CID story-Khoye Heere Ka Rehasya

Hiii everyone😊😊

This story is written by my brother Santosh Kumar.Plz read it and do comment.All appreciations and critizism is welcomed😊

scene-1-A

(Ek ujade hue showroom ka drashya. Cleanars showroom ki halat dekhte hai to badhawas se ho jate, idhar -udhar talashte hai).

Sweeper: ham to lut gaye, kuch bhi nahi bacha, jane nitin sir abhi tak aaye kyon nahi.

Cleaner: aur ye guards kahan hai kabhi duty pe nahi rehte.chalo CID ko phone karte hai.

Sweeper: ruk ja pehle nitin sir ko to bataye[phone milata hai par koi jawab nahi milta].

Cleaner: jarur koi bahut badi gadbad hui hai, mai CID ko phone kar raha hoon.

scene-1-B

[at the CID office ]

[Vivek phone par baat kar tha]

Fredricks: aajkal tu roj kisse baat karta rehta hai?

Vivek: kuch nahi sir, bas aise hi.

Fredricks: tu la main baat karta hoon.

Vivek: nahi sir, kyun taklif karte hain.

[abhijeet enters]

Abhijeet: kya ho raha Fredricks, aur bhabhi ji kaisi hai.

Fredricks: aapki chugliyon ki krupa se mujshe do din se naraaz baithi hai.[Vivek laughs].

[ACP Daya aur Nikhil ke saath andar aata hai. Kursi par baithta hai ki tabhi phone ki ghanti bajti hai].

ACP: hello[pause] kya! Showroom me loot hui hai, hum abhi aate hai.

scene-2

[CID team showroom pahuchti hai. Vaha pahuchar gloves pahenti hai showroom ki photo kheechti hai].

ACP: my god! Yahan to sachmuch bahut gadbad hui hai.

Abhijeet[cleaner se]: phone tumne kiya hai?

Cleaner: ji ha sir, phone humne hi kiya hai.

Daya: achaa tumhe kab pata chala loot ke bare me.

Sweeper: jab subah safai ke liye aaye the tabhi tabhi dekha.

Sachin: yaha kisi cheez ko haath to nahi lagaya.

Sweeper: nahi saab.

ACP: pure showroom ki acchi tarah talashi lo, ek bhi kona chutne na paye. Aur Vivek, Kajal in dono ke bayan record karo.

[sare CID officers showroom ki talaashi lete hai].

Vivek: is showroom ka maalik kaun hai ?

Cleaner: sir, Nitin sahab is showroom ke maalik hai.

Kaajal: aur vo hai kahan par?

Cleaner: pata nahi sir, kab se unka phone laga rahe hai par lag nahi raha hai

Vivek: unka phone no. aur address do hamen.

[tabhi Nikhil chillata hai "sir"]

ACP: kya hua Nikhil?

Nikhil: sir jaldi se yahan aiye.

[puri CID team vaha pahuchti hai]

ACP: my god! Laash[ek safed daadhi wala aadmi mara pada tha].

Fredricks: hai kiski laash ye?

Vivek: kahi ye showroom ke malik Nitin ki laash to nahi hai?

Daya: par Vivek showroom ka maalik fakiro ke kapdon me kyon hoga?

Sachin: shakal se to kisi aashram ke guru lagte hai.

ACP: kajal, zara un safaiwalon ko bulao.

Kajal: yes sir.

[dono sweepers aate hai]

ACP: yahan sirf loot nahi hui hai, khoon bhi hua hai..khoon. Is aadmi ko jaante ho, dekha hai kabhi.

Dono ek saath: nahi sir, kabhi nahi dekha.

ACP: Achaa!, Fredricks vivek aur nikhil tum log is laash ko forensic lab le jaao aur hum jaate hai is neetin ke ghar.

scene-3

[Nitin ke ghar ka drashya. CID team andar jaati to dekhti hai ki ghar me maatam ka mahaul hai].

Abhijeet: hai.., hum to kuch aur sochkar aaye the aur yahan to kuch alag hi maajra hai.

Daya: are suniye bhaisahab[unka ek rishtedar aata hai]

Relative: ji, aap kaun.

Daya: ji, hum CID se hai. Kya.., ho kya raha hai yaha.

Relative: [bhavuk hokar] Nitin ki maut ho gayi.

