Posted:
Hi all,
I noticed that first few pages of the forum are busy discussing abt the wonderful dialogues of yesterday's episode and came up with following post.
Scene 1 - Follow up on the previous episode (After the thapad)
Dilsher - Main ne kaha tha na , bas.
Rudra - Bapu sa, tune mujhe thapad maara, yeh.. iss iss aurat ke liye. Dushman yeh hai, mein nahi hoon.
Dilsher - Apne baap ke saamne apne ma ke liye kuch nahi bolega tu.
Rudra - Kya bola tu? Kya bola? Maa? Maa - ye, aaj ye, maa ho gayi. huh? Bhool gaya? 15 saal tak kya bolta raha hai mujhe? Ye ek khoobsurat aurat hai aur khoobsurat aurat kissi ki nahi hoti, na apne bete ki, na apne pati ki. Bhool gaya? Apne haath se 15 saal tak ye jehar gholta raha, bhool gaya?
Dilsher - Nahi, nahi bhula. Sab yaad hai mhaare ko. Bas. Faraq ye ki uske saath-saath vo yaadein bhi laaut aayi. Rudra, Rudra.. Thaare ko poori kahani pata na hai. 15 saal pehle jo kuch bhi hua vo...
Rudra - Jaanta hoon, sab yaad hai. 15 saal pehle bhaag gayi thi dhoka dekar. Tera pyaar, tera bharosa aur mera bachpan, meri cheekh, meri pukar, sabko rondhkar, kuchal kar bhaag gayi thi ye.. Kissi, kissi paraye aadmi ke saath rehne ke liye. Aur aaj bhi yehi hoga.
Scene 2 Rudra leaving the room with Paro following him in the corridor.
Paro - Major Saab, Major Saab? Major Saab rukhiye.
Danveer - Parvati baisa? Bhai sa, ke hua? Zor zor se chilane ki awaaz aayi aur.. Yeh rudra iss taran, itne gusse mein gaya hai. Koi badi baat ho gayi hai ke?
Dilsher - Jaane de usse.Thodi der akela rahega toh, andar ka lava rukega aur akal bhi tikhane aayegi.
Mala - Aapko thapad nahi maarna chahyiae tha. Baccha nahi hai, ab voh.
Dilsher - Baccha hi rehta toh use thapad na maarne ki zaroorat nahi padti. Kyunki, tab voh batameezi ki baatein nahi karta.
Mohini - Uss ne jo kaha, voh aapse hi toh sikha hai, Bhai sa.
Danveer - Mohini, nahi.
Mohini - Agar mhaare nahi kehne se kuch bhi badalta, toh aapko kya bataon, ki kiss kiss baat ke liye main nei nei (actually nahi nahi, but her mockery wala tone include karna tha) jaap karti rehti.
Iss haveli mein itne aayine hain, lekin bhaisa ko sachayi dikhane wala nahi, sachayi sunnane wala aayina chahyiae, jo main hoon. Inke laadle ne uski maa ko jo kaha, uske liye inko itni taqleef kyun ho rahi hai? Jo aaj bhatta hai, voh baarood inhone hi toh bhara hai uske andar.Aur usne ghalat kya kaha? Uski maa bhagodi hai toh uski...
Dilsher - Mohini!! Theek hai Bas, ab koi dosh nahi daalega iss par.
Mohini - Na na, jethji sa. Hum toh sirf voh hi keh rahe hain, jo itne barson se aapke mooh se sunte aa rahe hain.
Dilsher - Haan, toh barson pehle jo main ne kaha tha, voh sab ghalat tha. 15 saal pehle jo kuch bhi hua, uss mein gussa sirf iss liye tha ki, kahin na kahin mhaare andar yeh baat dabi hui thi, ki mein haar gaya tha. Ek mard haar gaya tha. Ek mard sharminda hua tha. Ek mard ko neecha dikhaya gaya tha, ek mard ko. Issi chid aur issi ghutan ki vajah se, main ne saara dosh iss par daal diya. Apne bete ki nazaron mein main ne iske, karamo ki vajah se kam, apne toote ahankaar ki vajah se, zyaada giraya. Aur main ne khud ko bhi mana liya ki, iss ghar mein jo bhi ghalat ho raha hai, iski vajah se ho raha hai. Usse iss ghar se kuch mile, na mile, use mhaare se kuch mile, na mile, lekin, usko issi ghar mein rehna hai, yahin mhaare saath, mhaari har baat manni hai. Aur issi liye, iske dhoke ka jehar banata gaya, aur har roz, khud bhi peeta gaya. Aur Rudra ko bhi pilaata gaya. Phir, phir yeh ladki, yeh bacchi aayi. Aur mhaare ko sikha gayi ki, ki pyaar kya hota hai. Saacha, aniswarth pyaar. Isne mhaare pathar dil bete ko, zinda kar diya. Iska pyaar, iski lagan, iss ne hairaan kar diya mujhe. Aur issi liye, aaj mein yeh samaj sakta hoon ki 15 saal pehle jo kuch bhi hua, uske liye sirf, sirf yeh zimmedaar nahi hai.Sirf iski galti naa hai, galti mhaari bhi hai. Nahi, yeh galat toh kabhi thi hi nahi.
