ANKAHI...{LRL-RN} #2 last Ud wd EPI n PG 100(21/11

First Previous

Page

Next Last

Frequent Posters

shreya

@XoxowpdXoxo

Dazzler

Posted: 14 years ago

#51

Originally posted by: esha143
Nice suggestion Shreya...abe Sherni...tu kab se dimaag pe zor de rahi hai...issi liye koi idea nahi aa raha tereko naya fic start karne ka...dimaag se sochna chod fir dekh teri factory se ek dam mast fic niklegi...waise Shreya is right...if u can go that way again...think of re-starting it...but no pressures...whatever u decide u know I'm with u...so think about it...😃

thnx for liking my suggestion😊😊 and yes its your wish to continue with that no pressures at all😃😃 we both are with you😃😃

Quote

Priya

@Sweet-Lioness

Inactive

+ 2

Posted: 14 years ago

#52

Originally posted by: esha143

arey nahiii...sachhi...hamare yahan Thursday ko non-veg items nahi khate...!!! Laxmi pujan hoti hai na... isiliye...😃

Quote

Looks like you are new here. Register for free, learn and contribute.

Priya

@Sweet-Lioness

Inactive

+ 2

Posted: 14 years ago

#53

Originally posted by: shreyamathur_18

ek baat boluun... may be you should again start ztmk again in your own plot which you have thought earlier😊😊😊

Thanxxx dear... par uss fiction ka maine itna kabada kar diya hai ke...uss ke bare me sochte hue bhi darr lagta hai...!!!

Quote

Priya

@Sweet-Lioness

Inactive

+ 2

Posted: 14 years ago

#54

Originally posted by: esha143
Nice suggestion Shreya...abe Sherni... arey yaar...thodi si toh izzat de diya karr...Sherni ko koi aise bulata hai kya...😆

tu kab se dimaag pe zor de rahi hai...issi liye koi idea nahi aa raha tereko naya fic start karne ka...dimaag se sochna chod fir dekh teri factory se ek dam mast fic niklegi... main dimag se bilkul bhi nahi sochti yaar...!!! see...mamla agar Rajeev se related ho toh main sirf aur sirf Dil se sochti hun...!!! isiliye abhi dil se sochti hun...agar koi idea aa gaya toh pakki baat...naya fic start karungi...!!! vaise bhi mujhe tum sab ko pakane me bada maza aata hai...😆

waise Shreya is right...if u can go that way again...think of re-starting it...but no pressures...whatever u decide u know I'm with u...so think about it...😃 jee...jarur...sochungi...!!! phir se agr purane idea par likhne ka mann kiya toh phir se likhungi...tab tak ke liye ZTMK ko kuch din ke liye break de deti hun...😃

Quote

Priya

@Sweet-Lioness

Inactive

+ 2

Posted: 14 years ago

#55

Originally posted by: shreyamathur_18

thnx for liking my suggestion😊😊 and yes its your wish to continue with that no pressures at all😃😃 we both are with you😃😃 thanqqq Shreya...mujhe pata hai...mere frnds hamesha mere sath hote hain...!!! itne achhe jo hain...aur unn ke isi achhai ne mujhe bigad rakha hai...😆

Quote

Priya

@Sweet-Lioness

Inactive

+ 2

Posted: 14 years ago

#56

bakula_gandhi, psrn, sweet_shona, tina_1234, shreyamathur_18, nainaahsingh, fanatic 21, suhana.dixit, kads_8302, Dhara_s, dazzling_glory, PrincessFlavia, golu_1677, ronojoy_ria, preet09, esha143, aamirkhanfan, PrithviSanyo1, Sumi_162710, -purnima-,

Quote

Esha

@esha143

Rocker

+ 7

Posted: 14 years ago

#57

Originally posted by: Sweet-Lioness

Abe oye Sherni😆😆...min tujhe aise hi bulaaungi...izzat wizzat jaantha nahi...tujhe pyaar chahiye ya izzat...dono mein se ek hi milega...bol kya mangtha hai...pyaar chahiye toh apun ka pyaar aisa hi hai...in-formal...izzat chahiye toh bol de...us mein thoda sa bhi pyaar nahi dikhega...totally formal...toh kya decide kiya...???😆

