Bas itna bata do

Dabey paav zindagi mein aakar

Ab yeh kaise shor macha rahe ho

Kya apne anokhey andaaz mein

Mujhe pukar rahe ho?

Apne shabdo se, kavita se

Kaise uljhan mein bandh rahe ho

Bas itna bata do ki yaad kar rahe ho

Ya yaad aa rahe ho?

Chor to nahi ho

Par kar baithey na chori

Meri hi soch

Ab rahi na meri.

Dabey paav zindagi mein aaye

Ab kuch apne se lagte ho

Kya tum bhi mujhme

Kuch kho se gaye ho?

Kyu mili main tujhse

Kya yeh sangam zaroori tha

Par lagta hai, bin milke nahi samajhti

Kya maine khoya hota

Hasaatey ho, rulaatey ho

Aur har ghadi satatey ho

Bas itna bata do yaad karte ho

Ya yaad aa jaatey ho?

Musibat haath dhokey pichey hai padi

Par yeh musibat maine hi ki hai khadi

Shayad maine hi sun liye

Jo tumne kabhi kaha hi nahi

Adhuri thi, par tooti nahi

Yeh sapna hi to hai, tod do iss jald hi

Laut jau uss bin mausam barsaat ki tarah

Bhiga ke mera angan, mehkakey yeh sama…

Nahi to main bikhar jaongi

Mala ke motiyon ki tarah

Baatein ghuma ke kartey ho

Tumhe kya dosh du,

Jab main hi hu apradhi

Maine hi khidhki darwaazey kholkar

Tufaan ko kiya amantrit

Ab darwaazey khidkiyaan band kar dungi

Koshish karke tumse dur ki rahungi

Par kya tum unhe tod kar phir milogey mujhse

Apne aap se to umeed nahi hai, kya umeed karu tujhse…

Bas itna batao do

Kya koi galti hui hai mujhse?

(c) Preeti Datar

14 March 2008

first of welcome back Preets...am so happy to see u back... 🤗
secondly...so so sweet... just loved it... 👏

wow what a great poem!! loved it preeti!! 👏 👏 👏

Love,
GRacella

i really liked it. good job!

owww its aweosme really liked it dear 👏

owww its aweosme really liked it dear 👏

Did you write it yourself?

It was really nice. :)

THnaks everyone!!
i'm glad u liked it!
😳 thanks also for d warm welcome