Ariya Love and Deceit - Page 12

Riya apna sar disbelief mein hilati hai...

Dono Rathore ke ghar pahunchte hai

Arjun: kya hua Sam aisi mari hui shakal lekar kyun ghum raha hai?

Rathore: toh aur kya karu? Kahi se bhi kuch surag nahi mil raha hai aur...(fir Riya ki taraf dekhkar)ye tum dono saath mein kyun ho? Aur itni der kyun laga di aaj aane ke liye?

Arjun: hum ek member ka muh khulwaane gaye the

Ayesha: kaha?

Rathore: kaha chodo...bataya kyun nahi?

Riya: woh humne socha ki agar kuch pata chale toh theek hai warna firse nirasha dekar kya faayda

Rathore nod karta hai

Sakshi: toh kya pata chala?

Riya: do naam saamne aaye hai...Saddam aur Shahana

Shree: toh yeh dono Rana ke bache hai?

Riya: ha

Ayesha: lekin aaj tak indono ka naam kabhi saamne nahi aaya...as in...kahi par bhi nahi...

Liza: ha, kisi bhi record mein inka naam nahi hai, kahi bhi kisi bhi kaam mein inka naam saamne nahi aaya, fir bhi inka itna bada business hai...iska matlab ye hai...ki inhone kaafi achese apni pehchaan chupa kar rakhi hai

Rathore: chupi hui toh rehni hi hai, kyonki woh Sikandar ke naam par kaam kar rahe the...

Arjun: aur Sikandar kaun hai, kya hai, kisi ko nahi pata...khair woh sab chodo ye dono Carter road ke farmhouse par milenge...Shree, zara pata karo ki waha kya-kya hai

Shree nod karta hai

Chotu: Carter road par toh kaafi amir logon ke farmhouses hai...hum waha bina official warrants ke puch tach kaise karenge?

Ayesha: ha sir Chotu sahi keh raha hai...in logon ki akad aur ghamand ka saamna karna thoda teda kaam toh hai

Rathore: hmm...I guess hume pehle usi farmhouse ko dhundhna chahiye jiski woh baat kar raha tha

Shree: sir!! Carter road par kuch 12 farmhouses hai, aaspaas zyaada kuch nahi hai, ekada medical store hai aur kuch commercial nahi hai, woh raasta usually sunsan hi rehta hai, weekend trips hoti rehti hai aur pg 3 ki news banti hai aur kuch nahi

Arjun: ab pata karo un 12 farmhouses mein se aise kitne farmhouses hai jiske owners yaha nahi rehte aur woh zyaadatar band rehta hai

Shree firse laptop mein ghusta hai, kuch pal baad

Shree: sir! Aise teen farmhouse hai...jisme se do ke malik Mr. Raichand hai...actually naam toh unka hai par virtually ek farmhouse unke bade bete ka hai aur dusra chote...lekin yeh teesra farmhouse... iska owner koi Yash Chauhan hai...lekin sir uska koi record nahi hai, there is 100% chance ki yeh fake hai

Rathore: matlab yahi humara shikar hai

Sakshi: lag toh yahi raha hai

Tabhi Rathore dekhta hai ki Arjun kisi soch mein gayab hai

Rathore: kya hua Arjun? Tum khush nahi ho?

Arjun: hun...lekin

Rathore: lekin?...lekin kya?

Arjun: yeh sab kaafi simple nahi lag raha hai? I mean hum itne waqt se us tak pahunchne ki koshish kar rahe the aur ab...ab sab kuch humare haath mein aise aa raha hai jaise, kisi bakri ko ghaas mil rahi ho...kahi kuch toh chut raha hai...

Rathore: kuch nahi chut raha hai Arjun...tum zaroorat se zyaada mat socho...

Ayesha: par sir ho sakta hai Arjun sir ki baat sahi ho...Pathan ne bhi toh...

Rathore use chup rehne ka ishara karta hai, lekin Arjun yeh dekhta hai

Arjun: Pathan ne bhi kya?

Ayesha Sameer ko questioning gaze se dekhti hai

Arjun(sternly): main kuch puch raha hun Ayesha! Jawab do

Rathore: Pathan ne kaha thi ki Rana ki bachein humare saath hai

Arjun/Riya/Sakshi/Liza: KYAA??

Rathore: ha

Arjun(annoyed): tumne yeh baat hume pehle kyun nahi batayi??

Rathore: Kya Batata?? Humare Saath Hai Ka Kya Matlab Hai?? Tumhe Lagta Hai Ki Humare Bich Koi Gaddar Hai?

Arjun team ki taraf dekhta hai aur fir: nahi...obviously not

Rathore: TOH PHIR??

Puri team ek dusre mein glances exchange karti hai

Arjun sigh karta hai, Rathore uske kandhe par haath rakhta hai...kuch pal silence hai

Arjun: let's do this!!

Riya: umm...ek choti si problem aur hai

Chotu: ab kya?

Riya: mere, Liza, aur Shree ke paas ab official guns nahi hai

Rathore: guns toh humari bhi kaam nahi aayegi Riya...

Chotu: kyun?

Arjun: hume goliyon ka hissab dena padta hai Chotu, hum apni service guns use nahi kar sakte

Ayesha: toh ab kya? Hum bina weaponry ke toh nahi jaa sakte

Arjun: us sab ki chinta tum log mat karo...woh main kar dunga

Rathore: aur tum kaise karoge?

