EK JISM EK JAAN ,OS

Page

Ayesha khan

@Ayesha_Kssgc

Explorer

Posted: 12 years ago

BY MY FRIEND MUNNI 😊

Zoya - "Mr.Khan phir nikkah jald hi kur lijiye, mujhse abb aur intezaar nahin ho raha hai".

Asad Zoya ki betaabi daikh kur khudh ko na rok saka aur usko apne andar tak mehsoos kurne ke liye apne seene se laga liya. Yeh duri abb dono se sehna mushkil ho raha tha. Asad ne Zoya se wada kiya

Asad - "main kal hi ammi se bat kur ke koi din decide kurta hoon, jis din main aapko poore haq se apni zindagi mein shamil kur sakon". Asad ne Zoya ki peshani pur apne honto ki chaap chor di. Zoya sharma kur nazrein jhuka gaiee. "Abb chal kur so jate hain, kya poori raat yahin khade rehna hai" Asad ne kaha.

Zoya " "Mera toh koi aisa irada nahin Mr.Khan, agar aap mein koi ullu waali aadat hai toh mujhe nahin pata". Asad aur Zoya dono hass diye, aur apne apne kamron ki taraf chal diye..

Agle din Asad apni shaadi ki baat kurna chahta tha, pur Allah aur Ammi dono ko toh kuch aur hi manzoor tha. Asad jaise hi Dilshaad ke kamre mein dakhil hova Amme ne kaha:

Dilshaad " "Asad meri Najma ki saas se baat hui hai abb ke jumme ko hi nikkah kurna hai, humare paas zyada time nahin hai. Shukar maine Zoya ke saath saath Najma ki bhi tayari kurke rakhi thi, pur phir bhi sab arrange tumhe hi kurna hai. Waise tum kuch kehne aaye theey?" Dilshaad ne cupboard door bandh kurte hove poocha.

Asad hich kichate hove bola

Asad " Ammi woh main, woh main

Dilshaad " Asad kya woh main? Abb toh bol diya karo, abb toh tumhari choti behen ki bhi shaadi hone waali hai. Waise Zoya se kehne mein toh sharmate nahin ho. Kya kya itni asani se keh jaate ho, aur Ammi se sharma rahe ho. Waise toh main bin kahe bhi tumhari baat samajh jaati hoon, pur phir bhi tum keh doge toh mujhe zyada acha lageyga.

Asad " Ammi main aur Zoya jald se jald shaadi kurna chahte hain". Asad ne ek sans mein jaldi se keh kur nazar jhuka li.

Dilshaad " Hai mera sharmila beta" aur Asad ke chehre ko pyaar se chova. "Najma ke saath tumhara bhi nikkah padha deyte hain, mujhe toh koi problem nahin. Haan pur Zoya ki aapi ko phone kur deyna"

Asad ne khushi se ammi ko sene se laga liya, "shukriya ammi" aur muskura kur kamre se nikal gaya.

Dilshaad Muskura kur Asad ke peeche chal padi. Asad ne Zoya ke darwaze pur knock kiya.

Zoya " Kaun? Aajaye

Asad darwaza khol kur andar daakhil hova, chehre pur badi pyaari aur sharer muskurahat ke saath.

Zoya " Mr. Khan koi kaam tha?

Iss se pehle ke Mr. Khan kuch kehte Dilshaad kamre mein daakhil hui.

Dilshaad " Mujhe nahin pata tha ke tum dono itne be-sabar ho apne nikkah ko le kur. Shararat se dono ko daikha.

Zoya " Phuppi mujhe kuch jaldi nahin hai, yeh Mr. Khan hi keh rahe theey. Zoya ne masomiyat se kaha. Asad ne hairani se Zoya ko daikha.

Dilshaad " Acha toh tumhe jaldi nahin hai? Maine toh socha Najma ke saath hi tum dono ka bhi nikkah kurwa doon, pur chalo agar tumhe jaldi nahin toh koi baat nahin.