Quote

Priya

@Sweet-Lioness

Inactive

+ 2

Posted: 14 years ago

#58

EPISODE:-22

Naaz ki batain Yusuf ke samajh ke bahar tha...!!! itna toh voh samajh hi raha tha ke Naaz ne aisa kuch kiya hai jo uss ke plans related hai...par kya...aur kaise...voh samajh nahi pa raha tha...!!!

uss ne apni gun jeb me dali...phir Naaz ke kareeb aate hue kaha:-"main samjha nahi...!!! aur phir tum ne uss Naina par goli kyoun chalayi...jab ki tumhe pata hai ke uss se sare subut lane ke baad hi hum use maar sakte hain...uss se pahle nahi...!!!"

Naaz ne mushkurate hue kaha:-"maine use nahi mara...!!! haan...agar main chahti toh maar sakti thi...par nahi maara...!!! aap ne hi kaha tha na ke...'main kuch nahi karr rahi hun...aur time khatam ho raha hai '...aisa hi kuch...!!! isiliye mujhe kuch na kuch toh karna hi tha na...!!! aur aap ko yeh sunn kar kafi khusi hogi ke Naina aur Rajveer bhai shaadi kar sakte hain...baht jald...

Yusuf hairan tha...uss ke samajh ke bahar tha...Naaz ki batain...

Yusuf:-"kya...par iss se toh hum jyada mushkil me padd sakte hain...!!!"

Naaz ne uss ke sawal ka jawab na dete hue kaha:-"aur yeh jaan kar aap ko aur bhi jyada hairani hogi ke...yeh idea maine hi diya hai ke...agar Naina ki shadi...Rajveer se ho jati hai toh...Naina jyada safe rahegi...!!!"

itna kehte hue Naaz ne Yusuf ki ankhon me straight dekha...

Yusuf ne Naaz k ankhon me ek zidd dekhi...kuch karne ka jazwa...!!! par voh yeh nahi samajh pa raha tha ke voh jazwa uss ke khilaf tha ya us ke liye tha...

Yusuf thoda shant ho gaya tha...uss ne dhire se kaha:-"main tumhara plan abhi tak nahi samajh paya hun...!!! mujhe pata hai ke tum jo bhi karogi voh hamare behtari ke liye karogi...par main jann na chahta hun ke tum kya karna chahti ho...!!!"

Naaz baithi ek jagah par...phir kaha:-"Naina ka qtr puri tarah se security guards se bhara hua hai...!!! koun aata hai...koun jata hai...sab ki khabar rakhte hain voh log...!!! mujhe Naina ke qtr me voh sare information lane me taklif ho rahi thi...!!! par agar Naina ki shadi Rajveer bhai se ho jati hai...toh voh Rajveer bhai ke sath hi rahegi...aur main bhi vohin hun...toh mujhe voh sare information hasil karne me ashani hogi...

Yusuf mushkuraya...Naaz ke thoda kareeb aa kar bola:-"mera dil keh raha tha ke...Naaz humain dhoka nahi de sakti...par dimag kaam nahi karr raha tha...isiliye thoda sa gussa aa gaya tha...humain maaf kar do...!!! isiliye tum ne Naina par blank fire kiya ta ke... sab ko lage ke Naina ko jyada security ki jarurat hai...aur tabhi tum ne jaan bujh kar unn ke shadi ki baat chedi...hai na...!!!"

uss ne Naaz ka hath thaamne ke liye apna hath aage badhaya...

Naaz uss se dur jate hue boli:-"hum sirf yahan par apne apne matlab ke liye ek hue hain...aap ko voh information chahiye aur mujhe meri behn Noor...!!! iss se jyada humare bich aur kuch nahi hai...isiliye jyada behtar yehi hoga ke hum apne apne kaam me jyada dhyaan de...!!!"

Yusuf:-"par...

