RESONANCE, New RN Fic,updated 03.06.09

Har taraf andhera chaya hua tha. Phir bhi jo thora bohut roshni thi uss roshni main dikh raha tha saare furniture bikhre hue the.
Khidki ke saare seeshe tut kar floor main idhar udhar gira padha hua tha. Floor main khun ke dabbhe laga hua tha.Iss bich Suraj ki roshni
ki ek kiran dikhai diya.Woh iss narak(hell) se bahar nikalne ka ek raasta tha.Jaise hi darwaje ki kareeb gaya, achanak ek explosion ki awaz aayi.
Aur bohut saare kabutar jaise darr kar udh gaya.

Rajveer ka need ek jhatke main tut gaya.Woh poora passene se latpat tha, uska poora sarir kaap raha tha. Woh kisi bhi tarah uth kar
washroom main gaya fresh hone ke liye. Fresh ho kar usne ek shawl main khud ko wrap karke jab bahar aaya to dekha subah ho raha hai.baadi baadi tree ke beech main se suraj dikh raha hai.Jaise Arora(the goddess of dawn in Roman Mythology)apni chariot main aa rahi hai
duniya ko roshni dete hue.Zameen pe giri hui fresh dews jaise Arora ki aasu hai apni lover Tithonus ke liye.Yeh dekh kar Raj ke dil main jo
bechani uthi thi woh bura sapna dekh kar woh shant ho gaya.Vaise usse bura sapna kehna galat hoga,kyuki woh sapna nahin, ek bohut karvi
beeti hui haqeqat hai.
Rajveer Singh Sekhawat ek doctor hai,woh Mumbai main reheta tha,uske family main vaise koi nahin tha,uske mom dad ka maut
bachpan main ek accident main ho gaya tha.Uske parents ke death ke baad woh Kolkata main apne uncle paas rehta tha,tabse Lala
Gehlot aur unke beti Sherry hi uske liye sab kuch hai.Lalaji bhi doctor hai.Raj jab Mumbai main tha tab uski dosti Ritu Mishra se hui
thi.Ritu ek NGO main kaam karti thi.Waqt ke saath dosti kaafi gehri hoti gayi.Phir aaya woh din 26th November,2008 Raj Ritu ke saath
Taj Hotel gaya tha ek party attend karne,& uske baad hua desh ka sabse badha terrorist attack,Raj Ritu ko hamesha ke liye kho deta
hai, aur uss din ke baad uska zindagi badal jaata hai.Itna nafrat, itna gussa kyun?logo ko itni behremhi se kaise marte hai yeh log?
yeh sawal saare logo ke saarh saath Raj ke dil main bhi beth gaya tha.
Uske baad Raj vapas Kolkata chala aata hai.Lekin yeh incident uska peecha chora hi nahin, bura sapna ban kar reh gaya.Usko raat
main need nahin aata tha,Sleeping pills ki aadat pad gaya tha usko, pills ke bina usse need nahin aata tha,uske andar ek darr bas gaya
tha.Lalaji yeh dekh kar Raj se kaha ki woh kuch dino ke liye kahin dur chala jaaye.Lalaji ki kehne par hi Raj North Bengal ki iss choti si
village main aaya hai,Raj yaha ki choti si health center main doctor banke aaya hai.Yaha bohut ghane jungle hai,chota pahad bhi hai.
Bohut hi khubsurat jagah hai.lekin development nahin hua hai. yaha ki logo ki halat bohut hi kharap hai. Raj kal hi yaha aaya hai,long journey karke aaya tha, isliye tried ho kar bina sleeping pills liye so gaya tha.
Isliye subah Raj phir se wohi sapna dekha.Kal raat usse Alekh se mulakat hui thi, bohut hi accha ladka hai,health center ka compounder.Raj ek chota sa bunglow main reh raha hai.yeh British period ka hai, yaha par British officers apna waqt bitane aate the.
Raj andar aakar apne saman main se ek chota sa teddy bear nikalta hai,uss teddy bear ko thora sa press karte hi uss doll main se
sound nikalta hai.Raj ki aankho main aasu aa jata hai
Raj- ajeeb baat hai naa Ritu yeh teddy tumne mujhe gift karke kaha tha jab tak tum ho tab tak yeh bhi bolta rahega,par dekho aaj
tum nahin ho phir bhi yeh bolta hai.

well accha lage to batana,tab continue karungi.

gr8 to see ur new fic....

awesome start indeed....

updt soon

...
lipi

cont soon...may be i wont be able to cmnt coz of my ongoing xams but i will defntly read it

