Veera os: darr....!

Football ka match aakhir khatam hua,par iss tarah se khatam hoga...ye kisine nahi socha tha.Koi bhi baldev par yaqeen karne ka naam he nahi le raha tha.Har koi bas baldev ko he galat kahe jaa raha tha.Yaha tak veera bhi usehi samjhane mein lagi hui thi.Baldev ko logon ki baaton se to kuch fark nahi pada,lekin dukh use isi baat ka tha...ki veera...uski veera ko apne baldev par vishwas nahi.Isi vajah se wo veera se naraz hokar apne ghar chala gaya.Veera ne use kai phone kiye,messages bhi bheje...par baldev ne unka jawaab na dena he thik samjha.Din dhalne par aa chuka tha. Shaam ke 5:15 baj rahe the.Veera apne kamre mein baithi raah dekh rahi thi aur soch rahi thi,"baldev abhi phone karega,baldev abhi message karega"par aisa kuch bhi nahi hua.Veera ab uski raah dekhte dekhte thak chuki thi.Kuch waqt sochne ke baad wo apne palang se uthi,aur apne kamre se bahar nikal gayi.Wo hall me pahunchi waha par sirf ratan aur chaaiji the.Nihal polyhouse ke site par gaye the kuch kaam ke liye. V-beeji mein baldev ke ghar jakar aati hun... R-par veera,tune vekha na aaj...itna wadda hungama hone ke baad bhi tu baldev se milne ki baat kar rahi hai...! V-beeji...!please...jane dijiye na,mera baldev se milna bahut zaruri hai.Wo mera phone bhi nahi le raha. Beeji please! Ratan kuch sochne ke baad. R-achha thik hai,par jaldi aana ranvi ke aane se pehle.Veera ne gardan hilakar haami bhari.Veera baldev ke ghar pahuch chuki thi.Andar jane par use bansuri,aur gurpreet baithe dikhayi diye. V-satsriyakaal taiji...wo baldev hai ki ghar mein,meinu milna tha use. Gurpreet bansuri ko dekhkar-aye kudi kaun hai bansuri! Bansuri apni aankhen matkate hue-aye he to hai veera! Bansuri bhi aaj ke hungame ke baad apne puttar ke liye pareshaan thi.Unki baatein chal he rahi thi,ki tabhi veera ki nazar upar gayi,jis karan uske chehre par chamak aagayi.Ha usne baldev ko dekha tha,neechey shor sunkar wo apne ke bahar aagaya aur veera ko dekhne laga. V-baldev! Uski aankhon mein chamak thi apne pyaar ko apne samne dekhkar.Baldev bhi veera ko kafi der se dekh raha tha,bas veera ko der hogayi thi,use dhundhne mein.Baldev neechey aagaya.Bansuri aur gurpreet khade ho gaye.Baldev veera ke pass gaya-ki hai veera?kyu pareshaan kar rahe hai tu meinu?itne phone call aur messages...koi karta hai bhala...! Veera ki aankhen nam ho chuki thi-baldev!aye ki keh raha tu...mere phone call aur messages teinu pareshaan karte hai...! Dono he dheemi awaaz mein baat kar rahe the,jis vajah se bansuri aur gurpreet ko sunane mein pareshaani ho rahi thi.Veera aur baldev aapas me baat kar rahe the ki tabhi,"baldev ji!"ek awaaz aai,jisne veera aur baldev ki baaton ko beech mein he rok diya.Sabki najarein upar ki oor uth gayi. Gurpreet-arey simran,aa gayi puttar! Jaldi neechey aa vekh to kaun aya hai humse milne... Baldev ne peechey mudke simran ki taraf dekha,aur uska muh bigad gaya-arrey yaar! Veera simran ko baldev ke samne hone ki vajah se dekh nahi paa rahi thi.Veera use dekhne aagey ki oor aayi,lekin baldev wapis veera ki taraf muda to uski kohni veera ke hath se jaa lagi."ouch!"veera ka dhyaan uske hath par gaya. Baldev-oo teri...lagi to nahi teinu! Use chinta hone lagi ki kahi uski veerakhdi ko lagi to nahi.Simran neechey aa chuki thi. V-nahi kuch nahi hua meinu. Aur ye awaz sunkar simran kuch