Naaz uthi vahan se jane ke liye aur jate jate kaha:-"aage kuch aur khaash hoga toh main bata dungi...

achanak Naaz ruki aur turn kar ke kaha:-"kya main ek baar Noor se mil sakti hun...ya baat kar sakti hun...???"

Yusuf:-"main khud chahta hun ke tumhe Noor se milwayun...par hamare boss ke kabze me hai voh...!!! aur unn ke hukum ke bina hum kuch nahi kar sakte...

Naaz ne aur kuch baat kiye bina...vahan se chali gayi...!!! bahar aa kar use yaad aaya ke use yeh bhi Yusuf ko batani thi ke...'sayad Rajveer aur Naina ki shadi jaldi ho sakti hai...aur agar nahi hui toh use uss ka plan change karna padega...'

uss ne phir back kiya...Yusuf ke paas jane ke liye...par darwaze ke bahr jo uss ne suna...uss se voh khud ko sambhal nahi pa rahi thi...!!! apne pairon me voh kamzori mehshush karne lagi thi...ek pal ke liye uss ne khud se kaha ke...'nahi...maine jo bhi suna...voh galat hai...!!! aur agar yehi sach hai...toh phir main kyoun...aur kis liye...

******************

Cut to Shalini...

Shalini...Yudi ke qtr me pahunchi toh dekha...Yudi ka sara saman bikhra hua pada tha...!!! Shalini ne mushkura diya...

Shalini:-"Yudi...Yudi...

Yudi sayad wash room ke ander tha...uss ne koi jawab nahi diya...!!!

Shalini:-"hmm...sayad wash room me hai...!!! tab tak main uss ke room ko thode dekhne layak ban deti hun...!!!"

Shalini ne uss ka sara saman thik se arrenge kiya...study table ke upar Yudi ki dairy rakhte hue uss dairy me se kuch gira...

Shalini ne use uthaya toh dekha...voh uss ki aur Yudi ki KMA ki ek tashveer thi...!!! Shalini ne mushkura diya...!!! tashveer phir se uss dairy me rakhte hue...achanak uss ki nazar ek page par padi...jiss page me uss ka naam likha tha...

galat tha kisi dushre ki dairy padhna...phir bhi Shalini khud ko rokk nahi payi...!!!

Shalini ne wash room ki taraf dekha...Yudi abhi tak bahar nahi aaya tha...uss ne dhire se kaha:-"dekhti hun...ke cadet Yudi ne mere bare me kya likha hain...hmmm...

16th december

aaj ka din thoda ajeeb tha...!!! mujhe nahi pata ki mujhe khush hona chahiye tha ya nahi...!!! phir bhi main ek aam inshan hun...dushro se jyada khud ke bare me sochta hun...!!! aaj jab maine suna ke doc Shalini ka divorce ho gaya hai...sach akhun toh main kafi khush ho gaya tha...jab ki mujhe dukhi hona chahiye tha...!!! uss ki wajah mujhe pata hai...!!! jo ki main kabhi Shalini maam se nahi keh paya hun...ke 'main unn se pyar karta hun...dil ke gehrayiyon se...'...!!!

Shalini maam ke liye main sirf unn ka dost hi sahi...!!! par mere liye voh kya hain...voh khud nahi jante...!!! jab bhi ek dost ki jarurat padi...aur maine piche mudd kar dekha... toh voh mere hi piche khade dikhayi dete the...!!! pata nahi kab yeh pyar me badal gaya...

janta hun ke jab is bare me Shalini maam ko pata chalega voh mujh se baht naraz hongi...sayad baat bhi karna bandh kar de...!!! aur isi darr se main unn se kabhi kuch nahi keh paya hun aaj tak...!!! par haan...ek din main apne dil ki baat aap se jarur kahunga Shalini...!!! sayad aap meri baat samjhengi...ya phir nahi...!!! par mere dil me jo aap kal thi...voh aaj hain...aur hamesha rahengi...

agar aap ke liye sari zindagi bhi mujhe intezaar karna pada...toh bhi main karunga...!!! par ek din aap jarur mujhe samjhengi...mere dil ko samjhengi...

is zindagi me...aap ke alwa na koi aur tha aur na hi kabhi koi rahega...LOVE YOU SHALINI...

