Please, Understand Me!! (RN) chap 6 updated!

Page

Hibernated

Posted: 12 years ago

hi... a big hello to everyone!!

I'm a newbie on India Forum,, well yaha to mai purani nahi.. i mean LRL or Raj Naina ke ff to mai khub pada kerti thi.. but as a reader, i didn't know the difficulties of writer.. But now, jb se maine fic likhna shuru kiya hai, mai kitni nervous hu. apne thoughts ko, apni imagination ko pen down kerna asaan nahi hota.. ye mera pehla writing exp hai so, mere liye ye kafi different exp bhi hai..

Anyways, abhi to mere fic ka koi reader hi nahi hai to ye mere buri baat bhi hai😭 or achhi baat bhi...😊

Buri esliye ki kyuki fic start to ker di hai per bina readers ke motivation bhi nahi milta, so pata nahi ese kitna aage tak le ja paungi.. Aur achhi bat esliye hai kyuki readers hain nahi to mujhe ese jaldi update karne ki tension bhi nahi rahegi...

Fir bhi abhi to updates jaldi jaldi ker rahi hu.. (starting me yahi hota hai, khub khyal jor marte hain, fir baad me shayad aate hi nahi😉)

"please understand me" mere liye ek diff exp hai, ab chahe wo khatta ho ya meetha😛,, but ye lrl ki storyline per katai based ni hai (us per to already kafi kuch achha likha ja chuka hai, fir meri kya aukat hai ki us per ab kuch naya soch pau,, just kidding😉)

Fir bhi es fic me LRL ke characters apni apni speciality ke sath maujud rahenge hi😊 (jb tk bhi es fic ko likh saku😕)

anyways, lets start it...

INDEX

Chapter 1 : Page 1

Chapter 2 : Page 1

Chapter 3 : Page 1

Chapter 4 : Page 1

Chapter 5 : Page 2

Chapter 6 : Page 3

Please Understand Me!!

Chapter 1

"Ji aapne apne bare me ab tak kuch nahi kaha? Mai to apne bare me almost sab kuch bata chuka hu"

"Achha, to apko lagta hai ki apne abhi tak mujhe jo kuch bhi bataya hai, wo sab kuch hai apke liye? I mean, ye achhi bat hai ki bas 5 min me hi aapne apne bare me sab bata bhi diya and you hope ki mai bhi aise hi bata sakungi?

Now, he was nervous. Use lagne laga ki usne jo kuch bhi suna tha enke bare me sb sach hi tha. Fir bhi usne na ghabarate hue apne ko explain karne ki koshish ki, "well, mera wo matlab nahi tha. I think, agar hum chahe to ek dusre ko thode samay me na sirf jan sakte hain balki apne bare me bata bhi sakte hain"..

"Per samjh to ni sakte na? I think, ek dusre ko janane se kahi jyada jaruri hai ek dusre ko samjhna aur mujhe nahi lagta ki ek dusre ko janane bhar se kisi ko samjha ja sakta hai"

"Ap thik kahti hain, per agar hum koshish nahi karenge to ek dusre ko samjhenge kaise? Aur fir eski shuruaat ek dusre ko janane se hi shuru ho sakti hai"

"Ap mere baare me kya janana chahte hain? Ap kya sunana pasand karenge?"

"Well, ap jo bhi mujhse share kar sake, wo sab sunana chahta hu"

Ye sunker use thodi hasi aa gayi. Samne baitha ladka soch raha tha ki usne aisa to usne kuch bhi nahi kaha tha, jis per hasi aaye per fir bhi use ye soch ker khushi hue ki gussa hone ki bajay hasi to! But wait a sec, usne gussa dilane wali bat bhi to nahi ki thi. O God! Wo kyu etna ghabara raha hai? Ladki se milne hi to aaya hai, koi chori karne to nahi..

"Sorry, Mr. Raj mai apse kuch bhi share kerna chahti. Please dont mind but mujhe ye marriage wagairah me koi dilchaspi nahi hai. Wo to Ma Baba etna force karte hain ki.. anyways mai aaj unhi ke karan apse milne aayi thi. Aur jab shadi hi nahi karni hai to fir kaisi sharing aur kya samjhna?"

"Mai ye bat pehle se janta tha, Naina. Ah, ap mujhe gala mat samjhiyega per maine apke bare me aisa hi kuch sun rakha tha. Aur.."

"Don't worry, mujhe aisi bato se bura nahi lagta. Jo sach hai wo sach hi hai aakhir."

"Per ek bat mujhe samjh nahi aayi, apne mujhse etni der tak bat ki. I mean, u know.."

