Posted:
Hi guys,I'm writing a short story on one of my favourite jodi KalMa .I'm not a good writer so plz sorry for my mistakes...Plz read and give your valuable views..
"Moksh mera beta hai..tumhara koi hak nahi hai uss pe kalyani"
Sampada chilla rahi thi...Haan..Sampada ki wapsi ho chuki thi malhar ki zindagi mein...Atarva ke masterplan ke anusaar Sampada phir se apne ghar apne pathi aur apne bachche ke pass wapas aagayi thi...Sampada aur Atarva ko Aparna se pata chala tha ki Malhar ne apni saari property apne bachche Moksh ke naam kar diya tha...wo property paane ke liye bachche ki mamta ka vaasta de kar wapas aa gayi thi.. Malhar ke saamne bahuth royi...maafi maangi aur saara inzaam Atarva ke oopar daala aur ye bhi kaha ki kalyani bhi Atarva ke saath mili huyi hai aur kalyani Atarva ne yi usse blackmail karke bhaagne mein majboor kiya tha... Pehle Malhar ne inkaar kiya lekin baad mein pillu ka vaasta de kar thoda emotional blackmail kiya tho Malhar ne Sampada ko ek aur mauka de diya...Malhar kalyani par gussa tha lekin usse kuch bhi nahi kaha..Aparna aur Sampada bahut Kush the..lekin pata nahi kyun kalyani ko bahut bura lag raha tha...aur anupriya ko bhi apni beti ki chinta ho rahi thi...Sampada wapas aakar 1 hafta huva tha...Aate yi moksh ke saath Malhar ke room mein shift ho gayi..kalyani ko bahut bura laga Lekin Malhar ne Sampada ko nahi roka tho isliye kalyani dusri room mein shift ho gayi..wo pillu ko bahut miss kar rahi thi...aur pillu bhi kalyani ko...Malhar duty mein bahut busy tha aur jyada time bahar yi rehta tha.. Sampada ke saath pehle jaisa nahi tha lekin normal behave kar raha tha...lekin pata nahi kyun kalyani ko avoid kar raha tha Malhar...
Aaj Malhar 2 din ke liye bahar gaya tha duty ke liye...Baaki sab ghar pe yi the...Tab bachche ka naam register karne ke liye government ke staff aagaye the...Sampada kuch kaam Mein busy thi tho kalyani moksh ko lekar aayi...
Staff: "Bachche ka naam kya hai?"
Kalyani:"Moksh Malhar Rane"
Staff:"Bachche ka pita ka naam?"
Kalyani:"Malhar Rane "
Staff:"Maa ka naam?"
Kalyani:"Kal..." Kalyani pura naam batane se pehle yi wahan sampada aajaathi hai aur Moksh ko Kalyani se cheenthi hai aur gusse se,
"Rukhiye " aur wo kalyani par chillane lagthi hai.
Sampada:"Tumhari himmat kaise huyi Kalyani Moksh ko apna beta kehne ki?"
Kalyani:"lekin sampada Pillu mera beta hai"
Sam:"Chup...apna bakwas bandh karo "
Kalyani :"sampada..."
Sam:"Moksh mera beta hai...tumhara koi hak nahi uss pe...uski asli maa mein hun...Moksh aur Malhar par sirf mera hak hai ...mera Mrs.Malhar Rane ka...samji tum?"
Kalyani:"ye kya bol rahi ho sampada...?"
Tabhi Malhar wahan aa jata hai.
Malhar:"Sampada bilkul teek keh rahi hai "
Sab log malhar ko wahan dekh ke shock ho jaate hai .Kalyani shock ho kar "Malhar ji..."
Malhar:"Haa kalyani... sampada teek keh rahi hai..Mujh par aur mere bete moksh par sirf Mrs.Malhar Rane ka hak hai "
Sampada aur aparna bahuth Kush ho jate hai aur kalyani dukhi hothi hai.
Sampada:"ab tho samaj mein aaya na kalyani...tumhara iss ghar mien koi jagaha nahi hai...chale jao yahan se.."
Kalyani dukhi ho kar" nahi malhar ji eaisa mat karo..mein pillu ke bina nahi reh sakthi...plz malhar ji "
Aparna gusse se "ek baar mein tumhe samaj mein nahi aata kya kalyani...meri beti ko apne parivaar ke saath kush rehne do aur tum apna manooz chehra leke yahan se dafaa ho jao...warna mein tumhe dakhe maarke bahar nikaal dungi "
Kalyani ro rahi thi..tabhi aparna ne kalyani ko dhakka de diya tho kalyani neeche gir ne yi wali thi tho sahi time pe malhar ne kalyani ko pakda aur sambhal liya...wo bahut gussa ho Gaya.
Malhar:"ye kya battameezi hai atya?"
Aparna:"Tum iski side math lo malhar..dafa hone dho isse. "
Ye baatein sunkar kalyani dukhi hokar wahan se jaane lagi tho malhar ne uska haath pakad kar usse rokh leta hai.
Malhar:"Rukh jao...meri baat abhi katam nahi huyi kalyani "
Sab log confuse ho kar malhar ko dekh ne lage.