Zoya ne jaldi se Mr. Khan ki taraf daikha, aur Asad ne usse aankhon se kaha "abb bhugto"

Zoya " "Sachi phuppi aap hum dono ke nikkah ke liye maan gaiee, matlab itni jaldi kur ne ke liye" Zoya ne aage badh kur Phuppi ko gale laga liya. Dilshaad ke chehre pur muskurahat aagaiee.

Dilshaad " "Abb zyada din nahin hai, toh bas jaldi jaldi tayari kurni hai. Asad tum mere saath aao mujhe tumhe kuch kaam ki list deyni hai".

Asad " "Ammi aap chalein main aata hoon".

Dilshaad " "Kyon tumhe Zoya se kuch kehna tha" Shararat se dono ko daikh kur bola. Zoya ne sharma kur nazar jhuka li, aur Asad muskura kur Zoya ko daikhne laga.

Dilshaad " "Acha jaldi aana" shararti muskurahat de kur kamre se nikkal gaiee.

Asad ne aankhon mein bohut si shararat aur pyaar bhar ke Zoya ki taraf daikha, aur ahista ahista uske khareeb badhne laga.

Zoya " "Mr. Khan aap ko toh kuch kehna than a, toh uske liye aap ko aage aane ki zarorat nahin, aap wahan se bhi keh sakte hain" shararat se kaha.

Asad " Kuch baatein dur se nahin paas aa kur kehne mein zyada sukoon deyti hain. Shararat se uske khareeb badhne laga.

Asad Zoya ke itne khareeb aa kur khada ho gaya ke dono ek dosre ki saanso ko mehsoos kur sakte theey. Zoya thora peeche hui, lekin Asad ne usse haath se pakad kur apne khareeb kur liya.

Asad " "Miss Faroqui aap mere saath bhi hona chahti hain, aur mujh se bhaagti bhi hain. Agar itna hi mere saath hone ka dur hai toh mana kur dein ammi ko" shararat se uski aankhon mein daikhte huve kaha.

Zoya " Soch lein Mr. Khan phir aap hi tadpenge mere liye, main toh phuppi se keh dongi.

Asad ne Zoya ko aur apne khareeb kur liya, itna ke dono ke honth ke beech sirf ek sui (needle) ka fasla ho.

Asad ne apni awaaz mein pyaar bhur kur kaha

Asad " Aap meri roh hain, aap mere saath nahin toh main zinda nahin. Yeh jism ek be'jaan sa rehta hai. Main aap ko apne andar tak mehsoos kurna chahta hoon. Hur lamha, hur waqt bas meri rahiye, mere saath rahiye. Main abb zyada intezaar nahin kur sakta.

Dono itni nazdeeki bardasht nahin kur paaye aur ek dosre ki baahon mein simat gaye.

Quote

Frequent Posters

Waqt Zaya

@WaqtZaya

Elite

+ 7

Posted: 12 years ago

Asad ne aahistagi se Zoya ko apne sene se laga liya tha. Sene se lagne kid air thi, woh ek deewar gurne ki dair thi, bas phir saari hi dewarein kab aur kaise girti chali gaiee, woh dono bhi nahin jaan sake aur unn girti hui dewaron ke saath unhon ne apne naye rishte ki shuruat ki.

This part is BEAUTIFUL 👏 😳

rest Munni Dii you should have Posted also you should WRTITE more.

@TM - Ayeshaa dii 🤗 mujhe SBB and SBS ke Caps ab jaldi jiye 🥱 😆

Edited by MisHumptyDumpty - 12 years ago

Quote

Looks like you are new here. Register for free, learn and contribute.

Ayesha khan

@Ayesha_Kssgc

Explorer

Posted: 12 years ago

EK JISM EK JAAN OS PART 2

Kuch lamhe guzarne ke baad Zoya ne Asad ke kaan mein sargoshi ki.

Zoya " Mr. Khan kya mujhe apne andar samo lena chahte hain?