Arjun: Sammy!! Aam kha gutliyaan mat gin samjhe ya samjhao? Riya ye sunkar smile karti hai

Rathore: SHUT UP!! Don't call me Sammy!

Arjun: are Sammy ko Sammy nahi bulaunga toh aur kya bulao ?

Rathore use glare karta hai: dekh Arjun! Tu ...

Arjun: Dikha na Sammy!!

Rathore: that's it!! Aur uske piche bhagne lagta hai.

Arjun bhi bhagne lagta hai, Rathore uske piche bhag raha hai aur use pakadkar playfully maarne lagta hai...puri team muskura kar unhe dekh rahi hai...kuch der baad dono thak kar baith jaate hai aur ek dusre ko dekhkar hasne lagte hai

Sakshi(confused): Sameer Arjun tumhe pehli baar thodi Sammy bula raha hai?

Sameer: are mera nickname Sam hai Sammy nahi!! Sammy ladki ka naam lagta hai

Ab chaaro ladkiyaan use glare karne lagti hai

Arjun Sameer ke kaan ke paas : ab toh tu gaya mere bhai...bol kaunse shamsaan mein teri booking karau?

Sameer use glare karta hai aur pillow maarta hai

Shree: are, hum toh kaam kar rahe the na?

Sameer: are waah kya baat hai!! ETF ka sabse bada bacha bada ho gaya...chalo sab kaam karo!

Shree face banata hai aur sab haste hai

Arjun: chalo...abhi jokes apart sach mein kaam par lagte hai

Sab nod karke us farmhouse par jaane ki taiyaari karte hai

Riya: are ha ek aur baat agar hum sab ek saath leave lenge toh kahi Gautam sir ko shak ho gaya toh?

Liza: I think hume yeh kaam bhi raat ko karna padega aise hi chup-chupkar

Ayesha: kya faayda? Baadme toh unhe pata chal hi jaayega na?

Shree: ha, lekin tujhe saand ko laal kapda kyun dikhana hai?

Sakshi: Shree sahi keh raha hai, hume risk nahi lena chahiye atleast is baar nahi...

Chotu: aur kise pata? Gautam sir use mile nahi hai

Sameer: right! Commissioner sir ko humare kisi bhi movement ko bhanak bhi nahi lagni chahiye, ab jo bhi karna hai...hum karenge, commissioner sir involved hai ya nahi yeh toh waqt hi batayga...waha hum raat ko hi jaayenge...Is That Clear??

Sab nod karte hai aur plan banate hai... sab apne-apne ghar jaane ke liye taiyaar hote hai, Arjun Riya ko ghar drop karne jaata hai...dono gaadi mein hai

Riya: aapko sach mein lagta hai ki kuch gadbad hai?

Arjun sigh karta hai: pata nahi Riya...mere toh kuch samaj mein nahi aa raha hai

Riya uska haath pakadti hai, Arjun apni grip tight karta hai

Arjun: ab toh yaad bhi nahi ki kabse is din ka intezaar kiya hai...aur jab apni manzil ke itne karib hun toh...

Riya: dar lag raha hai?

Arjun admit karta hai: ha

Riya smile karti hai: don't worry...sab theek ho jaayega

Arjun bhi smile karke nod karta hai: thank you!

Der raat ko ek ladka aur Ladki phone par baat kar rahe hai

Saddam: sab kuch plan ke mutabik chal raha hai

Shahana: ha, kisne socha tha ki Mumbai ki famous ETF itni aasani se humare jaal mein fas jaayegi

Saddam: sach, unhe toh yeh bhi nahi pata chala ki woh Babloo tak isliye pahunche kyunki humne unhe pahunchne diya

Shahana: kaise pata chalega inke aakhon par toh vishwas ki patti bandhi hui hai, yaha tak ki un dono ACP ko bhi apni team par shak nahi hua

Saddam: aur jab unhe pata chalega ki uske isi vishwas ne use le duba toh woh marne se pehle sau baar aur marega

Shahana: aur ek baar fir apne pyaar ko apni aakhon ke saamne chinte hue dekhega

Saddam: ab bas us din ka intezaar hai jab woh humare saamne hoga

Shahana: aur us din hum ETF ka naamu-nishaan mita denge, us ACP ki wajahse humare papa humse dur chale gaye, uski toh sirf biwi ko maara tha humne, ab woh apni puri team ka woh haal dekhega ki saat janmon tak use Rana ke naam se bhi dar lagega

Call disconnect

Finally its D Day- raat ka samay hai, sab Rathore ke ghar par hai, sab ho jaane ke baad

Sameer: Arjun, guns?

Arjun time dekhta hai: bas aati hi hogi

Sameer: acha...Shree(Shree turn hota hai) aisi koi technology aayi hai market mein jisse guns ke paas pair aur artificial intelligence aa gayi ho apni destination par jaane ke liye

Arjun dono glare karta hai. Shree dar ke maare kuch nahi bolta, baakhi sab apni hasi chupaane ki koshish karte hai...tabhi doorbell bajti hai

Liza door kholti hai...ek admi waha khada hai, uske haath mein ek bag hai. use dekhkar Arjun ke ilawa sab shock hote hai

Arjun: andar aao!

Woh admi andar aata hai, Liza piche darwaaza band karti hai

Sameer: tum? Tum toh wahi ho na?...tumhe underworld mein Katta bhai bulaate the sab, tum underworld ke sabse bade weapons supplier the?

Admi: ha...