Posted:
Saare universe ki shuruat ek big bang se huyi thi, aisa kuchh logon ka dawa hai...hamare yahan bhi yahin hua.
Kya takkar thi...Ladki gusse main gaadi se bahar nikli, magar Dr Saab nikal nahi paaye. Thoda ghera zyaada hai na. Theek hai, hota hai...Ladki ne poochha kitna ghoos diya tha...Abe tu kya anticorruption bureau se hai kya? Dr Saab ne bhi bola, I had no choice. Humare peechhe ad chal raha tha: yehi hai right choice baby...aahaa ! Ladki ne kya udham machaya...seedhi bonnet par chadh gayi. Dr Saab ab to bahar nikale, shayad ye socha hoga ki abhi iski surgery karni padegi kya? Raste par? Ladki boli follow me to the police station...Aji bhavishya main yahi hone wala hai na...yeh sahib aapko kerala tak follow karenge! Khair wo to hume maloom hai. ladki ko maloom nahi tha...Phir Dr Saab bole sorry! Ladki ne unko kya style se Domino's ki telephone operator ki tarah saari toppings bata dali...boli yeh to meri favourite hain. Dr Saab ne bhi soch bechari bhookhi hai isiliye Out of court settlement ke liye maan gaye...wow. Mujhe laga yahan par ek burger party ho jaye...CocoCola Enjoy...Dr Saab ke haath main itna paise dekhar ladki ke muh main paani aagaya. Itne saare paise main to mahine bhar keliye burger aa sakte haina. Abe, kitne burger khayegi tu? Moti hojayegi na...Ladki ne shayad yahi socha aur apne papa ka naam le liya. Kehti hain aap mere papa ko nahi jaante. Phir se bhavishya wani hume dikhayi di...yeh sahib to aapke papa se ladne wale hai ji! Dr Saab ne isppar apna wallet khali kar diya. Phirse bhavishya wani...aage se be prepared...aapka bank balance yeh madam saaf karne wali hai...
Aur chal diye Dr Saab apne raste, I mean hospital. Ladki raste main khadi hokar note ginane lagi. Soch rahi thi: note to asli hai...phir doctor zaroor nakli hoga!
Ladki ne turant apni saheli ko phone lagaya: Wahan to ajeeb nazara chal raha tha. Koi Gajra Bai Mote Bhalu se keh rahi thi ki bachhi badi ho gayi. Bhalu itihaas ki sair karke aaya aur bola school uniform! Aur kya dialogue they wo...Gajra bai boli ki mujhe aapse ek zaroori baat karni hai. Bhalu bola, jo bolna hai so kathghare main aake bolo. Acchha hua, samne Geeta ki book nahi rakhi. Jo bolunga, sach bolunga...Khair chhodiye. Gajra Bai ne theek bola, yeh aapka court nahi hai. Case dismiss. Now apply for anticipatory bail. Murder to ho chukka.
Ladki Pahunchi aspataal. Koi Dr Colourful they wahan. Kya jawab diya: apni ma se lekar UN tak sair karke aaye. Yahan har koi ya to itihaas ki ya kahin aur ki sair karke aata hai. Yeh serial hai ya yatra.com? Hume samajh nahi aaya. Ladki ne inse haath milane se inkar kar diya...aji, haath milaiye. Yeh aage chalkar aapke bahut kaam aane wale hai ji...
Canteen main kya scene tha. Saare interns (Bakre) jaise halaal hone keliye taiyyar baithe they. Pehli baar Dr Colourful ne Dr Saab ka description diya...Heartstone...yeh kaunsa stone hai ji? Kissi jeweller ki dukaan par sandstone, moonstone, coralstone ka naam dekha tha. Shayad waisa hi kuchh hoga. Isse necklace, angoothi etc ban sakti hai, ladki ne shayad socha...purse main itna paisa jo tha!
Queen bee ne sabko meeting ke liye bulaya. Ladki ne file aise pakdi jaise koi aaj ka newspaper pakadta hai...aur chali pee ki nagariya. Kya scene tha. Aur ban gayi Lord of the last bench.
(A short break: I found it funny that she couldn't recognize him here. His voice was a dead giveway)
Kya game khela saiyyan ke saath: Hide behind the file/back of the person ahead of you/bend down at the right moment/pick up the pen etc etc...hide and seek ka game achha tha. Hume to mazaa aagaya. Par zyaada nahi...chori pakadi gayi! Ladki ne socha, yeh kahan aa gaye hum...Aur nazarein chura li. Dr Saab ne apne saath OT main duty laga di. Go baby, go...life time achievement hain yeh...
Wahan Operation ki taiyyari main humne friendship ki nayi definition seekh li. Na kum, na zyaada. Poori limit main, ekdum no plus, minus. Queen bee apne haathon ko dekh rahi thi aise jaise manicure theek se huya ki nahi?
Ladki bhi badi samajhdaar nikli...apni last wish aur wasiyat tak bana dali? Aur phir OT main aise ghussi jaise pehli baar sekha ho...abe tune MBBS main OT nahi dekha kya? ya waha bhi shopping ke plans bana rahi thi? Abhi bhi, kya soch rahi thi aur kya de rahi thi tu? Dr Saab ne Scalpel maanga to tune kya diya? Hume laga apni car ki chabhi de degi...Ya phir lipstick!
Ladki Poori tarah lost in OT...Hum yahan se cheekh kar keh rahe they, abe faint hoja yaar...tuzhe haq hai...Magar aisa nahi hua. Serial thoda hatke hai ji.
Aur phir bulawa aagya. Abe Ladki, ab to apna ghunghat khol...saiyyan muh-dikhayi de denge na (waise inke wallet main kuchh nahi bacha..shayad kuchh aur hi de de?)
Precap: Ghunghat ki aad se dilbar ka...Saiyyan khamosh. Soch rahe they, isse maine itne paise diye, dukaan pe baithi burger kha rahi hogi. Ab yahan kya kar rahi hai? Ya phir who sare burger yahan layi hai kya? He Ram!
Kyunki Saas Bhi Kabhi Bahu Thi 2
Current Affairs