Asad ne Zoya ko apne se alag kur ke thori hairaani se daikha aur kaha

Asad " Iska kya matlab hai, yeh pochne ki zarorat aap ko kyon mehsoos hoiee Miss Faroqui? Aap toh mere andar samaiee hoiee hai, bas hur lamha mehsoos kurna chahta hoon.

Zoya thora sharma kur.

Zoya " Mr. Khan baton mein koi aap se nahin jeet sakta. Kuch na kuch aisa keh kur aap mujhe chup karane ki koshish kurte hain, pur aisi koi cheez ya baat nahin jo Zoya Faroqui ka muh bandh kur wa'de. Muskura kur Asad ko daikha, Asad ne shararat se Zoya ke honton ki taraf daikha. Zoya Asad ki badmaash aankhon ka ishara samajh gaiee, aur taizi se kamre se bhaagi ke Asad usse pakad na sake. Asad muskura kur kamre se nikal gaya.

Agle din naashte ki table pur Asad apni coffee enjoy kur raha tha. Dilshaad juice ki sip leyte hove koi list check kur rahi thi. Zoya Dining table ke paas aa kur, "Good Morning" kehti hai. Dilshad muskurahat ke saath "Good Morning, aao beta baitho". Asad apni sharer aankhon se Zoya ko daikhta hai. Zoya usko thora ghusse se daikhti hai. Asad muskura kur cup apne honton se lagata hai. Zoya Dilshaad ke barabar kursi pur baith jaati hai, aur apne liye naashta banana lagti hai.

Dilshaad ne khamoshi ko toda aur kaha.

Dilshaad " Shaadi mein bas paanch din hain, aur main chahti hoon ke sab kaam waqt pur ho jaye, toh tum dono ek dosre se ladai kurna, sharatein kurna choro aur shaadi ke kaam pur dhiyan do, agar nahin doge toh agle ek saal tak tum dono ka nikkah nahin hoga. Dilshaad ne shareer narazgi se kaha.

Zoya aur Asad ek saath bole.

Zoya/Asad " Nahin hum kaam pur dhiyan denge, aap bata dein kya kurna hai.

Dilshaad " Asad Zoya ko apni tayari kurni hogi, facial, beautician se appointment leyna hoga, toh usko woh kurne do, tum saare guests ki list check kurlo, aur catering, aur decoration ke liye call kur do. Sab acha hona chahiye. Asad ne garden hila kur haami bhari aur Zoya ki taraf aise daikha jaise uski kismet pur rashk kur raha ho.

Din taizi se guzzar rahe they, Asad koi mauqa nahin chorta Zoya se milne ka ya, kisi na kisi bahane se usse corner kurne ka. Aankhon hi aankhon mein dono apni be'taabi ka izhar kurte.

Aakhir woh din aa hi gaya, jiska Zoya aur Asad mahino se intezaar kur rahe theey. Zoya ki dhadkane bohut tung kur rahi thi. Usse samajh nahin aa raha tha key eh dhadkanein kissi dark i wajjah se taiz hain ya khushi se. Itni baar uska Mr. Khan se nikkah hote hote rukka hai, bas abb aisa kuch na ho. Laal aur golden zarri ke nazuk se kaam ke shaadi ke jode mein woh itni khobsurat lag rahi thi, ke aaj toh Mr. Khan ki khair nahin thi. Dilshaad ne Najma ke saath saath Zoya ki bhi nazzar uttari.

Dilshaad " Aaj meri dono betiyan bohut khobsurat lag rahi hai, lagta hai aasman ki pariyan zameen pur aa gaiee ho.

Zoya aur Najma ne sharma kur nazrein jhuka di.

Asad kaali pur laal aur golden zarri ke kaam ki Sherwani mein kisi ke khwabo ka shehzada lag raha tha. Dilshaad kamre mein daakhil hote hove usko daikha aur apni hi nazron ko jhuka diya ke "kahin mere bache ko nazar na lag jaaye". Asad ke khareeb aa kur Dilshaad ne uski peeshani pur pyaar kiya aur ek kaala tikka uske kaan ke neeche laga diya.