Malhar:"Tho sampada kya kaha tum ne..Moksh par sirf uski aayi ka hak hai..hai na?? Sahi kaha tum ne..Moksh par sirf uski aayi ka yani Mrs.Malhar Rane ka hak hai ".
Sampada aur aparna evil smile de rahi thi.
Malhar :"Mrs.Malhar Rane yani Mrs.Kalyani Malhar Rane ."
Ye sunkar Kalyani aur mai bahut Kush huye .
Kalyani ko apne kaano par yakeen yi nahi huva.Aparna aur sampada Malhar ki baatein sunkar shock hogayi.
Sam: "Ye Kya bakwas kar rahe ho Malhar?"
Malhar:"ye bakwas nahi hai sampada...yahi sachchayi hai. Kalyani yi mere bete Moksh ki aayi hai. "
Sam:"Nahin...ye nahi ho sakta. Moksh mera beta hai. Maine janam diya hai usse. "
Malhar :"Sirf janam dene se Maa nahi ban jaathi hai sampada...Uss bachche ko paal pos ke bada karna bhi Maa ka farz hota hai ."
Sampada gussa hokar,"Tum iss ladki ki baat kar rahe ho Malhar?...Iski aukaad yi Kya hai?Kudh ek nazaayaz aulaad hai mere bachche ko Kya sanskaar degi?"...
Ye sunkar Malhar bahut gussa hogaya...
Malhar:"Agar ek aur baat Kalyani ke kilaaf bola na mujh se bura koi nahi hoga..Aur aukaad aur sanskaar ki baatein tum na yi karo tho behetar hai sampada..Tum apne aapko Maa kehthi ho na?..Jab mera Moksh ek din ka tha aur usse uski Maa ki mamta ki jyada zaroorat thi tab tum uss nanhi si jaan ko chodkar apne aashiq ke saat bhaag gayi thi na uss waqt Tumhari mamta kahan gayi thi?...Jab mera Moksh Maa ke doodh ke liye taras raha tha tab kahan gayi thi tum?Maa shabdh ka matlab bhi pata hai Kya tumhe?Maa jo hoti hai apne bachche ke liye kuch bhi kar sakthi hai. Apne bachche ke liye apna sukh chain apni kushiyaan apne sapne sab kuch kurbaan kar dethi hai...Lekin tumne Kya kiya?Tum ne apne sukh apne swaarth ke liye apne bachche ko yi tyag diya sampada. "
Sam:"Bandh karo tumhara bhashan malhar...Tum ye sab kis ke liye kar rahe ho..uss Kalyani ke liye?...Lagta hai uss 18 saal ki javaan ladki ki javaani ne tumhe pagal kardiya hai malhar...Aakir kalyani ne tumhe apni jhaal mein fasa yi diya aur saabit kar diya ki jaisi Maa waisi beti.."
Sampada ki baatein aage badne se pehle uske gaal par ek zordaar tappad pada.sab shock ho gaye..Malhar kada tha wahan...uska gussa saatve aasmaan pe tha.
Malhar:"chup karo sampada...kabardar ...Agar ek aur shabdh meri patni ke kilaaf tumne kaha tho jaan se maar daalunga tumhe...Aur tum Kya keh rahi thi?...18 saal ki ladki?Bhale yi uski age kam ho ,kam tajurba ho lekin jis taraha uss ne mere bete ko sambhala hai aur mera saath diya hai na uski baraabari tum iss janam tho Kya agle 7 janam mein bhi nahi kar sakthi...Kalyani ne Moksh ke liye apne sapne apni kushiyaan sab kuch kurbaan kar diya hai.Jab Moksh bhimar tha na raath raath bhar jaag ke uski dekhbaal karthi thi..Jab Moksh ko Maa ke doodh ki zaroorat thi tab kalyani ne apni jaan apni izzat daav pe laagake uska intezaam kiya tha.Ek galatfehmi ki wajah se Maine uski zindagi barbaad ki..uske sapne cheen liye...usse kitna torture kiya phir bhi usne mera saath kabhi nahi choda...Har din mera zulm sehthi rahi lekin har mushkil waqt mein mere saath wo kadi rahi ...mere support system ban ke..Kalyani ka baraabari karna tho dhoor uska naam lene ka bhi tumhara na yi aukaad hai or na yi ehsiyath sampada..."
Kalyani dekh rahi thi Malhar ko...Kushi ke aansoo the uski aankho mein.
