This is just a fun topic. All the content in this post is my imagination and has no relation with reality at all. Please read it from that perspective only.
A live commentary on SRGMP episode shooting:
Okay lijiye ye aa gaye hain, chhoti umra me badi ladkiyo ko impress karne waale Aditya Narayan ji, show ko host karne ke liye..Apne balo ko jhatak ke mike leke khade hain, Aur rati hui script bol rahe hain..welcome back..to SRGMP C2007, Sangeet ka pratham PremYudhh oopss Vishwa Yuddh..
Udhar HR ne Ismail ke ungli ki aur poocha ki kal raat kya khaya tha..Ismal sirf smile kar rahe hain aur kuchh nahi bol rahe hain..HR ungli pe ungli kiye ja rahe hain…Akhir Ismail ne bol hi diya..kal raat unke ghar Roti aayi thi (thanks to Himesh)..Himesh ne apne oopar ke 3 button khol liye hain aur side pose me adjust kar rahe hain…
Arre ye Globe of fortune ko kya hua…. Ye baar baar Himesh ka muh kyu dikha raha hai is week ke out hone waale contestant ki jagah…Ohh..kisine sharat ki hai saari fotos Himehs ki laga di hai..Shooting ruk gayi hai..Himesh upset ho gaye hain..Wo kah rahe hain..Pyar ke bare me mai baatein karta rahunga..chahe kuchh ho jaye…pyar to pyar hai..aur unhone fir pyar ka bhashan shuru kar diya hai..Director ne turant camera on karwa diya hai taaki ye record kiya ja sake…
Ohh..ye kya hua …Aneek ko vomiting ho gayi hai..wo kah raha hai ki HR sir please ab overdose ho gayi hai aur pyar ki roti nahi kha sakta..Par HR khilaye ja rahe hain…thoos thoos ke khila rahe hain…Ismail ne unka haath rokne ki koshish ki par Bhappi bich me aa gaye hain aur bol rahe hain..Mera Mouli ko bhookha rakh key aha se out karwaya Himesh ye tum thik nahi kiya…Himehs ne Ismail ka haath jhatak diya hai aur kah rahe hain ki mujhe Aneek ke ghar me roti chahiye aur wo mai de ke rahunga…
Udhar Poonam ne gaana shuru kiya hai lekin koi sun hi nahi raha hai, bas VS taali baja rahe hain..arre ye HR ekdum se yaha bhi phuch gaye…Aur ye kya wo Rishto ki buniyad ko pakka karne ke liye cement laye hain aur cement dal rahe hain..Poonam mana kar rahi hai par wo use uski maa ki photo dikhaye ja rahe hain aur cement dale ja rahe hain..cement se Poonam ke pair jam gaye hain...Poonam rone lagi hain..aur daya ki vinti kar rahi hain..Vishal ko gussa aa gaya hai..aur unhone mic ukhad liya hai..arre wo mic leke daud rahe hain bich me Shekhar aa gaye hain kisi tarah samjha rahe hain..Raja ne mauka dekh ke gaana shuru kar diya hai..wo bechara bahut dara hua lag raha hai….Gana band hone se pahle hi HR ji shuru ho gaye hain..Raja ko apni galti samajh nahi aa yi hai..Raja ne HR ko challenge kar diya hai ki khud gake dikhao…Par Bhappi Da pahle hi shuru ho gaye hain…aur wo gaate ja rahe hain…wo chup nahi ho rahe hain…sabne haath jod liye hain par Bhappi Da gaye ja rahe hain…pyar manga hai tumhi se..bas yahi rate ja rahe hain…Director ne jaldi se bobby darling ko bula liya hai aur Bhappi da ko bol rahe hain isse le lo..Bhappi da ab shant ho gaye hain..Aur wo marks de rahe hain..ye kya wo Raja se bol rahe hain Maiyya Maiyya gake dikhao to mane hum…..Udhar Himesh bole ja rahe hain…unke muh se jhaag nikalne lagi hai..apr wo bole ja rahe hain…unhe kursi se bandh diya gaya hai par wok ah rahe hain ki mere bachhe ko le aao mai uske bina nahi rah sakta…
Cut…to be resumed....(if extension granted 😊)
P.S. The commentary is continued, so please check further in this thread for the additions too.
Anupamaa
Jhanak
