Meri Kismat?- No Comments

First Part

"Kitni jaldi utha diya yeh nahin ho saka kay thodee dair aur sonay datay lakin kya karain unn kay to kya kehnay, zara jo saans lanain dain"

"Aray baba kis say lar rahi ho?" Ami ki awaz par main uchal he tu pari

"Kitnay baar kaha hai kay peechay say awaz mat diya karain mian dur jati hoon" main takreeban rotay howay boli

"Acha theek hai ab uth jao aur tyarii kar lo"

"Uthi to hoi hoon ab aur kaisay uthon" mian nay "kambal" sahi kartay howay kaha

"aik he baat hai, ab chalo" ammi hokum daytay howay chal diin

main nay jaldi say bistar theek kiya aur kamray say bahar aa gai.

"Allah meri madad kar, yeh ghar kahin say nahin dikhta yeh to pora janjal poora lag raha hai" main nay apnay 8 behan bhaion ko jab nashtay par humla kartay dekha tu meray moon say nikal gya

sub khana chod kar meri taraf dekhnay lagay aur main nay jaldi say baat palti janti thi na kay jab say TV beecha hai ghar main har koi issi baat ka dukh karta hai lakin yeh nahin sochta kay paisay bhi tu zaroor chahiye thay issi liye beech diya.
"chay aur laon?" mian nay poocha
"Haan beta laa day, teri badi meharbaani" khala rasheeda ki awaz aii tu main tu tilmla gai aur foran say poocha "ayhay Khala, tujhe chay la don? Yaad nahin uss din jab mian teri pass 200 mangnay aai thi tu thune kya kiya? Mujhe boli array beti meray pass tu baraf tak khrednay kay paisay nahin hain aur jab main wahan say chali gai tu tu nay apnay ladlay uss Jamil ko 1000 rupay diya kay wo apnay liye kapray khreed lay"

Khala kay moon ka rang badal gya aur phir wo jaldi say apnay chehray kay taas-suraat par qaabu paatay howay boli "nahin beti tujhe ghalat fehmi hoi hai"

"Aray khala itna jhoot kyoun bolti hai, mian nay uss din khud dekha tha tujhe. Yaad nahin aya? Acha chal main yaad karati hoon uss din jab tu ussay paisay day rahi thi tu main nay tujhe dekh liya tha, main apni chadar bhool gai thi aur jab main terey pass wapas aai kay chadar lanay aai hoon tu tune poocha tha kay tune kuch suna tu nahin na aur main nay kaha tha kay nahin jabkay main nay aik aik baat sun li thi teri aur uss nigor maray Jamil ki"

"beti wo zid kar raha tha main aur kya karti, tujhe paisay dena chahti thi lakin kya karoon wo zid kar raha tha" khala nay masoom sa chehra bana kar jawab diya kay meray tun badan main aag lag gai, itna acha bhala mera ghussaa khatam ho raha tha kay uss kay iss jawab nay tu jalti par tail ka kaam kiya. Main jawab denay wali thi kay Nazia aa gai.

Uss ki saans pholi hoi aur rang lal main dekhtay he samajh gai kay zaroor kuch garbar hai aur uss ko under lay gai.

Bold words/sentences edited by Farhanas

I'll post second part soon
hope you all like it😊

For Comments: http://www.india-forums.com/forum_posts.asp?TID=135869&K W=Meri+Kismat

Second part

"Ay bata na kya howa? Saans kyoun pholi hoi hai teri aur phir upar say rang bhi lal" main nay jaldi say poocha

"Khabar he aisi hai tu yakeen nahin karay ge" uss nay suspense create kiya jantay bhojtay howay kay mujhe suspense say kitni nafrat hai

"Kuch moon say phootay ge ya nahin? Ya aik lagaon teray?" main nay ghussay say haath dikhya tu 14 saal ki Nazia dar gai aur jaldi say booli

"array na baji marna mat abhi batati hoon"

"tu bol na, ab kya mon main zuban nahin rahi?" mian nay aik thapar uss ki kamar par kagatay ho way kaha

aur wo forun say bol pari

"wo baji, Razia hai na"

"kaun Razia?" mian nay darmiyan main tokaa

"Wohi baji jis nay bhaag kar shaadi ki thi" uss nay jhat say baat mukamal ki

"aur phir wapis aa gai thi"

"haan baji wohi"

"haan tu kya howa ussko?"

