Posted:
I know some of u are pretty mad at me coz I dont cook u the way I used to earlier...but kya karen yaar...i love nindiya rani more than i love cooking.
Anyways ,I was watching v day celebrations again and again(like so many others !) and realised that I dont have any work ..so ...lets hit it ! 
Ashu jee ne socha ki ghadi ghadi yeh shock deti hai ,to is baar kyun na main ise shock de doon .to isiliye shocking red pehni hui nidhi ko shock dene pahunch gaye.Sarkar ,is nanhi se jaan ko shock na den.Kahin chota sa dil fail ho gaya to malum chala dr vincent ya unki biradiri waale kisi ko fir se bulana pad gaya .Upar se DB ki madhur aawaz sunni padegi ,so alag.Agar sab ne poocha ki aisa kya dekha suna ki heart attack aa gaya to kya batayenge unhe? Kuch to sochen ! khair ,aapka andaz hume bada pasand aaya ..aur aapka suit aur unme pink bill bhi.Hum jaante hain aap bahut kharcha kiye hain ,par bill ko chupa kar bhi to rakh sakte the ..jataana jaruri hai kya? aap bhi na !
Pahunch gaye lucknow ke ghane junglo me ,arre yaar.aap dono miya biwi ko junglo se kya pyaar hai vo to bhagwan jaane.Ek number ke piyakkad hai .Bas batli kholne ka bahana chahiye. Janab ek aadh gilas idhar bhi pass kar dete,table ke neeche se bhi chalta tha !
Feb me diwali bana rahe hain.chun chun kar ideas laate hain by god ! in do namuno ko kahan se pakad kar le aaye? kya baja rahe hai sunai bhi nahi diya.mp3 player chala diya.ashu jee aap inhe paise mat dena ..ok na? .Yeh gomati nadi ki sister concern hai kya ,jiske bagal me aap V-day mana rahe hain?
Rohan jab gaadi theek kar raha tha to dekh nahi sakte the? tab to sharmaane me busy the ! kya har samay rohan hanuman jee ka doot ban kar aayega? ek crash course hi kar lete driving aur repairing ki !
Forum me sab log soch rahe hain ki aapne mood banane me kuch jyaada hi samay laga diya.Par isme aapki koi galti nahi hai. Bechare ashu ji soch rahe hain ki kitne machhar hai.Agar ek bhi machhar ne kaat liya to wapis KGH me admit hona padega.Yahan par kaala HIT bhi nahi hai .Bechare admit ho ho kar thak gaye hain shayad..ya fir management ne keh diya hai ki agli baar agar bharti hue to payment karna padega .
Biwi baar baar gale pad rahi hai..ajeeb galepadu hai.Yahan darr lag raha hai ki koi junglee jaanwar aa gaya to kahan bhagenge? Adibas ke bullu joote bhi nahi pehne !
Biwi to open me kapde utar rahi hai..haai raam ..ab yehi dekhna reh gaya tha.Am sure ashu ki krishan ji ko yaad kar rahe the ,par biwi ne haath jod kar gol gol ghumne ka samay hi nahi diya. Ashu je ne socha ki surrender karne me hi bhalai hai.Kahin kapde faadne par utar gayi to naye mehenge suit ki waat lag jayegi.
Par Daksh sakshat Kanha jii ban kar pahunch gaye! Ashu jee ne chain ki saans lee aur apne coat samet bhaag liye ! izzat bachi to laakhon paye,laut ke ashu ji MM ko aaye!
I didn't see it...
Hindi TV Shows
Anupamaa
CID
