Children park….
Shaam ka waqt…Do bachche "ball" ko le kar jhagad rahe they….
Ek aadmi unke jhagdo ko apne diary mein likh raha tha….Likhne ke baad wo jaldi se utha aur Behna ke set par pahuncha…
Sab ussi ka intzaar kar rahe they….
"Karamchand Scene kaha hai??"-Director ne poocha…
"Ye lijiye sir..abhi likha hoon bahut der tak socha tab itna achcha "nok-jhok" scene likh paya hoon"..Showing his yellow teeth…
Director scene padhta hai….Mathe par bal padne lagte hai…
"scene tumne Virat-Manvi ke liye likha hai yaa Pinky Babloo par….har jagah likha hai..Pinky Ball do nahi to sar phod dunga yaa Babloo haath laga kar dikha tere Naak mein ball ghusa dungii"..
"sir sir galti ho gayi…Manvi-virat mein mujhe apne bachche dikhte hai..pinky babloo isliye unka naam likh diya..jahan jahan pinky babloo hai..Manvi-virat kar lijiye Sir"…
"achcha achcha Hamare paas waqt bhi nahi hai..yahi karna hoga….Shot ready karo jaldi…"
Editor Room….
Behna ka telecast honewala Episode chal raha tha aur Editor aadhe neend mein tha….Spot boy wahin betha huaa tha…
"saab uth ke dekhne ka tumne galti se phir se pyaar wale saare scenes kat diyele hain…."
Ek aaankh kholte huye…"oyye chup main editor hoon ya tu hai…pyaar wale scenes main kaat kar khud ke liye rakhta hoon..Tujhe nahi pata ghonchu…Darshakon ko drama chahiye drama..drame wale scenes main rakhta hoon bharpoor.."….
"Saab apne ko to pyaar wala scenes hi jyasti kar ke mangta hai…ye Kajal thopi huyi aurat bahut pakati hai saab…aap uska scenes kaye ku nahi kaattha??"
"arre arre..uff tere chakkar mein Do teen important dialogues kaat diye maine….upar se voice over dene honge…."
"saab sach baat bolega hum..aapse achcha scene ka kata-piti apun kar sakta hai"
"bhaaag jaa yahaaan se….itna maarunga na…"
Spot boy bhhagte huye…"sach bol rahaa hai apun saaab.."
Dusre Din Subah-
Director Shaving kar raha tha..haath mein razor tha…
Uska mobile par ek call aaya..Channel se call tha…
"Hello khadkhadiya speaking…"
"Hello Channel se bol rahein hai 5 min ke andar set par pahuchiye….turant.."
Khadkhadiya..haath mein razor liye huye Set par pahunchta hai ghabraya sehma huaa sa….
Channel wale Khadkhadiya ka intzaar kar rahey they…
"Mr Khadkhadiya humeh bahut complains aa rahin hai regarding Episodes…story ka kya haal hai…Episodes kaise ho rahein hai??
"Aaplog ko galat complains aayi hai…bahut achchi responses mil rahi hai humeh…"..Khadkhadiya saath mein shaving bhi kar raha tha..
"achcha aap please kuchh episodes ke clip chala kar bataiye kisme kya huaa…."
"Ji jarur….Bhindi,lauki,tamatar….Episode number 301,305 ,309,315,320,…..ke kuch scenes chalao aur batao kya huaa inhe…"
Channels walo ko dekhte huye kaha.."Theek hai na sir…."apni shaving jaari rakhte huye….
Bhindi-"Episode 301…Maanvi karan ke bare mein sabko batati hai…Kajal ki dukaan usse bhala bura kehti hai….."
Channel wale –Ok..next…
Khadkhadiya-Feeling proud..
Lauki-"Episode 305- Maanvi karan ke bare mein sabko batati hai…Kajal ki dukaan usse bhala bura kehti hai…"
Channel wale-What the Hell…..
Khadkhadiya..ka razor uske balon par chalne lagaa..
Tamatar-Episode 309- "Maanvi karan ke bare mein sabko batati hai…Kajal ki dukaan usse bhala bura kehti hai"
Channel wale-Kyaaa bakwaas hai yeee….Khadkhadiya explain now….
Khadkhadiya…Apne right side ke baal shave kar deta hai…."sir sir…
Bhindi-Episode-315" Maanvi karan ke bare mein sabko batati hai…Kajal ki dukaan usse bhala bura kehti hai…"
Khadkhadiyaaa-"chup ho jaooo tum log marwa do mujhe..aadha ganja ho chukaa hoon main…."
Channel wale….Chillate huye…."Khadkhadiyaaa kar kya rahe ho tum…."..uska collar pakadte huye…
Khadkhadiya-"Writer jo likhta hai main shoot kara hoon"..rone lagta hai..ab wo pura taklu ho chukka hai…..
Tamatar-Episode 320.."Manvi ne karan ka khoon kiya…Kajal ki dukaan ne usse bhala bura kaha"
Khadkhadiya khush hote huye-"suna suna..Manvi ne khoon kiya..khoon kiya.."
Channel wale-"shut up shut up….kajal ki dukaan…kajal ki dukaan…Ab agar usne Manvi ko bhala bura kaha to Khadkhadiya ka khoon ho jayega…Bandh karwao Manvi ka itna bolna…ye sun ke hamare ears me infection ho gaya hai..jo log dekhte hai..unke aankh aur kaan dono kharaab ho jayenge..Aage kya dikhaoge jaldi bolo??
Khadkhadiya-"ji behno ka tyaag"
Channel wale-"Bhaago torture"…
Channel wale Bhaag gaye…..pata nahi phir aayenge bhi ya nahi….
Mannat Har Khushi Paane Ki
Hindi TV Shows
