Chapter 10

Part 10
s ko dehli gaye hoye 10 din ho chuky thy aur es dauran s ky 3 phone b aa chuky thy magar kisi pho par b us ne apny wapis anay ka nahe kaha tha k ko b apni maa papa ky ghar sy aye hoye 2 din guzar chuky thy wo din gin rahe the bina irada wo s ko sochy jati thi,wo s ka mutalik jab sochti the tou udas ho jati thi k khud apni es halat ko samajh nai pa rahe thi sara din khud ko ghar ky kisi na kisi kaam mei busy rakhti thi ta ky s ka khayal usy bar bas disturb na kary.K ab sara din nichy rehti the koi kaam b nai hota tha tou wo prerna bhabi ky bety arman ky sath khelti rehti ya pher dadi maa ky sath baith kar un ki guzry dinu ki batain sounti rehti the magar akhir kab tak wo yun khud ko behlati raat ko wo jaisy he apny room mei kadam rakhti s ka khubsurat wajod k ki ankhun ky samny ajata aur wo bai-bus ho jati wo apni es bei-chaini ko koi nam nai dai pa rahe the na tou k ko apny maa papa ky ghar sakun mila tha aur na yahan apny susral mei mil raha tha.

Raat wo apny kamry mei khidki kholy chaand ko daikhty hoye sochy ja rahe thi us ka aur chand ka bohot purana rishta tha bachpan sy he k apny saray raaz chand sy he share kar ai the najany usy kyun yaqen tha ky wo jo kuch chand sy kehti hai chand us ki sounta hai aur usy tasali daita hai k ki har baat ka jawab daita hai chand.

K:(thinks)kya karun mai kahan jaun?Kahan jaun mai?Ye kya hota ja raha hai muje?Mai hamesha khush aur sakun sy rehny wali larki aj ye kis uljhan mei hun?"

1 sargushi (whisper) sounai di the dil sy awaz ai the.

"Tum Shayad us sy muhabat karny lage ho,tum usy khony ky dar sy ghabrati ho,tumy dar hai ky kahin ye khawab na ho jaye."

k:"Nahe mai us sy muhabat nahe karti,mai tou baas sab ka dil dukhany sy dar rahe hun sab ki muhabttun ko thukrany ky khayal sy dar rahe hun,muje ye sab ghar waly bohot pyaray hain,mai itny pyar karny waly logun ky sath dhokha kaisy kar sakti hun,mai Sujal sy muhabat nahe karti,galat hai ye ilzam mai us sy muhabat kaisy kar sakti hun."

k ne ghabra ky khidki (window) bandh ki aur bed pe aa kar lait gai,neend tou kai din sy ankhun sy rothi hui the wo khud apny ap ko mutamin karny ki koshishain karny lage,apny dil sy uthny wali har bat ko k duba rahe the jhotla rahe the.

K apny he faisly pe pachta rahe the ky us ne ye shadi kyun ki,wo bohot khamush rehny lage the.

******
k lown mei baithe grass khench rahe the apny hathun mei aur khayalo mei gum the kripa bhabi ne usy yun baithy daikha tou us ky pas chali ai.

Kri:"kashish kya howa yun akeli kyun baithe ho?"

k:"kuch nahe bhabi dil udas ho raha tha socha baher aa kar kuch dair baithun taza hawa mei ta ky udasi thori kam ho."

aj k ka dil chah raha tha apna hal-e-dil kehny ko kripa ne pucha tou raha nai gaya aur k ne jawab dy dala k ki bat pe bhabi muskurany lagen.

Kri:"jab pati pas na ho na tou dil udas sa rehta hai angad b kabi out of town jaty hain na tou mera b yahe hal hota hai."

bhabi ka jawab soun kar k hosh mei agai aur apni safai dainy lage.

K:"ye bat nai hai bhabi wo asal mei mery pas karny ko kuch khas kam nahe hai na aur aj kal study b bohot kaam ho rahe hai na tou muje free rehny sy yun uljhan hoti hai."

kri:"kashish ye jo chehra hai na insan ka,ye 1 kholi kitab(book) ki tarah hota hai 1,1 lafz bohot saf dikhta hai aur sach b,tum sujal sy muhabat karny lage ho esi liye jab sy wo gaya hai tum udas rehny lage ho,muskurana b bhol gai ho,ye muhabt bohot bei-reham cheez hoti hai aur Judai us sy b zayada zalim,zindagi na tou"han" mei rehti hai aur na he "na" mei,insan en donu ky darmiyan kahin latak ky reh jata hai,ankhain viraan ho jati hain,sary rang kahin kho jaty hain aur jab ye intzar aur muhabt shidat ikhriyar karty hai na tou insan ka har kadam elaan karta hai ky wo kis daur sy guzar raha hai aur kashish mera tajurba galat nahe hai tou tum b es waqt aisy daur sy guzar rahe ho."

bhabi ne k ky donu hath thaam kar k ki ankhun mei daikhty hoye bohot rok rok kar 1,1 lafz ada kiya ta ky k apny andar ki ghutan baher nikal saky,aj kal sab ghar waly b k ki udasi ko note kar chuky thy aur dadi maa tu bohot bar kri aur prerna bhabi sy k ka puch b chukin thin.

K:"bhabi mai UN ko yadh nai karna chahti,mai sujal sy muhabt nai karna chahti bhabi mai uny Nahe Paa sakti,wo imanat hain Tanya ki aur mai hayanat nahe kar sakti,mai apny dil ki bat nahe maan sakti mai ap sab ko,apny maa papa ko yahan tak ky khud ko b dhoka dai rahe hun,mai Tanya ky sath dhoka nai kar sakti,aur bardasht nahe hota muj sy,mai thakny lage hun,mai aur kisi gunah ka bojh nai utha sakti muj sy ye 1 he gunah bardasht nahe ho raha sab ko dokha dainy ka mai tanya ko dhoka nai daina."

k roty hoye tadapty hoye bei-hal ho kar apna sar kri ki godh mei rakhy apna gunah kabul kar rahe the aur kri shocked hoye us ky tadapty,machalty wajod ko daikhy ja rahe the,ye kaisi kayamat the ky wo manzil pe hoty hoye b manzil ko tars rahe thi,talash rahe the.S ky yun k sy shadi karny pe sab ko hairat hui the aur khushi b ky tanya jaisi larki sy jan choti the magar aj es kri ko es faisly ki haqiqt malum hoi the aur s ki khamushi ki b.

Kri:"kashish tum ne apny sath itna bhada zulam kyun kiya,khud he apny daman mei agg laga di?"

magar k hosh mei hoti tu sounti wo tu kab ki bei-hosh ho chuki thi.


[=================]
End of 10th Part
Coming up= sk conversation
waiting for ur comments.
Anam