der ke liye wohi ruk gayi,jaha tak wo pahonchi thi.Usne jhath se veera ki taraf dekha,aur buri tarah se chauk gayi.Veera ne bhi tabhi simran ki taraf,dekha...aur...!Wo dono ladkiyaan ek dusre ki taraf dekhi jaa rahi thi.Simran ne veera ki taraf apne kadam badhaye.Veera ek he jagah khadi thi,maano uske pair wohi jam gaye ho... Simran veera ke kafi kareeb aa chuki thi.Dono bas ek dusre ko ghure jaa rahi thi.Veera use dekhkar kuch ajeeb sa mehsus kar rahi thi.Tabhi baldev ne veera ko jhakjhora-veera! V-ha,haan ki... Veera ko ab bolne me bhi pareshaani ho rahi thi.Simran ne bhi apni nazar veera se hata li. B-veera!isse mil simran,meri saheli ki beti... Bahut khushi se parichay karaya bansuri ne veera ko simran ka.V eera ne simran ke aagey hath badhaya milane ke liye.Yeh dekhkar simran soch pad gayi.'ye sach me mujhse hath milana chahti hai.' simran ko ye ek jhatka tha.Veera ab bhi intezaar kar rahi thi.'ye nahi ho sakta,veera kabhi mujhse hath nahi mila sakti'simran ne socha. B-oo simran ji vekh nahi rahi he,kabse apse hath milane vastey khadi hai! Chidkar usne simran ko awaz di.Simran ne chaukakar uske taraf dekha.Simran ne fir veera ki aankhon mein dekha,usne hath badhaya..."nahi...!"veera zor se chikh padi.Aur S ki saas me saas aayi.V ne achanak apna hath khich liya.Sabhi darr maujud log darr gaye.Tabhi V ne sthithi ko bhaapte hue apne hath jode,"sat...satsr,...satsriyakaal sim..simran!" aur wo waha se BD ko dekhe bina he nikal gayi. Kisiko kuch bhi samajh me nahi aa raha tha. BD ne veera ke peechey jaane ki koshish ki,lekin B ne use rok liya.V apni ghar ki taraf teji se bhag rahi thi.Wo paseeney se buri tarah bheeg chuki thi.

ooo suspense. ... I like it

PART2-veera buri tarah se paseeney se tarbatar ho chuki thi.Wo jaise taise apne ghar pahunchi.Wo buri tarah haaf rahi thi.Aaj V ki shayad kismat achhi thi,kyuki jab wo andar pahunchi to waha koi nahi tha.Wo seedhey apne kamre ki taraf daudi.Usne jhatt se apna darwaza band kar liya,aur bathroom mein jakar shower chalu karke uss behte hue paani ki dhaar mein khud ko behne ke liye chod diya,apni soch ko...apne 'darr' ko behne ke liye chod diya.Jo kuch bhi V ne apni aankhon se dekha tha,uspar use abhi bhi vishwas nahi ho raha tha.Kya usne sach me wo sab dekha tha,ya fir wo koi bura sapna dekh rahi thi.V ne khud ko shaant karne ke liye apni aankhein band karli.Aur kuch der waisehi khadi rahi...aise jaise kisi ne ek jeeti jagti si dikhne wali murat ko ek jharne ke neechey rakh diya ho...!V ko ghar aaye hue aadha ghanta ho chuka tha.Wo usi tarah khadi thi. 'thak thak thak thak'achanak si hui awaz ne V ko jhakjhor diya.Usne awaz ki aur dhyaan diya,iss baar use kisi insan ki awaaz bhi sunai de rahi thi.'cheechdi...o...cheechdi...veera...tu hai ki andar'cheechdi,aye to sirf chaiji use iss naam se pukarti hai."chaiji...!"veera ke muh se anayas he ye lafz nikla tha."cheechdi..."iss baar chillane ki awaz thi. "aa...haa...haan...chaiji mein he hu...ab...abhi aati hu..."chaiji ki sans me sans aayi."kabse awaz laga rahi hu mein tujhe,ik to ghar vich koi nai hai,aur upar se tere kamre se paani awaz,darr gayi mein...!"CJ ne shant hokar kaha."chal ab cheti cheti bahar aa,aur kuch kha le...mein intazar kar rahi hu tera." V ne shower band kar liya,wo chaiji ki baatein sun rahi thi.Itna kehkar chaiji neechey chali