FF: Chalo ek baar fir ajnabi ban jaayein ham - Page 4

Originally posted by: rekha_crm

Oh... Sampu faida utaying..

Trying to create more problems in KalMa's life..

The two live each other but facing so many hurdles..

It's very emotional.

Thanks for update Pragya

Thank you so very much Rekha. You, Minnie and Priyu were the first reader's of my fanfictions and without your support, I would've never mustered courage to write them.

Originally posted by: Autumn09

Thank you so very much Rekha. You, Minnie and Priyu were the first reader's of my fanfictions and without your support, I would've never mustered courage to write them.

For me also it was first venture in this forum. I'm thankful to the readers who supported me and I will always do the same for any other writer too.

I love that you think different concepts.

Wish Minnie had come back.. But probably she has her own reasons.

Chapter

-1960

Vaise to college ki canteen bhookh mitane ki jagah kam yaadon ka guldasta zyada hoti h. College ke vo dheeth dost, pehle breakup ka dard, khadoos teacher ke dar se bunk maarna, in sab ki gawah college ki hi canteen hi to hoti h.

Magar Jab Atharv Kalyani ko apne haathon se khila raha tha to na jane kyon Malhar ko ek ajib si koft hone lagi. Jaise hi vo dosa lene ke liye utha, to usne Atharv ke oopar pani ka glass gira diya. (Nahi, usne giraya nahi. Malhar kyon giraega Atharv par janboojhkar pani ka glass, usse galti se hi glass gira hoga.)

Malhar: Sorry

Atharv: Are Master, dikhta nahi h tereko? Kallu, main abhi ise saaf karke aata hoon.

Atharv bahar jata h. Dosa khane ke baad Malhar staff room jaa hi raha hota h ki use Atharv ki awaz sunai deti h. Atharv ek bellbottom pehne ladki ke saath baat kar raha hota h: Are Sunita. Maine kaha na ki main sirf uske saath pyaar ka naatak kar raha hoon. Kalyani ke papa income tax commissioner the aur uske baap ne mere baap ko tax chori ke arop me teen din jail me rakha tha. Baap ki galti ki keemat kaun chukayega? Beti aur kon?

Tabhi canteen se zor zor se aawazein aati hain:

Ek aadmi chillate huye: Sharam nahin aati Kalyani tumhe padhai ke naam par gulcharre udate huye. Tumne Atharv ke saath pyaar ka naatak kiya aur badle me usse apne shauk poore karne ke liye paise maange? Kya kami reh gayi thi meri parvarish me?

Kalyani ke pita ne Kalyani par haath uthaya magar Malhar ne unka haath rok diya.

Malhar: Aap Kalyani ke pita h na? To ek jhatke me Atharv jaise bigde ladke ki baat ne aapka unnis sal ka bharosa toot gaya?

Atharv: Uncle. Kalyani ki ijjat meri ijjat hai. Main Kalyani se shaadi karne ke liye taiyyar hoon?

Kalyani Atharv ko ek thappad maar kar: Tum kon hote ho mujhse shaadi karne vale? Tum itne ghatiya gire hue ho maine socha bhi nahin tha.

Atul: Bas Kalyani. Bahut hua Art aur college. Ab tumhari Atharv se shaadi hogi aur jab tak Atharv ki padhai poori nahi ho jati tum Poona mehi rahogi.

Kalyani: par baba?

Atul: Bas

Malhar: Kalyani se koi shaadi nahi karega yahi chinta h na aapko? Agar Kalyani ki ijaazat ho to main karoonga Kalyani se shaadi par jab tak Kalyani ka college aur sabse acchi artist banne ka sapna poora nahin ho jata Kalyani Bambai me hi rahegi.

Atul ke na chahte huye bhi Kalyani ki shaadi Malhar se ho jaati h magar Kalyani ke aansoo the ki rukne ka naam nahin le rahe the.

Kalyani abhi Dulhan ke libaas me hi thi: Malhar Ji ye kahaan le aaye mujhe?

Lekin Kalyani andhera hote huye bhi jaanti thi ki vo kahaan h. Andhera chahe kitna gehra ho, samundar ki aawaz aur poornima ki chaandni nahin chupa sakta.

Kalyani ke aage haath badhakar Malhar kehta h: Kalyani dance karogi?

Kalyani: Dance? Yahaan?

Malhar: Mujhe pata h tumhe dance karna bahut pasand h. Us din coffee house me bhi Sangeet sunkar tumhare kadam unki lay par thirakne se rok nahi paa rahe the.

