Ariya Pyaar ka Farz - Page 24

Sikandar: get me a flight!! Now!!

Guard: yes sir!...

India,

ETF is investigating the crime scene

Sameer: iske baare mein pata kab chala?

Rakesh: sir (ek direction mein indicate karke) ye kuch locals hai, yaha paas mein kheti baari karte hai. ye cottage rent par hi rehta hai, lekin zyaada tar koi yaaha hota nahi. Subah jab ye sab kaam karne ke liye nikle toh cottage ka darwaaza khula tha, jab in hone andar dekha toh laash dekhkar hume inform kiya. Fir jab maine dekha ki uska chehra aapke bheje hue sketch se match hota hai toh maine aapko phone kiya.

Sameer nod karta hai aur andar jaata hai

Sameer: kya lag raha hai?

Liza: sir, Riya ke diye hue ghaav ke sivaay thode struggle ke nishaan hai lekin koi fingerprints ya killer ka koi clue nahi hai, lekin

Shree: lekin?

Liza: lekin sir iske jo symptoms dikh rahe hai woh ...heart attack ke hai

Sab shock aur confuse ho jaate hai

Ayesha: aisa kaise ho sakta hai? tumne hi toh kaha ki kuch struggle ke nishaan hai, aur aise achanak ek hatte katte admi ko heart attack kaise aa sakta hai?

Shree: ha aur ye toh hume maarne aaya tha, aur ye khud hi mar gaya? Shikaari ka shikaar kaun karega?

Arjun: more importantly, kyun karega? Woh Riya ko meaningful glance deta hai. lekin uske ilawa koi ye baat notice nahi karta.

Riya ko bhi shak hota hai lekin use confirm karne ke liye use kahi akele mein jaana hoga.

Vijay: aaj kal toh kisi ko bhi kabhi bhi heart attack aa sakta hai...aur kya pata ki struggle ke nishaan bhi Riya ke saath hui jhadap ki wajah se hi na ho?

Sameer nod karta hai: ho sakta hai...Liza mujhe iski autopsy report aaj ke aaj chahiye

Liza: ji sir!

Sameer: iske paas koi personal belongings hai?

Vijay: ek phone jisme sirf ek contact hai...

Shree: aur ek bag jis mein Elina, Anaya aur...hum sabke photos hai. Elina aur Anaya ke photo par cross hai.

Riya: aur sir ek sniper rifle bhi mili hai case ke saath.

Arjun: Liza uski ballistics ek baar check kar lo

Liza nod karti hai.

Back in ETF

Liza Sakshi ko apni taraf karti hai: Sakshi meri madad karogi? Bahot kaam hai

Sakshi: lekin mere paas koi forensic knowledge nahi hai, in fact mujhe science se sakht nafrat thi school mein my God!! Itni mushkil se pass hoti thi sirf mujhe hi pata hai

Liza: Sakshi tumhe pass nahi hona, sirf main jaisa kahu waise karna hai?

Sakshi: theek hai

Liza: chal

Dono lab ki taraf chali jaati hai...Sameer aur Arjun apne cabin mein hai. Riya kisi tarah Shree se bahana banakar Arjun ke cabin mein jaati hai

Arjun: darwaaza lock kar do

Riya: are woh Swami bhi aayega na, sab jagah taang adaata rehta hai

Arjun kuch nahi bolta, woh ab tak dono ke jhagdo se used to ho gaya hai ya fir ye kahu ki tang aa chuka hai

Kuch hi pal mein Swami bhi aata hai

Riya: door lock karo idiot!! Koi aa jayega

Swami glare karke door lock karta hai, woh use zyaada bol bhi nahi sakta hai...Boss ki dhamki jo mili hai. Riya Boss ko phone karti hai

Boss: Hello Riya! Kaisi ho? Aaj subah subah meri yaad kyun aayi tumhe? Abhi kal hi to mile the

Riya abhi formalities mein interested nahi hai: Boss! Firoz ko aapne marwaya?

