Adhura sach(Incomplete Truth) Virman OS last part updated pg 5

Flat mein ghuste hi usne dheere dheere sari khidkiyaan khol di..mahino se flat ek bandh dabba tha..Dum ghotoon ghutan ko chipaye...dheemi dheemi barish ho rahi thi..Andhera apna paon jama raha tha...Virat Bahut thaka hua tha...sharirik aur maansik dono...

Zindagi sirf rupye par chalti hai...Paas mein dhan na ho tab bhukh ki kadr samajh aati hai..bache-kuche rupyo ne jab tak pet ka idhan bhara..wo chupchap Haridwar mein toote paon ko lekar soya raha...ab phir se aaya hai...Zindagi ko talashne...

Sab kuch badla badla sa lag raha hai...jab wo gaya tha naye patte aa rahe they..abhi patte jhad rahe hain...ek mausam beeta ke aaya hai wo...har darakht (tree) sukha tha...usse wo sham bahut udas lag rahi thi..usne nazar kop her kar dusri taraf dekha..compound mein jane pehchane bachche khel rahe they...wo bhi unke sath aksar khelta tha...abhi ladkhadate huye kya khel payega wo??...

Bhukh ka ehsaas tez huaa..Haridwar se bhi binakhaye nikla tha wo...kya khaye isi udhed bun mein tha...

Tabhi darwaze ki ghanti baji..ek badsurat sa aadmi darwaze ke uss paar khada tha...Virat ke liye wo anjaan tha...
"Hello ji myself Keshaw..aur aap Virat right"

"ji haan"

"Aapke pados mein naya aaya hoon rehne with my Mrs Manvi"

Uss Aadmi ke mooh se badboo aa rahi thi..Virat jab sehan nahi kar paya usne mooh ghuma liya..wo aadmi bekhatke bole jaa raha tha..

"Virat aapko main invite karne aaya hoon..as a good neighbour mera farz hai aapki madad karoon..Please aaj ki chai aur dinner mere ghar karein...dekhiye na mat kahiyega Meri Mrs bura maan jayengi..unhone bahut khushi se aapke liye khana banaye hai"

"achcha unko kya sapna aaya tha ki main aane wala hoon..ajeeb bat bol rahein hai aap??"

Virat aap joke bhi nahi samajhte...hehe"

"mujhe behuda mazak nahi pasand"

"Ohh ji sorry...aap please chaliye mere ghar"

Virat ki bhukh se halat kharab thi wo mana nahi kar paya..

Keshaw ka Flat

Bhini bhini khusboo aa rahi thi ghar se...Adrak ki chai ki mehak baithak taka a rahi thi..Virat ki bhukh aur bhi bhad gayi...Virat ghar ko niharta sofa par baith gaya..
"ek minute"

Keshaw aur Manvi chai aur pakode ke sath andar aaye...

Manvi behad khoobsurat thi...behad khoobsurat...Virat mughdh ho kar ascharya se use dekhe jaa raha tha..."langoor ke haath me hoor" aa gayi hai...

Kale rang ki saree mein...Manvi ka roop khil kea a raha tha...Saree ke bagal se jhankti uski patli kamar...Badi badi aankhein rasbhare honth..kisi ko bhi maanvi ke aakarshan mein baandh lenge..phir Maanvi iss languor se kyu judi...sach Pyar andha hota hai...

Virat ne poocha-"Aap dono ki love marriage hai??"

"Nahiii jiii ...nahi.." Manvi ne lagbhag cheekhte huye kaha...

Virat ko ajeeb laga...Uski nazar Keshav par gayi...Virat samajh nahi paaya..Keshav ko ye baat kitni buri lagi..Keshav ki aankhein uske jazbaat bayaan nahi kar rahi thi...

Virat ne bhukh ke aage sar jhuka diya..chupchap Pakode khane laga...Manvi tab tak samhal gayi thi...

"Meri aur Keshav ki shadi ki anokhi kahani hai...pata nahi kya hai wo??"

Virat khane mein kho gaya tha Manvi ki koi baat dhyan se nahi sun raha tha...

"Manvi tum jaa kar raat ke khane ki taiyari karo na..."

"Keshav khana bana hua hai..."

"ohh to serve karne ki taiyari karo..."

"abhi se...???..Keshav"

Virat nahi chahte huye bhi bol pada..

"yaar tum to apni biwi ke peeche hath dho ke pad gaye ho...yahan rehne do na..dekho ab mujhe koi dialogue mat maarna ki hamara private matter hai..private matter tha to publically ku shor kiya??"

