Nazar/ Piansh Stories - Page 17

Okay, so baithe-baithe kuch likhne ka mood tha, so likh diya. Bakwas lage to advance main sorry...

Bhaisasur

To, aaj hum jis Kaali Shakti ke baare main baat kar rahe hain, wo hain humare pyaare Buffalo Chachha...

Arre apne Davansh Babu ke ex-sasur...

Jo the actually main ek bhayanak Asur...

Jo logon ke muh se 'AAAH' nikalwate the without any sur...

Humare apne Bhaisasur!!!

Bhai, kya-kya bataye inke baare main? Kitni khoobiyan ginaye??

Patal Lok ke raaja the ye... The to ek Asur par ek pita ka dil bhi tha inke andar. Pita ka dil aur wo bhi bada-sa. Agar bada dil na hota to apni beti ka badla lete-lete apni jaan ki kurbani nahi dete!!

Bulaya to inko humari Daayan Amma ne tha Daivik ko darane ke liye par ye to apni bitiya ki chutiya katne ka badla lene aaye the... Aakhir itna pyaar jo karte the apni Rani bitiya ko!!

Arre kya body banayi thi apni... Aisi body ki kisi Bollywood ke hero ko bhi maat de dein!!

Inke baal... Aisi udti hui zulfein ki koi bhi kanya jal-bhun kar raakh ho jaye!!! Aisa lagta tha ki Patal Lok main L'oreal Paris ka treatment lete the...

Lekin jo bhi ho, apne damad yani humare Davansh Babu ki kya dhulai kari thi inhone!!! Wo Davansh Babu, jinhone humara poora frame hila diya tha, unko aise utha-utha kar patak rahe the mano koi dhobi dhobi-ghaat par kapde patak raha ho...

Sachhi bataye, ek pal ke liye maza bahut aaya tha hume Davansh Babu ki dhulai dekh kar... Lekin dusare hi pal jab wo hara gola aakar zor se humko laga na, to sachhi bata rahe hain, amma-daadi-naani sab yaad aa gaye the hume!!

Khair kuch bhi kaho, bhale hi Asur the par apni bitiya ke liye jaan de di unhone...

Sachhi, bade yaad ayenge wo hume.

Humari dil se dua hai ki Shaitan unki aatma ko shaanti pradan kare!!!

Chalo, aaj ki bakwas yahin samapt karte hain!!

Jai Ram Ji Ki...