RK FF:SITAM..Part 18,Page 25,14/03/2010

First Previous

Page

Next Last

Frequent Posters

ANANYA ROY

@yakkudimag

Dazzler

+ 3

Posted: 15 years ago

#171

PART 16

WHY ?

Zindagi kat rahi hai..us tarha nahi jis tarha katne ki ummeed Raj ne ki thi..par jeena toh padta hai..jee raha hai.Kranti ka hona na hona..kyaa fark padta hai?Agar saamne ho toh mushkil..naa ho toh musibat.College k dino ki Kranti,aur aaj ki Kranti..fark hai bhi nahi bhi..

Par ek baat samajhme nahi aa rahi hai..woh hai Kranti ka Raj k Dad ko lagatar blame karna..agar Grewal Saab doshi hain toh ab tak Raj ko bhanak lag jaani thi..maamla bahut pechida hai.Raj kuchh dhoondh raha tha..zaroori kagzat..mil nahi raha tha..achanak se ek chees haath me lagi..ek diary.1994 ki hai..Raj ki toh nahi hai..Raj ne diary ka panna palta aur dekha Kranti ka naam..

**********************************

Rajveer ne apne Dad ki har baat maan li..is baat se Ranjeet Grewal kaafi khush the..issi lia jab Raj Kranti ko biha kar Grewal House laaya..Grewal Saab ne zyada react nahi kia..Raj ki apni pasand hai..apni zindagi hai..agar Kranti k saath woh khush hai toh theek hai yehi sahi.Ghar ka maahol kuchh theek nahi is baat ka andaza Ranjeet ko bhi hai..par Raj ki neeji zindagi me dakhal dena nahi chaahte Grewal Saab.Barso pahle ..Kranti se mile the woh..Hindu College campus me..ussi din dekh kar samajh gaye the k Kranti Grewal Khandan k laayak nahi hai.Social change k baare me Kranti ki speech Grewal Saab ne bhi sun lia tha...Raj college me kyaa karta hai yehi jaanne k lia achanak se college me gaye the Grewal Saab..aur Kranti ko dekh lia.College k ladke ladkion ki ghup chup baatein bhi Grewal Saab k kaano tak pahoochi..jo Kranti aur Raj ko le kar Hindu College k corridores me aksar hoti rehti thi.

Par jab Kranti college chhod kar gayi..aur ussiki yaad bhula kar Raj bhi taiyyar ho gaya London jaane k lia..tab Grewal Saab ko chain mila..par tab unko andaza bhi nahi tha k Raj waapas aayega ..Kranti k lia..sirf issi ummeed par k Sanjay ki shaadi me Kranti aayegi.. zindagi k iss padav me aakar Grewal Saab ne aur koi baat nahi uthai..Raj k iss faisle par apni razamandi ki mohar laga di.

Par Raj theek nahi hai,yeh baat Grewal Saab samajh sakte hain,Bete ka dukh Baap se kabhi nahi chhupta.Raj laakh koshish kar le nakli muskurahat k aadh me apni maayusi ko chhupane ka..par Grewal Saab mehsoos kar sakte hain k yeh woh Raj nahi raha..woh toh kahin kho gaya hai..Grewal Saab mann hi mann darrte hain..Raj me ek baat hai,Raj ki mohabbat aisi hai jo is pure kaayenath ki nafrat ko apni aghosh me sama le..par Raj agar nafrat karne lage toh kuchh iss tarha k dono jahan ki mohabbat par bhaari padh jaaye.Tab Raj kisiko nahi baksh dega..chaahe koi bhi saamne ho..Raj ko apni manmaani karne se nahi rokna chaahte Grewal Saab,par chinta issi baat ki hai k Kranti k saath Raj ka rishta kis raah par jaa raha hai..woh raah ek aam shadishuda zindagi jaisi toh nahi hai.

Beeta hua waqt waapas nahi aata ,naa hi kamaan se chalaye hue teer ko waapas modha jaa sakta hai.Agar inme se ek bhi baat mumkin hoti toh shaayad Grewal Saab ko aasaani hoti.Kulvindar Singh ko jaan se maarne ka koi irada nahi tha,par woh waqt hi aisa ban gaya,k aur koi rasta nahi bacha.Raj ki Maa se jab pata chala Kranti k baare me,tab ek teer se do nishana lagane k iraade se Hoshiyarpur gaye the Grewal Saab.Business Exapansion karne k lia jo zameen chahie thi,uske lia Chaudhury Kulvindar Singh ko apne haath me rakhna,woh us waqt sahi bhi laga.Par ,Chaudhury Kulvindar Singh toh the Kranti k hi Pitaah,zid aur akad unme bhi kuchh kum toh nahi thi.