Good Night

wash room ka door khula...Yudi kuch gunn gunata hua bahar aaya...aur chaunka... Shalini ke hath me khud ki dairy dekh kar...

Shalini ki nazar abhi bhi usi page par tiki hui thi...

Yudi kareeb aaya unn ke...dairy unn ke hathon se liya...!!! Shalini ne uss se kuch nahi kaha aur na hi us ki ore dekha...turn kar ke chali gayi...

Yudi ne uss page par nazar dali...

******************

cut to Naaz...

Naaz wapas aayi base camp me...!!! voh jaan nahi pa rahi thi...kuch bhi...samajh nahi pa rahi thi kuch bhi...ke kya kare...kya nahi...!!! jo uss ne vahan suna...uss baat me kitni sachhai hai...kitna jhuth hai...use nahi pata...phir bhi voh khud ko kamzor mehshush karr rahi thi...

Gunny ki nazar padi uss par...voh kafi tez kadamo se uss ke kareeb aaya...!!! par Naaz ko jaise kisi chiz ka hosh nahi tha...!!! voh lagbhag apne pairon ko ghaseet te hue apne kamre ki aur ja rahi thi...

Gunny ne ek baar use piche se bulaya bhi...par Naaz kuch bhi sunn nahi pa rahi thi...

uss ka pair achanak kisi se takraya...voh giri...!!! Gunny aaya use uthane...par Naaz bina kisi ke sahare ke khud vahan se uthi...Gunny ki taraf dekha bhi nahi...

Gunny hairan tha...Naaz ko iss tarah se dekh kar...

Naaz tuti hui...bikhri hui si lagg rahi thi...

******************

cut to maj Rajveer...

maj Rajveer apne office room se nikle...sath me Alekh tha...!!!

maj Rajveer:-"Huda aur tum Naina par nazar rakhna...main head qtr ja raha hun...!!! vahan se aa kar tum sab se milunga...!!!"

Alekh:-"jee sir...

maj Rajveer chale gaye...apne jeep ki taraf...phir kuch socha...!!! aur ground ki taraf gaye...toh dekha...Naina...kuch soldiers k sath khadi thi...sayad kisi mock drill ki tayari karr rahi thi...

Alekh aur huda thodi hi duri se aa rahe the Naina ke paas...unn ki nazar padi...maj Rajveer par...dono ruke...

maj Rajveer ne Naina ko bulaya...

Maj Rajveer:- "Lft singh...

Naina aayi unn ke paas:-"yes sir...

maj Rajveer:-"kuch kaam hai...isiliye head qtr ja raha hun...!!! Naaz bhi nahi hai...voh bahar gayi hai...!!! varna main use keh deta...voh tumhari duty khatam hone ke baad...tumhare paas aa jati...!!! khair...tum apna khayal rakhna...aur Huda aur Alekh ko apni duty puri karne dena...!!!thik hai...

Naina ne mushkura kar saar hila diya...

Naina:-"aap sham tak wapas aa jayoge...???"

maj Rajveer:-"hmm...sham tak aa jayunga...!!!"

Naina ne maj Rajveer ke chehre ki pareshani dekhi...aur samjhi bhi...

Naina:-"main thik hun...aur aap fiqar mat ki jiye mujhe kuch nahi hoga...aur sab kuch thik hi hoga...

maj Rajveer ke chehre par ek halki si smile aayi...unhone kaha:-"janta hun...itna toh yakeen hai hi...

maj Rajveer chale gaye...kuch faishla...kuch orders unn ke liye intezaar karr rahe the...head qtr me...

Huda kareeb aaya...Naina ke aur kaha:-"tu ja Phulan...apna kaam khatam kar...!!! phir sath me lunch karte hain...!!! mere pet me bhaish kudd ne lage hain...

Naina:-"ohh...God...Huda...kabhi toh khane-peene ki chinta se bahar aa...!!!"

