naa kar chukka tha,
Apni Zindagi mey ab itney kareeb kisiko Nahi Aney dey sakta tha,
Sacch kehta hun, Ab Vishvaas shabd sey Nafrat kar ney Lagaa tha'
Unn Rishtey daroo key Khokhley Chehrey , baatein Sun kar Annsunaa karta hoon,
Apni Soch Aur Dekhi par hi Vishvaasi karta hun,
Aisey mey Yeh sacch hai akeleypan mey Doobaa jaa raha tha,
Meri Maa ki tasver sey baatey kartaa Kaisey to mann ko behlaa raha tha'
Maine Sunaa To chaukii Ki phir kaisey Mujhsey Shaddi Ka faisala Kiya tha,
Kaisey Iss rishtey ko kabula Aur mujhpar Vishvaas kiya tha,
Wah kuch boley nahi lekin Ek badii Meethi si Muskaan chalakaee,
Main dekhkar pareshaan hue Kuch samajh nahi Paee,
Wah meri ankhon mey dekh kar kuch halchal machaa gaye,
Aisa lagaa Unn ankho sey hay Mujhe khayal kar gaye'
Boley hamari Mulakat Huee Uss function mey
Jahan Main gaya tha Maa key collegue Ko Mubaarak baad deney,
Maa Unhey bohut manti aur woh unhey acchi tarah jantey the
Kayee janm lagengey Unkey upkaar Chukanemey'
Wahan Tumsey Mulakat hue Unhoney tumhey Apni bhatiji
kehkar Humey Milavaya,
Jaanta tha Unkey Mann mey Meri shaddi Tumsey karwaney
Ka Khayaal tha ayaa,
Maine Unhey kahaa tha Mujhe shaddi nahi karni
bandhnoo rishtoo sey door hai rehna,
Wah keh gaye Ek baar Milto lo,
pasand Naa aye To Inkaar kardena.
(h)
Maine to bindekhey Inkaar ka Mann banaya tha,
Dekh kar Inkaar karney pahuncha tha,
Lekin Wah boley Tum Ek baat thandey Dimaag , shaant hokar Sochoo,
Tumhari Maa aaj Jeevit hoti to kya kehti, chahti tumsey yeh samjho'
Wah Sirf Tumharey Business Ki kabiliyat dekh Khush nahi hoti,
Jiskey Liye Woh tarasti rahi Uss khushi sey
Tumhe bhi mehrum dekh Tadapti,
Maa ka jeevan Iss dard mey dooba jaata Ki
Akeley Jeevan ko seechna hai,
Humsafar satth choodgaya
Parivaar rehgaya adhura hai'
Haq key liye to wah laddi lekin
Pyaar ko hasil nahi kar payi thi,
Pyaar ka ehsaas hua tha lekin
usey jeevan mey nahi Kayam rakh saki thi,
Iss Pyaar ko tumharey jeevan mey kayam rakhna chahti hongii,
Tumhey yunh akelepan mey dekh assuu sey bheeg jati hongii'
Sunkar Mann Khud sey Sawaal Karney Lagaa tha,
Apney Liye Naye Sachey Rishtey Sanjona chahta tha,
Sochaa Ek baar To Dost Saathi Humsafar Ko Chunney Ki Koshish Karu,
Sochaa Apni Kismat, Jeevan Ko Sawarney Ka Ek aur Mauka Du'
Hum jab Miley Aur Aaraam sey baatein Kar rahey they,
Aisa mehsus hua Jeevan mey Kuch sachey Rishtey bann rahey they,
Phir bhi kahin yeh tanaav mann mey tha,
Kahin yeh bhi banawati Naa hoo Iss Uljhan mey tha,
Tabhii to tumsey iss pal ki nahi jeevan bhar ki sundarta ki baat karta,
Sacch aur banawat key antar mey uljhaa rehta'
Lekin Phir Jaanta Pehley mujhe to Apney Mann mey sachhaa,
Puraaa , Beintehaan Pyaar bharnaa hoga,
Tabhi Kisi aur sey Utni sachaaee,
Pyaar Ki Apekshaa karnaa Hoga'
Main Sunn Muskurayi Issii Sachey
Ehsaas Ki To main chahat rakhti aye,
Wah dekh meri Muskurahat Poochey Kiss baat sey
Mere ankhon mey chamak thi Aaee,
Maine kaha Apnoo sey Maine bohat hai Paayaa,
Unkey Pyaar ney har Raah par Takaat bann Mere Liye Raasta banaya'
Jab sochti Inn sab Ko jhodd kaisey Kisi aur Ko jeevan manungi,
Kitney sapney buney Sochaa kitney achey hongey jinki main hojaungi,
Jab hum Miley to pehli mulakat Pasand nahi aaee,
Hamara byaah tay ho raha tha yeh baat raas nahi aye...