Navsari saari me Kalyani ko apne paas lakar Malhar dheeme dheeme dance karne laga aur geet gaane laga:

https://youtu.be/ZG-m3EHwikA

Chaandni khulkar apni saari roshni un do prem ke pancchiyon par luta rahi thi aur saari duniya se bekhabar dono apni hi dhun me ek saath naache jaa rahe the.

Originally posted by: Autumn09

Tagging

I will read at night..just busy in work.

This is beautiful pragyu 😘😍

Chalo at least flashback main hi sahi humein dono ke kuch ache pal mile

Some stories are meant for open ending only we cannot predict that they can be together at end or not

Kyunki naa chathe hue bhi kabhi kabhi humein alag hona hi padhtha hai

I hope malhar and kalyani will overcome of their issues and listen to their heart what they want

Originally posted by: Phlo

This is beautiful pragyu 😘😍

Chalo at least flashback main hi sahi humein dono ke kuch ache pal mile

Some stories are meant for open ending only we cannot predict that they can be together at end or not

Kyunki naa chathe hue bhi kabhi kabhi humein alag hona hi padhtha hai

I hope malhar and kalyani will overcome of their issues and listen to their heart what they want

Thanks a lot Vanshu ❤️❤️

Wow nice.I like Ur presentation story with Song.Maja aagaya.Keep it up body.

Originally posted by: Jsmp21

Wow nice.I like Ur presentation story with Song.Maja aagaya.Keep it up body.

Thanks a lot Jiya ❤️❤️

1965

Sampada aur Malhar ko ek saath dance karte dekhkar Kalyani jaise raise exhibition me apne aansuon ko rokti h magar ghar aakar uske sabr ka baandh toot hi jata h aur rote-rote vo so jati h.

Use sota dekhkar, Malhar uske baalon me haath ferta hai aur man me sochta hai: "Bas kucch din aur Kalyani. Ek baar ye film release ho gayi aur logon ko mera kaam pasand aa gaya, to fir hamari saari pareshaniyan khatm ho jayengi."

Jab Malhar subah uthta hai, to dekhta hai ki Kalyani aas-paas kahin nahi hai. Malhar daurkar ghar ke baahar jata h tabhi use kuch log munh chhipakar hanste huye milte hain.

"Dekho dekho, kaise daura jaa raha h."

"Haan haan jiski patni use chorkar ek doosre ameer ladke ke saath bhaag gayi ho, uski haalat to aisi hi hogi."

"Vo bechari bhi kya karti? Ek paisa to isse kamaya nahi jata. Bas ghar me baithe baithe apni patni ki kamai khaata hai. Aur jiske saath iski biwi bhaagi h, vo itna ameer aur handsome hai ki vo kya main bhi uske saath bhaag jati."

Malhar ko lag raha tha jaise saara bambai sheher use nigalne par aamada ho. Usne deewar ke sahare se kadam aage badhana chaha, magar ladkhadakar vo vahin gir gaya. Logon ke taano ki ab use koi parwah nahi thi. Ye doosri baar tha jab uska bharosa toota tha aur Kalyani...itni mohabbat to use pata bhi nahi tha ki ek dil me samaa sakti h jitni mohabbat usne Kalyani se ki thi. Ab sirf ek hi jagah thi jahaan vo jaa sakta tha.

Udhar Kalyani Atharv ki motor me baithe huye ye sochti hui jaa rahi thi- "Aaj Malhar Ji ka birthday h. Paanch saal ho gaye hamari shaadi ko lekin aajtak maine unhe nahin bataya main unhe kitna pyaar karti hu. Aaj unka janmdin h. Atharv jin videshi login ke baare me bata raha h unhe apni paintings bechkar Malharji ko surprise party doongi, vo bhi Juhu beach me."

Kuch ghante baad

Juhu beach me

Achanak itni zoron ki baarish hone lagi ki laga mano saari bambai hi doob jayegi. Sampada ne chupchap paparazzi ko tip de di thi ki aaj unhe Juhu beach par badi lead milne vali h.

Tabhi, achanak se Malhar ne Sampada ko gale laga liya aur ghutnon par baithkar kaha- "Sampada, main tumse bahut pyaar karta hoon, kya tum mujhse shaadi karogi?"

Cameras ki aawazon ne samundar ki leheron ke shor ko jaise nigal liya. Tabhi do laal gubbare Malhar ke kadmon par aa gire. Malhar ki nazrein Kalyani se jaa takrai. Vo bechari Aasmaani saari pehne table par rakhe cake ke saath 'Happy Birthday- I love you Malharji likhi hui takhti lekar khadi hui thi.