Mala - Bas.
Dilsher - Itne saalon tak zehar hi ugalta raha hoon. Apne bolne ka waqt aaya hai, bolne do mhaare ko.
Mala - Nahi. Jab se yahan aayi hoon, kya kuch nahi suna main ne. Bahut kichad uchal chuka hai,main nahi chahti ki meri vajah se aapko bhi sunn na pade.
Dilsher - Nahi mala. Iss haveli mein itna saalon tak, tum uss gunah ka saza kaat ti rahi, jo tumne kabhi kiya hi nahi. Lekin, bas ab aur nahi. Ab sach bolne do, mhaare ko bhi.
Mala - Bas, aapko rudra ki kasam.
Mohini - Uff oo.. Kya prem bhara mahaul bana hua hai. Bas aangan mein phool khilne baaki reh gaye hain. Kasme, waade, mar-mitne wala pyaar. Mhaari toh aakhen hi jhalak aayi. Bas, itna khayaal rahe ki, beendi khadi hai yahan. Uske saamne kahin, ek doosre ki baahon mein, hi na chale jaana.
Danveer - Mohini!!
Mohini - Chaliye, chaliye. Inn pyaar ke panchiyon ko, thodi der akela chodd dete hain. Aayiae.
Danveer - Aayiae bhaisa.
Scene 3 Rudra in his room, with the flashbacks and venting out his anger.
Flashbacks
1st
Dilsher - Voh vapas lautkar nahi aane wali. Vo gayi.
2nd
Dilsher - Chal.
Jr Rudra - Bapu sa nahi, bapu sa, bapu sa nahi jaana. Bapu sa yahin rehna hai.
3rd
Rudra - Aisi aurat ko kya kehte hain..
Back to present
Rudra - huh.. huh.. Agar yeh kehne aayi hai, ki main jo kiya galat kiya, toh chali jaa yahan se. Jo kiya, sahi kiya.
Paro - Yeh vo Rudra nahi hai jiss se main ne pyaar kiya tha, Major Saab. Jis Rudra se main ne pyaar kiya tha, vo kathor the, pathar-dil the, lekin, sahi aur galat mein faraq jaante the. Aur yahi samaj, unki sabse badi taakat thi. Vo sirf mhaare hi nahi, har uss insaan ke liye rakshak bane, jo kamjor tha, laachaar tha. Haan, auraton ko lekar unke, khayaal kuch aache nahi the, lekin, phir bhi, unn se chidd hote hue bhi, unhone kabhi unki fiqr, unki parwah, unki raksha karna, kabhi nahi choda.
Jis Rudra se mhaare ko pyaar hua tha, unhone mhaare se nafrat karte hue bhi, mhaare liye thapad khaya. Vo Rudra, ek aurat ke saath aise, kabhi nahi baat karta, jis taran aaj aapne maa..
Rudra - Maa, nahi hai meri voh.. Huh.. huh..
Paro - Mhaari baat ab tak khatam nahi hui, Major Saab. Kuch mahino pehle, mhaari shaadi hui thi. Socha tha, jindagi bhar ka saath hoga, mhaara aur uss aadmi ka. Lekin, mehendi ka rang utarne se pehle hi, mhaari aankhon ke saame usse goli maar di gayi thi. Jhooti shaadi hi sahi, lekin, main vidhva bann gayi thi..
Rudra - Parrooo!!
Paro - Haan, Major Saab, vidhva. Ek aisi vidhva, jo suhaag ke chutte hi, ek paray mard ke saath chali gayi. Uske ghar mein, uske kamre mein, uski mangetar bankar rehne lagi..
