Romantic Day-
Subah 6:30 AM….uff Neend khul gayi..aaj toh chutti ka din hai mera aur unka..Ab uth hi jaati hoon…Dheere se bed se utarti hoon..inki neend mein khalal na pade…
Bahar nikalti hoon room se..gate se bhi..halki halki thandak hai hawaon mein….subah ki hawa kitni taazi hai….saamne chidiya-chideya ka ghonsla hai..ped par…chideya chidiya ke agal bagal udd rahaa hai…aur mera chideya ab tak so raha hai….uhuuun nahi mai unko uthaungi..par kaise kuchh naye tarike se…
Phir se room me gayi mein…bilkul seedhe soye hai ….apna chehra unke pet par rakh diya….phir gudgudi ke jaise chehre ko pet par ragda…"aaa ye kya kar rahi ho sone do na.."..mera chehra hata kar palat kar so gaye….main jagi rahungi..aur ye soyenge…nahi..aisa ho nahi sakta….
Main bhi kam shaitaan nahi hoon….bed par chadi aur unke upar beth gayi…..ye kyaaa…mujhe toh kheench liya inhone arre arre main toh giriii….dhupp unke bagal mein….."karna kyaa chahti ho tum ….khatarnaak iraade hai tumhare…meri neelpari"…chehraa ghuma ke gaal par ek kiss diya……dusra kiss dene aa rahey they..main phat se uth ke baith gayi….mera haath kheenchne lage wo…uthiyeee naaa….meri neend khul gayi mai bore ho rahi hooon….
"tum bore ho rahi ho to meri neend kharaab karogi…."..bilkul ye toh mera haq hai…ye aa raha hai unka haath mujhe pakadne ko..main bed ke side se phataak se uth gayi…wo mujhe pakadne ke chakkar mein bed par aadhe gir pade…main ye dekh kar hans padi…aaiyeee pakadiye apni neelpari ko…..jeebh bahar nikal diya….."ruko batata hooon…" wo utar ke meri taraf aa rahe they..main daud ke washroom ke andar jaati hoon gate bandh karti rehti hoon..ki unka haath gate par..pura dhakka de kar wo bhi andar….."ab tumne mujhe jaga diya hai to…tum akele kaise rahogi…tum jahaan main wahaaan…"…unhone socha nahi tha..maine bola andar aa jaaiye…..unka chehra dekhne laayak tha….
Maine shaving brush uthaya….uspar shaving gell lagaya…aur unka chehra khud ki taraf kiya.."ye kyaa kar rahi ho"..aapki shaving ye jo aapki dhaadi badh rahi hai mujhe pasand nahi…..
Maine shaving karna start kiya..par ye kya….achanak se mere dono hath kyu pakad liyeee….inhone…aur phir main kuchh kehti apne gaal ko mere gaal par ragad diya….pure chehre par iss tarah shaving gell laga diya..main khud ko bachane ke liye chehra idhar udhar kar rahi thi….par nahi saari koshishein bekaar….aur phir mere chehre ko dekh kar zor zor se hansne lagey..
phir apni naak se meri naak par maar ke kaha.."pagli.."
12:00 PM-"Hiraman kaka aap ki aaj chutti..khana main pakaunga.."..Dr Ashutosh ye bol rahey hai…Ohh Godd..kuchh banana aata nahi hai…meri haalat kharaab hone wali hai…..
Ye kyaa HK ke bahar jaate hi..mujhe piche se pakad liya….."hum akele hai"….maine bola haan hai toh…."subah toh bahut chehak rahi thi tum….ab main mood mein hoon…." Gale me kiss kiya mujhe….Mujhe bhook lagi hai….Abhi aapne HK se bola aap khana banayenge toh banaiye jaldi….Unka haath hata diya….Kya shararati nazron se dekh rahein hai mujhe..maine bhi upar se niche tak unko dekha..kamar par haath rakh kar bola….kyaa huaa khane kaa….."achchaaa.."..mera haath pakdaa mujhe ghumaya aur le aaye kitchen mein…."main jahaan rahunga tum bhi wahi rahogi.."….mujhe gaud me utha ke slap par bitha diya…mere dono bagal haath rakh diya….."kyaa khaogi…hokum karo..par mujhe sirf khichdi banana aati hai..toh tum kuchh bhi order karo…par milegi khane ko khichdi"…wahi naughty smile…mujhe khichdi nahi khani…main jaa rahi hoon pizza order karne.."jao"….main slab se utarne lagi..unhone phir se utha ke baitha diya…..main phir utri..phir se baitha diya….aisa 5 baar aur huaa…mujhe gussa aa gaya…maine unhe dhakka dena chaha..par wo hile tak nahi..main thak gayi….chupchap gusse se slab mein baithi rahi…..unhone phir apne haatho se mujhe pakad ke gaal par kiss kiya…."kitni sweet ho"…main naqli gussa dikha rahi thi….aankhon par kiss karne aaye toh apna haath aankho par rakh diya….wo phir gaal ko kiss karne gaye toh phir apna haath rakh diya…mujhe maza aa raha hai abb…..par ye kyaa wo toh hatt gaye….shelf se chawal nikalne lagey….kyaa gussa ho gaye hain…..mera dil baithne lagaa…
Unhone daal nikala…ab ye berukhi hai unki jab inhone masti ki maine kuchh nahi bola aur inhe dekho kaise attitude dikha rahein hai….ab to main ro padungi…..kyaa boloon…..
