Social Impact of PR

Social Impact of PR

Hey! This is not a research topic. But I am trying to imagine what if society follows PR characters and concepts in real life. Let us go through the discussion of 4 housewives namely, Lata, Rita, Asha and Usha.

Usha- Rita maine suna tumhare bade bete ki shaadi honewali hai

Rita- haan sahi suna.

Asha-kahin yeh wohi ladki to nahi jo kal tumhare ghar pe aake khana paka rahi thi

Rita- haan haan. Jab bhi hamare ghar mein mehmaan hote hain mera beta jake use le aata hai aur aake sab keliye 15 min mein laziz khana tayaar kar deti hai. Mujhe bas usko kitchen mein masala, sabji aur dal kahan hai batana hota hai.

Lata- use kehna khana teekha na banaye..kahin tumhara beta us pe chillayega to

Asha- Lata tumhari chhoti behen ki shaadi hui thi last year ..kaisa chal raha hai uska

Lata- bas theek hai

Usha- satayanarayana puja ho gayi unke ghar pe?

Lata- are abhi kahan..uski saas jan bujh ke puja delay kar rahi hai. Meri behen ka pati 3 baar mahabaleshwar ka ticket book kar ke cancel kar chuka hai

Rita-matlab abhi tak teri behen aur uska pati..matlab dono mein kuch hua nahi

Lata- nahin dono sath rehte to hain par palank ke dono side zameen pe sote hain

Asha- haan chalo achha hi hai. Aaj kal ke bachhe pavitrata maintain kar rahe hain. Warna hamare pati to shaadi ke pehli raat mein hi…😆

Lata- waise yeh batao asha tumhara dewar aaj kal kya kar raha hai.

Asha-wo ek factory mein mechanic keliye job khoj raha hai

Rita- hmm..wo to commerce mein post graduate hai na

Asha- par automobile part ki company mein mechanic banna u know it is really a glamorous job…is liye pichhle 1 saal se bas laga pada hai kaise kar ke use mechanic ki naukri mil jaye

Rita- Usha tumhare pati ne apne chashme ka frame change kiya ya nahi

Usha- are main to bol bol ke thak gayi. Wo kehte hain chasme ki zaroorat to bas tumhari daant sunnke baad hoti hai ya kisi shocking news sunne ke baad, naak ke upar aage pichhe karne keliye. To isi kaam keliye kyun faltoo ka paisa kharch karna

Lata- are mere pati ki eye sight bhi normal hai. Par maine unhe chashme pehne keliye majboor kar diya hai. U know jab bhi meri baat sunke unki bolti band ho jati hai aur wo glasses adjustment karte hain, tab mujhe lagta hai wo mujh se darte hain aur ek khushi milti hai mujhe

Usha- chalo main ab chalti hun..pohe banane hain

Asha- haan mere gharwale bhi aaj kal bas pohe aur puran puli khate hain

Rita- are khate nahin hai unhe khana padta hai…

Asha- rita teri beti ki shaadi ki tayaari kaise chal rahi hai

Rita- tayaari matlab kya kuch kapde purchase karne hain aur card selection karna hai. Shaadi k ek din pehle mandap aur caterer book kar lenge. Hyamara jyadatar time to ab sangeet aur dance mein ja raha hai.

Usha- warna tumahari badi beti ka divorced pati to hai hi..usi ko kaho na na sara kaam kar lega aur khana bhi bana dega zaroorat padne par

Rita- are baar baar kehna achha nahi lagta. Bechare ko pichhle hafte maine 4 thappad lagaye the. Kyun ki wo meri beti se jaan bujh ke takrata rehta hai local train mein mandir mein.

Asha- are mera to mere damaad se jhagda ho gaya..pata hai kyun..maine use kaha tha jab bhi mere ghar aaoge sath mein ek asthma ka puff lete aana.par wo bhul jata hai

Lata- par tumhare ghar mein asthma kisko hai

Asha- ab tension ke time asthma attack ho sakta hai na..tab ek puff rahe to kya buraai hai..rita tumhari beti ke shaadi mein jaise hi barati aate hain unhe stage pe bithake jee tod nachenge hum..saare damaadon ko keh do asthma pump tayaar rakhen

Rita- are baton baton mein sham ke 8:30 baj gaye. Chalo chalo apne ghar chalet hain. Ghar mein beta aur bahu akele hain . kahin is mauke ka fayada uthake kuch apavitra kaam na kar len.

(The End…)

Uff , PR is creating major havoc for bahus and damaads...🤣

very hilarios SD Bhai..👍🏼.....Meri behen ka pati 3 baar mahabaleshwar ka ticket book kar ke cancel kar chuka hai🤣🤣🤣🤣🤣🤣🤣🤣🤣🤣

Originally posted by: Tanyaz

Uff , PR is creating major havoc for bahus and damaads...🤣

All bahus have to cook in 15 minutes and all damaads should be ready to make khaana for the entire shaadi dawat ....

well done SD..👏👏

Nice Analysis SD n 👏👏👏 for Tanyaz... u r true dear... this is the plight of bahus n poor damaads...a day might come when all damaads wud have their own catering services for their in laws !

🤣 SD , so true this serial teaches to make kachra of damads and to keep husbands like latka hua aams without consummating with them

very interesting analysis of the plight of the bahus and damaads in the pavitra rista.

thank u all for the nice comments.