********************************

"Aaj college ka pehla din tha,achha tha aur bura bhi,ek senior ladke se aamna saamna hua,jo pure college me mashhoor hai,Rajveer naam hai uska,par usse mulakat ka anjaam kuchh achha nahi tha,kaafi baatein sunni padi doosri senior students se..khair,college me hi aisa hoga..yehi waqt hai,aise ghatanon se guzarneka.."

Pahle panne par itna hi likha tha,fir Raj ne panna palta.

"Yeh admi paagal hai kya?Zor zor se mera naam pukaar raha tha,canteen le jaa kar sharbat peelane ki baat kar raha tha,kisi tarha main bach kar aayi,par maamla kuchh theek nahi lag raha hai.In kai dino me jitna jaana hai uske baare me,yeh sab theek nahi, par haan..baat hai is bande me.Par meri manzeel kahin aur hai,bahek jaane ka koi irada nahi hai mera."

"Rajveer alag hai,bheedh se alag nahi,par bheedh me alag.Uske jaise lafange type bande toh bahut ghoomte hain Delhi k college campus me,par isme ek alag si baat hai.Rab ne isko shakal bahut achhi di hai,sab mila kar ,he is very handsome,sab se khubsurat hain Raj ki aankhe,usse aamna saamna naa ho toh hi behtar,uski aankhen bahut khatarnaak hai, uski aankhon me zyada der tak dekhna matlab,apni niyat ko khatre me daalna,shayad college ki saari ladkiyan inhi aankhon par fida hain..hairani ki baat yeh hai k main jitna bhaagti hoon is bande se,yeh utna hi mere peechhe aata hai..aisa kyaa dekha usne mere me?Bahut hi aam ladki hoon,college k baaki students ne already mujhe ek naam dia hai, "Khadi Bhandar." Raj ki type ki main nahi..woh toh Hero hai college ka..handsome and rich bratt..haan,Raees khandan ki main bhi hoon,khaate peete kissan ki Beti hoon,par Raj k muquable main kuchh bhi nahi..his father is a business magnet..aur humari zindagi bahut alag hai..humara rahen sahen,humari soch,humare usool.............khair,in sab baaton ka kuchh matlab nahi,naa hi koi faaida.."

Raj padhta chala gaya..khud ko rokna namumkin hai..

"Blackboard par jis din Raj ne us tarha mere naam se apna naam joda tha,us din baat ko nazar andaaz kia,haalaan ki Professor ne kaafi khilli udhaai meri..par aaj sach me hadh ho gayi..chitthi,aisi ghatiya chitthi,mann kehta hai k yeh harkat Raj ki nahi hai..par ho bhi sakta hai,insaan ki niyat ka koi bharosa nahi..main bhi kahan kum thi..Principal k paas gayi..aur Raj k sar par,maine chappal utne nishane se nahi maara tha..par woh seedhe Raj k sar par jaa kar padegi mujhe kahan malum tha..par dil ko ajeeb sa sukoon mila,is Raj ki wajah se mujhe kaafi taunting jhelni padi..students tak theek tha..ab toh Professor bhi.. achha hai..main Delhi me aai hoon padhne,apni beizzati karane nahi..Raj..bike me ghoomna,logon ko satana aur cigar fookna..iske siva aata kyaa hai usko?Padhai me koi dilchasbi nahi hai is bande ko.. Baap Dada ne jaaidad banayi hai..janaab udha rahe hain.. sharam k maholle se shayad yeh banda guzra bhi nahi.."

Raj hansne laga,Kranti itna sochti thi Raj k baare me?Kaash yeh sab Kranti Raj se khud kehti..

"Breaking news,Raj shareef nikla..yeh harkat Raj ki nahi..kyaa karoon..maine apne lia saza choon toh lia..par darr mujhe bhi hai..agar mere pairon me kuchh choobh gaya toh.. khair,panga jab lia hai..toh peechhe kyun hatoon..par is Raj ko kabhi gaaon k akhade me kisi pahelwan k haathon dhobi pachhad khaate hue dekhoon..toh kaleje veech thand pad jaaye,mann karta hai isko tractor k neeche khuchal doon..kitna bada kameena hai.. blackboard par ussine likha tha..khule aam bol gaya.."

"Insaan kitna bada nautanki ho sakta hai..Raj ko dekh kar pata chalta hai..uski wajah se aaj main nange pair ghoom rahi hoon college me..kameena insaan..aaj sympathy dikhane aaya tha..afsos ho raha hai us din kyun ek hi chappal maara..doosra bhi maarna tha..aaj mann kar raha tha kas k ek thappad maaroon aur uska hoolian bigaad doon..ghatiya
insaan kahin ka.."

Raj ka chehra hans hans kar laal ho gaya...