ACP: [chaunkkar] kya, maut ho gayi.. Kaise maut ho gayi?

Relative: usne aatmahatya kar li.

Abhijeet: aatmahatya.. Kyun ki aatmahatya.. Kuch bata sakte hai.

Relative: uska heere ka showroom tha par kafhi samay se heero ki chori ho rahi thi. Karz me doobh gaya tha.par aap yahan kaise.

Daya: ji, wo baat to buri hai par.. Neetin ji ke showroom me loot ho gayi hai.. Pura showroom loot liya gaya hai.. Aur saath me ek laash bhi mili hai!

Relative: laash.. Kiski laash.

ACP: ye to abhi pata nahi, magar jald hi doondh nikalenge.

[ACP, Daya aur Abhijeet jaane ke liye mudthe hai]

ACP: is poore mamle me kuch na kuch to humse chupa hua hai. Chalo pata lagate hai.

scene-4

[forensic scene. ACP Daya aur Abhijeet ke saath aaten hain].

ACP: aur Salunkhe, kuch pata chala.

Salunkhe: boss, is aadmi ki maut goli lagne se hui hai.

Abhijeet: ye to hum bhi jaante hai salunkhe saheb.

ACP: yaar Salunkhe, paka mat yaar, koi nai baat hai to bata.

Taarika: nayi baat ye hai sir[ek kagaz dikhati hai].

Daya: kagaz!

Salunkhe : ha boss ye kagaz. Badi hifazat se sambhal ke rakha gaya tha ye kagaz.

Abhijeet: par hai kya is kagaz me.

Salunkhe: khud hi dekh lo.

[Salunkhe kagaz aage badata hai. ACP kagaz leta hai. Abhijeet aur Daya bhi dekhte hai].

Abhijeet: are! Ye kya! Isme to kuch likha hua hai. "PARAHEERA".

Daya: sir, ye to koi code lagta hai.

ACP: ha Daya. Isme heera to samajh me aata hai par para ka kya matlab hua.

Abhijeet: par sir ye bat to tay hai ki ye aadmi showroom ke heero ki chori se juda hua hai.

Salunkhe: ha boss, ek aur baat hai, zara idhar aao.

[sab laash ke saamne ekattha ho jaate hai].

Salunkhe: ye dekho, iske pet me ye surgical cut ka nishan.

ACP: ye kisi operation ka cut to nahi hai Salunkhe.

Salunkhe: bilkul, aur cut bilkul taaza hai boss, abhi haal- filhaal hi surgery hui hogi.

[Sachin ek aadmi ke saath aata hai, saath me Fredricks aur Kajal bhi].

Sachin: sir, aapne akhbar me jo photo di thi usse ye aadmi use pehchan gaya hai.

ACP: kaun ho tum aur is aadmi ko kaise kaise jaante ho.

Man: sir, main Yash hoon aur ek aasham ka supervisor hoon. Ye hamare aashram ke guru hai shri Lokeshnath ji maharaj.

ACP: achaa! Toh ye baba the. Tumhare ye baba bilkul dhongi tha.

Yash: sir, ye aap kya keh rahe hai. Yeh to bade sajjan aur dharmi insan the.

ACP: ye kitne sajjan hai ye to hum pata laga hi lenge,tum ye batao is pet ke nishan ke baare me kya jaante ho.

Yash: [paas aakar] sir ye nishaan.. Ye to appendix ke operation ke karan hua hai.

ACP: Chalo dekh lete hain tum kitna sach bol rahe ho.abhijeet-daya tum log us hospital me jaakar pata karo.

scene-5

[CID bearue scene. ACP reports ka intezaar kar raha tha. Tabhi Purvi aur sachin aate hain].

Sachin: sir, hum abhi neetin ke parivar se milkar aa rahe hai.

ACP: To kya kaha unhone?

Purvi: sir, vo keh rahe the ki neetin kafhi samay se lokeshwar nath ka shishya tha.

ACP: oho! To isi baat ka fayda uthakar vo dhongi baba use loothta raha.

Sachin: par sir abhi tak hume wo heere nahi mile hai.

ACP: mil jaayega Sachin, mil jaayega, bas ek bar is code ka pata chal jaye "PARAHEERA". Tum log us aashram me jao aur pata lagao kya hai yeh "PARAHEERA".

Scene-6

[Daya aur Abhijeet hospital se bahar aate hue].