Mere mann ki chavii thi Ek Sukun sey muskuratey chehrey ki,
Pyaari baatein kartey jinkey mann mey bhari chahat thi,
Jo sachaaee sey rishtey nibhatey aur jazbaatee ho,
Jo meri harr takleef ko jaantey ho,
Hum Miley they aur Aap mey Chavii ki ek parchayee bhi nahi thi,
Maine to Maan liya Sapnoo ki koi haqueeqat nahi thi.
(i)
Aaj Iss Pal jab Aap bheeter Ayee,
Aakar Uss Mann ki chavii Ki tarah Muskuraye,
Haath thaam kar mann mey pyaar ka ehsaas jagayaa,
Dil ka dard baant kar Ek lamhe mey Apna banayaa…
Ankhon mey aap ki sachaaee dekhi,
Mere liye Vishvaas pyaar Ki gehrayee dekhi,
Isssey badkar to Maine sapney mey bhi nahi kalpana ki hai,
Sapno sey badkar Aap miley mujhe milee khushiyaan hai…
Prachet ab sachh mey bohat hassey
Aur unhey mujh par bohat pyaar aa raha tha,
Main Samajh rahi thi ek bachpana Mujhmey,
Shayad unhey Nazar Aa raha tha,
Main Sharmayee nahi kyunki mere Dil mey
Unkey jaisey Humsafar Paaney ki khushi thi,
Woh meri khushi dekh kuch kuch sharmayeey
Aur baddh rahi meri Muskurahat thi,
Wah Paass Aakar boley Tumharey Sapnoo ka rajkumar
kaisa tha Yeh tumney keh diya hai,
Kya yeh nahi sunna chahogi mere sapno ki princess
ka chehra kaisa hai,
Main Maanoo Ekdam pareshaan hue,
Sachh kahun Princess naam sunn kuch kuch jalan hue,
Maine 'hmm' kehkar Kehney ko kaha,
Lekin Dil yeh kehtaa main Milgayii Ab sunana aur kya tha…
Wah Boley Shaddi Pyaar sapney Pataa nahi,
Sapney dekhney ki waisey fursat nahi thi,
Magar jab sey Sinha sahib ki bhateeji sey milaa,
Sapnoo ki lag gayi kataar thi,
Sapnoo mey Apnaa bass yehi ek chehra dekha,
Sapno mey tumhe niharata rehta,
Haqueeqat mey romance ki baatein kartey jhijhaktaa tha,
Sapnoo mey unbaatoon ko dil khool key kartaa tha,
Ab Meri jalan door bhaagi aur hum kareeb aye,
Ek dusrey ko paaleney ki khushi mey simtey gaye…
Jaisey Koi Apna Bijhada huaa Deenoo baad Milgaya hai,
Pyaar ki bojhaar karkey Uskey Aaney ka jashn Maann kar raha hai,
Tan mey Sammaa kar Mann trupt hogaya,
Palkein jhuki jhuki si thi,
Mann bawara ho unki hun main Yeh kehtaa jaa raha tha…
***************************************************
(j)
Hamarey Milaap Ki woh Ghadi thi,
Ek Dusrey ko paaney ki kitni khushi thi,
Ankho mey ek dusrey ki, khud ko dekh kuch keh rahey they,
Laboo se chuu kar ek dusrey key pyaar ko Aatmaa mey basaa rahey they,
Woh pal aisa tha, kitna kuch kehgaye they,
Ateet ki, khud ki, aur kehtey haathon ko chumm rahey they…
Shaddi key bandhan ki Woh gaanth badi majboot thi,
Milaap ka woh ek shaann tha kafi jeevan ki khuli har guthi thi,
Milaap aur Milan Ki woh Raat baatein humney hazaar ki,
Kabhi parivaar, pyaar to kabhi anewaley baharr ki…
Woh hathon ko chumkar kehgaye tum jaisi ek aur ho to Dil bhar jayega,
Maine gussey sey dekha aur unhey durr kiya tha,
Woh hass padey they maanoo unhey woh teekhi nazar par pyaar ayaa,
Main Laal peeli hue jaa rahi thi aur sawaal kar daala,
Mujh jaisey Ek aur, kya Ek Biwi bas nahi Janaab Ko?