"Ghar se door ghar mila..Nirmal dost bhi hai aur bahen bhi..Chaijee aur Baojee bade befikar ho gaye meri taraf se..achhe logon k saath hoon..Dariagunj ka yeh ghar,bahut apna apna lagta hai..yehan ki galion se guzarti hoon toh lagta hai apnon k beech me hoon..kabhi kabhi ghar par khana banane nahi deti hoon..hum teeno chale jaate hain baahar khaane..maza aata hai.."

"Ek Raj kya kum tha?Uske saath Sanjay bhi kahan se aa gaya..Nirmal par lattoo ho gaya hai Munda..Rabba..ishque da aisa bukhaar..besharmon ki tarha dono aaye,aur khana bhakos kar gaye..Nirmal bhi na..kyaa zaroorat thi Raj ko bulane ki?Aur Sanjay..usne khud hi daawat lia.. besharam..aur yeh Nirmal bhi..kaise daant nikaal rahi thi Sanjay k saamne.."

"Maine socha tha,election me main hi jeetoongi..par Raj jeet gaya..pata nahi kaise..Raj k jeetne par utna bura nahi lagta agar woh ek sincere contender hota..but woh election me khada hua mujhse bheedhne k lia..GS Election ko ek mazak bana kar rakh dia Rajveer Grewal ne.Jhamela main kar sakti thi..par kyaa faaida ..mujhe kichand se khelne ka koi shaukh nahi.."

"Aaj saabit ho gaya..k main kitni sahi thi..Nirmal humesha kehti thi,k Raj achha hai..par Raj kitna geera hua hai..aaj saabit ho gaya..ghalati meri bhi hai..main uski baaton me aai..uske saath uske ghar gayi..aur apni Party k saamne gaddar saabit hui..college me mujhe kai naam se pukara gaya..main naatak kar rahi thi Raj k against jaane ka..asal me Raj se mera chakkar chal hi raha tha..dogle kisam ki insaan hoon..aur bhi bahut kuchh kaha gaya mujhe..Rajveer kahan gaya..kuchh pata nahi chala..shaayad ghairat hai usme..muh chhupakar baitha hoga kabhi.Mujhse nazre mila kar jhoot bolne ki himmat shaayad usme nahi hai..par main sahi thi yeh baat saabit hote dekh..mujhe khushi kyun nahi hai?"

Hmm..toh yeh baat hai..agar khushi nahi thi toh Raj ka intezar karti..Raj jab uske saamne hota toh usko kharikhoti sunati..par Kranti chali gayi...pal bhar me kai saaloon ka safar kar lia Raj ne..jaise beeta hua kal aur guzra hua waqt ek dum se aankhon k saamne se ek baar fir guzra,jaise kal hi ki baat ho..

"Sab ko laga main Delhi chhod kar gayi humesha k lia,par mujhe final exams k lia wapas aane pada..Baojee ki koshish se mujhe Miranda House me admission mila,final year me.. jaanti hoon..ghalat tareeke se maine yehan admission lia..par main kaise apna saal barbad hone deti?Par Hindu College Campus me dobara kadam toh nahi rakhoongi main.."

Ohh..toh Kranti Miranda House College me thi...ohh no..Delhi me thi..par sab ko yehi pata tha k woh Delhi me nahi thi,ho sakta hai us waqt woh Dariagunj bhi nahi gayi hogi..tabhi.. Raj jab Hoshiyarpur gaya tab Kranti wahan mili nahi..Par sunne me toh yeh aaya tha, Kranti ne bhi bataya tha..k Hindu College chhodne k baad woh Bhopal gayi thi..aur fir Chandigarh..my god..what confusion..!!

"Baojee pareshaan hain..kuchh toh baat hai..par Baojee kuchh batate nahi..zameen se joodi baat hai..sab kuchh kaisa ho gaya..MSW k lia admission toh lia hai..par kuchh theek nahi lag raha hai..kyunki guzra hue kal ka ek hissa aaj achanak mere saamne se guzra..Ranjeet Grewal..Rajveer Grewal ka Business Magnet Baap."

Yehan tak padh kar Raj ko ek jhatka laga..uske baad sirf itna hi likha tha..

"Padhai k lia main aa na saki..par maine der kar di..bahut der..Baojee se aakhri baar baat tak na kar saki..Baojee ko chitaah ko aag dia maine..unki ashtian Kiratpur me baha aai..Baojee ki chitaah ki aag toh boojh gayi..par ek chitaah jo mere dil me,mere pure zahen me jal rahi hai..woh abhi tak jal rahi hai..tab tak jalti rahegi jab tak main aakhri jungh jeet na loon.. Chaijee mere seene se lag kar roti hain..main kahan jaoon?Kahan jaa kar apne ansoon bahaoon?"

*********************

Raj apna sar pakad k baith gaya..yeh kyaa majra hai?

Kranti k dil me jo nafrat hai uske lia toh puri duniya ki mohabbat kum hai..aisa kyaa hua?Dad ne kia kyaa?Aur kyun kia?