"Dekhiye Mr. Raj, ab esse kya fark padta hai ki maine apse etni der tak kyu bat ki? Bas ye samjh lijiye ki mai apme koi kami dhundne ki koshish ker rahi thi taki mai apko reject ker saku. Ab unfortunatly mujhe aisi koi kami nahi mili apme. Esliye maine apko apni condition bata di, ab ap mujhe reject ker sakte hain."

"Waise apko ye shadi nahi karni to ap khud hi mujhe reject ker sakti hain. Kyunki mai apko reject nahi karunga."

Naina ne haste hue kaha- kyu?

"Esme chaunkne ki koi bat nahi hai. Ap bina karan kisi ko reject nahi karti. To mai kaise.."

"Are, jb ladki ne saf kah diya ki wo shadi nahi karna chahti to matlab saf hai. Etna bada karan hai to apke pas. So apko koi problem nahi hogi. Ab jaldi kijiye, mujhe ghar bhi jana hai."

"Problem to ho hi gayi hai. Mai apki condition samjhta hu. Per ap mujhe smjh nahi rahi hai. Bas mai apko reject nahi karna chahta, etni si bat hai."

"Dekhiye saf-saf kahiye. Mujhe kuch samjh nahi aa raha."

Thode der chup rehne ke baad Raj ne kaha-

"Mujhe ap pasand hain!"

************************

that's it!

Abhi etni hi hai, but aage kisi ko lagega to mai character sketch bhi post ker dungi... But shayad story me uski jarurat na hi pade..

Edited by Vidhi1989 - 12 years ago

Quote

Frequent Posters

Nivedita Basu

@nivi26

Explorer

Posted: 12 years ago

New RN fic! wow👏

Raj ko Naina pasand hai (obviously) ..😳😳 per Naina ko nahi..

Abhi to shuruaat hai khair. plz give more info about them.. And whenever u update, plz pm me.. 1

Quote

Looks like you are new here. Register for free, learn and contribute.

871474

Hibernated

Posted: 12 years ago

CHAPTER 2

Naina ko aj bhi Raj ke sath ki apni pehli mulakat yad hai. Kitni ajeeb baat thi ki jise wo janti tak nahi thi usse wo shadi ke liye milne gayi thi. Us din bhi to use her bar ki tarah gussa hi aaya tha Raj se milne jate waqt. Are wo kyu na gussa karti? Wohi Baba ke kisi dost ke bete se milna, kisi relative ke pechan wale se milna, aur kabhi kisi aur se.. Lekin kabhi usse kaha nahi jata tha aur na hi wo puchti thi ki wo kyu un ladko se mile? Puchne per na khatm hone wali behas shuru ho sakti thi aur wo yahi nahi chahti thi. Na Naina har manane ko taiyar thi aur na hi uske parents. Fir bhi us din Raj se milne ke bad jane kyu bura nahi laga tha.. Aisa kya khas tha usme, aj tak wo samjh nahi payi thi.

"Mujhe ap pasand hain", bas etna hi aur kaha tha usne, per aaj bhi kaan me gujti hai ye aawaj..

Ek halki si smile thi Naina ke hontho pe. Balcony se aasman ki or dekhte dekhte yu gum ho jane ki aadat pad gayi thi jaise uski.

"Mumma, yaha aao na please, dekho na maine kinti sunder painting banayi hai. Ab to mujhe hi first prize milega"

Suhi ki aawaj sun ker Naina daudte hue uske pas gayi. Wakai Suhi ki painting kamal ki thi.

"Hmmm ab to meri suhi hi ye prize jeetegi or mumma party degi!"

"Mumma, ap kal mere sath school jarur aana. Wo Prashant ka bachha kehta hai ki tumhri mumma kabhi school nahi aati. Kal jb tum aaogi na, to dekhna uska muh kaisa ho jayega. Aur jb mai jeetungi to uski sari akad chali jayegi. Huh, jane kya khud ko samjhta hai?"

"My little genious Suhi se jo bhi panga lega wo pachtaeyega. But beta aise gussa nahi karte. Prashant to tera dost hai na, usse keh diya karo ki meri mumma ko job karni padti hai esliye wo nahi aa pati. Etni si bat ke liye jhagda nahi karte."

"Ha mumma, per mujhe uska chidana achha nahi lagta. Tum ek bar to mere school aa sakti ho na, fir to mujhe koi bhi chida nahi payega"..

"To esme Suhi ko muh latakane ki kya jarurat hai? Kal mumma jarur aayngi."

"Pakka promise?"