Alekh:-"log jeene ke liye khate hain...aur yeh kambakhat khane ke liye jee raha hai...!!! tu jaa Naina...apna kaam khatam kar...!!!"

Naina chali gayi...Alekh ne Huda ki taraf dekh kar kaha:-"kar di na tune tabele wali baat...!!! tere pet me bhaish kudd raha hai...

Huda:-"abe...bhaison ke bich me bada hua hun...chuho ke bich me nahi...toh pet me bhi toh bhainsh hi kudenge na...chuhe toh nahi...!!!"

******************

cut to head qtr

maj Rajveer head qtr me col Gupta ke samne baithe hue the...

col Gupta:-"par iss se toh kafi khatra ho sakta hai major...!!!"

maj Rajveer:- "bina khatara uthaye koi kaam nahi ho sakta hai...sir...!!! aur maine aap se kaha tha na ke yahan par ek spy hai...!!!"

col Gupta:-"haan...aur uss par nazar rakha ja raha hai...aur uss ke sathi par bhi jo ki base camp me maujud hai...aap logon ke kareeb...

maj Rajveer:-"sir aap chahe toh apne superior ko inform kar sakte hain...par aap ko report karna meri duty hai...isiliye mujhe laga ke main aap ko sab kuch bata dun...!!!"

col Gupta:- "mujhe tum par bharosha hai maj...karo tum jo karna chahte ho...!!! hum kisi terrorist ke liye apne ek jaanbaaz sipahi ko maut ke hawale nahi kar sakte...!!! aur mujhe iss bare me apne superior se kya kehna hai...voh mujh par chod do...!!! tum voh karo...jo tumhe sahi lagta hai...!!! main tumhare sath hun...!!! aur ek baat ka khayal rakhna...!!! tum kaise sab kuch karoge...yeh sab kuch sirf aur sirf tum par depend karta hai...lekin ek baat yaad rakhna...samne sirf Lft Singh nahi hogi...tumhari Naina hogi...!!! aur ek baat end moment tak kisi bhi plan ke bare me kisi ko bhi mat batana...bass apne juniors ko orders dena...taki voh use karen...without any ques...!!! samajh gaye...

maj Rajveer thoda mushkurate hue kaha:-"yes...sir...!!! aap mujh apr bharosha rakhiye...jo bhi hoga voh sahi hoga...aur main kisi ke bhi sath galath hone nahi dunga...!!! aur rahi baat Lft Singh aka Naina ki...toh voh meri zimmedari hai...main use kuch hone nahi dunga...!!! yeh mera vaada hai...khud se...

maj Rajveer bahar aaye col Gupta ke cabin se...abhi un ka mission aur bhi jyada khatron ke bich se janewala hai...!!! abhi baht kuch karna hai...unhe...

faishla maj Rajveer ne liya hai...aur use bina nukshan ke pura karna hoga un ke mission me samil hue sabhi soldiers ko...

******************

cut to Yudi...

Yudi pahuncha Shalini ke cabin ke bahar...knock kiya...par koi jawab nahi aaya...

voh ander aaya toh dekha ke Shalini chup si baithi hui thi...Yudi ko dekh kar kaha:- "main abhi kafi busy hun...aap baad me aayiye...

Yudi:- "par mujhe aap se abhi baat karni thi...

Shalini ne use straight dekhte hue bola:-"aur main keh chuki hun ke main abhi baht busy hun...aap baad me aa sakte hain Lft...!!! main aap ki senior hun...iss baat ka khayal rakhen...

Yudi kafi tezi se Shalini ke kareeb aaya...!!! Shalini hairan thi...uss ne kabhi Yudi ko iss tarah se nahi dekha tha...!!! uss ke chehre par ek gussa saaf nazar aa raha tha...