**********************

Sab kuchh sun kar Sanjay hairan hoga ,aisa Raj ne socha tha,par aisa hua nahi..Sanjay ne kaha ,"Is murder me jo naam aate hain,usme do naam aate hain,ek Dayal aur doosre tere Dad..par mushkil yeh hai k un par haath nahi daal sakta,kyunki Dayal hai King Maker,uske gale me fanda pada toh bahut se leading politician ki dhoti utar sakti hai.."

Raj--Tujhe malum tha?

Sanjay--Police agar chaahe toh sab pata kar sakti hai..par kyaa kare..political pressure hai,issi lia toh Kranti itni zyada mehnat kar rahi hai ,Delhi k assembly tak pahoochne ki.. let's face the reallity Raj,your father is a criminal,murder k charges hain..tu tha nahi India me..bahut sara paani beh chuka hai Jamuna se..

Raj--Kranti ka rasta badal nahi sakta?

Sanjay--Tu yeh sawal kar raha hai?Tu?Nahi jaanta tu usse?Raj,us ladki k baare me soch.. jo padhne aai thi..jo student politics k through Delhi k political lobbies tak pahoochna chaahti thi,taa k woh aam insaan k lia kaam kar sake..par uske saath kyaa hua?Kahin na kahin tu bhi zimmedar hai..bhool gaya?GS Election ki baat?Kranti ko kis tarha humiliate kia gaya tha?Uske baad Dayal aur tere Dad,Kriplani..kyaa ummeed rakhta hai tu?Ek fanoos ko aag laga kar tum logone hawa me chhod dia..bas utna hi tum logon k bas me tha..ab tumlogon ki marzi k mutabik woh fanoos apna rookh badal de..yeh kuchh zyada nahi maang rahe ho?

Raj--Lekin Dad?

Sanjay--Ab waqt aa gaya hai..tujhe chunna hoga..ek baar tu Kranti k raaste aaya sirf apne ego k lia..aaj tu uske raste me aayega k nahi..yeh faisla bhi tujhe karna hai..soch samajh kar faisla karna Raj..

Raj--Tu kuchh nahi kar sakta?

Sanjay--Police k kaam me politicians taang adhaate hain..jab main kuchh kar sakta tha,tab maine kuchh kia nahi..ab main kyaa karoon?Tu bata..pahle hi Kranti ki nazar me main geera hua insaan tha,Nirmal ki wajah se woh mujhko bardasht karti hai..

Raj--Jo ho raha hai woh hone doon?

Sanjay--Tere paas aur koi rasta nahi hai..waise ek baat batani thi..

Raj--Kyaa?

Sanjay--Tera Sala..matlab Kunal Kriplani..yaar..usko hua kyaa hai?Apne se umar me badi aurat k saath kyaa kar raha hai aaj kal?

Raj--Kyaa?

Sanjay--Koi upcoming model hai..yeh dekh..uski photo..yeh Delhi ki nahi lagti..

Raj ne dekha...Mona..arre yeh toh Manjeet hai..yeh kyaa chakkar hai?

Sanjay--Kunal ko samhal..Bade Baap ki aulad hai..koi MMS Scam ya sex scam me na fans jaaye..

Raj--Kyaa bak raha hai?

Sanjay--Sahi keh raha hoon...apni aankhon se maine dono ko dekha hai..dono bhajan keertan nahi kar rahe the saath me..Kunal k bistar tak pahooch chuki hai yeh Mona..Kunal aaj kal issi k saath apni raatein beeta raha hai..

*****************************

Jhatke pe jhatka..Raj puri tarha confused ho gaya..ek taraf Kranti,doosri taraf Kunal,aur ek taraf Dad..Sanjay ki baat..aur Manjeet..itne din baad Mona k roop me uski aisi dramatic entry?Kyaa ho raha hai?

Quote

manalee

@manalee

Voyager

Posted: 15 years ago

#172

thanks for the update ananya can i call you that👏 it was amazing 👏👏 Rab ne isko shakal bahut achhi di hai,sab mila kar ,he is very handsome,sab se khubsurat hain Raj ki aankhe😳,usse aamna saamna naa ho toh hi behtar,uski aankhen bahut khatarnaak hai, uski aankhon me zyada der tak dekhna matlab,apni niyat ko khatre me daalna hmm kranti darr rahi hain shayad usse raj se pyarr na ho jaye,😳😳😊

the ending was awesome and thrilling thanks once again for the update😃

Quote

Looks like you are new here. Register for free, learn and contribute.

Bonai

@Bonai

Voyager

Posted: 15 years ago

#173

Its nice to see the update, hopefully now u r doing fine, i shall comeback with my comments later, needs to go back few parts to renew the nice feeling. thanks for the update......