"Yes beta, mumma jarur aayegi. Chalo ab so jao"

"Aur pyaare pyaare dreams me kho jao, hain na mumma?"

Suhi ki es baat per Naina jor se has padi.. Yu hi haste-2 kab dono so gaye pata hi nahi chala"...

*********************************

Edited by Vidhi1989 - 12 years ago

Quote

871474

Hibernated

Posted: 12 years ago

Bina proof read ke hi update ker rahi hu, jaisa bhi hai, samne hai.. but i know ese padne wala koi nahi hai..

Chapter 3

Naina, Suhi ke sath school jane ke liye ready ho rahi thi. Fir usne socha ki wo Alekh ko inform ker de, taki etne der tak kuch to kam ho. Alekh uske under me kam karta hai or Naina us per kafi trust bhi karti hai. Jab se es shehar me ssp ke rup me posting hue hai tabse Alekh ko janti hai. Alekh kafi efficient hai or trustworthy bhi esliye Naina use kafi kuch kam apni absense me use hi handover karti hai. Usne Alekh ko kuch instructions diye fir Suhi ke sath school ke liye nikal gay.

Naina jab Suhi ke school me pahunchi to uski sari teachers lagbhag daudate hue chali aayi. Unke liye Naina, kisi bachhe ki parent na ho ker special guest ki tarah thi.

Use waha achhi khasi speech deni padi, sare bachho ki tarif ki aur unse bat ki. Jab sabhi ke programs khatam ho gaye to school ki principle ne usi se 'best talent' ka award dene ko kaha. Naina ne janbujh ker us award ke liye Suhi ko choose nahi karke dusre bachhe ko wo award de diya. Jb use award ke liye bulaya to wo apne samne uski maa ko dekh ker chaunk gayi. Per chaunki sirf Naina nahi nahi thi, wo aurat bhi chaunk gayi thi.

Program ke baad,

"Naina tu?"

"Shalu, mujhe yakeen nahi aa raha? Tu etne saalon baad, yu achanak or es.."

Naina bade dino bad apni long lost friend se mil aaj mili thi. Usne aur Shalini ne sath hi graduation ki thi or unke ghar bhi aas pas hi the.

"Hey, Naina tum to etna mat chaunko! Surprise to mai bhi esliye hu kyuki maine expect nahi kiya tha tum kabhi milogi", she said coldly.

"Tum aise kyu.."

"Jis tarah se tum cutoff hue humari life se or na mujhe or na hi tumne Raj ko kabhi contact kiya, usse hume to yahi laga ki ab kabhi milna nahi hoga. Or ager aaj tumse achanak na milti to.."

Naina ki aankho me aankho me aansoo dekh ker Shalini ne apni shikayto ko adhura chod diya. Kyuki wo bhi janti thi ki kahin na kahin koi karan to jarur raha hoga warna Naina kabhi aisa nahi karti.

"Raj kaisa hai? Ritu ke sath wo khush to hai?"

"Raj kaisa hoga, wo to bas zinda hai. Tumhre bagair wo khush kaise rah sakta tha. Aur Ritu ke bare me tum kya puch rahi ho, wo to Raj ko divorce de rahi hai."

"Magar kyu? Raj aisa kaise kar sakta hai. Jarur usi ne.."

"Shutup Naina! Just cut it out, tum kuch janti bhi nahi or seedhe Raj ko kyu guilty bana rahi ho. Asal kasurwar na to Ritu hai or na Raj hai. Ye divorce to hona hi tha kabhi na kabhi. Or en sabki jimmedar tum ho Naina!"

Naina eske aage kuch nahi bol payi. Kyuki kahin na kahin uska man ye janta tha en sab ke liye wohi responsible thi.

Un dono ko es tarah se bate karte dekh Suhi daudi chali aayi or Naina se kaha-

"Mumma, kya tum enhe janti ho?"

"Ha beta, mai tumhri Mumma ki bahut purani dost hu, jab hum tumhre jitne chote the tabse dost hain. Apne bhi bahut se dost banaye honge, right?"

"Nahi bahut sare to nahi, per ek hi dost banaya hai, or wo hai meri mumma."

"Oho, to hume bhi apna dost bana lijiye"

"Sochungi", Suhi ne awaj banate hue full attitude me kaha.

"Thik hai jarur sochna, per apna naam to bataogi na?"

"Kyu nahi, ye sare school wale mujhe Suhas kehte hain aur jo log mujhe achhe lagte hain, wo mujhe Suhi kehker bulate hain"

"Aur kaun kaun log apko achhe lagte hain?"