Rudra - Bas Paro!!
Paro - Phir mhaare ko uss shaadi ki sachayi ke baare mein pata chal gaya, ki, jiss aadmi ko main apna pati maan rahi thi, voh sirf mhaara hi nahi, iss desh ka bhi dusman tha. Phir main apne hi pati ke qaatil se pyaar karne lag gayi. Uske saath shaadi ke sapne dekhne lag gayi. Toh, batayiae Major Saab, kya aisi aurat ke liye bhi aapke paas koi naam hai?
Rudra - Voh aadmi tera pati nahi tha, Paro. Tu kabhi vidhva nahi thi. Tu sirf meri..
Paro - Voh ab, Major Saab. Lekin tab aap, mhaare se nafrat karte the. Kya pata tab aapke dimaag mein mhaare liye bhi koi naam..
Rudra - Khabardaar, jo kabhi apne aap ko giraya toh jaan le loonga teri. Main ne kabhi tere baare mein aisa kucch nahi socha..
Paro - Toh phir aaj kyun? Aisi baat aapke jubaan par aayi kaise, Major Saab? Aur vo bhi, uss aurat ke liye, jisne aapko jnam diya. Mat dekhiye mhaare ko aise. Jaanti hoon ki, maasa ne jo kuch bhi kiya, vo galat tha. Aapko bahut taqleef hui hai. Aap se zyaada, aapke ghaav main ne dekhe hain, Major Saab. Lekin, phir bhi, phir bhi aapko koi haq nahi banta ki aap maa sa se iss taran se baat karen.
Rudra - Toh kya chahti hai tu? Pair padh jaaon uske?
Paro - Haan, maafi maangiye unse.
Rudra - Nahi maagoonga. Kabhi nahi maagoonga.
Paro - Theek hai. Aapko jo karna hai kijiye.Nikalyiae apna gussa iss par. Aur phir bhi mann nahi bhara na, toh thod dijiye iss kamre ko.
Scene 4 Mythili, Mohini, Danveer - Chai
Danveer - Ah, Beta
Mythili - Ji
Danveer - Bhai sa ke liye le jaa rahi ho na? Lao, main le jata hoon.
Mythili - Vo..
Mohini - Arre wah, jethji sa ke liye chai lekar jaa rahi hai, bheengni?
Mythili - Ji..
Mohini - Vaise, prem ke jo teer chal rahe the, unhe dekh ke mhane laga tha ki, jethaniji sa, ab se jethji sa ke chai-paani ka dhyaan khud hi rakhne wali hai. Lekin, koi baat nahi. Ho sakta hai voh dono bahar jhule par bhait kar ek doosre ko, phoolon ki maalaein pehna rahe honge.
Danveer - Lao, beta.
Scene 5 Paro searching for Mala and finds her crying
Paro - Maa sa, Major Saab ki taraf se, main aapse maafi maangti hoon. Unhe uss taran se aapse nahi baat karni chahyiae thi.
Mala - Uski galti nahin hai, uski galti nahin hai. Uske bhitar ka baccha ab tak iss dard se ubhar nahi paya hai. Voh ab bhi mujhe gunegaar samajta hai. Itni bhi boori nahi hoon main, jitna ki mera beta mujhe samajta hai. Meri jagah koi aur aurat hoti na, ek hi chhat ke neeche aise aadmi ke saath koi nahi jee pata. Jiske dil mein sirf kadvahat bhari ho, jo zindagi se sirf nafrat karna jaanta ho, jo naakami, har haar ka gussa apni patni par utarta ho..
Flashback - Dilsher ji busy on the phone with the order and Mala comes with a thaali in her hand
Dislher - Dekhyiae, main aapse vaada karta hoon, a aap aa aap order mat cancel kijiye. Aapka order tayaar ho jaayega.Aap meri baat toh suniye? Ah.. suniye.. Hello? Hello?
Mala - Kya hua? Kaun tha?
Dislher - Ke, kaun!! Kaun tha? Kaun tha? Thaara manhoos saaya jis par pada uska kuch ho sakta hai kya? Jab se mhaari zindagi mein aayi hai, zindagi barbaad ho gayi mhaari. Hatt...