Quote

amazingneira

@amazingneira

Voyager

Posted: 15 years ago

#174

wow... after long time loved the udate...

Quote

Sri_Nidhi

@Sri_Nidhi

Navigator

Posted: 15 years ago

#175

Tanks for the update though it was after a long time.

Hope ur doing fine now

Quote

Bonai

@Bonai

Voyager

Posted: 15 years ago

#176

This part was very good, diary idea was nice to show the thought process of Kranti and also it was short recap for us readers also, its getting more n more interesting, waiting patiently for next update…..

And special mention....totally loved the way kranti used to think about Raj's eyes.....Raj should get the hint & start working with his weapon to woo kranti....

Quote

pennu

@pennu

Stunner

+ 4

Posted: 15 years ago

#177

Wow Anannya the story is moving forward in a very good way... As Bonai me too liked the diary idea... it really gave a short recap...

gir kranti ne raj ke bareem sochne tho laga... chalo ankho se he sahi...

and last like Raj we are also confusd...

what will happen next....???

Quote

Dawn

@Dawn Idol

Voyager

Posted: 15 years ago

#178

Excellent as always Ananya !!!!

Loved the part where Raj gets a peek into Kranti's college life ...

Quote

ANANYA ROY

@yakkudimag

Dazzler

+ 3

Posted: 15 years ago

#179

PART 17

VALENTINE'S DAY

13th February,2005..

"Maajee,chalti hoon..bahut der ho gayi aaj toh..",yeh keh kar Kranti ghar se nikal rahi thi..Rajveer ki Maa peechhe aai..boli ,"Nashta nahi kia tumne..is tarha ghar se nahi nikalte,ruko..kuchh toh khaao..acha ..ek glass doodh toh peeo..lo.."..Kranti is baat ko taal nahi paai..

Kranti--Achha...ab main chaloon?

Maa--Haan..aur shaam ko jaldi aana..waise bhi mausam badal raha hai..aise waqt par hi tabiyat kharab hoti hai...

Kranti--Jee..shaam ko baat karte hain..bye..

Grewal Saab nashta karne aaye..poochha,"Raj ko bulao..kal raat dinner k waqt bhi nahi mila..kum se kum nashta toh saath me kare.....",yeh kahte kahte car aa kar rookne ki awaz..aur yeh car Raj ki hi hai aur Raj hi utra is car se aur seedhe ghar k andar aaya..sab log zara hairan hue..

Grewal Saab--Subah subah kahan gaya tha Beta?

Raj--Main kal ghar nahi lauta,office me bahut sara kaam pending pada tha,kuchh files par sign hona baaki tha,kai projects issi lia rooke the,socha sara kaam nipta loon..Kranti kahan hai?

"Woh toh abhi abhi nikli ghar se,usne bhi kuchh nahi bataya..k tu ghar nahi lautega..",Raj ki Maa ne kaha .."Well,usse bhi pata nahi tha..maine usse phone tak nahi kia kal pure din.. Maa,main naha kar aata hoon..nashte me mujhe dahi k saath parathe chahie..main abhi aaya..",Raj yeh keh kar apne kamre me chala gaya..

Grewal Saab ne apni Patni se poochha,"Pura din Raj ne uski Biwi ko phone nahi kia,raat ko ghar nahi aaya,aur us ladki k maathe par ek sheekan tak nahi,yehan tak k usne humse bhi nahi baat ki,k Raj ghar nahi lauta,yeh chal kyaa raha hai?"

Raj ki Maa ne kaha ,"Mujhe bhi kuchh samajh me nahi aa raha hai,ho sakta hai,Kranti ne yeh socha k Raj ne mujhe phone kar k bata dia ho k raat bhar office me kaam karega..fir bhi,yeh ladki..khair..kisko dosh doon aap bataiye..Kranti ko dosh dene se pahle yeh bhi sochna hai k Raj ne hi usko nahi bataya k raat bhar ghar nahi lautega..agar issi baat ko lekar Kranti naraz hui..toh hum us par naraz nahi ho sakte.."..

"Haan,theek hai,naraz hai..par itni bhi kyaa narazgi..Raj phone karna bhool gaya toh kyaa, Kranti ne pure din me ek phone kia Raj ko?Raat bhar woh ghar nahi aaya,is baat ki shikayat bhi ki nahi usne..tumse..yaa Raj k lautne ka intezar karti..taa k jab Raj ghar aaye subah,tab jam kar jhagda kare uske saath..yeh kyaa hai?Jaise usko koi fark hi nahi padta.. kisi bhi baat se.. maanta hoon,political pressure hai aaj kal..election ladhna hai usko, magar hum toh kisibhi baat k lia usko nahi rokte,thoda bahut ghar ko bhi dekhe,main yeh nahi kehta k subah uth kar puja kare..yaa sab k lia khana banaye,iske lia naukar chaakar hain,main yeh bhi nahi kehta k hum dono ka khayaal rakhe,naa rakhe humara khayaal,par Rajveer,her husband,uski taraf uski kuchh zimmedarian banti hai,..."..Grewal Saab ko kaafi gussa aa gaya tha..