Manvi chupchap sofa par beth gayi...Uske chehre par kayi rang aa kar chale gaye...

"Keshav jo baat tum khana khan eke baad karne wale they inse abhi kar lo na"...Manvi ki awaz mein vyang tha...(mock)

"Manvi chup raho...kya bolna hai kab bolna hai..mujhe sochne do"

"Nahi Keshav...Mere jism ka sauda karne wale ho tum..kab aur kaise hoga main bhi nirnay loongi.."

Virat ne jab ye suna..usse laga kisi ne uske kaan mein pighla sheesha daal diya hai...

Precap-Virat ke kamre mein Virat Manvi hain...

Manvi-"To shuru karein ..jis kaam ke liye aayein hai..ek raat ke liye mujhe aapne EMI par liya hai"

Zor se hans padiii..

Virat kuch bola nahi use bas hansne diya...

nice one tamu..waiting for part 2!!

Too diffrent
like it
;waiting for next...

nice os
continue soon
waiting for next part..

Thankoo Guys ll reply individually n continue today..

Part -2

Manvi ka chehra gusse se khinch gaya...uski aankhon mein nafrat ki lehar chali aayi...

"Keshav babu Tan mera bike aur mauj tum udate raho ..kya baat hai?? 60% mujhe chahiye...samjhe".lagbhag chillate huye usne kaha..

Keshav ko andaza nahi tha ki Manvi iss tarah se react karegi..wo hakka bakka tha...

Virat inn sab baton se kuch jaanne ki koshish karne laga...

Dono pati-patni ka taam jhaam sab naqli tha...Keshav nithalla insaan tha..Biwi ke shareer ko daanv par laga kar ayyashi karta tha...

Keshav aur Manvi do mahine pehle iss makaan mein aaye they..tab unhe Virat ke bare mein pata chala tha..Keshav ka lalchi man tab se ek mauke ki talaash mein tha...Virat akela kunwara insaan tha...Keshav ko wo uchit grahak laga Manvi ke liye...

Virat ki uljhan badhti jaa rahi thi...manvi se use hamdardi hone lagi...

Virat apne gusse ko samhal nahi paaya...langdate huye usne Keshav ke gale se pakad liya..

"Hara***de Kutte apni hi biwi ke shareer ko bechta hai..kisi naale mein doob kar mar jata kamine..tere jaise logo ko zinda rehne ka haq nahi hai.." Gusse se virat ka shikanja keshav ke gale mein badhta jaa raha tha..

Keshav khud ko bachane ki nakaam koshishein kar raha tha...

"Virat chodiye keshavvv kooo..main bol rahiii hooon chodiyeee issseee..aapko sunaiii nahi detaaa chodiye isse warna mai koi galat kadam utha lungiii"

Virat ne keshav ke gale par apna shikanja dheela kiya..Keshav apna gala pakad ke sofa par baith gaya...

"Aap chaliye mere sath Police mein iske khilaf bayaan dijiye"

"ji nahi main police mein kabhi nahi jaungi..."

"kyu??"

"khandaan ki izzat bachane ke liye...jis din maa -pitaji ko mere iss ghinone kritya ka pata chalega..dono aatm-hatya kar lenge...ek ghatiya insane ke liye apne maa pitaji ko nahi kho sakti main...aap mera sauda karna chahte hain to mujhse baat kijiye.."

Virat ko samajh nahi aa raha tha kya kare..agar wo Manvi ko idhar akela chor ke gaya to Keshav iske sath kuch bhi kar sakta tha...Virat asmanjas mein pad gaya tha...

"Dekhiye Manvi...Mere paas footi kaudi bhi nahi hai sauda kaise karoon..haan par aap bolein to main instalment yani EMI par chukka doonga sare paise"

"Advance mein kuch to denge"

"Ghadi rakh lijiye mera"..

Ghadi le kar Manvi Keshav ki taraf mudi...jo ki boot bane sab dekh raha tha...Virat se behad darr gaya tha wo...

"Ghadi main le kar jaa rahi hoon..isse bech kar 40% tumhe dungi..aur jaise jaise inse rupye milenge tumhe bhi deti jaungi...Virat ek raat ka main 10,000 lungi...nahi manzoor to apni ghadi le lijiye wapis"

"Manzoor hai"

"chaliye phir"

Manvi ne Virat ke ghar mein pravesh kiya..poora ghar ast vyast tha...kamra bhi saaf nahi tha..bistar par bahut saari cheezein bikhri padi thi...manvi ne thodi jagah banayi aur beth gayi...