Daya: dekha boss maine kaha tha na, ye koi appendix ka operation nahi hua.

Abhijeet: vahi to aur ye hospital wale chahe laakh baat banaye lekin kuch to hua zaroor hai yaha.

Daya: boss, mujhe to lagta hai ki yeh hospital ka staff bhi us baba ke saath mile hue hai.

Abhijeet: jante sab hai par muh kholne ko koi taiyar nahi hai. Daya inhe tumhare thappad ki jaroorat hai, uske samne to achhe bol padte hai, phir yeh to machhar hai.

Daya: ek bar saboot haath me aa jaye phir ek-ek ki hajamat banauga.

scene-7-A

[aashram ka scene. Ek sant updesh de rahe the. Sachin, Kajal, Purvi , Nikhil, Vivek aur Fredricks aate hai].

Sachin: kisi na kisi ko to is code aur un heero ke bare me pate hoga. Pata lagao.

[sab log idhar-udhar chale jaate hai].

Aashram ke har kone me jakar chanbin karte hai . Kafhi dhundne ke baad achanak kitab palathte-palathte ek panne par fredricks ki nazar pad jaati hai.

Mude hue kagaz me likha tha:-

"char prakar ki vani"-

1.PARA vani- naabhi[navel] se nikhalne vali aawaz…………….

[fredricks chaunk kar sabko bulata hai]

Sachin:-[kagaz dekhkar] oh, to 'PARAHEERA' ka matlab naabhi aur heere se hai. Main ACP sir ko phone karta hoon.well done freddy!

[sachin ACP sir ko phone karta hai aur sab batata hai].

scene-7-B

[ACP turant Salunkhe ko phone lagata hai].

ACP: haan, Salunkhe, tune us baba ka pet ke cut ko kholkar dekha.

Salunkhe: nahi boss, abhi nahi.

ACP: toh Salunkhe, jaldi se kholkar dekh, heera pet ke andar hai

Salunkhe: kya, pet ke andar, boss main abhi dekhta hoon.

scene-8

[forensic lab ka scene. Puri CID team vaha pahuchti hai]

Salunkhe: aao, main tumhara hi intezzar kar raha tha.

ACP: kuch mila salunkhe.

Salunkhe: kuch nahi, bahut kuch mila hai. Yaha dekho, theek nabhi ke neeche, is cut ke andar ye heera fit kiya hai, badi safai se rakha hai. Yeh baba to bahut bada khiladi nikhla.[sab heere ko dekhte hai].

Sachin: ab heere ka to pata chal gaya lekin iska khoon kisne kiya hai ye ab tak pata nahi lchal paya hai.

Salunkhe: vo bhi pata chal gaya hai boss. Yahan dekho , humhe iski laash par two insano ke fingerprint mile hai, aur in dono ke ek haath ki print aadhi hai?

ACP: matlab Salunkhe?

Salunkhe: matlab ye boss ki khooni ne haath me bandook ya danda pakadkar ek haath ka sirf thode se hisse se laash ko pakda hai. Ab factory ya showroom mein bandook pakadkar kaun rehta hai.

Abhijeet: Watchman?

Salunkhe: ek aur baat, yeh jo sadhu maharaj ke kapde the, unme humein kaanch ke kuch tukde mile hai.

Sachin: par sir humein to showroom se koi kaanch ke tukde nahi mile hai.

Salunkhe: Sachin, khooni ne badi safai se vo kaanch ke tukde vaha se hata diye, dekho hua kuch aisa hoga ki ye aadmi kaanch ke saath gira hoga aur kaaanch ke tukde iske sharir se chipak gaye, thode se sharir mein ghuse the par mote lens ke karan zyada andar nahi ghuse.

Fredricks: par sir voh kaanch lekar kar kya raha tha.

Salunkhe: kaanch ki motai se lagta hai ye lens kisi CCTV ka hai.

Abhijeet: par humein to CCTV camera dikha nahi.

ACP: chalo firse us showroom mein chalte hain, shayad humari nazron se kuch choot gaya hai.

Scene-9

[puri CID team showroom mein jaati hai.]

ACP: ek- ek kona chaan maro, doondo kya milta hai.

[sab tehkikat mein lag jaate hai. Deewaro ki taalashi karte hai.]