Raj ki Maa ne kaha ,"Pati patni k beech ka maamla hai..khud hi suljha lenge..aap ka blood pressure badh jaayega jee..aap nashta karo..lo..Raj bhi aa gaya..aa jaa Beta..baith..puri raat kaam kia..chai ya coffee mat pee,tere lia juice laati hoon,aur thodi der k lia so jaa.."..Raj aa kar baitha..usne kaha ,"Haan,thodi der aram karna hai..aaj zara der se jaoonga office,Kranti nashta kar k gayi ya bina kuchh khaaye hi..nikal gayi ghar se?"

"Aap ki Maa ne usko ek glass doodh peela kar hi jaane dia,glass kaafi bada tha..aap chinta na kare.."..Grewal Saab ne jawab dia.

"Maa..doodh?Aur Krnti ko?Come on..woh bachchi thodi hi hai?Doodh toh bachchon k peene ki chees hai..Maa..aap bhi.."..Raj hansne laga..."Tu bhi na..kuchh bhi kehta hai..main tere lia paratha le kar aati hoon.."..Raj ki Maa kitchen me chali gayi...

"Jab tak aapke bachche nahi hote,tab tak toh kisi na kisiko doodh peelana hai..toh Bahu ko hi peela rahi hain doodh.."..Grewal Saab ki narazgi kaafi zaahir ho rahi thi unki baaton se..

Raj--Dad..baat kyaa hai?Kuchh kaha Kranti ne?Koi badsuluki ki usne aap dono k saath? Seedhe seedhe kahiye,main baat karoonga usse..agar usne kuchh ghalat kia hai ..maafi maangni hogi usko..

Grewal--Nahin...Grewal Khandan k itihas me,ghar ki Bahu jo aati hain..Bhagwan ki daya se bahut hi shareef aur tameezwali aati hain..ghar ki Bahu toh sahi laaye aap..lekin apni Patni k baare me kyaa kahenge?Aap raat bhar ghar nahi aaye..aur unko is baat se koi farak hi nahi padta..kyaa samjhe hum log is baat ko?

Raj--Dad..usko pahle se pata hai..k kaam ka pressure bahut zyada hai,main pahle hi bata chuka hoon usko..aur baat baat par usko pareshan karna bhi thik nahi lagta,party ka kaam hai usko,aur uski Maa bhi toh akeli hai..Jayant Kriplani k bimar hone k baad se,Kunal ki saari zimmedari Kranti par hi hai..mujhse zyada pressure me woh hai..sab thik hai Dad..

Grewal--Bhai waah..sab thik hi hai..mujhe toh kuchh aur hi laga tha..par apni Patni ki kaafi tarafdari karna seekh lia hai tumne Beta..

Raj--Dad,ek arsa pahle,jab Kranti chali gayi thi meri zindagi se,tab main bhi sab kuchh chhod kar bairagi ban kar chale jaana chaah raha tha..kahin door..par aapki wajah se jaa nahi paaya..aapne yeh Empire yehan is position me laane me bahut mehnat ki hai,main aapki ek lauti aulad,aaphine samjhaya tha,aapne jo kaha maine kia..ussi tarha,Kranti bhi ek lauti aulad hai apne Maa-Baap ki..jahan tak mujhe malum hai,uski zindagi aasaan nahi rahi..jitne din woh mujhse door thi..,khas kar uski Maa..woh akeli hain..mere ilava ,aap aur Maa ek doosre ka sahara hain..but what about Mummyjee?Kranti k Dad k death k baad.. sivaye Kranti k..unka koi aur hai bhi toh nahi..

Grewal--Raj..baat woh nahi..baat..jo hai tum bhi samajh rahe ho ..par tum maanna nahi chaahte..

Raj--Baat kuchh aur hai..main bhi yeh jaanta hoon..Dad..aur baat kyaa hai..aap sab se behtar jaante hain..Kranti jaanti hai,mujhe toh baad me pata chali yeh baat..she needs time Dad..uske lia toh sab se zyada mushkil hai..aur Dad..mere lia toh aag se guzarne k barabar hai..do aise insaan..jo bahut kareeb hain mere..tarazoo me dono rishton ka wazan barabar ka hoga..pata nahi..main kyaa kar raha hoon..khair..bahes ka koi faaida nahi..

Grewal--Raj..haalaat aise ban gaye the...

Raj--Dad..please..ab mujhme taakat nahi hai..bardasht karne ki..please..sivaye kinare baith kar tamasha dekhne k ilava ..main kuchh nahi kar sakta..

