Chapter 14

Lekin Arjun ko firse Sakshi ka lagaya hua ilzaam yaad aata hai aur usse gussa aata hai: I'm Sorry Rathore Sir! Dobara Nahi Puchunga!!!

Aur phone kaat deta hai...

Sameer bhi gusse mein phone bed par fek deta hai.

Ayesha: Sameer...

Sameer: ab tum uski side mat lena!

Ayesha: main unki side nahi le rahi hun, lekin unhe suspension ke baare mein kyun yaad dilaya aapne? Aapko aisa nahi karna chahiye tha

Sameer frustrate hota hai: tum sahi keh rahi ho, uski dukhti nas par hath rakh diya maine...Par Main Kya Karu? Tumne Dekha Na? Mujhe Samaj Mein Nahi Aa Raha Hai Ki Woh Kar Kya Raha Hai. Use Apne Case Ki Fikar Honi Chahiye Aur Woh Us Random Drug Case Ke Peeche Pada Hua Hai, Woh Samajta Kyun Nahi Hai Ki Usse Zyaada Uska Nirdosh Saabit Hona Zaroori Hai.

Ayesha: woh bina kaaran toh kuch nahi karte na?

Sameer: Toh Fir Ye Kyun Kar Raha Hai? Aisa Kya Hai Is Case Mein Jiski Wajah Se Itna Uchal Raha Hai?

Ayesha soch mein pad jaati hai: kahi aisa toh nahi ki...maybe...aisa ho sakta hai...ki...

Sameer: Ayesha aaj hi bolna hai

Ayesha irritate hoti hai: par aisa kaise ho sakta hai?

Sameer: are bolo toh

Ayesha: kahi aisa toh nahi ki Sakshi ka isse koyi connection ho?

Dono ek dusre ki taraf dekhte hai aur fir ek saath disagree karte hai: impossible

Sameer: bhale hi usne jhuta case kiya ho Arjun par lekin woh koyi crime syndicate nahi chala sakti

Ayesha: ha, main jaanti hu use...ek reporter banne ke naate uska dimag kabhi kabaar tedha zaroor chalta hai lekin ye uske bas ki baat nahi hai

Sameer: par Arjun ka kya?

Ayesha: woh toh mujhe nahi pata Sameer lekin ab agar case haath mein liya hai toh solve toh karna padega na?

Sameer nod karta hai: address bheja hoga usne

Ayesha uska phone utathi hai: main dekhti hun...(check karke) ye toh us club se zyaada dur nahi hai

Sameer: kya?

Ayesha: ha dekhiye. Woh phone ki screen uski taraf karti hai

Sameer ki mind kal ke incident ki taraf jaata hai. kya ye sirf ittefaq tha?

Ayesha: kya hua Sameer?

Sameer: kuch toh chut raha hai

Ayesha apni eyebrow raise karti hai: ye dialogue toh aapka nahi hai

Sameer uske comment ko ignore karta hai: yaad hai tumhe woh admi jis par hume sabse pehle shak hua tha?

Ayesha: ha wahi na jo apna chehra chupa raha tha

Sameer: ek baar woh phone karne gaya tha aur fir waapis aaya lekin baad mein kaha gaya kuch pata nahi chala na?

Ayesha: nahi, bhaag gaya hoga baakhi sabki tarah

Sameer: aur woh ladki!

Ayesha: kaunsi ladki?

Sameer: wahi jo Rafiq ke table par gayi thi, woh bhi toh us admi ke baahar jaane ke baad aayi thi

Ayesha: Sameer woh ladki toh andar se aayi thi, Club ki hogi

Sameer: lekin woh usi waqt kyun aayi? Aur fir Rafiq ke aane ke baad hi us table par kyun gayi?

Ayesha: Sameer aap kuch zyaada hi soch rahe hai, random incidents ko kyun ek dusre ke saath jod rahe hai aap

Sameer pure confidence ke saath kehta hai: lekin Ayesha, tum hi socho ki Arjun ne jo address diya woh us club se dur nahi hai, kahi Arjun bhi wahi toh nahi tha? Kahi woh ladki wahi ladki toh nahi jo ETF mein ghusi thi, jise Arjun chupa raha hai?

