This is a true Hindi Film type confession of Love and Regret from Bani to Jai...the situation is that Mausi has left for Amritsar and unknowing to Jai, Bani has left for the railway station without informing Jai after Mausi has gone...Jai comes home and goes to to his room, where he sees his Night-dress laid out as usual and then he looks for Bani, but she is nowhere in sight. He then sees a letter kept for him on the Side-Table with a small box also. Jai opens the letter in which Bani has written to him; (Please read it at your own risk, its very soppy and mushy and pretty Hindi-Filmy and the whole lette is in Hindi with the words being in English....😳😆)
"Main nahin chahti ki aapko phir se koi takleef ho mujhe jaane ke liye keh kar, isi liye mein khud hi aaj yeh ghar chod kar jaa rahi hoon, apne kiye gaye vaade ki mutabik. Aapse yeh kehna chahti hoon, ki mere dil mein aapke liye ab bhi wahi izzat hai jo pehli thi aur hamesha rahegi....rishton ke tootne se jazbaat nahin chale jaate hai!
Par aaj mein aapse ek baat aur kehna chahti hoon, jo shayad mein aapke saamne kabhi nahin keh paati....aapke saat bitaye hue kuch pal meri zindagi ke sabse yaadgaar lamhon mein hain, aur meri aakhri saas tak woh mere dil mein rahenge....kahin aapki nafrat aur meri majboori mein, ek anjaana ehsaas mere dil mein aagaya....pata nahin kya naam doon isko.
Kuch rishte aise hote hai, jine hum saari zindagi samajh nahin paate, aur kuch rishte aise hote hain, ki unhe samajh kar bhi hum andekha kar dete hai....shaayad hamare beech bhi yahi rishta tha...Maine aapse pooche bina aapko pyaar karne ki khata kar li....aur kabhi apne aapko roka bhi nahin....isi ehsaas ka dard aur isi ehsaas ki khushi ko lekar mein apni baaki ki zindagi goozarne ki soch banayi hai....bas, yeh ek cheez mein aap se lekar jaa rahin hoon!
Aapki di hui amaanat maine wapas lauta di hai....magar yeh bhi kehna chahti hoon ki chutki bhar sindoor and char kale moti ke dhaage kisi ko bhi Suhaagan nahin bana dete hai, aur agar ek aurat man se kisi ko apna Pati maanle, toh phir Saat Phero ke bina hi woh uski Suhaagan ho jaati hai....Isi liye aapko aapka diya hua Mangalsutra wapas kar ke jaa rahin hoon, shayad is par mera ab koi haq nahin hai.
Apna khayal rakhiyega...aapki Blood Pressure ki davaiyaan aapke Side-table ke drawer mein rakh di hai, Tony se keh diya hai ki aapki Night-dress roz 8 Pm tayaar kar ke Bed par rakh de...aur Cook ko instruct kar diya hai ki aap apni Chai bina Chini ke pete hai aur Nashta theek 9 Baje karte hai....kisi se agar bhool chuk ho jaaye toh, please apna gussa thoda kam kijiyega...mujhe aadat ho gayi thi, unhein nahin hai!
Aap se bahut kuch kehna tha....magar kabhi main keh nahin paayi aur kabhi aap sun na nahin chahte the...shaayad kuch baatein bina kahe hi sab kuch keh jaati hai....
Bani
Love,
MT
Kabhi Neem Neem Kabhi Shahad Shahad
Debate Mansion