Boss: kaun Firoz?

Riya: woh hit man!

Boss: Riya...puri duniya mein kitne saare hit man hai?

Riya: jo Interpol ki Top 20 mein hai?

Boss: usmein 7 hit man hai aur mujhe kisi ka naam nahi yaad

Riya(incredulously) : aapko pata kaise nahi hai?

Boss: Riya tum sach mein expect karti ho ki main Interpol, R&AW aur duniya ki tamaam agencies jinse humara collaboration hai, unka pura database ratke baitha hun? Main insaan hun, 128 TB ka hard drive nahi

Riya ki patience ab jaa rahi hai: Sir!! Us admi ne kal mujhpar aur mere dost par attack kiya tha aur achanak use heart attack aa gaya...

Boss: are ye toh heart attack hai, kabhi bhi kisi ko bhi aa sakta hai...usmein main kya karu?

Riya(irritated): ha sir aap bilcul sahi keh rahe hai lekin usko puri ETF ki supari dena, mujhpar hamla karna aur mar jaana koi itefaq nahi ho sakta!!

Boss: are ha usne tum par hamla kiya...right, I didn't get you the first time, ho sakta hai ki tumhare handler ne use marwaya ho

Riya(in disbelief): mera handler?!? I AM RETIRED!!!

Boss: Riya... Agar tumhara handler tum par nazar nahi rakhta toh tum bahot pehle us virus ki wajahse mar gayi hoti. Tum retired ho lekin field ke capable ho, isliye as per protocol hum tumhe nahi chod sakte aur rahi baat case ki toh Firoz ke marne ki khabar sunkar Sikandar khud chalkar tum logon ke paas aayega. Agar tumhare handler ne Firoz ko tumhari safety ke liye maara bhi hai toh tension mat lo Autopsy mein natural death hi aayegi ,aur itna hyper hona bandh karo warna agla heart attack tumhe aayega...Jai hind!

Call disconnect

Arjun aur Swami dono anticipation ke saath use dekh rahe hai.

Riya: unhe nahi pata, woh keh rahe hai ki shayad mere handler ne use marwaya hoga

Arjun: shayad? Unhe pata nahi ki unke officers kab kya karte hai aur kya nahi?

Swami: apparently not! Lekin fir bhi conveniently humesha galat time par daraane ke liye aur dhamkaane ke liye pahunch jaayenge...ye kabhi nahi sudhrenge!

Riya: mujhe yakeen nahi ho raha ki main yeh keh rahi hun par tum sahi keh rahe ho... Firoz heart attack se mara hai yahi baat maan kar chalni hogi

Tabhi Swami ke phone mein alert bajta hai

Use dekhkar: What the...??

Riya: ab kya hua?

Swami: Sikandar ki location move hui hai

Arjun(eagerly): kaha?

Swami: woh laptop se dekhna padega

Riya: toh bol kya rahe ho? Check karo!!

Swami: kar raha hun patience!!

Teeno conference room mein jaate hai, Swami apna laptop check karta hai, kuch signals change karke

Shree aur Ayesha unhe aise dekhkar confuse hote hai

Ayesha: kya hua?

Vijay: Sikandar, shift ho raha hai

Woh dono bhi alert ho jaate hai: kaha?

Vijay: uski movement...west side ho rahi hai, apparently woh Indonesia ki border par hai, aur...west ward aa raha hai

Riya: west? Matlab woh is taraf aa raha hai?

Vijay: filhaal toh aisa hi lag raha hai

Tabhi Sameer enter karta hai: kya hua sab aise kyun khade hai?

Shree: Sikandar yaha aa raha hai

Sameer: kya?

Vijay: ha sir, uske phone ke location se toh yahi lag raha hai lekin uske yaha aane ke baad bhi hume 5-6 km ke radius se zyaada accurate location nahi milegi.

Ayesha: Mumbai jaise shehar mein 6 km ka radius? Hum kaise dhundhenge use?