Ayesha use blank look deti hai aur fir uthkar washroom ki taraf jaane lagti hai

Sameer: ab tum kaha jaha rahi ho?

Ayesha: aapka dimag toh kharab ho hi gaya haina?  Mera ho usse pehle shower lene jaa rahi ho. Aur andar chali jaati hai

Sameer muh banakar baith jaata hai.

Arjun's house-

Arjun Sameer ki wajah se frustrated hai lekin fir bhi kisi tarah khud ko control karke address message karta hai. woh apna phone chodkar Riya ke paas jaata hai. Riya raat ki information apne sabuton mein add kar rahi hai. Arjun use jaakar use peeche se hug karta hai

Riya smile karke use dekhti hai: kya hua?

Arjun: kise?

Riya: mere bhoot ko

Arjun apna sar uske kandhe mein chupata hai: tumhare bhoot ko kya hua ye tumhe pata hona chahiye

Riya: kya hua Arjun sir? Kyun upset hai aap?

Arjun: upset nahi hun

Riya uski taraf turn karti hai: acha? Ab aap mujhse bhi jhut bolenge?

Arjun: ab tum mujhe guilty mat feel karwao

Riya: aap Rathore sir se baat karne gaye the na? firse jhagda ho gaya?

Arjun bitterly smile karta hai: jhagda khatam hi kab hua tha?

Riya ko achanak yaad aata hai: are ha! Humari story baakhi hai!!! aapne us din beech mein hi rok di thi

Arjun: maine kaha roki? Tumhe hi badi hasi aa rahi thi

Riya(complaining): acha? Aur fir mera dhyaan kisne bhatkaya?

Arjun us par lean karta hai: woh toh main 24/7 kar sakta hun

Riya immediately uske lips par ungli rakhti hai: sochna bhi mat! Mujhe meri story chahiye matlab chahiye, abhi! Isi waqt!

Woh use dur hokar use bed par bitathi hai aur Arjun ke paas baithti hai

Riya: ab bataiye aage kya hua? Aapne Roshni ji ko propose kiya, fir aap dono ki shaadi hui fir kya hua?

Arjun sigh karta hai: fir Sikandar ka chapter shuru hua (Riya uska haath pakadti hai) maine uske dhandhe ko band kar diya, aur uska badla usne (cracked) meri Roshni se liya, meri aankhon ke saamne usne Roshni ko maar diya (uski aankhein nam ho jaati hai) aur main kuch nahi kar paaya, woh cheekh rahi thi chilla rahi thi aur main (apni fists ball karke) main bas laachar hokar dekh raha tha

Riya use console karti hai: aisa mat kahiye sir, maine padha tha, aap drugged the, it was...

[kaha padha tha? Daant padi thi na madam ko solid waali? Usiki baat kar rahi hai]

Arjun: chahe jo ho Riya lekin main use bacha toh nahi paaya na?

Riya: woh aapke haath mein nahi tha, us situation mein koi bhi hota toh...

Arjun: par main koi bhi nahi hun Riya, (mock karte hue) ACP Arjun Suryakant Rawte jo har case ko solve kar sakta hai, jo kisi ke saamne nahi jhukta, jo sabko insaaf dilaane ki baat karta hai woh apni biwi tak ko nahi bacha paaya

Riya: agar aap koi bhi hote toh use itni mehnat karke aapko drugs dene ki zaroorat nahi thi. Usne aisa isliye kiya kyunki woh jaanta tha ki agar aap hosh mein hote toh woh kabhi apne iraado ko anjaam nahi de paata...jo hua usmein aapki koi galti nahi thi

Arjun: na mujhe aisa lagta hai aur na hi tumhare Rathore sir ko (Riya uske statement se choukti hai, Arjun apne aapko compose karta hai) khair, tum ye batao tumhara woh khabri...contact kaise karega?