"Abhi to ap bhi mujhe lag rahi hain, aunty"

"Hmm, to Suhi, Shalu Aunty ki dost banogi?, Shalini ne bechara sa chehara banate hue pucha."

"hmmm, accepted!"

7 sal ki Suhi kuch jyada hi smart thi or Shalini es bat ke pure maje le rahi thi. Dono ki pyaari-pyaari batein sunte hue Naina soch rahi thi ki agar kismat ne uske sath aisa majak na kiya hota to aaj koi or bhi uske sath Suhi ka khyal rakhta or wo sath es choti si ma beti ki family ko perfect bana deta. Naina janti thi ki aisa kabhi nahi ho sakta tha or na hi us sath ka khyal bhi wo bhula sakti thi.

Suhi ko dekhte hue usne man hi man kaha-

"Raj tum mujhe kyu nahi bhula dete aakhir?" Or fir aankhe band ker li. Bahut hi muskil hota hai apne pyar se apne ko bhul jane ko kehna per Naina ke liye ye nayi bat nahi thi. Es painful wish ke peeche Shalini ke wo shabd goonj rahe the..

"En sab ki jimmedar tum ho Naina!"

Edited by Vidhi1989 - 12 years ago

Quote

ria

@ronojoy_ria

Sparkler

+ 4

Posted: 12 years ago

the up is good

plz cont soon and pm me

Quote

871474

Hibernated

Posted: 12 years ago

sure, i will pm you ronojoy_ria

Quote

871474

Hibernated

Posted: 12 years ago

Here is the fourth part..

Chapter 4

Sare din ke kam ke bad Naina jb ghar lauti to dekha ki Suhi muh fulaye baithi thi. Naina use yu naraj dekh ker samjh gayi ki wo usse kyu naraj hai. Use sure tha ki award uski painting ko hi milega but uski mumma ne hi wo award use nahi diya. Naina ne apni smile chupate hue usse kaha- "lagta hai koi bahut khafa hai", ye khte hue Naina use ne gale lagana chaha per,

"Mumma, ap rehne hi do. Aj apki koi trick nahi chalegi. Apko to bahut maja aata hai mujhe chidane me. Hai na?"

Naina ne Suhi ke samne kan pakadate hue kaha-" mumma tujhse sorry keh rahi hai. Maf ker de na? Ab dekh na ager wo award tujhe de dei to kya sab tujhse nahi chidate ki Suhi ko award uski mumma ke karan mila hai. Or tu janti hai, ye baat mujhe achhi nahi lagti ki koi meri Suhi ko sataye"..

"Achha, to fir wo award tumne Prashant ko hi kyu diya? Tumne mujhe award kyu nahi diya, ye mai samjhti hu mumma. Per Prashant ko hi kyu award diya? Kehne laga ki meri painting bakwas hai kyuki meri painting to khud meri mumma ne hi reject ker di."

Naina ne haste hue kaha-"are wo Prashant tha?"

Suhi ne chidate hue kaha-"hmm jaise tum janti hi nahi?"

"Ab jo hua so hua, ab to maf ker de. Waise bhi to wo tera dost hai or dost to chidate rehte hain or unki bat ka bura nahi mante. Waise bhi tune to uski mummy se dosti ker li to usse kyu khafa hai? Ab jane bhi de na!, Naina ne use manate hue kaha..

"Thik hai thik hai. Maf kiya tumhe. Shalu aunty kitni achhi hai per ye Prashant.. uff.. mai use chodungi nahi. Samjhta kya hai khud ko? Apne ap ko rockstar samjhta hai. Pata hai mumma, jab se wo prize jeeta hai, khud ko rockstar ka Ranbeer kapoor samjh baitha hai. Uski to.."

"Bas bas, kitna gussa karegi? Tu bhi to kam shaitan nahi hai na? Tu bhi to use chidati rehti hai na? Ab chal kuch kha le, warna tujhe to bhukh nahi lagti per teri mumma bahut petu hai."

"Mumma, tum bhi na kitne bachho ki tarah baat karati ho"

"Kyuki meri Suhi daadi amma ki tarah jo bolti hai!"

Dinner ke bad Naina ne Suhi ka bed thik karne lagi. Or sath hi use daantati bhi ja rahi thi-" tu etna saman bikhara ker rakhti hai, ab jaldi se aa so ja. Etni rat tak jagti rahti hai."

"Offo mumma, ek tum ho or ek Shalu Aunty hai, kitna pyaar se bolti hain."

