Posted:
Hello! I am back!
The praise of The Lord is incomplete without the mention of Ramcharitmaanas
The Amulya Ratan of Goswaami Tulsidasji has been popular version of Ramayana for the masses. And it indeed is considered a spectacle with all its Kaands giving the perfect picture of Ramayana to the Common Man
So on the pious occasion of The Ram Sita Milan ,here I present its small verse, in my style!
Mangal Bhavan, Amangal Haari
Mangal Bhavan Amangal Haari
Drawahu Su Dashrath Ajar Bihari
Woh mahan Shakti Jo humaare saare dukh Har leti hai, Uss sarvopari ishwar , Bhagwan Shri Ram( jinhone apna bachpan Ayoyhya Naresh Raja Dashrath ke god mein bitaya hai, Jo unke Vansh ke chirag hain) , Uss paramkripalu ki anukampa sada mujhpar bani rahe, aisi meri iccha hai
Ram Siya Ram Siya Ram Jai Jai Ram
Ho, Hoi Hai Wahi Jo Ram Rachi Rakha
Ko Kari Tarak Badhaye Sakha
Mere Bhagwan Shri Ram Hi sarvagyaani hain aur samay, kaal ka sampoorna Chakra unke haathon mein hai. Ve jaisa chahtein hain, iss sansaar mein vaisa Hi hota hai, toh phir mere mitra, mere sakha tum kyun mere ishwar ki icchaon se vipreet sochte Ho? Jaisa ve chahenge, sada vaisa Hi hoga
Ram Siya Ram Siya Ram Jai Jai Ram
Ho Dheeraj Dharam Mitra Aru Nari
Aapad Kaal Parakhiye Chaari
Dheeraj arthaat dhairya, dharam, Mitra tatha Naari ki vaastavik pehchaan manushya ko keval bure vakt mein hoti hai.
Ramayana ka yah sabse goodh(deep) Saar hai. Mata Sita ne bhi anek baar bure vakt mein Shri Ram ka saath diya va baar baar swayam ko pramanit bhi kiya. Dhairya Ek aisi bhaavna hai jiski pareeksha swayam ishwar ne bhi di thi.
Ram Siya Ram Siya Ram Jai Jai Ram
Ho Jehike Jehi Par Satya Sanehu
So Tehi Milay Na Kachhu Sandehu
Satya lakh koshishon ke baad bhi nahi chupta. Aant mein keval sacchai ki Hi jeet hoti hai. Ravan ke ghamand va swaarth ka bhi aant prabhu ki sacchai ne Hi kiya tha aur sadaiv aisa Hi hoga.
Humaare bhagya mein jinse milna likha hota hai, unse Milan Ho Hi jaata hai. Isiliye toh Maata Sita ke swayamvar mein Vah divya dhanush mere prabhu ke sivaay kisi se naa utha. Kyunki unka Mata Sita se vivaah nishchit tha.
Ram Siya Ram Siya Ram Jai Jai Ram
Ho Jaaki Rahi Bhawna Jaisi
Raghu Murati Dekhi Tin Taisi
Jiske Mann mein jaisi Bhavna hogi, usko ishwar bhi usi samaan dikhai deinge. Raavan ke Mann mein Anhankar tha isiliye use mere Shri Ram mein Narayan nahi dikhai diye. Use keval unmein Ek pratidwandi dikhe. Doosri taraf Mahabali Hanuman ki Bhakti bhaavna aisi thi ki janam ke samay Hi unke mukh se prarham shabdh Shri Ram nikala.
Ram Siya Ram Siya Ram Jai Jai Ram
Ho Raghukul Reet Sada Chali Aayi,
Praan Jaaye par Vachan naa Jaayi
Raghukul ki sada yahi reet hai, Ek Raja apne praan nyochavar kar de parantu apna vachan naa tode. Isliye toh Raja Dashrat ne Kaikayi ko diye hue Vachan ka Maan rakhne Hetu apne Atyanta priya putra, mere prabhu ko vanvaas tak de diya. Aur phir unke vichoh(separation) ke dukh mein apne praan bhi tyaag diye.
Ram Siya Ram, Siya Ram Jai Jai Ram
Ho Hari Anant Hari Katha Ananta
Kahahi Sunahi Bahuvidhi Sab Santa
Uss sarvagun sammpanna ishwar ki katha sada sada ke liye Chalti rahegi. Naa unka koi aant hai naa unki kathaaon ka. Anant kaal tak yeh aisi Hi logon ke beech prakhyat rahegi.
Mere ishwar toh Ek Hi hai, keval bhaiti bhaiti ke Santo ne unpar alag alag kathaein va granth likhe hai. Ishwar Ek hai aur yahi satya hai.
Ram Siya Ram Siya Ram Jai Jai Ram
Hope it's good!
Mahishee
Cricket
Health and Fitness
Seher Hone Ko Hai
