This post is only for those readers who have watched Hum apke hai kaun and know Hindi as well.
Hum Aapke Hai Kaun is one of the famous and beautiful Movies. Not just famous but the highest-grossing Bollywood film of all time also. One day Me and Santhi were talking about this movie, when this Idea came into my mind. And I couldn't stop my hand from putting that in writing. So, here I present to you My version of HAHK... I Your Is What? (LOL)
CHARACTERS-:
Prem:Raghav
Rajesh: Sammy
Nisha: Kalpana
Pooja: Maya
Kaka(Rajesh and Prem's Uncle): Sahil
Nisha and Pooja's Parents: Vitthal and Kamla
Lallu (servant): Ramu
Chameli (Maid): Pakhi
Professor aka Prem's Mama: Harivansh Singhania
Bechain hai, meri nazar
Hai pyar ka, kaisa asar
Na chup raho, itna kaho
Hum aapke, aapke hain kaun
Hum aapke, aapke hain kaun
Khud ko sanam, roka bada
Aakhir mujhe, kehna pada
Khwaabon mein tum, aate ho kyon
Hum aapke, aapke hain kaun
Hum aapke, aapke hain kaun
Movie starts with this Song. Hamari Movie bhi isi se Start hogi.
Professor aka Mama to Kaka: "Bhai sahab apne Raghav aur Sammy ke liye kya kya nahi kiya. Unhe padhaya likhaya aur is kaabil bnaya ki Aaj dono apne pairo par khade hai. Sammy beta business me itni tarakki kar raha hai aur Raghav bh to MBA ke exam me awwal aaya hai. Sach... dono bacho ke liye aapne bht mehnat ki. Arey aapne to shaadi tak nahi ki."
Aur is tarah Mama ne ched di Kaka ki dukhti rag. Arey Kaka ko bhi pata tha ki unhone shaadi nahi ki. Yaad dilana jaruri tha? Ye sidha sadha Professor Mama ban jaega Kans Mama. Bechare Raghav aur Sammy ki future love stories ka kachra kar degi ye Shaadi nhi ki' wali baat.
Mama: Waise bhaisahab mai yaha apse Sammy ki shaadi ki baat krne aaya tha. Mere kuch Professor dost hai ajkal Ramsarovar mei. Unki betiyan hai shaadi ke layak. Aap jakar mil aao unse.
Kaka: haan haan hum jarur jaege.
Later in the evening at dinner
Kaka: Raghav aur Sammy apna saaman pack kar lena. Hum kal Ram sarovar ja rahe hai.
Raghav: par kyun kaka?
Kaka: wo tumhe waha jakar pta chal jaega. Aur Sammy apna new Silk kurta bh le chlna.
Sammy: Par wo kyu kaka?
Kaka: Wo bh wahi pta chalega tumhe.
Next day at Ram sarovar
Raghav: Kaka ab to bta do hum yaha kyun aae hai?
Kaka: Shaadi ke liye ladki dekhne.
Sammy: Par kiski shaadi?
Kaka: Meri.
Raghav: Kya!
Sammy: Ye aap kya kah rahe hai Kaka, aapki shaadi?
Kaka: Hann Sammy beta. Kal hi mujhe apni glati realize hui. Maine shaadi na karke tum dono ko Maa ke pyaar se door rakha(aur khud ko Biwi ke he thought). Par ab mai Shaadi karna chahta hu.
Raghav: But Kaka aap aur ab shaa...d...
Sammy: Kaka bilkul theek bol rahe hai Raghav. Wo bhi kab tak akele rahege. Unhe bhi ek life partner ki jarurat hai. Hum aapke saath hai Kaka.
Janmo ke saathi... Hum saath saath hai
Raghav: lekin Kaka aapne bhaiya ko unka Silk kurta lane ke liye kyun bola tha?
Kaka: Wo kya hai na beta Sammy ka wo kurta mere ko bhi fit ho jata hai. Agar koi ladki pasand aa gayi to yahi engagement kar lege.
Sammy: Oh ye baat.
Ab Kaka and Nephews chal dete hai Kaki dhundne.
First ladki jisko Kaka dekhne jate hai wo thi Divorcee Neetu. Maha Stylish, Micro mini skirt phni hui Neetu Kaka ko kuch khas pasand nhi aati. Aur jab Kaka notice karte hai ki wo apni best friend Manda ke saath milkar unke ganje sar ka chupke chupke majak bana rahi hai, Wo rishte ko mana kar dete hai.