Shalini ke behad kareeb aa kar voh bola:- "mujhe nahi pata...aap kya sochti hain mere bare me ya phir meri dairy padhne ke baad...aap mere bare me kya khayal rakhti hain...!!! aap ki yeh berukhi na toh mere jazbaat ko badal sakte hain aur na hi mere feelings ko...jo aap ke liye hain...!!! mujhe koi farq nahi padta hai ke aap mere bare me kya sochti hain ya phir kya nahi sochti...!!! aur vaise bhi main na toh aap se kuch expect karta hun...aur na hi mujhe aap se kuch chahiye...!!! main yeh bhi nahi chahta ke aap mere bare me vohi feel kare jo main aap ke liye feel karta hun...!!! dard mera hai... jise maine chuna hai...iss se aap ko koi farq nahi padna chahiye...!!! taklif mujhe iss baat se hui hai ke...mere pyar ke liye mera best frnd mujh se naraz hai...!!! lekin na main toh apne best frnd ko bhul sakta hun aur na hi apne pyar ko...

Yudi itna keh kar chala gaya...door ke paas ruka phir kaha:-"main bass yehi kehne aaya tha...ke main aap se kuch bhi expect nahi karta...par aap ka mujhe yun ignore karna taklif deta hai...

Yudi chala gaya...Shalini ko akele chod kar...apni uljhano aur taklif se akele laddne ke liye...

Shalini baithi apne chair par...

"dil-e-barbaad se niklla nahi

ab tak koi

ek lute ghar pe diya karta hai

dastak koi

aas jo tut gayi,phir se bandhata

kyoun hai"

******************

cut to Naina...

apne qtr me baithe koi book padh rahi thi...

uss ke door par dastak hui toh...uss ne wall clock par nazar dali...dekha sham ke 7:00 bajj rahe the...

Naina ne khud se kaha:-"Alekh ne toh kaha tha ke 9 baje aayega aur sath me cafeteria jayenge dinner karne...phir itni jaldi kaise...

darwaze ki taraf jate hue uss ne phir se khud se kaha:-"jarur Huda hoga...kabhi bhi tapakta rehta hai...aur apni bhainsho ki kahani sunate sunate mujhe pakata rehta hai...

Naina ne irritate ho kar door khola...toh samne maj Rajveer ko dekha...

jo ki kafi khoye hue se lagg rahe the...kisi uljhano ke bich me phanshe hue...!!! army uniform me nahi the...casual me the...!!!

maj Rajveer ke chehre par voh smile bhi nahi thi...unn ki nazar bass Naina ko dekh rahi thi...aise jaise baht kuch kehna ho...

Naina ne halke se mushkurate hue kaha:-"ander aayiye na...

maj Rajveer ko jaise hosh aaya...

maj Rajveer:-"hmm...

maj Rajveer ke ander aane ke baad...Naina ne door bandh kiya...toh dekha...maj Rajveer diwar par lagi tashveeron ko dekh rahe the...

ek tashveer me Naveen ke sath Naina thi...aur dushre me voh Naina ke sath the...

Naina kareeb aayi unn ke...janti thi ke voh kitne pareshan hain...

Naina:-"maine abhi tak dinner nahi kiya...sath me cafeteria me ja kar karen...ya main yehi order kar lun...???"

maj Rajveer:-"Huda ya Alekh nahi hain yahan...

Naina:- "abhi tak toh yehi the...abhi kuch der pahle hi gaye hain...9 baje aane wale hain...!!! koi urgent kaam hai toh bula lun unhe...

maj Rajveer aa kar baithe ek sofe par...phir kaha:- "nahi rehne do...

Naina un ke samnewali sofe par baithi aur kaha:-"kafi thake hue lag rahe hain...coffee layun...!!!"

maj Rajveer ne Naina ki taraf dekha...kuch sochte hue kaha:- "nahi...thik hai...!!! mujhe actually tum se kuch baat karni thi...

Naina:-"haan...kahiye na...

maj Rajveer uthe sofe se...aur Naina ke paas aa kar baithe...phir Naina ka hath thama...Naina ko thoda ajeeb lagg raha tha...voh unhe bass dekhe ja rahi thi...

maj Rajveer ki nazar Naina ke haathon par the...jinhe unhone thaam rakha tha...

phir kaha:-"ajeeb si baat hai Naina...ke main hamesha her baat tumhe bina jhijhak ke keh deta tha...par aaj kuch ajeeb sa lagg raha hai...

