HAPPY FATHER’S DAY

Hi I like to wish all the father's on IF happy father's day

A poem to go with the day. A tribute to all fathers.

Mere Papa By RAKSHA SHAH

Sub se pyare hai mere papa

Duniya se nyare hai mere papa

Mera garv hai mere papa

Mera aadarsh hai mere papa

Lakho ke chahite hai mere papa

Kash mere paas hote mere papa

Nahi hote bhi mere dil mei hai mere papa

Aur sada mere dil mei rahenge mere papa

Palako pe mujhe jisne bithaya

Rajkumari ki tarah jisne mujhe pala

Bachpan mei jisne mujhe sajaya sanwara

Apni ankho ka tara jisne mujhe banayaa

Apne dil ki dhadkan jisne mujhe banaya Aise hai mere papa

Apne se vida karke khud roye mujhe rulaya

Achachhi insaan banana mujhe sikhaya

Duniya se pyar karma mujhe samjaya

Apne aadarsho ko paalna mujhe sikhlaya

Burai ose hamesha ladna mujhe sikhaya Aise hai mere papa

Jisse maine subse jyada pyar kiya

Jisse alag hoke kabhi chain nahi paya

Jisko kabhi bhula nahi payi

Jisko maine kabhi kabhi sataya

Phir bhi kabhi na Inhone mujhe danta Aise hai mere papa

Diwali mai janamkar parivar ko khush kiya

Sari duniya se pyar kiya

Sabko hamesha samman diya

Dukhiyo ki hamesha madad ki

Vasant Panchmi ko deh tyag lakho ko rulaya

Marte marte bhi apni ankhe daan ki

Aur kisi ko drishtivan banaya Aise hai mere papa