Posted:
Bade Manhoos lagte hai,yeh dubey,unki baten aur kaun? suchmay jab se dubey ne kgh me apne pair se Hospital pravesh kiya hai,hospital ki aur Ashni ki kundali hi badal gai hai.Dono baat baat par shuru ho jate hai.Ab dekho na Bedroom ko bhi election ka akhada bana diya hai dono padhelikhone. Ek Tab se ladta hai aur ek book se kusti karta hai.Inhe school uniform dedo bhai.Kyonki bacho ke bhi ladai me dum hota hai.Badi badi pyaar ki baten karte hai aur 100 kg ka ego to sambhalke rakhte hai,aur pyaar to jaane kahaa ud jaata hai? Dr Ashutosh kehete hai ki ghar me woh dr Nidhi ke pati hai,toh apna Patitva kab dikhaoge mere bhai? kabhi to najar milao kabhi to kareeb aao,jo nahi kahaa hai kabhi toh samaj bhi jao.Humare Ashutosh subah subah bhi fir se shuru ho gaye.Itni sundar aur Hoorpari ko dekhkar toh kisika bhi dil pigal jata lekin aajkal inke andar ka heartstone fir se sur uthane laga hai. Na jaane Ashutosh ko yeh kya ho gaya hai.pata hi nahi chalata ki inhe hospital janeki jaldi hoti hai,Dubey se milneki,ya canteen ka ubala hua khana khaneki? Biwi ko chhod sakte hai,dubey ko nahi.Bahoot yarana lagta hai donoka? isiliye toh Fevicol ki tarah chipke rehete hai aajkal dono.Kahi yeh naya dostana toh nahi? Aur yeh panchayati Dueby kuchh bhi bolta hai,kisike bhi liye personal comment maarte hai aur fir kehete hai ki muze tumhare personal maamleme nahi bolna chahiye.Lo Kar Lo baat! aur fir 21 deenoke baad yaad aayi ki dr Mathur hai ya nahi woh jaanneki?are baba! Khud ko invite kyon karwate ho? Bade hai lekin badapan nahi hai yeh dubey me biwi ghar ka khana nahi deti toh dusreke ghar me dastak dene jaana yeh kaha ka nyaay hai? HK ke haath ka khane ka naam sunkar inke muh me paani aa gaya?Dusre ke aankhose paani barsane walo ke muh me paani aa gaya,ghor kaliyug aa gaya hai. Nidhi aur Aditi me toh kuchh aur hi khichadi pak rahi thi,yeh mard.Aditi beta itne saare boyfriend hai tumhare? itni mardoke bareme knowledge hai toh Psychatris ban jaati,is proff me aane ki kya jaroorat thi? aur tum bhi binbulaye barati banake kyon jana chahti ho?Nidhi ghar pe aayi toh pata chala ki baba ne HK ko gaav bhej diya.Ab woh kuchh chinese banane lagi hai,dekhenge kya banata hai?Ashutosh ne toh Nidhi ko bataya hi nahi Dubey ke bareme? woh kaise khana banayegi? Woh Trikalgyani thode hi hai ki sab kuchh samaz jaye? Precap : Mathur Niwas me pahuche Do Paidaishi khurafati,mehmaan bankar