Arjun: mujhe nahi lagta uski zaroorat padegi

Sameer: kya matlab?

Arjun: matlab ye ki woh khud hume dhundhega, use yahi lagega ki Firoz ki maut humari wajah se hui hai, woh humse badla lene zaroor aayega

Sameer(thoda annoyed): tum kya kehna chahte ho Arjun hum uska intezaar karenge ki woh firse kisi par hamla kar sake? Kya guarantee hai ki is baar uska hamla nakaam nahi hoga?

Arjun: Sameer, hume nahi pata ki woh kaha jaayega...agar hum trace kar bhi le toh bhi accurately nahi kar sakte...agar humne talaashi shuru ki toh humaare waha pahunchne se pehle hi woh waha se bhag jaayega

Sameer frustrate hota hai, woh jaanta hai Arjun ki baat bhi sahi hai ab bakri ko pakadne ke liye unhe hi ghaas banna hoga.

Sameer sigh karta hai: sab log alert raho!! Agar kisi ki family yaha hai toh unhe bhi safe rakho, meri baat maano toh unhe chutti par bhej do jab tak ye maamla sulajh nahi jaata hai. aur waapis apne cabin mein jaane ke liye turn hota hai...

Liza aur Sakshi aate hai

Liza: sir Firoz ko heart attack hi aaya hai aur ballistics bhi match hoti hai

Sakshi(thoda excitedly): aur ballistics report maine nikaali

Koi kuch nahi bolta, Liza notice karti hai ki sabke chehre par tension hai

Liza: kya hua ?

Riya: Sikandar aa raha hai

Liza shock hoti hai

Sakshi: kaha?

Sab use look dete hai

Sakshi bhi choukti hai: yaha???

Sameer(annoyed): nahi...chand par!!

Woh gusse mein kuch mutter karte hue chala jaata hai, Arjun bhi disbelief mein sar hilakar jaata hai, Riya uske peeche jaati hai. Ayesha Sameer ke paas jaati hai. Shree Chotu ko call karne jaata hai. Vijay apne laptop mein ghus jaata hai.

Shree side mein jaakar Chotu ko call karta hai. Chotu apne ghar par baitha TV dekh raha hai. uska phone bajta hai toh utatha hai

Chotu: bol Shree

Shree: kaisa hai?

Chotu: kamaal ka hun

Shree(confused): are kal tak ko tu Rathore sir aur Arjun sir ko gaali de raha ki dono ne tujhe ghar par bitha kar rakha hai aur ab khush hai?

Chotu: ha kyunki aaj India aur West Indies ki match hai

Shree: SHIT!!!!! Main Toh Bhul Hi Gaya!!! SCORE KYA HAI???

Chotu hasta hai: West Indies 274 all out, aur India chase kar rahi hai abhi 115/2 hai

Shree: baap re!! itna tough score? Aur apni do wicket already gayi? Hey bhagwaan ...ab kya hoga?

Chotu: hmm...West Indies hai, strong team hai, maza aayega

Shree: aur main yaha office mein baitha hun!! DAMMIT!!!

Chotu hasta hai: lekin tune office se phone kyun kiya? Free baitha hai?

Shree: are nahi!!! Bhul hi gaya...

Chotu: tujhe nahi lagta ki aaj kal tu kuch zyaada bhulne laga hai, kahi budha toh nahi ho raha?

Shree: mere pyaare Bheem...India-West Indies ki match ke liye toh kuch bhi bhul jao

Chotu: baat toh sahi hai...ab bol toh sahi, phone kyun kiya

Shree: are ha...sun. aur use sab kuch batata hai

Chotu: baap re! itna sab ho gaya?

Shree: ha tu bhi sambhal ke reh aur office kab waapis aa raha hai?

Chotu: permission toh nahi mili par kal aa jaunga, fir dekha jaayega

Shree: theek hai...chal bye rakhta hun

Chotu: bye!

Call disconnect...