Next hoti hai Widow Gauri. Jab Kaka aur Gauri ko Room me akele chod diya jata hai baat krne ke liye Gauri ek Glass uthakar Kaka ke sar par maar deti hai. Fir pata chalta hai that her husband was murdered which disturbed her composure somewhat. Daura padne par wo logo par attack kar deti thi. Aur is recent wale daure ki wajah se Kaka ke Ande par ek chota sa anda aur nikal aata hai jisko phootne me hi one week lag jata hai. Is anda break mei Raghav aur Sammy ko pyaar ho jata hai Chaudhary Siters Kalpana aur Maya se. Jab Kaka hotel ke room mei bethkar ande ke liye home remedies kr rahe the, Raghav aur Sammy apni apni girlfriend ke saath phla phla pyaar hai, phli phli baar hai ga rahe the.
Anda phootne ke baad Kaka aur 6 ladkiyo se milte hai lekin kisi me bhi unhe Raghav aur Sammy ki Kaki nazar nahi aati.
Ab Kaka ke dil ke Shaadi naam ke diye ki light kuch dim hone lagti hai. Kaka ghodi chadne ki ummid dhire dhire khone lagte hai. "Kya mere liye koi ladki nahi banai aapne?" Ye sawal Kaka ek temple ke bahar stairs par bethkar God se karte hai. Aur tab wo aati hai Kaka ke sawal ka jawab bankar. Bechare, dukhiyare, duniya se bekhabar Kaka niche aate hue kisi se takra jate hai. Jase hi wo najuk, kamsin kali girne wale hoti hai Kaka uski komal, patli kamariya ko pakadkar usko bacha lete hai. Aur fir hota hai hero heroine ka eye contact. And Kaka realized... Yes she is the only one for me.
After 2 days
Sammy: Kaka Kaka hame apse ek jaruri baat karni hai.
Kaka: Wo baad mei Sammy beta. Phle mujhe tumhe kahi le jana hai.
Raghav: Acha wo kaha Kaka?
Kaka: Arey tum chalo to sahi.
About one hour later
Kaka and nephews khade hote hai Maya and Kalpana ke ghar ke bahar. Dono bhai confused "Haila! Kaka ko kaise pata chala?" Door kholta hai ghar ka naukar Ramu jo khud ko naukar nahi samajhta. Raghav aur Sammy ko dekhkar Kalpana aur Maya khush chalo aa hi gaye shaadi ki baat karne.
Vitthal: Ji aap kaun?
Kaka: Kammo arey Oo Kammo... Where are you darling? Dekh mai aa gaya!
Aur tab ati hai bhagte hue hamari IYIW ki Real Heroine Kamla, "Oh Sahil tum aa gaye!"
Aur aate hi lag jati hai Kaka ke gale, giving everyone else present there 440 watt ka jhatka.
Vitthal: Kamla! Ye kya kar rahi hai tu, aur ye Takla kaun hai?
Kamla: Vitthal!!!!!!!! Khabardaar jo mere Sahil ke bare me kuch bhi ulta sidha bola to mujhse bura koi nahi hoga!
Vitthal: W...wo..Ka..m..la mai to puch raha tha ye Handsome kaun hai? One minute, mere Sahil se tera kya matlab aur tune hug kyu kiya isko!?
Kamla: Kyunki ye sach me mera hi Sahil hai. Hum ek dusre se pyaar karte hai.
Raghav aur Sammy ek dusre ka face dekhte hai aur Maya aur Kalpana ek dusre ka. Vitthal stood motionless for a while.
Maya: Mummi ye aap kya bol rahi ho?
Kaka: Ye bilkul theek bol rhi hai. Hum ek dusre se tabse pyaar karte hai jb hum college me the.
Kalpana: College se?
Kamla: Mai janti hu tujhe bura lagega Vitthal. Lekin yahi sch hai. Tab Sahil ke pass jyada paise nhi the isliye mere daddy ne meri shaadi tuse jabardasti krwa di thi. Par jab 2 din phle Sahil mujhe firse mila tab mujhe ehsaas hua ki mai aaj bhi inhi ko pyaar karti hu... bht pyaar.
Vitthal: To tu ye kehna chahti hai ki shaadi ke itne saalo mei tune mujhse kbhi pyaar hi nahi kiya!?
Kamla: Nahi Vitthal maine to bas Sahil se hi pyaar kiya hai. Isliye mai tere saath kabhi khush nahi rahi.
Waise to Vitthal ka dil tukde tukde ho jata hai fir bhi wo khud ko samhalta hai "To ab kya?"