"Kyaa hua?Abhi tak aap Raj k peechhe haath do kar pade ho?Beta,yeh le...khaa.."..Raj ki taraf plate aage kia uski Maa ne aur kaha ,"Waise ,ghar ki Bahu Minister bane,khushi ki baat hai..main bhi chaahti hoon..k Kranti bahut aage jaaye..par jab tak mere haath pair salamat hain..tum logon ko sochna chahie..matlab..ek ya do bachche ho ,tum log karo apna kaam..tu samhal business,Kranti politics me naam kamaye..theek hai..main hoon..tujhe paal pos kar bada kia..ab tere bachchon ko bhi paalungi,jaldi karna Beta,meri bhi umar badh rahi hai..ghar me bachche honge,toh sab ka mann bhi achha rahega.."

Khaate khaate Raj ne kaha ,"Naa main itna bada hua hoon abhi,aur naa hi main is kaabil bana hoon..k Baap ban sakoon.."

***************************************

Paper me,magazines me,road side hoardings par..jagah jagah Valantine Day se related slogans hain,offers hain,cards and gifts k shop par,khas kar college k students me zyada hulchul aur umang..office k jo young employees hain,unhone already half day lia hai kal k lia,Valantine's Day hai..mohabbat k lia bana khaas din..apne cabin me baith kar Raj FM radio sun raha tha..Valantine's Day ka celebration already shuru ho gaya hai..college k dino ki baat yaad aa gayi..us waqt ki ek superhit film thi,Dil Toh Pagal Hai..Valantine's Day ko kaafi highlight kia gaya tha us movie me..campus me Red rose,heart shaped cushion, baloons ki bharmaar thi..Raj ne ek laal gulaab ka guldasta bheja tha Kranti ko..Kranti ne woh guldasta ek doosri ladki ko pass kar dia yeh keh kar ,k Kranti k haathon Raj ne ussi ladki ko yeh guldasta bheja hai..kaafi tension me tha Raj ..ki dino tak..us ladki se bhaagta firta tha..

Eight long years,aath saal..lamba arsa..jaise kal hi ki baat ho..achanak Raj uth kar wash room gaya..muh dhoya pura apna paani se,aaine me kuchh der dekha khud ko,"Nahi..abhi der nahi hui..I am still young..just put on some weight.but it's okay.."

Shaam k 6 baje the,Kranti apne office me baithe manifesto check kar rahi thi..darwaze par knock hua.."Come in.." keh kar Kranti ne fir se apne kaam me dhyaan dia..

"Chai milegi?Bahut thak gaya hoon..."..yeh baat sun kar Kranti ne sar uthaya aur dekha Raj khada hai.."Zaroor,tum baitho..abhi mangavati hoon..." keh kar Kranti ne phone kia ,"Chai aur sandwich,haan,jaldi.."...aur fir Raj se poochha ,"Ghar kitne baje aaye subah? Aur aankhon k neeche jo dark circles hain,kyaa hua?Kal saari raat kaam kia?Ek ya do ghante k lia so jaana tha na?.."

Raj kaafi chauk gaya..Kranti ne itna kuchh notice kia..great.."Kal kyaa kar rahi ho?",Raj ne poochha..

Kranti--Diary me dekhna hoga..kis kis se milna hai..kahan jaana hai..kyun?

Raj--Agar koi program naa ho toh..mere saath ghumne chalogi..?

Kranti--Kyun?Kuchh khaas hai kal?

Raj--Valantine's Day..hai..socha..tum aur main..you know..

Kranti--Raj..hum koi teenaged school student nahi..naa hi college me hain abhi..

Raj--Toh?

Kranti--Humari umar nahi hai yeh sab karne ki..Raj..we are grown up..mujhe kaam hai bahut..

Raj--What do you mean?Umar se kyaa matlab..aur jab tum college me thi,tab bhi tum khadi pahen kar bhashan deti thi..ab bhi...so...umar ka kyaa lena dena..so-called umar jab tha..tab tumne kuchh kia nahi..naa tum ab interested ho..

Kranti--Raj..manifesto dekhne do..dimag mat kharab karo..

Raj--Jaldi karo..saath chalenge ghar..come on...

Kranti--Raj..tum jaao na..mujhe der hogi...

Raj utha aur Kranti k paas gaya..Kranti k haath se file lekar bandh kia..aur Kranti ka haath pakda..aur khinch kar le gaya baahar,"Kyaa kar rahe ho?Raj..sab dekh rahe hain..please.. don't create a scene here.."..Kranti ki baaton ko Raj ignore kar k..ek party worker se kaha ,"Report likhva dena..k aapki Leader ko maine kidnap kia hai..pehchaante ho na mujhe?"