Dilshaad " Abb jaldi se bahar aa jao, sab aate hi honge. Asad ne muskura kur Dilshaad ko daikha aur khamoshi se uske peeche chal diya.

Barat aa gaiee thi, khoob dhool baaje baj rahe theey, hur chehra khushi se damak raha tha. Dilshaad aur Zoya apne apne dil mein "sab ache se ho jaye" ki dua kur rahe theey. Pehle Najma aur Imran ka nikkah hova, aur phir aakhir woh ghadi aa hi gaiee jiska sab ko intezaar tha, aur sab se zyada Asad aur Zoya ko.

Maulvi Sahab ne sab se pehle Zoya se uski razamandi li, jo Zoya ne poore dil se Qubool ki. Phir Asad ki baari aaiee aur uss ne bhi Zoya ko apni zindagi mein poore dil se Qubool kiya. Aaj Zoya ke saare haq Asad se jud gaye theey. Abb Zoya ka Asad pur aur Asad ka Zoya pur poora haq tha. Abb toh sui ko bhi aane ki ijjazat nahin thi unke darmiyan.

Guzarte waqt ke saath Zoya ki dhadkane bhi Asad se milne be'taab ho rahi thi... Dono ko ek dosre ke barabar la kur bithaya. Asad ke chehre ki khushi chuppaye nahin chup rahi thi.

Asad " Mrs Khan shaadi Mubarak ho. Sargoshi mein kaha. Zoya Sharma kur jhuki palkon ko aur jhuka gaiee. Agar koi aur waqt hota toh shayad woh uchal kur Asad ke gale hi lag jaati...

Dilshaad apne dono bacho ko dur se khadi nihaar rahi thi. Aaj unke dono bacho ke ghar bas gaye theey. Uss ne iss khushi ke mauqe pur Asad ke baap, daadi, aur bhai behen ko bulana nahin bhola tha. Rishton ki qadar woh hamesha se jaanti thi. Waqt ne kitna bhi kadwa khel khela ho, pur uss ne kabhi apna farz nahin bhola.

Asad aur Imraan chori chori ghadi aur apni apni dulhano ko daikh rahe theey. Jaise intezaar ho ghar jaane ka, aur apni dulhano ko apni bahon mein lene ka.

Jaise Dilshaad aur Haseena bi ne apne beton ka dil aur nazar padh li ho. Dono ne aa kur chalne kaha. Najma apne bhai, maa, baap aur behen bhaiyon se mil kur bohut roiee. Ek ghar jaane ki jitni khushi thi, ek ghar chut jaane ka dukh bhi tha. Zoya se mil kur uska make up nahin kharab kurna chahti thi, aakhir bhai jaan ke dil pur kitni bijliyan usse girani thi. Zoya ko bas aankhon se Allah Hafiz kaha, aura age badh gaiee.

Dilshaad beti ko bhej kur andar aaiee, Asad ke chehre ki muskurahat aur gehri ho gaiee... Ayaan bhai jaan ko tung kurne laga.

Ayaan " Bhai jaan aisa kurte hain, nikkah toh ho gaya hai, rukhsati phir kabhi kurte hain. Itni jaldi bhi kya hai, haina?

Asad ne ghusse se uski taraf daikha aur kaha

Asad " Beta tere din jab aayenge toh poochonga ke rukhsati baad mein karein?

Sab hasne lage, Ayaan aur tung kurna chahta tha, pur bhai ki halat pur rahaim aa gaya. Zoya inn sab se mehzooz (enjoy) ho rahi thi. Uske liye aise baithna bada mushkil tha. Aakhir bol hi uthi.

Zoya " Phuppi yeh toh na insaafi hai, sab yahan mazze kur rahe hain, aur mujhe chup baithna padh raha hai. Sab phir hasne lage.

Dilshaad " Zoya sabar rakho, saari ummar ke liye thori chup ho, abhi kuch hi pal mein toh tum Asad ka bura haal hi kurne waali ho. Asad ne ghabra kur Dilshaad ko daikha, jaise ke jaanna chahta ho ke iss baat ka matlab kya hai. Zoya baat ki gehrai samajh kur sharma gaiee.

