Posted:
Tum aaye the
Meri awaz tumhare kaanon tak pahunchi thi
Mere dil ka dard mehsoos hua tha tumhain
Mere maan samman, garima ki raksha ke liye
Tum aaye the
Tum aaye the
Meri maang ko sindoor se sajane
Mujhe apni ardhangini banane
Hamare pyaar pe vivah ki mohar lagane
tum aaye the
Kyon der ki aane main tumne
Kyon na rok paye tum mera janaaza
Kyon raakh ho jaane diya pyaar hamara
Kyon na ban paye tum mera sahara
Kayee shikayatain hain tumse
Par ab kahoon bhi toh kis haq se
Shikva to apnon se kiya jaata hai
Tum aaye ho toh ban ke koi gair se
Kya bewafa maan ke muh mod loon tumse?
Ya ummeed the daman tham ke rakhoon?
Yaadon ki rakh ko bikhar jaane doon?
Ya, dhadakte ehsaas ko panapne doon ?
Ghut ghut ke marne to zindagi maan loon
Ya pyaar ki khatir, hawaon ka rukh mod doon
Kal sochoongi, poochongi apne hi dil se
Aaj itna hi sukoon kafi hai
Ki tum aye the!
Kabhi Neem Neem Kabhi Shahad Shahad
Anupamaa