"Are wah, abhi ek din aunty se kya mil aayi, mumma kadwi lagne lagi. Ab bahane banana chod or apni table theek ker"

Suhi haste hue table theek karne lagi. Jab wo sone ke liye leti to usne dheere se pucha- "mumma, ye shalu aunty bhi unki dost hain na, jinki photo tum apni diary me rakhti ho?"

Naina kuch pal ke liye chaunk gayi ki esne kab uski diary dekh li. But fir turant normal hoker usne kaha ki ha wo bhi unki dost hai. Usne Suhi se kabhi kisi chij ke liye jhuth nahi bola tha. Fortunately Suhi thi bhi kafi samjhdar, etni si umar me wo samjh gayi thi ki kab or kitne sawal puchna theek hota hai or kab chup ho jana best rehta hai. Naina janti thi ki Suhi samjhdar hai or wo khud bhi es bat per yakeen rakhti thi ki bachho se bewajah kuch bhi chupana nahi chahiye. Kyuki batane per shayad kuch hi sawalo ke jawab dene pade per unhe daant ker chup karane se unke man me aur bhi aise sawal uth sakte hain jinke shayad jawab hi na ho..

"Mujhe aisa kyu laga mumma, Shalu aunty apse kuch naraj hain or shayad apke photo wale dost bhi", suhi ne turant hi puch liya.

Naina ne uske chehre ki or dhyan se dekha, etni seriousness thi uske chehre per, kaun keh sakta tha ki use kuch pata nahi.

"Ha Suhi, naraj to hai dono mujhse. Per tu"

Naina ne kaha.

"Koi bat nahi, jyada din tumse naraj nahi rah payenge. Fir tum unse waise hi sorry keh dena jaise mujhse kaha tha".

Naina ne socha ki uski Suhi ko apni mumma per etna bharosa hai ki wo galat ho hi nahi sakti or koi bhi usse naraj ho hi nahi sakta.

"Ab chod badi badi baate or..", ye kehte kehte Naina ne uski or dekha to chup ho gayi.

Suhi so chuki thi. Naina ne muskurate hue halke se uske sir ko sehalaya or blanket se use achhe cover kerke, light off karke apne rum me chali aayi..

Naina ne apne aansuo ko pochte hue kaha-"please, understand me Raj! I had no other choices except.."

*****************

Naina ki ye request kisi ne jaise sun li thi. Usne bhi man hi man kaha-" mai tumhe tab bhi samjha tha, aaj bhi samjhta hu. Per tumne to kabhi mujhe nahi samja. Kam se kam ek bar kr liye to samjho na.. Please, understand me Naina!"

Tabhi kisi ke aane ki awaaj sunker usne apne aansoo poche or uski or bina dekhe hue kaha- " kya ye tumhra aakhiri faisala hai Ritu?"

"Ha Rajveer, ye mera aakhiri faisala hai!"

"Mai her papers per sign karne ke taiyar hu. Per please mujhe Rohan se alag mat karo. Mai.."

"Rajveer, use tumse jyada meri jarurat hai or tum usse aage bhi jab chaho mil sakoge, maine tum per aisi koi restriction nahi lagayi hai jisse tum usse na mil sako", she replied in a very cold voice..

Raj ne hurt hoker kaha-" use hum dono ki jarurat hai..."

Ritu ne uski baat ko katate hue kaha-" mai es bare me aur behas nahi ker sakti. Ye papers hain, en per jald hi sign ker do. Mujhe ye aaj hi apne lawyer ko dena hai", Ritu ne bilkul Raj ke emotions ki parwah na karte hue kaha.

Papers use handover karke wo waha se chali gayi. Raj ne un papers per bina kuch aur kahe apne sign ker diye or bahar chala gaya. Usko ghar se jate hue dekh Ritu ne apne aap se kaha-"maine tumhe bahut dukh pahunchaya hai per believe me, mai ye sab tumhre liye ker rahi hu. Kash maine ye baat pehle hi samjh li hoti to aaj es tarah..."

Usne apne aansuo ko pochte hue ek photo ki or dukhi najar se dekhte hue kaha- "mujhe maf ker do Naveen, i won't have other choices. Please understand me..."

**************************

Edited by Vidhi1989 - 12 years ago

Quote

Nivedita Basu

@nivi26

Explorer

Posted: 12 years ago

I've a doubt?

Suhi, Naina ki beti hai to uske father kaun hai? Kahi wo Rajveer ki beti to ni? please clear the confusion? Ager Naina ki life me Raj ke alawa koi raha hai ya jisse usne shadi ki or us ensan se use beti hue to wo kaun hai or kaha hai?

and yes, the update is nice.. nd thanx for the pm.. Naina or Suhi ke convo sweet the..