Nice start....very intersting

Please do continue soon..would like to read more

Sounds Interesting ..

do continue with it .

take care

yasmin

well it sounds quite interesting

Darwaje pe knock sunke Raj sapno ki duniya se bahar aata hai.Raj jaa kar Darwaja kholta hai.Dekhta hai bahar Alekh khada hai.
Alekh- Goodmorning, doctor saab
Raj- Goodmorning Alekh,andar aao naa.
Alekh- need aayi thi naa kal? itni subah subah aap uth gaye,vaise suna hai saher main rehne wale log der se jagte hai.
Raj- nahin nahin, aisi koi baat nahin kal jaldi so gaya tha naa, isliye jaldi uth gaya.
Alekh- arre haa doctor saab main aapke liye khana laaya tha.
Raj- thanks Alekh,mujhe iski zarurat tha, mujhe naa khana banana nahin aata hai,itne saal ghar se door reh raha hoon,phir bhi nahin.
Alekh- tension mat karo, aap to yaha ka mehmaan ho,vaise bhi ghar ki kaam karne ke liye aur khana banane ke liye main kisiko

dhund lunga.
Raj- Thanks Alekh,lekin plz tum mujhe yeh doctor saab mat bulaya karo,Raj keh kar bulana, aur haa tum bolna,tum to aise baat kar
rahe ho, jaise main 60 yaa 70 saal ka hoon.
Alekh sirf muskurata hai.
Raj- vaise Alekh health center yaha se kitna door hai?
Alekh- thora door hai.paidaal chologe to 10 min lagega,vaise halat bohut kharap hai.
Raj- kyun??medicine bagera thik se supply nahin milta kya??
Alekh- Government se supply milta hai time par, par koi doctor nahin hai.upar se in logo main koi awareness nahin hai.
Raj- matlab?
Alekh- yaha par log abhi bhi jari buti se kaam chalate hai,aap dekhna din bhar koi nahin aayega.
Raj- kya baat kar rahe ho?suno main taiyaar ho jaata hu,mujhe health center jana hai,raasta to nahin malun,upar se to main kisiko
bhi yaha jaanta nahin hu.
Alekh- aap taiyaar ho jao,saath main chalenge, main ghar se abhi aata hu.Aur haa khana kha lena,vaise main jaldi intezaam kar lunga.
Thori der baad,
Raj aur Alekh ek saath chal raha hai,Raj idhar udhar dekh raha hai.
Raj- ek baat to hai Alekh, yeh jagah bohut hi khubsurat hai.Vaise aur ek baat yaha ki logo ka kaam kya karte hai?
Alekh- zyada tar log kishan hai, kheti bhari karte hai,saari zameen to vaise Thakur saab(jisne LRL main Brigadier Chandok play kiya

tha)aur unke kuch khaas logo ke naam hai.Aur unka ek lapanga beta bhi hai Huda,insaan ko to insaan nahin samajhte yeh log.
lo baat karte karte pauch gaaye............Arre Naina tum?
Yeh keh kar Alekh kisi ke taraf daud kar jaate hai.Raj bhi ussi taraf dekhta hai.Dekhta hai darwaje ke paas ek ladki bethi hai,usne
safed sarre pehni hui thi.Raj bhi Alekh ke peeche jaata hai.Alekh ke peeche Raj ko dekh kar ladki apna ghungat thik kar leti hai,aur
Raj ke taraf pit karke khadi ho jaati hai.
Alekh- Naina tum yaha par itni subah subah........main bhi kya sawal puch raha hu?un logo tumhe phir se maara hai naa?
Naina-....................................
Alekh- arre aise peeche mudh ke kyun khadi hai?
Phir Alekh ke nazar Raj ke taraf padhta hai.
Alekh- arre Naina,tu inke bajah se peeche mudh ke khadi hai,yeh naa yaha ka naye aaye hai,doctor hai.arre baba, dekh naa.
Naina dhere dhere Raj ke taraf ghum kar,apna shar jhuka kar khadi ho jaati hai.Raj Alekh ke taraf dekh kar ishare main puchta hai
kya hua hai?
Alekh bina kuch kahe lock khulta hai, aur andar jaa kar windows kholta hai.Phir bahar aa kar Raj ko ishara karta hai, aur Naina ko

bolta hai, andar chal,dawai to leni hai naa?Yeh keh kar Alekh andar aata hai,Naina bhi derhe derhe uske peeche aata hai.
Alekh- Doctor saab..mera matlab Raj, isko dawai de do naa
Raj- kya hua hai aapko?
Alekh- hua kya hoga, maara hai isko.Naina,yeh doctor hai,inke paas aise ghungat udh kar kyun khadi hai tu?inse kya chupana?
Naina phir bhi aise khadi rehti hai.
Alekh - arre yeh dekhenge nahin to tera ilaaz kaise karenge?main kehta hoon, dikha, mera bhi baat nahin manegi kya tu?apni bhai ki