Naina:-"aisi kya baat hai...

maj Rajveer ne Naina ki ankhon me dekha...khushi thi...kyoun ke maj Rajveer uss ke sath the...par ek sawal bhi tha aur voh yeh hai ke...'voh iss waqt maj Rajveer ko samajh nahi pa rahi thi...par unn ke ankhon me ek confidence tha...jise Naina dekh bhi pa rahi thi aur mehsush bhi karr pa rahi thi...

Naina:-"aap ko kuch kehna hai...

maj Rajveer ke chehre par achanak se ek mushkaan aayi...unhone dekha Naina ke chehre ki taraf...Naina ka dil kafi zorr se dhadka...pata nahi kyoun...jo uss ka dil toh samajh raha tha...par Naina nahi samajh pa rahi thi...

maj Rajveer:- " vaise...aaj kafi achhi lagg rahi ho...kahin bahar chalen...???"

Naina thodi si hairan thi...phir bhi uss ne mushkura diya...dhire se kaha:- "unn ke aa jane se aa jati hai jo chehre par raunak...

voh sochte hain ki bimar ka haal achha hai..."

maj Rajveer ke chehre par vohi smile abhi bhi thi...dhire se aage aate hue unhone ne Naina ke cheek par kiss kiya...

******************

kareeb 10 min baad...Naina...maj Rajveer ke sath...un ke car me thi...ek pink salwar suit me...!!! use nahi pata tha ke voh dono kahan ja rahe hain...jann ne me voh bass itna janti thi ke voh maj Rajveer ke sath kahin ja rahi hai...aur uss ke liye yehi baht thi...

rashte bhar maj Rajveer chup the...na Naina se kuch kaha...aur na hi Naina ne unn se kuch pucha...!!! haan...bich bich me Naina unn ki taraf dekhti jarur thi...aur sirf itna hi samajh payi thi ke...'maj Rajveer sayad uss se kuch khaas...aur urgent baat karne wale hain...'

kareeb 20 min baad...maj Rajveer ne ek jagah par apni car roki...!!! Naina ne dekha... ek choti si Lake ke paas un ki car khadi thi...!!! hawa thodi si sard thi...phir bhi mahual kafi achha tha...!!! do dino se barf girrna bandh tha...isiliye thand thodi si kamm thi...!!!

Naina car se bahar aayi...!!! thoda sa hairan hui...use nahi pata tha ke yahan par ek aisi bhi jagah hai...!!!use achha lag raha tha...!!! uss ne turn kar ke dekha...maj Rajveer apne car ke paas hi khade the...aur use hi dekh rahe the...

Naina ne mushkura diya...paas aayi unn ke...aur kaha:-"yahan kyoun khade hain... vahan kinare par chalte hain na...

maj Rajveer:-"nahi...yehin raho...mere kareeb...

Naina:-"voh toh main hamesha hi rehti hun na...

itna keh kar Naina ne unn ka hath thaam kar kinare tak le kar gayi...!!! dono baithe vahan par...

phir Naina ne maj Rajveer ki taraf dekha...jinn ki nazar lake ke pani par tiki hui thi...

Naina:-"baht hi buri jagah hai yeh...!!! chaliye chalte hain...

maj Rajveer thoda hairan ho kar kaha:-"kyoun...??? abhi toh tum yeh kah rahi thi ke yeh achhi jagah hai...phir achanak kaise...

Naina:-"kyoun ke main aap ke itne kareeb baithi hui hun...aur aap hain ke...apni nazar Lake par dal kar baithe hue hain...

maj Rajveer ke chehre par ek smile aayi...unhone Naina ka hath thaam kar kaha:- "toh phir meri nazar kahan honi chahiye...???"

Naina:-"sirf mujh par...!!! aap batayiye...main jyada intresting hun aap ke liye ya phir yeh Lake...!!!"

maj Rajveer:- "dono...

Naina:-" dono...???

maj Rajveer:- "haan...dono...kyoun ke tum iss lake ke paas ho...isiliye yeh lake aur bhi jyada achha lagg raha hai...!!!"