Cooker ab seeti maar rahaa hai..main slab mein baithi hoon..muh latka ke..nazrein neeche ki huyi hoon…inhone baat hi nahi kiya…ye apna chehra neeche le aaye aur jhataak se aankh par kiss kar diya……"ha ha ab lao haath"….ufff kitne chalaak hai ye….mujhe itna pyaar aya ki main khud ko unki baahon mein de diya….aur zor se unko jhappi di…..hum dono kitni der take k dusre ke baahon mein rahey…..inki baahein mere liye suraksha circle hain..main kisi bhi musibat mein hoon..inki baahein inka dil bacha lega..ye ehsaas kitna pyara hai….ye mere hai sirf mere…mujhe pyaar karne wale..mere such dukh ke saathi..mere chideya…itni bhavuk ho rahi thi main…ki ankh se khud se aansoo gir pade…inke gale par aansoo gire "pagli..ro kyu rahi ho..i love you"…I love you too….
Inhone aansoo apne hothon se poche……
5PM-ye kyaa aaj mausam itna achcha hai..baarish hone lagi….maine kale rang ka salwaar suit pehna hai….ye book padh rahein hai….hadd hai..aise mausam mein book…jaa ke unka haath pakda…bahar chaliye.."kyuuu??"..bas chaliyeee…."bearish ho rahi hai..paagal ho..nahi"..chaliye naa bhigte hain…"Nidhi stop it..tum Doc ho aur "…chaliyeee main unhe khinchnee lagiii"nahi bola na nahiii"…
Gusse se meri aankh lal ho gayi naak fadakne lagiii..inhe meri bhavnao ki koi fikr nahi…thoda bheeg lenge toh kyaa ho jayegaa….aise boring hai….sahi hai..mere jazbaat kyaa samjhenge..age gap problem….main sulk kar rahi hooon..baarish ko dekh rahi hoon jham jham dharti par gir rahi hai…chidiya chideya kyaa maze se bheeg rahe hai….aur ye book padh rahein hai..main bahar aa gayi….sofa par baith gayi….ANJI se baat karoon….rehne deti hoon…samajhte kyaa hai ye khud ko main akele bhigungi….uththi hoon bahar jane jo…par man nahi kar rahaa..inke bina kuchh bhi karne ka man nahi karta…par inhe ye baat thodi samajh aayegi…selfish hai ye…..
Abhi kuchh ghanto pehle mujhe inn par pyaar aa rahaa tha aura b gussa sach mein hum jinhe pyaar karte hain unpar kaise adhikar jamate rehte hai….
Bell ring huyi….gate khola…Dr rangnath they….Itni bearish mein raincoat pehankar Bike par aaye hain..peeche se Dr Ashu aa gaye…"thanks Dr rangnath..ye lijiye mere car ki key aap ghar chale jaiye…Bike yahi par rehne dijiye..".."OK sir"..ye kyaa ho rahaa hai…..
"chalo Baarish mein bhigna hai na toh achche se bhigte hai…long drive on bike iss rain mein…kaisa idea hai"….Main toh uchal padi…..kyaa baat hai…Kitne romantic hai ye..aur main bhi kya kya soch rahi thi….Main toh gale lag gayi….
Bike ride….Tez bearish main aur ye….bheeg rahey they….Itna achcha lag rahaa hai..maine inhe kas ke pakda hai peeche se….raat ho gayi hain hum kitni door aa gaye hai……bilkul soonsaan jagah….Baarish ruk gayi hai….inhone bike ko rok diya…saamne dekha Adrak ki chai ki tilli thi…Behli bearish yaad aa gayi….Dono ne Chai pee…
Abhi dono haath pakad ke Raaste mein thehal rahein hai….Aasmaan bilkul saaf hai…tare dikh rahein hai….Dono bheege huye hain….Inhone haath ko zor se dabaya.."khush ho"…haan mujhe duniya ki saari khusi mil gayi….akele aap ke saath iss suhani rat mein ghumna mujhe romanchit kar raha hai..i love you so much…."I love you too..tumhare liye main kuchh bhi kar sakta hoon meri neel pari.."
Mujhe pata tha…..Main unke paas aa gayi…bahut paas…waqt tham gaya hai….hamare sharer aapas mein judd rahey hai..honth se hoth khud b khud judd gaye…….
Hindi TV Shows