gai rasoi mein.V bathroom se bahar aai,almaari se tauliya nikala,dusre kapde liye aur waapis andar chali gayi.Kuch he der mein,wo bahar aa gayi.Uske baal ab bhi thode gile the.Usne tauliya aur gile kapde sukhane ke liye rakh diye,"simran...nahi;...simarjeet...kaun hai ye aur jo meinu vikhayi diya...wo ki tha..."V khud se he badbadane lagi."veera...!"chaiji ki awaz ne use fir jhakjhora.V kuch rukakar"aai chaiji..."V chaiji ke sath khana kha rahi thi,achanak use kuch khayal aya-chaiji!veerji,gunjan bhabhi aur beeji kahi vikhayi nahi de rahe hai,kaha hai wo...? CJ-tera veer toh apni wotti ke sath wo..ki kehte hai use can...kert... V-concert! CJ-haan,wohi wohi gaya hai,aur ratan to puttar,wo pass ke pind me kuch kaam wastey gai hai,kal parso he lautengi...! V-achha! V phir soch me pad gai.Uska mann aaj kahi aur tha.Kahi aur...jo shayad usse aur baldev se he juda hua tha...par wo use samajh nahi paa rahi thi. CJ-cheechdi! V-ummm! CJ-jo hona tha hogaya veera,ab bhul jaa wo sab. V ne hami bhar di.Khana kha chukne ke baad V ne chaiji ko dawaiyaan di aur apne kamre me chali gai.Raat ke 9 baj rahe the.V ko neend nahi aa rahi thi.Uski aankhon ke samne se wo sab hatt he nahi raha tha."uff!control veera control!meinu sone ki koshish karni chahiye,agar jagti rahi,toh aaj he pagal ho jana hai meinu...!haan yehi thik rahega."aur veera sone chali gayi,uss darr se khud ko dur karne ke liye.Baldev apne kamre mein baitha tha,wo veera ko kabse phone laga raha tha,par wo utha nahi rahi thi.Baldev ko uski chinta sata rahi thi...kyuki jis tarah se wo uske ghar se bhagi thi,wo aise he nahi bhagi thi.Kuch na kuch to veera ke dimag me chal raha tha.Jo baldev aaj pehli baar samajh nahi paa raha tha."phone nahi utha rahi hai kudi,kya karu...uske ghar jakar aata hu..."ye soch kar baldev apne palang se utha,do kadam chala aur fir ruk gaya."nahi baldev,aaj jo syappa hua hai,uski vajah se pehle he veera ke ghar me hungama macha hoga,agar mein vaha gaya,to aur syappa hojana hai.Mein use kal subah he polyhouse jakar milunga,haa...aye sahi rahega.Bas abhi veera thik ho..."aur usne apne kamre ki battiyaan bujha di. [dekhiye sir,please meinu maaf kar dijiye...ek ladki gidgidakar us aadmi se maafi maang rahi thi.Uski aankhon se aansu beh rahe the.Wo us shaks ke kadmon me thi,sabke samne.Ek ladki ka sar-e-aam tamasha ban raha tha."bilkul bhi nahi!Apne bure sapne me bhi main tumhe maaf na karu.Jo harkat tumne ki hai,use dekhkar to main kya koi bhi tumhe maaf nahi karega."us aadmi ne kathorta purvak awaz me use jawab diya."sir plz aisa mat kijiye,meri...meri maa mar jayegi sir...plz mujhe ek mauka de dijiye sir plz...ek mauka,main ye sab chod dungi..."us ladki ne gidgidate hue kaha.Wo aadmi apne kamre me chala gaya,aur wo ladki wohi padi roti rahi.Kuch der rone ke baad,wo waha se uthi,palti aur do ladkiyon ke pass apne kadam badha diye. "ye tumne achha nahi kiya.Mujhe college se nikalwakar bahut badi galti kar di tune.Thik hai fir!Ab tu bhi meri ek baat yaad rakhna,tera bhi koi apna tujhse chhin jayega,jis tarah se tune mujhse chhina."uski aakhon mein badle ki aag saaf jhalak rahi thi."bahut tadpegi tu...bas mujhe bhulna mat tu..."ye kehkar wo aagey badh gayi,par kuch kadam baad ruk gayi"main lautungi veera!Bahut jald lautungi...tujhe kisi apne ko khone ka ehsaas dilane ke liye.."]V-nahi!

