(✿^‿^) ZDMN Poetry Corner (ʘᴗʘ✿) - Page 2

MakarSankranti Wishes

Beet Gayi Woh Barf Ki Barsaat,

Chooti Hui Ab Thithuran Bhari Raat,

Rahi Nahi Woh Kohron Wali Prabhaat,

Huyi hain naye mausam ki shuruvaat.

Aao Phir Hum Patang Udayein,

Til Ke Laddoo Aur Khichdi Khaye,

Gile-shiqwe Bhool, Khushiyan Manaye,

Makar Sankranti Ki Sab Ko Shubkamnaye

Aaj baatein beshumar karte hai,

Chal ek baar fir izhaar-e-ishq karte hai,

Jo kaha tha maine sunn nahi paayi tum,

Aur tumhari har baat ko ansuna kar gaye the hum,

Eik baar phir wo baatein doharate hain,

Karte hai kitni mohabbat yeh batlate hai,

Na chaand naa sitare na suraj ko bulate hai,

Aaj apne hi dilon ko iss lamhe ka gawah banate hai,

Jaha koi aur na hoga tere mere siwa wo duniya basate hai,

Chal eik baar fir izhaar-e-ishq karte hai..

Duniya khilaaf hai apne iski parwaah nahin hai,

Gham toh yeh ki sath iss safar mein apne nahin hai,

Khwaabon ki duniya mein bohot kuch paaya hai,

Hakeekat mein toh imaan bhi apna gawaya hai ,

Khwahishen adhoori hai abhi kuch,

Kitna baaki hai chalna yeh na puch,

Manzilon se bade toh aaj kal raaste milte hain,

Khwabon ke a sath bikhre bikhre kuch rishte milte hain!!

Tum hote hai pass fir kyun itna dur lagte ho,

Nahin hai pyaar tumhe fir kyun is tarah parwaah karte ho,

Bhulna toh humne bhi chaha tha tumhe,

Par kaise bhule ki mohabbat hai toh sirf tumse,

Jab karte ho tum yun kuch hamari khatir,

Phir eik baar dhadak uthta hai yeh dil tumhari khatir,

Jaante hai tumne kaha tha nahin hai ishq tumhe,

Bas samjhate nahin kaise bhule use joh dikhta tumhari aankhon mein hame,

Kaash tum bhi kabhi dekh paayo jo dikha tha mujhe,

Jitna hum marte hai tumpe utna hi pyaar humse hai tumhe..

Jaane kaisi vo inayat hai,

Koi kehta ye to zamanat hai,

To Kisi ke liye amaanat hai,

Aksar suna hai zamane se kuch

Aisi hi si to mohabbat hai,

Jo paaye ise uske liya badla

Zamaane ka har dhang hai,

Basi hai kayi rangon mein

Phir bhi kuch khaas iska rang hai,

Kisi ke liye puri duniya hai,

To kisi ki duniya ka hissa hai,

Heer Ranjha Romeo Juliet

Isi ka suna suna sa kissa hai,

Mashoor kahani to Jodha

Akbar ki bhi hai,

Par suna hai prem Radha

Krishna sa phir bhi kahin nahin hai,

Jo samjhe pyaar ko uski zindagi

To satrang si hai,

Jo na jaane uska jeene

Ka phika phika sa dhang hai!!

Kuch kaha tha humne wo shayad sun na paaye,

Jo mehsoos kar rahe the hum wo naa kar paaye,

Humne khud ko jazbaaton mein khoya paya tha,

Andheri si unn raahon mein ek baar phir khud ko akela paaya tha,

Dard dil ka phir ek baar tha kuch gehra sa,

Ya tha dil mera ek kone mein betha sehma sa,

Kyun na samjha kisi ne hume bhi taklif thi ,

Kyun saji unke aangan me woh mehfil thi,

Apne hokar bhi woh humse kuch anjaan the,

Khoon ke rishte bhi us lamhe benaam the.

https://www.instagram.com/p/Cb0QUbRvbWL/?utm_medium=copy_link

❤️❤️

Kyon sahti rahti ho tum sab kuch

Kyon dard nhi kahti apna tum

Kyon pighal jati ek mafi pe tum

Kyon deti badhawa unki galti ko tum

Koun h ye smaj jiske dar se tum rahti khamosh

Koun h ye anjan jinke khatir tum sahti jakham hazar

Chod de unko haal pe unke, Sun tu bus dil ki apne

Khushiyan dekhe rahein teri bus ek kadam ki hai unse duri