"baji uss kay liye rishta aya hai, ameer ghar say, baday khatay petay log hain"

"acha????" mera mon hairat kki waja say khula reh gaya

"array baji mon tu bund karlo makhi na chali jaye" uss nay mashwara diya aur jaldi say bhagi

"array bhagti kahan hai?" main nay peechay say awaz lagai

"baji wo aur logon ko bhi tu batana hai na warna tum tu janti hay na kay meray pait main dard hota hia agar main koi baat sab ko na bataon tu"

"acha chal jaa" main nay mahraniyon ki tarhan ijazat daitay howay kaha

wo jaldi say bhagi aur bahar ka lakri ka darwaza thak say bund howa

main bhar aay aur dekha tu khala jaa chuki thi, main nay socha chalo acha hai bala tu tali aur andar tyaar honay chali gai.

Jab tyaar ho kar bahar nikal tu dekha kafi dair ho gai hai aur jaldi say baghair nashta kiye ghar say bahar nikal aai.

Jaldi say bus pakri aur aik badi building kay samnay kharay howay chanay baichnay walay say chanay liye aur agay barh gai.

For Comments: http://www.india-forums.com/forum_posts.asp?TID=135869&K W=Meri+Kismat

Thrid Part

'Wah kya building hai, kitni shaan hai in logon ki' "Aray dekh kar nahin chal skatay kya? Tangain toti hoi hain kya?" main nay apni sochon ki duniya say bahar nikal kar chekhtay howay kaha aur jab upar dekha tu

"Allah yeh main nay kya kar diya" dekhiyey Bhai sahab maaf kejiye ga

"Bhai sahab mat kaho janeman kaho, kuch bhi kaho" uss nay mera haath pakartay howay kaha

chhhhhhhh thapar ki gonj puray kamray main gonji aur main nay hairani say apnay samnay dekha

"Besharam, koi aqal nahin hai kya? Shadi shuda mardoon say iss tarhan baat kartay hain aur wo bhi sub kay samnay besharmi say haath pakar kar" aik silm n smart larik nay chekhtay howay kaha

mian abhi tak hairani say usi taraf dekh rahi thi

Poora kamra khamoosh ho gya aur meri aankhon say Ansoo girnay lagay, main nay moon nechay kar liye aur aankhain jhuka din takay koi dekh na sakay, mujhe rotay howay

"Dafa ho jao yahan say" uss nay mujhe zoor say Dhaka detay howay kaha

Mian wapis chal pari. Itni himat na thi kay serhion say jati iss liye lift main jaldi say ghuss gai aur ankhon say Ansoo rawani say behnay lagay. "Aap ro rahi hain?" aik mardana awaz aii

"roon na tu aur kya karoon, sub kay samnay itni zoor say thapar mara uss nay, iss liye kay wo ameer baap ki beti hai, main nay ussay kuch nahin kaha tha, wo tu uss ghatia shakhas nay mera haath pakara aur phir uss ameer zadi nay thapar mara kay main nay uss kay shohr ka haath pakra tha jab kay mian nay tu aisa kuch nahin kiya" mian rotay howay bolnay lagi. Jab thoda aas pass ka pata chala tu main kaanmp gai. Samnay uss ajnabi ko dekh kar mera tu dum he nikal gya.

"Aap?" mian sub rona dhona bhol gai aur apni ghabrahat par kabo patay howay poocha.

"Mian Sherjeel hoon yahan par" main nay jaldi say uss ki baat kati aur yakeen dehani kay liye poocha

"Kaam kartay hain?"

"Na ahn haan haan yahan par kaam karta hoon"

"kya kaam?" mian nay poocha

"Main…Mian bus office ki dekh bhal karta hoon" uss nay jawab diya

"acha, main yahan job key liye aai thi"

"thi?" uss nay poocha

"haan, na main yahan par kaam dhonday aai thi, lakin abb kahan say kaam miley ga Uss ameer zadi kay baap ka office jo hai"

"umhhmmm"

aik dum say jhatka laga aur light chali gai,

"Allah, yeh kya hogya" mian nay dartay howay kaha

"kuch nahin howa, light chali gai hai" uss nay kaha aur meri taraf barhnay laga

Mian ghabra kar peechay honay lagi aur bilkul peechay lag gai. Ab main lift ki side par this aur wo meray samnay.