Nikhil: sir, dekhiye yahan goliyon ke nishaan hai.

ACP: Achaa[deewar ko dekhte hain], itne sare nishan.. Kahi yeh machine gun se to nahi chali hai, aur phir salunkhe ne bhi to kaha tha ki khoon mein kisi watchman ka haath hai.

Poorvi: sir, dekhiye, yahan deewar mein kuch gaps hai, aisa lagta hai CCTV camere yahi lage the.

ACP: ab saari kahani dheere-dheere saamne aa rahi hai. To hua kuch aisa hoga ki baba aur uske saathiyon ne milkar showroom ko loota taki bade heere ki chori ki baat sab bhool jaye.par unki kismat kharabrahi ki baba ko loot karte watchman ne dekh liya aur goli chala di jisse lokeshanand maharaj ki maut ho gayi.

Daya: lekin sir, agar showroom ko sabne milkar loota to sirf us baba ki maut kaise hai, watchman ne baakiyon par goli kyun nahi chalayi, yash aur uske aashram ke log to bilkul sahi-salamat hai.

ACP: to chalo yeh sab un watchman se hi pooch lete hai.

scene-10

[ghar ke bahar ka scene. Daya doorbell bajata hai, kafhi der bad ek aurat darwaza kholti hai].

Daya: tumhare pati kaha hai?

Wife: who ghar par nahi hai, kam par gaye hai.

Daya: hum jante hai wo kaunse kam par jata hai [andar ghus aate hai aur kamre me jaakar Daya watchman ko daboch leta hai].

Watchman: saab maine kuch nahi kiya.

Daya: kuch nahi kiya, achaa, phir yeh pasina kyun ?

Watchman: sir wo bahut garmi hai na.

Daya: garmi hai, asli garmi ab tujhe deta hoon [thappad marta hain].

[dusre watchman ko bhi pakad lete hain]

[aashram me chapa markar yash ko pakad lete hain].

scene-11

[CID bearue scene]

Watchman: sir, humne kuch nahi kiya, us aadmi ko to humne self- defence mein mara.

Daya: achaa, to ek baat batao, showroom lootne ka tumhe pata nahi chala aur lokeshanand ke aane ka tumhe pata chal gaya!aisa kaise?

Watchman: voh sir.. voh..

ACP: voh-voh kya, khul ke batao.

Watchman: sir, voh inhone humein paise diye the baba par maarne ke liye aur loot ki sazish rachne mein madad karne ke liye mein ke liye [ishaara karta hai, ].

[sab chauk kar saath bolte hai,yash!!]

ACP: Yash, tumne apne hi leader ko ko marva diya!

Yash: apne aapko bada leader samashta tha voh, sara plan mera tha aur sara credit le gaya lokesh.

ACP: lokesh?

Yash: ha, naam uska lokesh tha baaki to usne khud hi gada tha.

Daya: tumne yeh sab kiya kaise?

Yash: jab Neetin ko humhari sacchai ka pata chala to usne purane guards ko nikaal diya jinhe humne kharid rakha tha. Tab maine do supari killers ko guard bana neetin ke paas bheja aur loot ke waqt humne jaanbhoojh kar CCTV camere nahi tode aur jab lokesh ko pata chala to voh khud hi vaha chala gaya aur humne guards ko phone kar diya, jisne use mar diya.

Ab mujhe kya pata tha voh insan apne pet mein heera chupaye baitha hai. Is heere ne saari pol khol di.

Daya: showroom ke baaki heere kahan hai?

Yash: humne saare heere purane watchman ke paas chupa diye the.

Daya: par humein to waha koi heere nahi mile.

Yash: vo heere humne watchman ki stick mein chupa di.

ACP: ise kehte hai jaise ko taisa. Yahan lokesh ne tumhe bina bataye heera chupa diya aur waha tumne use duniye se door karne ki saazish rachi. Kya mila tumhe? Jail mein koi aashram nahi hota varna ek pravachan karne ka mauka tumhe zaroor denge. Yash aur tum dono watchmen tumhe to bahut badi sazaa milegi, ek khoon, ek loot aur ek aatmahatya ko lekar uksane ke liye.

Awesome Story😃 👍🏼👍🏼👍🏼

Nice story Neha di

your bro had done a gudjob..⭐️⭐️

Keep it up..

awesome job by your brother. keep it coming..👏

@ neha :