NAVYA IS NARRATING D STORY IN HER WAY

Page

Next Last

Rachits

@Rachits

Voyager

Posted: 14 years ago

NAVYA IS NARRATING D STORY IN HER WAY :

Kuch waqt pehle ki hi to baat hai, pyar ke naam se bilkul anjaan thi main,

Aur use bhi to pyar se kuch matlab nahi tha,
...
Gharwalon aur bus do dosto ke ass paas ghumti thi zindagi,

sach mano to is baat se mujhe bhi to koi gila nahi tha,

lekin, ek pal main hi yun badal jaayegi zindagi,

Aisa bhi to maine kabhi socha nahin tha,

Ek hi nazar ne kuch aisa asar kar dala mujh par,

Ki meri aam si zindagi bhi khaas ban gayi,

Ajeeb ki kashish hai uski aankhoin main, jab bhi dekhti hun,

Khud ko bhul hi jaati hun main,

Bahot raka maine khud ko ,lekin, ye nazarein thi jo use dhundh hi leti thi,

Kisi na kisi bahane se wo usko dekh hi leti thi,

Kuch yun mulakkate hui, kuch yun silsile hue,

Ladkon se kabhi baat na karne wali main,

Kab uski mam, aur phir dost ban gayi pata hi nahi chala,

Use dekhkar dilko tasali milti,

Hamesha usi ki aas paas rehane ka dil bhi karta,

Kabhi padhai, kabhi party to kabhi picnic ke naam par.

Wo bhi roz milne ke naye bahane dhundh hi leta,

Jin cheezon ki kabhi parvah nahi ki thi maine,

Achaanak se un baatoon ke liye,main bhi to papa se izzat mangne lagi thi

Sabko apne dil ki baat kehne wali, najaane kyun, kuch kuch sabhi se chupane lagi thi main,

Ek naya sa ehsaas dil main karvat badal raha tha,

Ek ladka mere liye dost se kuch jyada khaas jo ban chuka tha,

Waqt ne hume kuch aur kareeb laya,

Tanhai yon ke un lamho main, humne sab kuch bhulaya,

Ek nayi raah judne hi wali thi jindagi main,

Tab kismat ne phir apne rang badla

Us mod par laakar khada kar diya hume, jahaan se laut jaan hi mujhe thik laga,

Mere is faisle se o kuch raazi nahi tha, par dil ka aasara lena bhi to mumkin nahi tha

Uske Gharwalon ki khushi ke liye, use kisi aur ke liye akela chod diya tha maine,

Khud apni hi khushiyon se muh mod liya tha maine,

Agae usse rokti bhi to kis haq se, rokti

Jazbatoon ko samajhne ka waqt bhi to nahi mila tha,

Sab kuch is tezi se badal raha tha, ki khud ko samjhna bhi mushkil ho raha tha,

Is dil ki kasma kash main, doston ko mere dil ki tadap pata chal hi gayi,

Bahot narraz thi appy mujhse, maine uska dil jo dukhaya tha,

Lekin mere aasuon ke samne, usk gussa kahan tik paana tha,

Bahot baar dil kiya use apne dard ka ehsaas kara du, nahi reh sakti main bhi uske bina ,

Ek baar hi sahi, use bata to du, phir shayad kabhi mauka mile na mile,

Par ab in baaton ka kya fayda, ye soch kar maine apne saath saath usko bhi to rok liya,

Halat se samjhota karne ka faisla kar liya tha maine, lekin wo ye faisla kar na saka,

Mujhe rok na saka aur khud aage bhi badh na saka,

Thank gaya wo is ladai main kuch is kadar, ki khud apne ghar tak bhi wo pahunch na saka,

Us lamhe ne mujhe bhi kamzor bana diya, dimag ke faislo ko, is bar dil ne hara diya,

Bas ek baar dekhna chahti thi main usko, aur maine use dekh bhi liya,

Mere chehre ko dekh, uske chehre par ek chamak si chayi

Jo dil main chupi thi baat, wo aaj uski juban par aayi,

Us lamhe ko wahi rok liya tha maine, un shabdon main khud ko kho diya tha maine,

Par haqeeqat se phir bhi maine khud ko anjaan hone na diya,

Bahot der ho gayi ab ye kehkar maine phir usko samajha diya,

Par shayad kaynaat se mere dil ka dard dekha na gaya,

Aur waqt ne phir mere pyar ko mujhse milwa diya,❤️

Dil jhum utha tha hum dono ka, is milan se,

Ab jaise koi shikayat hi nahi thi, hume guzre kal se,

Muskurahat phirse chehre parlaut aayi, ek baar phir meri jindagi khil khilayi,😃

Uski mohabat aur deewangi dekh, main bhi khud ko rok na paayi,☺️

Apne janam din ke mauke par maine use apne dil ki baat batayi,❤️ 🤗

Naye sapne aur nayi umeed jagne lagi thi aankhon main,

Lekin phir bhi jaane kyun kuch bechaini si ho rahi thi,

Ab jab pyaar ka izhaar karliya tha maine, to apno se chupane ki takleef si ho rahi thi,

Sahi waqt ke intezaar main maine khud ko rok liya,

Lekin, maa ne apni gudiya ka chehra padh hi liya,

Kuch meri badalti parchayein, aur kuch anchahe mauko ne,

Maa ke dil main shak bhar hi diya,

Maa ne di ka shahara manga, di ne bhi maa ko dilasa dilya,

Mere dil ki baat, untak pahuchane ka bharosa dilaya,

Di ko to mujhse pehle hi is baat ki bhanak lag gayi thi,

Isliye unko maine apne jazbatoon se takaloof karvaya,

Mere dil ki baatsunkar bahot narraz hut thi wo,

Par jaane kyun phir bhi, mere pyar se milne ke liye tyar hui thi wo,

jab darr aur ghabrahat ne hume pareshan kar diya tha,

tabhi usne mera haath pakad kar mujhse wada liya,

humesha saath rahenge hum, humne ye faisla kiya,

usne apni sachai aur pyar se aakhir didi ka dil jit hi liya,

didi ne humara saath dene ka dil bana hi liya,

aaj usne mujhe apne ghar daavat par bulaya,

didi ne sabse jhooth bolakar mera saath nibhaya,

Main khud hi apne jooth se kuch pareshan si thi,Ab didi ke jhooth ne mujhe kuch aur sataya,
Kab tak maa se sachai chupati rahungi main, ye soch mera dil aur ghabraya,

Maa, mere aur Anant ke pyar ko samajh payegi ya nai, pata nahi,

Lekin, agar kahin aur se maa ko pata chala, to wo pakka tut si jayegi,

Apni parvarish aur apni ummedo se ruth si jayegi,

Nahi,apni muskurahat ke badle main Maa ko aasoon de nahi sakti,

Jo sabse jyada pyar karti hai mujhe, use ab main aur dhoka de nahi sakti,

Ab aur jhooth bolkar ,nazreein churana mujhe manzoor nahi,

Ab maa ko sab kuch bataungi main,

Aaj phir maa se apni nazrein milaugi main...??