"aap…aap kya kar rahay hain?" mera mon say itna nikla aur…

For Comments: http://www.india-forums.com/forum_posts.asp?TID=137637&K W=Meri+Kismat

Fourth Part

"Aay" koi talakh aur jhunjhulai hoi awaz aii

"Aay utth abb aur kitni dair soay maray gi, koi aqal istmaal kar, agar ho tu"

"Amma, Amma sonay day na"

"aay kamakhat maari uth ja, jab say Razia gai hia tu under Khala kay liye biscuit lanay gai thi aur sou gai"

"Aay ab tu uth ja na Baji, khana bana day na" choti ki awaz aai

"Acha, do minute sakoon say insaan ko sonay bhi nahin daitay ho tum log" mian nay jhnjholatay howay kaha aur uth kar bistar sahi kiya aur kamray say bahar nikal aii

"Aap?" meray moon say bus itna he nikal saka,

'yeh iss tarhan meray ghar main? Lakin who tu sirf mera khwab tha, yeh yeh kya ho raha hai mujhe' main nay socha aur jaldi say under bhagi

"Aay muskaan bahar aa" Amma nay awaz lagai tu nacha jana he para

"inn ka naam Muskaan hai?" uss wajeeh shakhas nay poocha

"haan beta yeh meri beti hai"

"acha" uss nay kuch sochtay howay kaha

"Beti yeh log wo samnay jo gali kay nukar par ghar hai na un kay rishtay daar hain"

"kaun wo Danial sahab kay?" main nay poocha

"jee, wo meray mamoon hain" Amma nay jawab denay kay liye moon khola he tha kay uss nay jawab day diya

"Achaaa…" main nay kaha

"To beta under jao na, kuch lay kar aao" aama ka yeh itna pyar say bolna mujhe under he under khol raha tha lakin chup kar kay under aa gai

"Amma chalay gyay wo log?" Amma jab under ayi tu main nay uss say poocha

"Haan re chalay gayay" Amma nay jaldi say jawab diya

"wo bhi itna kharcha kara kay" meray mon say aik dum say nikla

"Kambkhat mari kuch tu soch kar bola kar" Ama mujhe marnay kay liye uthnay lagi tu main forun say uth kar bahar aa gayi

'hamesha meray saath he aisa kyoun hota hai? Mujhe he kyoun hamesha sub martay hain? Aba nay bhi uss din…'

"Sheri Baji zara suna"main soch rahi thi kay Sajida ki awaz aai

"Haan re kya hai aur tujhe hazaar baar kaha hai kay mera naam pora liya kar yeh kya Sheri, yeh bhi koi naam hai kya, hmmhhh" main ghussay ko kaboo main kartay howay boli

"Kya Sheri baji jo such hai wo such hai"

"acha kya such hai? Tu he BATA day TERI he kasar reh gayi thi" Nazera kay darmiyan main bolnay par mujhe ghusa aya tu pair patakhtay howay boli

"acha Sheri Baji ajao bhai bola raha hai" uss nay meri baat ko nazar andaaz kartay howay kaha

'sub ko pata hai kay mujhe yeh sub pasand nahin hai koi mujhe nazar andaaz karay meray say bardashat nahin hota phir bhi sub ko aur khaas tor par ISSKO koi khaas bemari hai jo har dafa mujhe nazar andaaz kar deti hai. Agar usski behen na hoti tu phir dekhti kaisay iss tarhan baat karti hai mujh say' main soch rahi thi kay Suriya nay tok diya

"Baji ab aa bhi jao bhai ghussa ho raha hai. Apni shaadi kay khaab tu nahin dekh rahi na?" uss nay tanzan kaha aur mera khon khol kar reh gya

aur chup chaap uss kay peechay chal pari, kya karti in logon ka ahsaan bhi tu bohut hai abba par aur phir upper say wo bhi tu kabhi kabhi bulanay par aur zarorat parnay par aajata hai. Hai kitna pyara lagta hai jab apni motor cycle pay bethta hai

"main hoon he aisa, ama kehti hai kay mera beta chaand say bhi pyaara hai" uss ki awaz aai tu meray mon par khud he muskurahat bikhar gayi lakin jab udhar pohanchi tu…

For Comments: http://www.india-forums.com/forum_posts.asp?TID=153053&K W=Meri+Kismat

Sixth part

intzaar kartay kartay kafi dair ko gai aur sub nay interview bhi diya aur chalay bhi gayey. Lakin main wahan abb tak baithi thi kay receptionist nay mujhse kaha kay mera number agya hai.

Mian uth kar wahan say under chali gai.

"Baithiye"

"Shukriya"

"To app ko koi experience hai?"