hae rabba... dra dia...awesome one

PART 3-"nahiii..."zabardast cheekh gunj uthi.Chaiji rasoi me thi.Achanak cheekh sunkar wo chauk gayi,"veera...!"aur wo fauran rasoi se nikalkar seedhiya chadne lagi,"ahh...!"chaiji girtey girtey bachi,unhone apna hath seedhiyon ki diwal se pakad liya tha.Thodi der ruki...aur phir se unhone apne kadam badha diye.Chaiji ki dil ki dhadkan tez hoti jaa rahi thi.Seedhiyan khatam ho chuki thi...aur ab unke kadam wapas farsh par aa chuke the.Wo thodi der khadi rahi,chaiji itne dino me pehli baar tez chalne ki wajah se unki saans ukhad gayi thi.Unka dil ab bhi zor zor se dhadak raha tha...apne aap ko sambhalne ke baad chaiji ne apne kadam veera ke kamre ki taraf badha diye..."veera...!"unhone ek awaz lagayi.Jawab na milne par wo aur darr gayi,"ki hoya iss kudi nu,jawab bhi nahi de rahi hai..."chaiji uske kamre tak pahunchi,"darwaza toh khula hai...!"chaiji dheeme dheeme se darwaze tak badhne lagi.Veera ke kamre se roshni bahar aa rahi thi,lekin awaz nahi.Chaiji ko darr ne gher liya tha.Wo darwaze ke pass pahunchi...par,andar jhakne ki unme himmat nahi thi."hayyo mere rabba...meinu cheechdi ke kamre me jane se darr kyu lag raha hai..."wo kafi der tak wohi khadi rahi.Par fir unhone himmat batori aur kamre me jhaka...aur jo dekha...use dekhkar unke hath pair thande pad chuke the..."veera...!"aur 'khat' karke awaz aayi.Chaiji ka dhyaan awaz ki taraf gaya.Aur unki jaan me jaan aayi,lekin agle he pal gussa bhi unke chehre par apni jagah le chuka tha."chaiji...ki hoya...subah subah...!kuch kaam tha ki..."veera apne hathon ko pochte hue bathroom se bahar aa rahi thi.Chaiji ko dekhkar use thodi hairani hui.Chaiji use sirf dekhe jaa rahi thi"ki hoya chaiji...aise kyu vekh rahi aap meinu...?"veera chaiji ke pass aatey hue masumiyat se boli. "ki hoya,boliye na!" chaiji ne apni aankhon se palang ki taraf ishaara kiya.Veera ne us taraf apni nazar ghumayi,aur"wo...chaiji mein jab karwat le rahi thi,tab mera hath galti se wo jar se takra gaya.Isi vajah se waha mere hathon se khun gir gaya..." veera ne jawab diya. Chaiji-aur cheekhi kyu...? Veera-wo chaiji...isi karan cheekhi thi...dard ke karan...? Chaiji kuch der to veera ki taraf dekhti rahi.'tadaaak' veera ki gardan bayin taraf jhuk gayi.Aur hairan bhi hui. Veera ne jhat se chaiji ki taraf dekha"chaiji..."chaiji ne veera ke gaal par thappad jad diya,jiski veera ko kabhi umeed nahi thi."kabse teinu awaz de rahi hu,jawab nahi de sakti meinu. Kaan me ruyi thoosne ki ki zarurat thi...tu jaanti bhi hai...teri cheekh sunkar daudi chali ayi mein...girtey girtey bachi...upar se tu mere awaz ka jawab bhi nahi de rahi thi...fir kamre mein aye khoon dekhkar meri jaan sukh gayi...pata bhi hai teinu...!par tujhe kya...?tujhe meri to koi fikar he nahi na...mein maru ya jiyu...tujhe use kya..."aur wo chidkar waha se chali gayi.Veera ke aankh me aansu aa gaye."ab mein aapse ki kahu chaiji,ki kal shaam se mere naal ki ho raha hai.Jo khud dari hui hai...wo kya kisiko darayengi chaiji..." aur ek ke baad ek wo aansu uski aankho se behne lage.Veera ne chaiji se baat karne ki koshish ki lekin chaiji ab bhi gusse me thi."chaiji main polyhouse jakar aati hu." veera ne baat chit shuru karne ke iraade se kaha."thik hai,par jaldi aa jana!"aur chaiji apne kamre me chali gayi. "main ki karan rabji...!"udas hokar veera waha se nikal gayi.Chaiji apne kamre se use jate hue dekha.Bansuri-baldev puttar...kithe jaa raha hai...mera ik kaam karega... Baldev jo polyhouse jane ke liye nikal raha tha,uski beeji ne use rok diya. Baldev chidte hue bola-ab ki hai beeji...? Bansuri-puttar chid kyu raha hai...! Vekh simran ko na mandir jana hai,toh use apne sath chod de waha...haiiin? Baldev-beeji...aye ki keh rahe hai aap...me nahi jana kisike sath mandir vandir...mainu der rahi hai. Simran jo ab tak neechey aa chuki thi-raj ji...mera matlab hai..baldev ji chaliye na,vaise bhi polyhouse toh usi rastey me padta hai na. Wo masumiyat ke sath boli.Baldev ke pass ab koi chara nahi tha.Wo simran ke sath chala gaya PRECAP-simran aur veera ka aamna samna.Simran-aayi to thi mein,aghori ko aakhri bali chadake,apni shaktiyaa siddha karne;lekin uske sath sath ab badla bhi pura kar lungi.Janti nahi thi ki ye pind tera nikalenga,koi gal nahi!lekin tu sabkuch bhul jayengi,iski meinu umeed nahi thi! Veera sampooran singh...now its gonna be show time...iss baar nahi jeet payengi tu mujhse...bilkul bhi nahi...bechara baldev! Aur uske chehre par ek khatarnak muskurahat thi