Naina:- "hmmm...mujhe nahi pata tha ke...aap ko flirting bhi karni aati hai...!!!"

maj Rajveer hasse thoda khul ker...phir kaha:-"pahli baar try karr raha hun...aur voh bhi tumhare samne...!!!

Naina:- "vaise...aaj mujhe yahan lane ki koi wajah...???"

maj Rajveer:- "kuch khaash nahi...bass...tumhare sath kuch pal bitana chahta tha isiliye...

dono yun hi kuch der baithe rahe...!!! achanak bijli chamki...ashman me...

Naina:- "sayad barshat honewali hai...wapas chalte hain...!!! bheeg jayenge toh tabiyat kharab ho jayegi...

maj ajveer ne mushkurate hue kaha:-"yeh tum keh rahi ho...??? jab ki tumhe toh barish me bheegna jyada pasand hai na...!!!"

naina:-"haan...par abhi baht kaam hai...agar bheegne ke baad bimar padd gaye toh hamara kaam koun karega...hamari mission kaise puri hogi...aur phir agar sath me bimar pade...toh mera khayal koun rakhega...kyoun ke aap bhi toh tab bimar honge...hai na...!!! isiliye hum dono ki behtari isi main hai ke...hum philhaal yahan se bhaag jate hain...phir kabhi aayenge...jab sab kuch thik hoga...

maj Rajveer ne kuch nahi kaha...bass Naina ko dekhte rahe...

Naina mushkurayi...aur khadi ho kar maj Rajveer ka hath thaam kar unhe bhi zabardasti khada kiya...!!! unn ke hath se car ki chabi li...aur kaha:- "jaldi chaliye... varna bheeg jayenge...!!!"

achanak Naina ka hath thaam kar...maj Rajveer ne use apne kareeb khinch liya...

Naina takrai...maj Rajveer ke seene se...hairan ho kar unn ke ankhon me dekha...

maj Rajveer ki awaz kafi saaf thi...

"WILL YOU MARRY ME NAINA..."

end of the episode

******************

Plz do comments or press the LIKE button.😃

Edited by Sweet-Lioness - 14 years ago

Quote

Priya

@Sweet-Lioness

Inactive

+ 2

Posted: 14 years ago

#59

Hiiieee...

pata hai ek iss baar bhi update late karr rahi hun...!!! par...aage se sayad aisa na ho...!!! kyoun ke mere sare fics khatam ho chuke hain...aur sirf yehi baki hai...toh isiliye sayad main jaldi jaldi update likh payun...😃

meri prob yeh hai ke...aage kya likhna hai...vohi samajh me nahi aata...!!! aur dil se sochte sochte...dimag me la kar likhne me late ho jati hun...!!! aur isiliye update karne me itni late hoti hun...😭

meri aur ek kaarnama suniye...!!! main hamesha update draft me save karti hun...kyoun ki sab ki nazar se chup kar jo rehta hai...ha ha ha...😆!!! monday subah ko bhi maine vohi kiya...pura update likha...!!! par main bhi na...ab khud ko kya gali dun...😆!!! bina uss draft ko save kiye maine sign out kar diya...!!!🤢

Dhara iss ke liye mujhe spl word se bulayegi...GADHI...ha ha ha...😆!!! par main pata nahi kyoun uss din kafi distracted thi...isiliye yeh galati ho gaya...!!! vaise dopaher ko Mana ne Dhara ki kami puri kar di...😆

jab mera itna bakk bakk sunn hi chuke ho...toh ek baat aur bhi sunn lo...!!! mere dimag-less dimag me koi bhi idea ghush nahi raha tha ke Rajveer naina ko kaise propose kare...!!! isiliye jo bhi dil me aaya likh diya...plz...hamesha ki tarah iss baar bhi adjust kar lena...😛

ab iss baar toh kisi ko prob nahi hai na ke maine galat jagah par update ko roka...!!! ab yeh toh...sab ko pata hai na ke naina ka jawab kya hoga...😛

love yah

Priya😃

Edited by Sweet-Lioness - 14 years ago