"Jee wo main nay apni application main wo…"

"Jee wo to hum nay wo parh he liya hai lakin wo hum nay aap say poocha hai kay wo aap ka interview jo lay rahay hain"

"jee nahin lakin aap apnay aap ko samajhtay kya hain jo iss tarhan meri nakal uttar rahay hain" main nay ghussa say poocha

"dekhiye wo mohtarma wo kya hai kay wo aap wo jis job kay liye wo apply kiya hai wo"

"Aap apni yeh bakwas band karain gay?" main takreeban ghussay say chilati hoi uth khari hoi

"Aur app apni wo awaz ko wo thoda neecha rakh kar bolain gi?" uss nay meri ankhoon mian ankhain daltay howay kaha

"Nahin karti kya kar kya lain gay app?"

"Main kuch nahin Pagal khanay phone karoon ga aur kahoon ga kay"

"Kay humain aik chalta phirta pagal mil gya hai aa kar lay jain" main nay baat kat tay howay jaldi say kaha

"Acha Hamari Gai Humin ko miaon"

"Kya…? Aap nay mujhe Gayy kaha aur khud kya hain app, jantay hain? Aur waisay bhi appko to Mahawaray tak nahin atay"

"huhh jealousy"

"waisay app yahan par chaprasi ki naukri kartay hain kya?" main nay poocha to tilmlaya howa jawab mila kay

"Nahin aap kay secretary ki job mili hai mujhe aur kaha gya hai kay app ka khaass khayal rakhoon kahin aap cheezain na toor dain"

"A-a-a-p…" main abhi tini he bool payi thi kay …

"Please app baithiye iss ki to adat hai yeh sab karnay ki"

"Jee???" uss awaz main najanay kya kashish thi kay main peechay mori to…

Sorry for the delay, i was busy and i'll try to post next part ASAP😳

For Comments: http://www.india-forums.com/forum_posts.asp?TID=176980&P N=1&TPN=1

Seventh part

…dekha kay wo koi aur nahin Danial sahab kay rishtay dar thay aur wheel chair par…

"Aa gai tu?" Amma ki awaz par main aik hi dum haal main aii aur haan main sar hila diya

"acha chal theek hai aab aa he gai hai to yeh salan bana"

meray phir say sir hilanay par amm ko gussa aa gya aur mujhe gussay say ghornay lagi

"Amma main abhi ati hoon" main wahan say jaldi say apni jaan choda kay uth khari hoi

under aa kar abhi baithi he thi kay Amma nay bataya

"Aaj larkay walay aa rahay hain"

"Haan to?"

"To?"

main tu bhol he gai thi kay jis kay liye larkay walay aa rahay hain wo to yahan hai he nahin.

"Abb kya karna hai?" Amma nay meri taraf dekha

"hmmm…"

"Kya hmmm kar rahi hai? Kuch soch"

"theek hai Amma"

Amma chali gai lakin 2 minute baad phir aa gai aur meri taraf dekhnay lagi jaisay kuch soch rahi ho

"Amma aisay kya dekh rahi hai?"

"Main soch rahi thi kay agar…"

"Agar kya Amma?"

"Agar hum choti ko…"

"Amma pagal to nahin ho gai? Wo kabhi nahin manay ge"

"lakin kya karain paison ki bhi to zaroorat hai"

"Amma pehlay bhi tu nay aik ko bech diya sirf paisay kay liye aur abb choti ko bhi. Aba kabhi nahin manay ga"

"Ussay main mana loon ge aur main nay ussay becha nahin shadi ki thi us ki"

"Haan jhainz denay kay bajaye paisay liye thay uss kay"

"Dekh tu ab mujh say behass na kar sun lay ge kuch meray say"

Amma uth kar janay lagi tu peechay mur kar boli

"Acha sun, choti ko keh rakh aur ussay samjha bhi day kay wo tyar rahay"

"Lakin Amma…" main bus itna he kah saki iss say agay kahnay ki na mujh main himat thi na Amma main sunay ki

******************************

For comments: http://www.india-forums.com/forum_posts.asp?TID=227576&P N=1&TPN=1

Eighth part

Dhusman-e-jaan kuch aisay sanwary

Kay dil kay zakham kuch aur bah gaye

Aankhon main Ansoo lay kay

Main jab ghar say nikli

Saath na tha koi aur

Bus aik saya aur main…

Pyaar tha ya dhoka

Kuch samajh nahin aya

Ab sochti hoon kya wo bhi

Aik dagha tha…

Pyaar ussay kiya

Chaha bhi ussay

Nafrat ki itni kay bojuh gay

Dil kay diye…

Aaj jab dekha to kuch laga aisay

Jaisay main bhi wohi hoon aur wo bhi waisa he

Kuch anjanay sapnay aknhon mian reh gaye

Kuch dil kay zakham Ansoo main beh gaye…

Kya zindagi thi wo bhi jab sapne sajaye aur kuch dhokay bhi khaye. Aaj jab apni diary kay safoon par nazar pari to yaadein taaza ho gain…larakpan ki yaadain…