Boley oh meri ardhangini Ek pyaar ek loti Biwi
sey mil gayi mujhe kayanaat hai,
Lekin Kya Suhaag ki Sej par Pitaa bananey Key sapney ko
apni Biwi sey Baantana Itna Vahiyaat hai?...
Main bohat Sharmayee Aur samjhi Mujh jaisi beti ki baat kar rahey they,
Unkey seeney mey mujhey jagah milgayi hum lipat gaye they,
Prem rass ko badey kareeb sey apney dil mey samaa rahey they,
Ek dusrey ki Sunderta ko tann mann sey dekh rahey they,
Uss pal Tann Mann sey sampurna sowpaney ki chaa bani,
Ek dusrey ko chumm kar manoo humney haami bhari…
Hast Milaap Shaddi ki ek rasam hoti hai,
Hathon ka milna ek dusrey ko adhikar soupaney ki Reet hoti hai,
Humney shaadi key rasmoo ka har ek vachan liya tha,
Har kasam aur rasam ko purey izzat sey pura kiya tha,
Lekin woh jo Milaap ka Sachaa shaan tha,
Woh tha jab Humarey Mann ka Milaap hua tha,
Uss Mann key Milaap sey humney rasmo kasamo ko
izzat hi nahi balki unpar chalney ka Nirnay vadaekdusreysey kar liya tha,
Mann ki woh ganth aisee bandhi ki har rasam kasma Pyaar ka saakshi ban betha tha…
Main Akruti kahin samjh rahi thi Sapno ka wajood nahi,
Adhurey hi nahi wah to mitt gaye hain,
Iswaar ka bohat bohat dhanyawaad unhoney
Haqueeqat mey Sapno key sareey rang bhardiye hain,
Prachet aur meri prem kahani uss Milaap key shaann mey
Ek paudhey jaise panap uthi thi,
Din din kar woh Paudha baddhh raha hai Vruksh ki bhantii,
Ab to Do Dil hai hum
Aur ek Jaan hai hum,
Hamarey Milaap ka woh khubsurat Pal
Roshan banagaya Hamara Aaj aur anewala Kal.
-------------- By Bhoomikauttam
"Pyaar ka ehsaas sabsey suhana hai,
Pyaar sey hi bastaa Ashiyana hai,
Sapno ko haqueequat banalo jab
samjh sako ek dusrey ke nazariye ko,
Milaap ki uss ghadi mey jeevan bhar ke liye
pyaar vishvaas tab bharlo"
A huge thanks and hugs for my lovely readers and friends Jyothi, Monika, Sumaiya, Jessica, who have commented and made me to post this regularly. Ur comments have really made me feel like coming back here and sharing my stories with u all. U all have surely brought a lot of creative input in my thoughts.. and This Milaap of Aakruti and Prachet became more beautiful with the wonderful support and comments of my lovely readers.
Edited by bhoomikauttam - 14 years ago
comment:
p_commentcount