Malhar:"Aur sampada tumne aur Atharva ne ye kaise soch liya ki tum aakar dho magarmach ke aansoo bahakar natak karogi aur mein pigal javunga aur tumhare jhaal mein fasunga...Mein itna bhi bewakoof nahin hun sampada ki tum jaise dhokebaaz ke baaton mein phir se aakar kalyani ko phir se galath samjunga...Jab tum wapas aayi thi na...tabhi mein samaj Gaya tha ki tum koi maksad se wapas aayi ho..Aur baadh mein muje pata chala ki tum aur Atharva mile huye ho aur kaise tum logo ne Mugdha ko dhoka dhekar uski property hadap li hai...Aur tho aur property ke liye Moksh ko bhi mujhse cheen ne ki planning kar rahe ho...Lekin tum logo ko sabak sikhane ke liye muje saboothon ki zaroorat thi aur wo sabooth ikatte karne ke liye muje thoda waqt chahiye tha...saath mein Moksh ko bhi tum logo se bachana tha...kyunki jab ek pal ke liye bhi agar Moksh dhoor hota hai na tho kalyani kitna tadapthi hai ,zameen aasmaan ek karthi hai...Agar tum ne Moksh ko hamesha ke liye uss se cheen liya tho uska Kya haal hota?...Moksh aur Kalyani ab mere zindagi ka ahem hissa hai...Meri zindagi ko mujhse kaise cheen ne deta tumhe sampada?...Issliye meine bhi tumhara saath dene ka natak kiya..Ab mere pass tum logo ke har crime ka sabooth hai tumhare aur Atharva ke kilaaf arrest warrant bhi hai...Aur sabse importent Moksh ki custody hamesha ke liye muje mil chuki hai.
Sam:" Ye tumne achcha nahi kiya malhar.."
Malhar:"Lekin tumne bahuth achcha kiya sampada.."
Sampada ne confuse ho kar malhar ko dekha.
Malhar:"kyun samjhi nahi..? teek hai mein batata hun...Tumne muje chodkar Atharva ke saath bhaag ke mujh par bahut bada ehsaan kiya hai sampada...kyun ki agar tum muje chod kar nahi jaathi tho Moksh ko Kalyani jaisi ek pyaari aayi aur muje ek bahuth achchi patni kaisi milthi...?So thank u so much...Tumhara ye ehsaan kabhi nahi bhoolunga ..By the way sampada...Aur ek baath yaad dilavu tumhe...ab tum Mrs.Malhar Rane nahin ho..Atharva ke saath bhag ne se pehle tumne divorce papers beje the na..?Ab hume divorce bhi mil chuka hai...So for your kind information ab Mrs.Malhar Rane aur Moksh ki aayi sirf aur sirf Kalyani hai...Tho Sampada ab apne so called sachche pyaar Atharva ke saath jail mein apni pyaar ki kahani aage badana..."
Malhar smirks and aage aakar Moksh ko sampada se cheenkar Kalyani ke godh mein deta hai.
Malhar:"Moksh beta ,ab tho Rona bandh karo...ab aap aagaye ho na apni aayi ke pass wapas.."
Ab tak sampada ke paas Rota huva Moksh,Kalyani ke godh mein aate yi kushi se hasne laga...Kalyani ke kushi ka tho tikana yi nahi tha...Uss ne Moksh par pyaar ki baarish kar di. Aparna aur sampada gusse se pagal ho gaye.
Aparna:"Ye sab Tumhari wajah se huva hai kalyani..Tumhe mein tho mein chodungi nahi.."
eaisa kehkar wo kalyani ko maarne aage aathi hai,lekin Malhar rokh leta hai.
Malhar:"Bas aatya bas...ab tak mein aapke umr ka liyaz karke chup the lekin ab aur nahi...Aaj aapne kalyani ke kilaaf jo bartaav kiya hai na wo dobara karne ki sochna bhi math...varna mujh se bura koi nahi hoga...Aur aaj ke baadh aapko mere ghar mien koi jagaha nahi hai...chale jayiye yahan se..."
Malhar ka gussa dekh ke sampada aur aparna darr gaye.wo log haar chuke the.Kalyani ke aankho mein abhi bhi aansoo the..Malhar uske paas aakar uske aansoo pochta hai aur pyaar se kehta hai "Ab tho has lo Mrs.Malhar Rane...sab teek hogaya na..."
Kalyani ke honto pe ek pyaara sa smile aata hai. Malhar Kalyani aur Moksh ko baahon mein leta hai aur kehta hai,
Malhar:"Ab hogaya na Rane parivaar complete..."
Aur sampada ko dekh ke kehta hai,
Malhar:"Ahinda mere bete aur mere patni se dhoor rehna tum log...Bahuth dino baadh meri zindagi mein kushiyaan aayi hai...ab jaakar lagta hai meri zindagi paripoorn hogayi hai. Isliye ab meri zindagi se dhoor rehna...kyunki ab Kalyani aur Moksh yi meri zindagi hai..."
Ye sunkar anupriya bahuth Kush hoti hai. Finally uski beti ko uski kushiyaan mil gayi. Sampada aur aparna chup chap wahan kade the.Unka shakal dekhne layak tha.
Malhar aur Kalyani ek dusre ko pyaar se dekh rahe the...Ek dusre ke aankho mein kho gaye the...Deep eyelock...Dono ke aankho mein ankahe emotions the...aage ki zindagi ke sapne the...Aur ek sukhoon tha...Moksh un dono ki godh mein tha aur apne Aayi baba ko saath mein dekh ke kushi se hass raha tha.
Thank you
With Love,
Lora Vincent
comment:
p_commentcount