**********

wo aa gaye jin ka intzaar tha aur shaadi ki tareekh bhi paki ho gai. Choti na mani to Amma nay zabardasti ussay maar kar "seedha" kya to wo shadi kay liye maan gai lakin un kay samne na gai aur mujhe hamesha ki tarhan ijazat na mili. Milti bhi kasay, huh, agar saamnay chali jati to logon kay sawalat ka Amma kay pass koi jawab na hota hamesha ki tarhan.

Log Amma say pochtay "Arre app nay apni bari beti ki shaadi kyoun na ki?"

"Bari beti ka to pehla haq hai na phir choti ko pehlay kyoun byiah rahi ho?"

"Mana kay choti beti zada pyari hai lakin bari kya sochti ho gi?"

aisay sawalon ka Amma koi jawab to kabhi na deti lakin main janti thi, Amma meri shaadi pehlay kyoun na kar rahi thi, paisay jo mil rahay thay, meri naukri jo thi…

**********

shaadi ka din bhi aa gya aur rukhsati ka bhi lakin dulhan kahan thi. Har kisi kay mon par yahi sawal tha aur Amma meri taraf dekh rahi thi. Un ankhon main kuch to tha jo mujhe khatak raha tha, kuch ghalat honay ka ehsas dila raha tha aur jub Amma nay mujhe choti kay kamray main bolaya to waja bhi pata chal gai un nazroon ki.

Amma nay mujhe kaha,

"dekh hum nay tera kitna khyal kiya tujhe pala posa bara kiya lakin ab choti nahin maan rahi aur abb wo apnay kamray main bhi nahin hai. Un logon nay choti ko kabhi nahin dekha agar to dulhan ban ja tu…"

"lakin Amma aisa kaisay ho sakta hai? Choti ko main abhi uss kay kamray main chor kar aii thi"

"lakin wo yeh chithi chor kar chali gai hai aur iss main likh gai hai kay wo apnay uss aashiq kay saath ja rahi hai hamesha kay liye. Tu to janti hai na humain paisay ki kitni zaroorat hai, tu shadi kyoun nahin kar lati"

aur lakh inkaar kay baad bhi Amma par koi asar na howa aur…

"Qabool hai, Qabool hai, Qabool hai"

ki awaz jub kanoon main pari to pata chala kay shadi to hogai abb uss ghar jana tha jahan aik nai duniya thi jo meri rah dekh rahi thi

**********

"Mummy, Mummy yeh kya hai?"

Eruj ki awaz nay mujhe meri sochon say bahar nikala to andaza howa kay main kitnay saal pehlay ki sooch rahi thi aur aaj haal main mujhe meri beti Eruj ki awaz nay un sochon say nikala

"Yeh? Beta yeh lotion hai, bhai ko laganay kay liye"

"hmmmm…" Eruj hamesha aisa he karti thi jub bhi kuch soch rahi hoti tub "hmmmm…" karti thi

"Mummy main abhi aati hoon"

"Acha beta"

**********

Ajj itnay saal baad kya kuch nahin badla, main bhi badal gai aur Meri Kismat bhi. Ajj main Mrs Ahsan hoon, un kay do bachon ki maan, wo do bachay jinhon nay unhain shadi karnay par majboor kiya tha. Eruj sirf 2-saal ki thi aur uss ka bhai sirf 6 months ka jab accident main Eruj ki mother ki death ho gai aur Ahsan mazoor ho gay.

Aaj itnay saal baad wo bohut koshish kay baad bhi sirf 1 hour chal saktay hain uss kay baad thak jatay hain lakin doctor nay kaha hai kay jald he wo pehlay ki tarhan chalnay phirnay lagain gay aur mujhe bhi poor yakeen hai.

*********

Aaj yeh meri kahani ka akhari din hai aab aaj kay baad iss diary ko kabhi nahin kholon gi kyoun kay ab tak to "Apni Kismat" ko main kaghaz par utarti aii hoon aab dekhna chahti hoon "Meri Kismat" kya hai… "Meri Kismat" mujhe kahan lay kar jaati hai…

******************************

For Comments: http://www.india-forums.com/forum_posts.asp?TID=227576&P N=1&TPN=1