"To chaliye Shuru karte hai jiske liye aayein hai..ek raat ke liye apne mujhe EMI par liya hai..aapne ."

Manvi zor zor se hans padi..Virat ne use hansne diya...

"pani piyengi"

"Nahi...mujhe sona hai..WO kaam jaldi khatm ho to main so jaaoongi..isiliye bol rahin hoon"

"sona itna zaroori hai aapke liye"

"Haan bahut sari dardili yaadon se door kar deta hai" aansoo ka katra Manvi ki aankho mein tha Virat ne dekha..samjha Manvi andar se bahut tooti huyi hai..uska ye roop sirf ek dikawa hai..chal hai...

"Pata nahi aap mujhpar bharosa karengi ya nahi..par mai aapko subah wese hi chod dunga jis tarah se laya hoon...main bas aapki baat sunna chahta hoon agar aap batana chahe to"

"kyu janna chahte hai aap??"

"ji mujhe bhi nahi pata"

"aisi bahut dukh bhari kahani bhi nahi hai meri..bas kismet kharaab hai...bata deti hoon aapko nakhra karna mujhe nahi aata" wo phir se hansi..

Badsurati jis tarah insaan ko samaj mein rulati hai..khoobsurti bhi samaj ke danavo ko jagati hai...Manvi apne gaon ki sabse sundar ladki thi..roop jaise chalakta tha usse...

Manvi ka ghar aur uske tauji ka ghar apas mein sata hua tha...Tauji ki beti ko ladke wale dekhne aane wale they..Manvi uchal uchal kar saare kaam kar rahi thi...ussi samay ek badi gadi ruki...5-6 log Gaadi se utre..

Manvi uss waqt stool ko rakhne jaa rahi thi..ek behad kurup insaan se takra gayi...stool uske paon par gira...

"aahhh maaa mar gayi...".Manvi ki rulayi chut gayi..uss aadmi ne use haath de kar uthaya...sab log daudte huye aaye use dekhne..

Manvi ke paon mein uski Maa barf lagane lagi...

Kurup aadmi ka naam Keshav tha...usne Manvi ke tauji se uska naam poocha...

Ladke walo ke beech mein uss waqt kanaphusi shuru huyi..aur phir bomb phoda gaya..

Keshav ne Manvi se shadi karne ka prastav rakha..aur Manvi ke maa -pitaji ko dhan dene ka vaada kiya...

Manvi ke tauji ki aankhein khil gayi..unhone apne bhai ko Manvi ke sundar jeewan ke sapne dikhaye...mile huye dhan se unki garibi unke sangarsh kam ho jayenge ye bataye...

Manvi ke pita par sehmat nahi huye...wo apni beti ki shadi keshav se nahi karna chahte they...

Tauji ne phir naya jaal phenka..Manvi se baat ki..

"arre pagal roop pe mat jaa kal ko tere sath bhi kuch ho sakta hai..arre wo bade shehron mein rehta hai tere liye kitna achcha hoga..iss gaon mein tere liye kya rakha hai bol...tere pitaji teri shadi gaon ke kisi gawar se kar denge phir roti rehna"

"tauji aap hi pitaji ko samjhaiye na..."

"tub bhi bol..main bhi boloonga"

Manvi ki shadi Keshav se ho gayi...baad mein pata chala Keshav ne tauji ko bhi rupye diye they taki wo Manvi se uski shadi karwa dein...

Shadi nahi ye ek sauda tha..manvi ko kharida gaya tha..taki uspar invest kiya huaa rupya usoola jaa sake...

Manvi ke jism ka uski aatma ka roj roj balatkaar hota hai..

Virat ki gusse se mutthi bandh gayi...Manvi ne khud ko rone se bahut roka par wo khud ko rok na saki..wo ro padi...

Precap-Virat Alpana aur Manvi baatein kar rahe they jab Keshav aaya...Keshav teeno ko sath mein dekh kar jhatka kha gaya...

nice update..manvi confiding in virat ...the flashback... poor mannu :(..hate that keshav aur tauji..waiting for next!!

Originally posted by: roshreb

nice update..manvi confiding in virat ...the flashback... poor mannu :(..hate that keshav aur tauji..waiting for next!!

awesome update
loved it
poor manvi suffering a lot
hate this keshav
continue soon
thanks for the pm