At Morning, Maheshwari Mansion,
"Good morning Sanskar, uth bhi jao, har roj itni der tak sona achhi bat nahi hoti hain. Uth jao na". Ek ladki hathme chai cup lekar aati hain.
Sanskar : Nahi, mujhe sona hain. Sone do. Tum bhi so jao.
Ladki : Yeh kya bat kar rahe ho Sanskar, jaldi utho. Wo pillow hathme lekar Sanskarko marne lagti hain tabhi Sanskar uska hath pakdta hain aur alarm clock bajti hain. Sanskar jerkse apne bedpe uthkar beth jata hain. Wo ek bar poore roomme dekhta hain waha usse koi nahi dikhayi deta. "Matlab aajbhi wahi sapna dekha maine. Sapneme wahi ladki thi par har bar ki tarah iss barbhi uska chehra nahi dekh paya. Pata nahi kon hain woh ladki?" Wo apne dono hath chehrepe ghumata hain."Kya connection hain uss ladkika mere sath, jo har roj mere sapneme aati hain, jab bhi me uska chehra dekhne lagta hu mera sapna tut jata hain". Tabhi uska dhyan samnewali wallpe lagi hui photope jata hain,"Yeh me kya kar raha hu? Kisi anjani ladkike bareme me kaise soch sakta hu? Wo bhi jabki me shadishuda hu. Kavita meri biwi hain. Main aise kisi aurke bareme sochkar Kavita aur mere rishteko gali nahi de sakta. Mujhe toh bahot khush hona chahiye ki mujhe apna pyar wapas mil gaya hain. Come on Sanskar get up dude." Wo apne thoughts brush out karke fresh hone jata hain. This is our Male lead Mr. Sanskar Maheshwari. Usne apni friend Kavitase shadi ki hain. Sanskar Maheshwari Group of Industries ka MD hain.
At Delhi,
Leady pooja ki thal leke mandirme aati hain. Panditjiko thal deke wo bhagwanke samne hath jodti hain,"Bhagwanji aapko toh sab pata hain na, me yaha har subah aake aapse prarthana karti hu, apna man shant karti hu, phir bhi pata nahi kyu pichle kuch dinose bahot ajib lag raha hain. 3 sal pehle maine jisko apni jindagise nikal diya tha wahi atith ab mujhe bar bar yad aane laga hain. Aapko toh pata hain ki maine wo sab kyu kiya tha aur ab me uss jindagime wapas janabhi nahi chahti bhagwanji. Lekin haa har roj ki tarah me aaj bhi uske liye...apne dostke liye...apne...apne patike liye uski khushike liye aapse prarthana karti hu. Usse humesha khush rakhna." Uski aankhome pani aata hain. Panditji usse awaj dete hain,"Beti yeh lo prashad le lo". Lady aankhe kholkar prashad leti hain. This is our Female Lead Mrs. Ragini Sanskar Maheshwari. Ragini Delhime music academyme teacher hain.
Ragini humeshaki tarah jaldime ghar aakar apna phone chek karti hain. Usse Swarake bahot sare miss call aur messages dikhte hain. Wo turant Swarako call karti hain. Raginika call dekhkar Swara jaldise phone uthati hain,"Hello Ragini, kaha thi tum? Kitne calls kiye tumhe? Messages kiye par tum nahi call utha rahi thi aur nahi message ka reply kar rahi thi. Pata hain tumhe me kitni dar gayi thi.
Ragini : Swara... Swara...meri baat toh suno...
Swara : Nahi mujhe bata pehle tum thi kaha? Tabhi Laksh usse peethpe pat karta hain,"Oh hello madam, pehle aap lambisi saans lo aur bechari Raginiko kuch bolne ka mauka do". Swara muh banakar uske taraf dekhti hain,"Laksh tum chup raho. Me apni behense bat kar rahi hu na. Tumhe bichme bolneki koi jarurat nahi hain".
Laksh : Oh madam manaki wo tumhari behen hain par usse pehle wo meri dost aur saali bhi hain. Swara usse chup karati hain,"Shut up Laksh... aur Ragini tum..." usse Raginiki hasneki awaj aati hain. "Yeh kya bat hui Ragini, me yaha tumhare wajahse pareshan hu aur tumhe hasi aa rahi hain?"
Ragini : Hasu nahi toh aur kya karu? Waise ab tum meribhi baat sunogi?
Swara : Ab bolona Ragini.
Ragini : Swara, me mandir gayi thi. Waise tum phone kyu kar rahi thi?