Back to present
Mala - Dheere dheere waqt bita. Bhagwan ne ek aur maauka muskurane ka - Rudra. Main ne apne aap ko phir se samjhaya, phir se koshish ki, ki, shayad bacche ke aane se hamari mein garima aur pyaar laut aaye.
Flashback - Dilsher on the jhoola, nashe mein and Mala busy handling baby Rudra
Dilsher - Ae.. Arre mooh band kare iska!! Din bhar bhinn-bhinn karta rehta hai.
Mala - Pata nahi, kya ho gaya hai. Lagta hai bukhaar hai.
Dilsher - Chupp. Bukhaar hai... Ek bacche ko sambhal nahi paati yeh. Thaari vajah se ro raha hai mera beta. Arre, kuch toh layak bann, hain? Thaari jaisi auraton ko ma banne ka sukh pata nahi bhagwan kyun de deta hai.
Mala - Aap kyun kehte hain yeh sab? Dard hota hai, mujhe bhi.
Dilsher - Kya? Darrd hota hai? Darrd hota hai. Acha, Dard hota hai? Chal, idhar hota hai dard, huh? Dard kya hota hai, bataaon? Bataoon, hm? Aainda mhaare saamne tune awaaz nikaali ya nazar uthayi na, toh inn aakhon se dekhi hui aakhri cheez hogi koi. hatt..
Back to present
Mala - Roz jagde, roz maar-pithai. Kiss se kehti? Kya kehti? Kuch samaj nahi paa rahi thi. Akelepan mein mera kalam mera saheli ban gaya. Dil ki baatein kagaz par utar aayi. Meri kavitaaein aur Rudra - Bas, yeh hi meri zindagi ban gaye. Phir ek din, ek kavi savelan mein, meri mulaqaat ek aur kavi se hui - Thakur Param Singh Tejawat. Bade hi bhale insaan lage, insaan ko insaan mann ne wale. Pehle dosti, phir mulaqaatein. Phir ek doosre ko apni kavitaaein sunana, kuck pal ke liye hi sahi, par jeene ki vajah mil gayi thi mujhe. Ghar mein toh har pal saans lena mushkil tha. Phir ek din, ..
Flashback Rudra trying to take a sip of alcohol, probably his first, and Mala gets a call about Dilsher's accident
Mala - Rudra!? Kya ho raha hai? Apne kamre mein jaao.
Tring tring..
Mala - Ji, ji, mein Mala bol rahi hoon. Kya!!?
Back to present
Mala - Phir ek din unka pair toot gaya. Nashe ki haalat mein sadak par jaa rahe the, ki, ek tez gaadi se takra gaye. Bachi-kuchi zindagi bhi khaakh ho gayi. Main ne sambhala unhe, hausla diya, unke karobaar ko sambhala. Dheere-dheere sab theek hone laga, par vo toh mard the na? Nahi seh paaye vo ek aurat ke kamyaabi ko. Jhoota ahankaar jaag utha unka.
Flashback Mala handling the buisness like a pro and Dilsher jealous of the same
Mala - Ji, Rajvar Sahab. Poora saamaan pahunch jaayega. Ji, haan ach acchi taran se likh liya hai. Aap chinta naa karen, mera aadmi pahuncha dega, kal subah tak. Ji haan, ji haan, acchar bhi hai, papad bhi hai, sab kuch hai ji. Dhanyawaad. Ji ji, namaste, namaste.
Dilsher - Ghar ki thiraani bann gayi hai tu, hai na? Abhi toh, bas, tu maalkin, hum naukar, hai na?
Vaise, tera yeh vypaar, yeh aarder (order), r yeh thaare ko thaari akal ki vajah se mil rahe hain, yaa. thaari yeh khoobsurati bhi kaam aati hai?
Mala - Kaisi baatein kar rahe hain aap?
Dilsher - Hatt...
Back to present
Mala - Aur nahi jhel sakti thi main. Mujhe faisla karna hi pada, aur main ne voh khath likha.
Paro - Maa sa,...
Precap (Missed it) Rudra standing awestruck, now how much did he hear and what would be his reaction is what we all are waiting for.
Well, hope you enjoyed reading it and if I have missed something, plz do let me know.
P.S After this, definitely would like to appreciate the efforts of the all the forum baisa's who give us Live Updates!! 👏
I would suck as a PA big time, with the amount of pauses and replays I used.
Cricket
Hindi TV Shows
CID
Kumkum Bhagya
Ishaani