***************************************

"Arre,aa gaye dono..jaldi aa jaao..khana laga dene ko kehti hoon..."..Raj ki Maa ne kaha ..

"Kranti,kal saari raat Raj ghar pe nahi tha,aur tumne kuchh bataya nahi.."..Grewal Saab ne kaha..

Jawab me Kranti ne kaha ,"Pata toh tha ..kahan honge..ghar par nahi toh office me,nahi toh Sanjay k saath,isme puchhna kyaa hai aur sochna bhi kyaa?Aap ka blood pressure badh jaayega,itni fikar karna chhodiye.."

Raj--Dad..kal toh Valantine's Day hai..Mom aur aap..baahar nahi jaa rahe hain?

Grewal--Mazak udha raha hai?Kaun kahega k teri shaadi ho gayi hai..bachpana ab bhi hai..chal khana khaa..

**************************************

Kranti balcony me khadi thi,Delhi ab bhi kaafi thandi hai,achhi hawa chal rahi hai,aaj sara din bahut kaam tha,Kranti bahut thaki hai aaj..utni thand nahi lag rahi aaj usko..Kranti ne apni chadar utaar kar sofa par feka..hawa kaafi chal rahi hai..Kranti hawa ki taraf apni baahen faila kar khadi ho gayi.Bahut dino k baad khul kar saans le rahi hai Kranti,Garden se mausami phoolon ki khusboo aa rahi hai..Kranti ki aankhe bandh hain..aise me achanak se Kranti ki aankhon me patti baandh dia Raj ne..Kranti ne ne kaha ,"Yeh sab kyaa hai?"..Kranti k kaan me Raj ne kaha ,"Sshhhhh..surprise...."..

Raj ne Kranti ka haath pakad k kamre k beechon beech ek chair me bithaya..Kranti ne kaha ,"Raj,kyaa kar rahe ho?Neend aa rahi hai..chhodo.."..

"Ab tak toh hawa khaa rahi thi..abhi neend aa rahi hai..surprise toh puri hone do..",Raj ne kaha..aur Kranti ki aankhon se patti khol di..Kranti ne dekha pura kamra candle se saja hai...centre table par phool rakhe gaye hain..kamre me sirf candles jali hain.."Yeh sab kyaa hai?",Kranti ne puchha..

"Bas,aise hi..achha nahi laga tumko?",Raj ne puchha,"Nahi..achha hai..ab neend aa rahi hai..sona hai.."..Kranti bistar ki taraf gayi...aur dekha bistar pura rose petal se saza hua hai.."Raj..please..sona hai..",Kranti chillai..Raj ne kaha,"Not yet ..wait a minute.."..

"Main sone chali..aur tum mujhe is tarha ghurna bandh karo..it irritates me.."..Kranti ne kaha..Raj aaj shaam se usko ghure hi jaa raha hai."Really..mera tumko dekhna tumko irritate karta hai?Yaa,tum darrti ho,k meri aankhon me tum khud kahin kho na jaao? Hm? What is it Kranti?",Raj ne puchha.."Tumhara sar..",yeh keh kar Kranti baithi bistar pe..aise me wall clock se awaz aai...raat k 12 bajne ki..Raj Kranti k paas baitha.. uske haath me kuchh tha..ek chain tha,heart shaped pendent k saath,Raj ne thoda hesitate kia, Kranti Raj ko dekh rahi thi..Raj ne Kranti k gale me pehnaya woh chain..baahar hawa aur bhi tez chalne lagi.."Please Kranti..aaj mat rokna..",yeh keh kar Raj ne Kranti k honthon ko chuma aur bola,"Happy Valentine's Day..sweet heart"..

Kranti k haath Raj k gale ko cover kar k uske baalon ko sehla rahe the..pahle dheere,fir bahut gehrai se ,bahut zyada passion k saath,Raj chum raha tha Kranti ko..achanak se bin mausam ki barsaat shuru hui baahar..hawa aur tez hui..saare candles boojh gaye.. "Raj.." .."Hmm?".."Sardi lag rahi hai..bahut..".."Mere aur kareeb aao..sardi nahi lagegi..".. andhere me aisa hi kuchh sunai dia..baahar baarish rookne ka naam nahi le rahi thi..aur andar Raj par ek alag hi surroor chhaya tha...waqt hi aisa tha...

Quote

Bonai

@Bonai

Voyager

Posted: 15 years ago

#180

update was very nice....last part was sooooo romantic😳...........but ek baat kuch hazam nehi hui.....Raj said aaj mat roko and Kranti ne sach me nehi roka????😲 ......... but chalo humlogo ko achha romance ka dose mila so no sikayat......wait for the next update and the morning........

Quote

1 ... 16 17 18 19 20

RK FF:SITAM..Part 18,Page 25,14/03/2010 - Page 18

Related Topics

Explore Topics