baat bhi nahin manegi?
Yeh sun kar Naina apni haath nikalti hai, jo usne apni sarre se chupa kar rakha tha,Raj & Alekh dono dekhte hai,Naina ka haath jala

hua hai, kisi ne kuch garam chiz se jala diya hai.
Raj- oh my god..aapko kisne aise maara?aapko to police main complain karna chayiye.
Naina ab Raj ke taraf dekhti hai.Raj ab thik se Naina ko dekhta hai,umar kareeb 21-22saal ki hai.aankho main aasu hai,aur ussi

aankho main Raj kho jaata hai,kuch to baat hai uske aankho main, jaise sagar ki gehrai,Raj ko laga woh inn aankho main dub jayega.
unn aankho main bohut dard bhara hua tha,bohut takleef tha,Raj ko aisa laga jaise iss ladki ko madat ki zarurat hai.
Raj apni khayalon se bahar aata hai.Dekhta hai ladki uske taraf kuch ajeeb tarike se dekh rahi hai,Raj samaj gaya Naina uncomfortable

feel kar rahi hai.
Raj- aapka naam Naina hai naa?
Naina haa main apna shar hilati hai.
Raj- aap thori der yaha par bethye,....arre ghabraiye mat, main kal hi yaha par aaya hu naa, mujhe nahin pata hai dawai kidhar hai?
isliye dhudna parega.Alekh..
Alekh- chalo, dikhta hu.
yeh keh kar Alekh Raj ko dusre kamre main le jaata hai.Raj packing kholta hai.
Raj- Alekh,aise mahengi dawai aise padha hai?khair choro.
Raj thori der dhudne ke baad un main se ek cream nikalta hai, aur bahae aa kar Naina ko deta hai.
Raj- suniye, aap isse lekar ghar jaiye,aur jali hua jagah par lagaiye,kuch der to jalan hogi,phir aaram mil jayega,jaha jaha jala hai har jagah
digiyega,kyuki mujhe lagta hai aapka sirf haath hi nahin jala hai.
Naina ek baar Raj ke taraf dekhti hai,phir dheere dheere chali jaati hai.Raj kuch der udhar hi dekhta hai.phir dekhta hai Alekh bhi kisi
gherei sooch main hai.
Raj- tum kya sochne lag gaaye Alekh?
Alekh-yehi ki mujhe koi mil gaya hai,jo bohut acchi tarike se yaha par aapka dekh bhal karegi. aap ko kya lagta hai aap iss ladki par

bhorosa kar sakte hai?
Raj- yeh kaisa sawal hai Alekh?Aur yeh tum kya keh rahe ho?
Alekh- iss ladki ka naam Naina hai,yeh to pata chal hi gaya naa,yeh vidhwa hai.....
Raj- What??????u mean to say she is a widow,she is too young.shaadi hi kab hui hogi iski?
Alekh- aap puri baat to suno,main jab 15 saal ka tha,tab mera ek dost ke saath iski shaadi hui thi,iski umar tab 13 saal ki thi, iska sasur
kameena Bhargav,Thakur saab ki bohut hi kareeb aadmi hai,sab thik thak chal raha tha, lekin 3 saal baad iske pati ka maut ho gaayi,
aur uske baad iske upar torture shuru ho gaayi,namuna to dekha naa,sara din ek khone main bethi rehti hai,aur raat ko ghar ke peeche
ek chota sa alag ghar hai, woha par jaa kar so jaati hai,iske jeene yaa marne se kisiko koi fark nahin padhta.Isliye agar kaam karegi, to
aap samaj sakte hai naa,gaav(village) main to koi isse aapne ghar main bhi ghusne nahin deta.
Yeh sab sun kar Raj ka muh khula ka khula reh gaya.
Raj- kaun si saadi main hum jee rahe hai Alekh?yeh par kanun naam ka koi chiz hai yaa nahin?aise Child marriage kanuni jurm hai.
Alekh- sab chalta hai yaha par, abhi to bohut kuch dekhna aur sunna baaki hai.

Itna power cut ho raha hai ki main kya kahu?update likhne ka waqt hi nahin mil raha hai,bohut jaldi main likha, check bhi nahin, agar koi galti hua hai to sorry,next update RED TRIANGLE ka hoga, & Thanks to all for replying.