~*~ SHER O SHAYRI ~*~ - Page 5

Suno Tum Lot Aao Na
Jahan tum ho wo dunia kab tumhari hai
K soraj dhal gaya ha
Aur Haseen ik sham utri hai
wo dekho chand nikla hai sitary jagmgaey hain
Humari Muntazir Ankhen Duaian mangti Ankhen
Tumhain hi sochti Ankhen
Tumhain hi Dhondti Ankhen
Tumhain Wapis bulati hain
Tumara Aks phir shaid
Meri palkon main utra hai
Koi Ansoo ager aya
Baha ker ab na le jaey
Ye Dil jab bhi dharkta hai tumara nam Leta ha
Ye Ansoo jab bhi behty hain Tumharay dukh main behty hain
K barish jab bi hoti ha tumhay hi yad karti ha
Khushi koi jo aaiea gi tumary bin adhoori ha

Suno Tum Lot Aao Na
Suno Tum Lot Aao Na !!!
__________________

Dil ki chokhat pe ek deep jala rakha hai
Tere laut aane ka imkaan saja rakha hai

Saans tak bhi nahin lete hain tujhe sochte waqt
Hum ne is kaam ko bhi kal pe utha rakha hai

Rooth jaate ho to kuch aur haseen lagte ho
Hum ne yah soch ke hi tum ko khafa rakha hai

Tum jise rota hua chhorr gaey the ek din
Hum ne us shaam ko seeney se laga rakha hai

Chein lene nahin deta yeh kisi tor mujhe
Teri yaadon ne jo toofaan utha rakha hai

Jaane waale ne kaha tha ke woh laut aaey ga zaroor
Ek isi aas pe darwaaza khula rakha hai

Tere jaane se jo ek dhool uthi thi ghum ki
Hum ne us dhool ko aankhon mein bassa rakha hai

Mujh ko kal shaam se woh bohat yaad aane laga
Dil ne muddat se jo ek shaks bhula rakha hai

Aakhri baar jo aaya tha mere naam
Mein ne is khat ko kalejey se laga rakha hai

Originally posted by: kripaloveangad

Ab Aansuoon Ko Aankhon Main Sajaana Hoga
Chiraagh Bhuj Gai Khud Ko Jalaana Hoga
Na Samjhna K Tumse Bicharh K Khush Hain
Humain Logon Ki Khaatir Muskuraana Hoga

Phir Shaam Dhal Gai Tum Aaiay Na Aaj Bhi
Dil Ko Aaj Phir Umeedoon Se Behlaana Hoga
Waada Khilaafi Kar K Muskurate Ho Aap
Dekhna Aik Din Sanam Aapko Pashtaana Hoga

Lahoo Se Apne Kafan Pe Tera Naam Likh Jaoungi
Thaam K Haath Main Phool Tumko Aana Hoga
Abhi Se Na Kejiyai Takaaz-E-Masroofiat K Aap
Abhi Utthna Hai Janaza Kaandha To Daina Hoga

Muddaton Kiya Hai Tera Intizaar Aai Sanam
Umar Kat Chuki Ab To Jaana Hoga

wah wah wah wah kiya baat hai👏

ohh ek aur thread 😃 mai shayar to nahi magar ai haseen jabse dekha tujhe maine mujhko shayri aa gaee 😃 😳

kabhi kabhi yaad me ubharte hen naqsh e mazi mite mite se
wo aazmaish dil o nazar ki , wo qurbaten si , wo fasle se

Lab pe hi rukti hai baat aate aate
Neend to nahin aati sapney bohut hain aate
Ham to hain phase ik haseen uljhan mein
Kaash woh aakar ise suljhate.

abb toh messenger se msg kiya karenge
free mein dard-e-dil beyaan kiya karenge
bas dua karna uske bhaap ko na pata chale
warna hum wheel chair pe baith kar shayari kiya karenge.

my friend found this one. 😆