Kamla: Ab mai Sahil se Shaadi karna chahti hu.
Kaka: Haan maine bhi aaj tak shaadi nahi ki. Har love story ka ek time hota hai, wo hmara time nahi tha, ab hai. Hame mat rokna Vitthal. Hum ek dusre ke saath rhna chahte h ab.
Kalpana: Mummi aisa kaise ho sakta hai?
Vitthal: Aisa ho sakta hai Kalpana beti. Tune mujhse bhale hi pyaar na kiya ho Kamla lekin maine hmesha bas tujhe hi pyaar kiya hi. Aur aaj bhi krta hu, itna ki teri khushi ke liye tujhe chod duga.
Maya: Papa lekin...
Vitthal: Maine faisla kar liya hai ab koi kuch nahi bolega. Jaa kamla jaa jee le apni zindagi.
Kammo aur Kaka to khushi se pagal ho jate hai.
Kaka: Mubarak ho Raghav aur Sammy tumhari Kaki mil gayi!!
Kaka aur Kamla chale jate hai date par saath mei gana gane.
Song 2 : Kaka and Kammo milkar gaege.
Thandee thandee purvaiya me udatee hai chunariya hey
Dhadke mora jiya rama bhudhi hai umariya
Dil pe nahee kabu, kaisa yeh jadu
Yeh mausam kaa jadu hai mitwa
Naa abb dil pe kabu hai mitwa
Naina jisme kho gaye, divane se ho gaye
Najara woh harsu hai mitwa
Yeh mausam kaa jadu hai mitwa...
Kaka and Kammo ke 2 dil milkar tod dege 4 dil. Raghav and Sammy Kalpana aur Maya se rote rote puchte hai, "Hum aapke hai kaun... Saiya ya Bhaiya?"
Charo ye decide karte hai ki Kaka and Maa ke liye apne Pyaar ki kurbani de dege.
Abhi Kamla aur Vitthal ke divorce me time lgna tha isliye Kaka aur Kamla ki Engagement karwa di jati hai.
Song 3:
Wah Wah Ram ji Jodi kya banai... Bas is baar bhaiya aur bhabhi ki jagah Kaka aur Kaki and Didi aur jeeju ki jagah Mummi aur Papa ho jata hai.
After Six Months
Kammo and Vitthal ka divorce ho chukka tha. Aur aaj Kaka ki Tilak Ceremony thi.
SONG 3:
Kaka gaege... Aaj hmare ghar me ajab ye uljhan hai, lane chale the biwi Saath me free mili 2 daughters hai.
Two weeks later
Kaka and Kamla ki Shaadi
Finally wo din aa hi jata hai jiska Kaka ko besabri se intazaar tha. Ghodi chadkar, Baarat lekar Kaka aate hai Kaki ko le jane. Sabse aage Raghav and Sammy dukhi dil se naach rahe hote hai with fake smile on their faces... Lo chale hum apne kaka ki baarat leke lo chale hum.
Kaka ki full battisi smile ko aur char chand lag gaye jab unhone chat par Kamla ko dekha, dressed up in a heavy bridal lehnga. Movie ke ek song mei jase Salman Ghodi se utarkar ladder se upar chadkar Madhuri ko flowers dene jata hai theek wase hi Kaka bhi jate hai Kammo ko flowers dene.
Jab Kaka aur Kamla apni Shaadi ki khushi me muskura rahe the, Ramu Bappa ke idol ke saamne khada ro raha tha, kyunki wo Kalpana aur Maya ki love stories janta tha, lekin unhone usko Pakhi ki kasam dekar Kiso ko kuch bhi batane se mana kiya tha. Bechara Ramu khud apne liye bhi dukhi tha kyunki usko pyaar ho jata hai Kaka ke ghar ki Maid Pakhi se. Ab Ramu Kamla ko Maa jasi manta tha aur Pakhi Kaka ko Father jaisa to Kaka and Kamla ki shaadi ke baad un dono ko bhi bhai behen ban jana tha.
Ramu: Bhagwan ye Shaadi mat hone do bhagwan. Rok do ye shaadi. Is shaadi se kitne dil tut jaege bhagwan. Kar do koi chamatkar.
Movie me ye chamatkaar kiya tha Dog Tuffy ne. Hum ye opportunity kisi aur ko kase de sakte the. Ab entry hoti hai Raghav ke pet dog Pakya ki. Pakya jo sab janta hai aur samajhta hai, Ramu ki baat sun leta hai.
Pakya: Chal Pakya vafadari nibhane ka time aa gaya.