Swara : Yeh dekho me toh yeh bat batana bhul gayi. Laksh beechme bolta hain,"Dekha, aisahi hota hain humesha main bat batana bhul jati ho aur baki bak bak karti rehti ho". Swara gussese uske taraf dekhti hain,"Shut up Laksh, chup betho tum...warna me tumhe..." Tabhi Ragini unhe rokti hain,"Swara Lakshko badme dato pehle bat to batao".
Laksh : Yeh hui na baat, meri fikar sirf meri bhabhiko hain, hain na bhabhi... tabhi usse realise hota hain usne kya kaha. wo...wo...mera matlab Ragini... Ragini shant ho jati hain. Swara turant bat sambhalti hain."Uff oh Laksh tum bhi na... haan toh Ragini maine phone issliye kiya thaki me teri yaha aaneki ticket book karwa rahi hu". Ragini yeh sunkar shock hoti hain,"Kya? Waha aaneki ticket? Par Swara..."
Swara : Mujhe kuch nahi pata Ragini tumhe yaha aana hain, tum iss maukepe yaha nahi aaogi aisa kaise ho sakta hain Ragini?
Ragini : Lekin Swara baat kya hain?
Swara : Are Ragini tu bhul gayi? Agle hafte Dada Dadiki 50th Marriage anniversary hain aur aise time tum nahi hogi toh unhe kitna bura lagega.
Ragini : Par Swara mujhe chutti nahi milegi.
Swara : Ragini mujhe kuch nahi pata, tumhe yaha aanahi padega bass aur mujhe pata hain tum yaha kyu nahi aana chahti par ab iss bar nahi Ragini. Agar tumhare naseebme apne patika sath likha hain toh wo toh tumhe milkar rahega.
Ragini : Swara please... aisi koi bat nahi hain.
Swara : Agar koi bat nahi hain toh thik hain. Me tumhe tickets mail kar rahi hu. Tumhe aanahi padega.
Raginise bat karnekebad SWALAK hallme aate hain. Hallme sablog bethe the. DP (Utnne strict nahi hain jitne showme dikhaya hain) office janeke liye nikal rahe the tabhi SWALAK unhe rokte hain.
Laksh : Papa, ek minute hume aapse bat karni hain.
DP : Bolo Laksh, Kya baat hain?
Laksh : Papa wo darsal agle hafte Swarake dada dadi ki... Tabhi waha Sanskar aata hain,"Kavita please tum har bar yeh sari bate karke mera mood off mat kiya karo". Swara Lakshke kanme dheerese bat karti hain,"Lo hogayi iski harkate shuru". Laksh usse chup rehneko kehta hain.
Kavita : Lekin Sanskar me toh bas itna chahti hu ki...
Sanskar : Bas karo Kavita, yeh humara aapsi mamla hain, isse sabke samne discuss karneki jarurat nahi hain. AP unhe shant karati hain. "Sanskar, Kavita, kya baat hain? Tum dono jhagad kyu rahe ho?"
Sanskar : Kuch nahi badi maa wo bas aisehi... wo Kavitake taraf gussese dekhta hain.
DP : Laksh tum hume kuch batana chahte the na...
Laksh : Haan papa, wo agle hafte dada dadi ki 50th anniversary hain toh main aur Swara...
AP : Samaj gaye... Kab jana chahte ho tum log?
Swara : Ji wo maa aaj sham...
AP : Koi bat nahi, aaj sham chale jana...
DP : Bas itnisi baat thi Laksh ya aur koi bat hain?
Laksh : Nahi papa...
DP : Thik hain. Chalo ab chalte hain office. Sare log office jate hain.
Swara kitchenme aati hain,"Maa hume aapse baat karni hain".
AP : Haan batao beta.
Swara : Maa aaj meri Raginise baat hui.
AP : Kya??? Kaisi hain wo? Itne salonme maine usse ek barbhi nahi dekha aur nahi usse bat ki. Wo thik toh hain na?
Swara : Maa wo bilkul thik hain. Maine aur Lakshne uski yaha aaneki ticket book ki hain. Maa aapko toh koi aitraj nahi hain na?
AP : Kaisi baat kar rahi ho Swara? Ragini abhi bhi iss gharki bahu hain. Me toh usse milneke liye tadap rahi hu. Uss bachhike bahot sare ehsan hain humpe, lekin uske badleme humne usse sirf dukhhi diya hain. Mujhe usse milke mafi mangani hain.
Swara : Haan ma, Raginine humpe bahot ehsan kiye hain. Lekin ab mebhi apni behenko uske sare hak dilwake rahungi ma. Wo bhi apni jindagime pyar deserve karti hain aur uska ye hak me usse dekar rahungi.
AP : Me tumhari puri madad karungi.
Swara : Hume iss ghar ki bahuko wapas lanahi hain. Swara APko hug karti hain.
Fan Fictions