Samundar...Samundar ki ye khasiyat hai ki badi se badi bewafai bhi iske aage bahut chhoti nazar aati hai. Raat ke ek baj rahe the aur Malhar ko letter postbox me daale ek ghanta ho gaya tha. Jin dukhi aatmaon ko apne hisse ki zameen nahin milti, unhe samundar ki lahrain hi Lori gaakar chain ki neend sula sakti hain. Malhar dheere dheere samundar ki or badh raha tha...aur chaand dheere dheere dhal raha tha.

Subah Kalyani ki aankhein daakiye ki dastak se khuli. Chhitthi me koi naam nahin tha magar vo likhavat Kalyani acche se pehchanti thi.

Kalyani,

1960 ki us subah pehli baar tumhe coffee house me jab dekha tha tabhi mujhe ehsaas ho gaya tha ki main is janam to kya agle kisi janam mein tumhare alawa kisi aur ko dil me jagah nahi de paunga. Lekin kabhi main tumhe ye keh hi nahi paya...pehle professor aur student ke beech ka lihaaj, fir Atharv ke saath tumhari nazdeekiyan, aur fir hamari shaadi bhi jin haalat hui, tumse kehne ki himmat hi nahin hui. Main tumhe sabse accha artist bante huye dekhna chahta tha magar meri koi naukri naa hone ki vajah se tumhe beman se har choti choti exhibition me participate karna hota tha aur tumhe apna masterpiece banane ke liye vaqt hi nahi milta tha. Isliye maine socha ki filmon me geetkar ki hi naukri talaashta hoon, magar kismat ka khel dekho meri naukri ka faisla film ki heroine Sampada ke haath me tha aur usne shart rakhi naukri paane ke liye mujhe uska jhootha premi ka naatak karna hoga. Fir jab aaj ki subah sabne kaha ki tum Atharv ke saath...to mujhe kucch nahi soojha aur...

Khair, ab tumhari zindagi se Malhar naam ka kaanta hamesha ke liye door jaa raha. Mere liye ab tumhe apne sapno se aur samjhauta nahin karna parega aur mujhe poora bharosa hai tum duniya ki sabse badi artist banogi. Ab to bas Bhagwan se yahi maangta hu kiKaash agle kisi janam me ham mile to main kam se kam tumhare pyaar ke layak hu.

Tumhari maafi ke intezaar me,

Malhar

Kalyani ne agle bees saal Samundar ke kinaare Malhar ki body ke milne ka intezaar kiya magar...Paris se lekar New York ki har naami art gallery me jiski paintings saji thi, us Kalyani ki zindagi kitni berang thi ye koi nahi jaanta tha.

2020

Ek ladki pink kurti pehne huye ek file ke saath jaa rahi hoti h tabhi kisi se takra jaati h aur uski file ke documents par coffee fail jati h.

Ladki: Dikhai nahin deta tumko? Mera CV kharab kar diya? Sunglasses pehenne se itni badi ladki ko nahin dekh paye tum.

Ladka: Ye area interview candidates ke liye prohibited h to pehli baat to ye aapke morning walk ki jagah nahi h.

Ladki: Ae mister? Tumhare baap dada ki company h ye? Kalyani Deshmukh naam h mera...mujhse panga liya to

Ladka Kalyani ki ungli neeche karte huye: Mere baap ki to nahin, magar is company ki ek ek eent maine apne khoon pasine se rakhi h. Hi, I'm Malhar Rane, CEO of Rane Group of companies...

https://youtu.be/gFK09JUyve4

Kaisi lagi aapko ye kahaani? Please tell me your feedback.

Pragyu this is so emotional chapter 🥺🥺😭😭

Rula diya yaar

Malhar aur kalyani aakhir tak bhi saath nahi ho payein vo dono ek dusre se itna pyaar karte the ki dono dosre ki bahlayai ke liye financially strong hona chathe the lekin aakhir main malhar ne jaan hi de di aur na kalyani khush reh paayi

Aur ab ye 2020 wala twist dono ne phir janam liya hai kya

But iss bar thank god Malhar rich hai to pls atharav aur sampada bhi honge hi to dono ko acha sabak sikhana dono ne kitna pareshan kiya hai

Bilkul title suit kar raha hai chalo ek baar ajnabi ban jayein kitne kareeb hokar bhi door ho gaye dono😭😭🥺🥺