Jab Kamla Kaka ke diye flowers ko dekhte hue, muskurate hue wapas Room me ja rhi hoti hai, piche se Pakya bhagte hue ata hai aur Kammo ko jor se dhakka de deta hai.
Ghabrati, lehrati, bhalkati kamla ek Room ke bahar land karti hai. Aur andar se kise ke rone ki aawaz Kamla ko sunai deti hai. Kamla kaan lagakar sunti hai aur jo usne suna was no less than a big shock to her. Andar Raghav , Sammy, Kalpana aur Maya aansu baha rahe hote hai...
Song 4
Kalpana: Mai pyaar ki yadein dil se mita dugi, mai Mummi ki khushi ki khatir tujhko Rakhi bandh dugi.
Raghav: Tu bandhegi mujhko Rakhi ka jo dhaga Mai bhi duga tujhko Cadbuary ka dabba.
Kalpana: Tu de to dega mujhe Cadbuary ka dabba lekin chocalate, lime juice ab mere phle jaise dost hai kaha?
Maya: Bhai behen ka ye bandhan ab humko nibhana hai.
Sammy: Kaka aur Kaki ke saat phere fir hmesha ke liye is bandhan me bandh jana hai.
Aaa aaa aaa... Aaa ...aa aa aa aa ...aaa...aaa...
Jab tak song khtm hta hai Kamla ki aankho me aansu hote hai. Aur Kamla ko pta chalta hai uski wajah se kya ho gaya hai. Ab jagti hai Maa ki mamta, "Nahi mai apni betiyo ka dil todkar khud ka dil nhi jod sakti!" fir kamla ko yaad aate hai wo ache pal jo usne Maya aur Kalpana ke saath bitae the, lekin ye kya... Maya aur Kalpana ke saath usko Vitthal bhi dikhai deta hai. Aur bas kamla samajh gayi ki usko kya karna tha.
Ab Kamla ban jaegi Hum Dil De Chuke Sanam Ki Nandini.
Kaka jo apne Room me kuhd par Perfume spray kar rahe hote hai while dreaming about his Suhaag Raat unke door par koi knock krta hai. Door kholte hi saamne khadi hoti hai unke dil ki Mallika. Kaka Kammo ko jldi se andar late hai aur door closd. Andar aate hi Kaka jor ki jhappi dete hai Kammo ko, "Oh kammo, My kammo! Mai tumhe bata nahi sakta ki mai kitna khush hu! Aaj uski duniya uske saamne khadi hai jisne aasmaan ko chu liya hai, aaj uska aasmaan uskemutthi me hai! (Is dialogue ke bina meri koi funny love shot complete nhi hoti) .
Lekin ye kya Kammo wouldn't hug him back!
Kaka: "Kya hua Kammo? Tum kuch badli badli lag rahi ho?
Kamla: Mai...Mai tumse shaadi nahi kar sakti Sahil.
Sahil: Hehe... Majak mat kar kammo.
Kamla: Mai mjak nhi kr rh Sahil. I'm serious. Raghav aur Kalpana ek dusre se pyaar karte hai aur Maya aur Sammy bhi ek dusre ko chahte hai. Wo hmare liye apne pyaar ki kurbaani de rahe hai. Mai ye nhi hone de sakti.
Kaka: Kya! Acha pyaar karte hai to karte rhne de. Wase bhi maine bht kurbaniya di hai Raghav aur Sammy ke liye and now its their turn.
Kamla: lekin mai apni betiyo ka dil tutne nhi de sakti!
Kaka: Ye tu kya kah rhi hai Kammo? Tu to mujhse pyaar karti hai na?
Kamla: Tumne mujhe pyaar karna sikhaya Sahil lekin pyaar nibhana mujhe mere pati Vitthal ne sikhaya.
Kaka: But ab tumhara divorce ho chukka hai, He's not your pati anymore!
Kamla: Haan lekin pati tha to wahi mera. Aaj mujhe ehsaas ho raha hai maine kitna galat kiya Vitthal ke saath. Maine saat phere liye the uske saath. Ab saat janam ke liye mai uski ho hu.
Kaka: Saat phere saat janam what are you talking about? Tu sirf meri hai Kammo, sirf meri!
Kamla: Nahi Sahil tumhe mujhe bhulana hoga aur mujhe Vitthal ke pass wapas jana hoga.
Ab kaka turns negative.
Kaka: Dekh Kammo chup chap mujhse shaadi kar le, warna uthakar le jauga tujhe!
Kamla: Nahi Sahil I can't.