Aakhir woh pal bhi aa gaya jahan Zoya Asad ke kamre mein uss ke bed pur poore haq se baithi uska intezaar kur rahi thi.

Asad kamre mein daaikhil hota hai, Zoya ki dhadkane aur taiz hone lagti hain. Woh taizi, woh be'baaki toh kahin ghayab hi thi uske andar se. Abb wahan ek mashriqi ladki baithi thi, jiski har dhadkan pur sirf Asad Ahmed Khan ka naam tha, jo uski roh pur tak haq rakhta hai.

Asad ahista khadmo se Zoya ke khareeb aata hai, aur bed ke khareeb ruk jaata hai. Phir aage badhta hai aur Zoya ke khareeb baith jata hai, uske haathon ko apne haathon mein leyta hai. Zoya apni nazrein utha kur Asad ko daikhti hai. Asad uski aankhon mein daikh kur kehta hai.

Asad " Khush Amdeed (Welcome) Mrs Asad Ahmed Khan. Iss ek naam mein kitni umeedein, kitna pyaar, kitna junoon, aur haq chupa tha, yeh sirf Zoya hi jaanti thi.

Zoya " Shukriya Mr. Khan, issi baat pur ek shair arz kiya hai. Iss se pehle ke Zoya shair kehti Asad uske honto pur apni ungli rakh deyta hai.

Asad " Mrs Khan aaj nahin, aaj koi baat nahin, aaj koi shair nahin, bas yeh bed hi "share" karenge. Zoya muskura kur phir nazrein jhuka gaiee.

Asad ne Zoya ko haath se pakad kur apne khareeb kiya, aur uske haathon pur apne labon ko rakh diya. Zoya ki bechaini aur Asad ki be'taabi badhti ja rahi thi. Yeh woh waqt nahin tha jahan lafzon mein waqt ko barbaad kiya jaaye. Baaton aur chote chote kitne lamhe toh unhon ne bohut bitaye theey. Abb toh waqt tha unn lamho ko ek dosre mein qaid kur leyne ka.

Asad ne Zoya ke aanchal ko uske libaas se alag kur diya. Jitna Asad aage badhta, utni Zoya bechain hoti. Ahista ahista Asad ne hur uss cheez ko Zoya ke jism se hata diya, jo shayad uski rah mein theey. Hur woh Jewlery, bangles, payal. Gulaab ki khushbo unki bechaini ko aur badha rahi thi. Zoya apni bechaini bardasht na kur saki aur Asad ke haathon ko thaam liya.

Asad " Zoya kahan toh aap jald se jald iss rishte mein bandhna chahti thi, aur abb khudh mere haathon ko rok rahi hain. Hum ne saath mil kur iss pal ka intezaar kiya tha. Inn lamhon ki khwaish ki thi. Ammi se guzarish ki thi, aur aap mujhe rok rahi hai.
Zoya ne gehri saans li, apni be khabo hoti hoiee dhadkan ko thama aur kaha.
Zoya " "Asad please", pur aage kuch keh hi nahin payee, zuban jaise khudh se hi ruk gaiee.
- Asad ne gehri nazron se Zoya ko daikha, uske muh se usse apna naam jaise naya sa laga ho, itna baish kheemat toh kabhi nahin laga tha apna naam usko. Asad ne aahistagi se Zoya ko apne sene se laga liya tha. Sene se lagne ki dair thi, bas woh ek deewar gurne ki dair thi, aur phir saari hi dewarein kab aur kaise girti chali gaiee, woh dono bhi nahin jaan sake aur unn girti hui dewaron ke saath unhon ne apne naye rishte ki shuruat ki. Aaj woh mukammal theey ek jism ek jaan jaise.
  https://www.youtube.com/watch?v=v8crt75t1Sc
  
  😳😳😉

Quote

EK JISM EK JAAN ,OS

Related Topics

Explore Topics