Aur Kaka ne kar liya tha kidnap Kamla ka. Sabse chupakar usko ek hath se uthakar le gaye.
Road par vitthal daru ki bottle haath me liye Kamla ki yaad mei sad song gaa raha hota hai ki usko Kamla ki aawaz sunai deti hai aur wo dekh lete hai car mei Sahil jabardasti Kamla ko kahi le jar aha tha.
Movie me to koi action tha nahi lekin hmari movie me jarur hoga.
Saamne se ek aadmi bike se aa raha tha jise Vitthal niche gira deta hai aur bike se picha krta hai Sahil ka.
Sahil ek sunsaan jagah par rukta hai, jaha par ek temple tha aur usme ek pandit bas.
Kamla: Chod do mujhe Sahil please.
Kaka: Chal chup chap. Aaj tujhe meri hone se koi nahi rok sakta.
Pandi: Ye kya, kaun ho tum?
Kaka: Aie pandit, jaldi se mantra padhna start kar hmari shaadi hai.
Pandit: lekin...
Kaka: Tu start karta hai ya du ek kaan ke niche!
Pandit: Om mangalam mangalam...
Isse phle ki Kaka jabardasti phere le sake Kamla ke saath Vitthal waha pohch jata hai aur Fir hoti hai Kaka aur Vitthal ke beech mei jabardast fight. Kaka ko Martial arts aati thi lekin Vitthal bhi kuch kam nahi tha uske pass Kamla ke pyaar ki takat thi.
Aur is tarah ladte ladte Kaka, Kammo aur Vitthal maine pyaar kiya ke Prem aur Suman ki tarah cliff se niche latak jate hai.
Tabhi waha se maine pyaar kiya wala kabootar jar aha hota hai aur uski nazar padti hai teeno par.
Kabootar hairan, "Arey ye Prem aur Suman firse yaha latak gaye!?" Aur Jeevan ko to maine tab maar diya tha to fir ye new villian kaun hai? Aur Ye Prem ke balo ko kya hua, aur Suman to Flower se Flower pot ho gayi! Hmmm budhe ho gaye dono.
Waise to Kabootar bhi ab budha ho gaya tha lekin uski wife use daily chyawanprash khilati thi isliye he was still very Strong and Powerful.
Isse phle ki Kabootar Vitthal aur Kamla ki help kare usko yaad aata hai ki last time Jab Prem aur Suman ko bachaya tha to koi fayda na hua. Kisi Director Ya Producer ne doobara kisi movie me role offer na kiya. "Huh, chodo mai kyun apna time khoti karu." Aur Kabootar ud jata hai waha se.
Kae... Kae... Kae... Waha se jaa raha hota haivek kauwa(Crow). Jase hi wo dekhta hai Kaka, Vitthal aur Kamla ko uske dimag ki ghanti bajti hai, "Wow! Saalo phle ek Kabootar ne ase hi kisi ki help ki thi aur wo famous ho gaya tha, ye mera chance hai hero banne ka!." (Kya kare Kaka ki kismat mei Kowe ke haatho, I mean Choch se hi marna likha tha).
Kauwa jakar jor jor se hit krta hai Kaka ke haatho par aur thodi hi der mei Kaka niche... DHAAAM...
Tab tak Vitthal tak ek rassi pohch jati hai aur Kamla aur Vitthal upar aa jate hai zinda.
Chaudhary Family ka Reunion. Raghav aur Sammy thode dukhi hote hai lekin galti unke Kaka kit hi aur wo jate jate bhi unhe kuch dekar hi jate hai: Unka Pyaar.
Ab Pakya ji bhi ban gaye hero.
Song5
Dhik tana Dhik tana Dhik tana
Dhik, dhik tana dhik tana dhik tana
Pakya tu khusiyo ka khazana
Dhik tana dhik tana dhik tana
Ek saath 4 shaadiya
Sammy-Maya
Raghav-Kalpana
Vitthal-Kamla
Ramu-Pakhi.
Aur Kaka, Wo to bechare Kuware paida hue the aur Kuware hi mar gaye. Bhagwan unki Aatma ko shanti de.
To ye thi meri HAHK. Pata nahi kitno ko samajh mei aayi aur kitno ko pasand aayi? Lekin mujhe ye likhne me bada maja aaya!!
Disclaimer: This post is only for fun and entertainment purpose. There is no intention to make fun of the original story or any character of HAHK.
Rishu Bansal (ban18)
Btw, kaisan baa?
Kyunki Saas Bhi Kabhi Bahu Thi 2
Udne Ki Aasha