Riya bhi us topic ko jaane deti hai: main aaj usse milne jaane waali hun (Arjun nod karta hai) aap aayenge?

Arjun apni eyebrow raise karta hai: tum chahti ho ki main aau? Pichli baar toh mujhe bataye bagair hi chali gayi thi

Riya(innocently): tab aap ghar par nahi the na, isliye maine nahi bataya...aap nahi aana chahte toh..

Arjun(sharply): nahi! Main...main aunga, tum akele mat jao

Riya smile karke use tight hug deti hai: thank you!!

Arjun ka mood bhi thoda halka hota hai. woh use hug karke uske forehead par kiss karta hai.

ETF office-

Sameer aur Ayesha dono aate hai. udhar baakhi sab already aa gaye hai. Shree, Liza aur Chotu already records lekar baith gaye hai. Sakshi un par daya khaate hue aaram se madad kiye bagair apni coffee pee rahi hai.

Liza: kya Ayesha kitna time? Jaldi nahi aa sakti thi?

Ayesha: are yaar main toh ready hi thi, tumhare ye Rathore sir hi subah-subah itna time pass karte hai ki pucho mat

Sameer use shock hokar dekhta hai

Shree: kya sir? Aap bhi...yaha office mein itna kaam hai aur aap time pass kar rahe hai?

Sameer use glare karta hai.Shree dar ke maare chup hokar file mein ghus jaata hai.

Ayesha: are! Use kyun ghur rahe hai aap? Sahi toh keh raha hai

Sameer(dramatically heartbroken): Ayesha?

Ayesha: kya Ayesha? Kitna time lagta hai aapko taiyaar hone ke liye? Mujhe toh shaadi ke liye taiyaar hone ke liye bhi itna time nahi laga huh!

Sameer: Ayesha...

Ayesha: Ayesha-Ayesha karna band kijiye aur jaiye jaakar aaram se cabin mein baithiye, hume kaam karne dijiye

Sab apni hasi chupani ki koshish karte hai

Sameer use glare karta hai: raid maarne jaana hai, yaad hai?

Ayesha ko suddenly yaad aata hai ki Arjun ne unhe information di thi

Chotu(complaining): sir firse? Ye records kab check honge?

Sameer(sternly): jitna kaha jaye utna karo! Woh apna phone nikal kar address bolta hai.

Shree: yaha hai kya?

Sameer mv "Apne Arjun sir se jaa kar pucho! : Mujhe Nahi Pata!

Shree bichara firse chup ho jaata hai mv "toh hum jaa kyun rahe hai? Sakshi ke ilawa sab raid ki taiyaari karne lagte hai aur kuch hi der mein office se chale jaate hai.

Shastri Chawl-

Riya ne humesha ki tarah apna chehra scarf se dhaka hua hai. Arjun uske saath hai.

Arjun: toh khabri kaha hai tumhara?

Riya ek direction mein point karti hai: us kholi mein

Arjun waha ki surroundings dekhta hai: tum humesha yahi milti ho use?

Riya: nahi, abhi majburi haina

Arjun nod karta hai: waise ye bharosemand toh haina? I mean...tum...kahi baat baahar na chale jaaye ki tum, you know what I mean?

Riya: ha, bharosemand hai

Dono uski kholi par pahunchte hai. Arjun darwaaze par knock karta hai. kuch hi pal mein ek admi darwaaza kholta hai.

Admi(dono ko dekhkar): kaun?

Riya apna scarf shift karke apna chehra dikhati hai: main hun Rakesh

Rakesh unhe raasta deta hai: ayiye madam

Arjun aur Riya dono andar jaate hai.

Riya: kuch pata chala?

Rakesh: ha madam, woh jo ACP tha na?

Arjun: Harshit?

Rakesh: ha uska murder hua tha

Riya: ye toh mujhe bhi pata hai!

Rakesh: ha madam lekin aapko yaad hoga ki aap dono ke ilawa ek aur officer tha jo us case par kaam kar raha tha

Riya(sochte hue): ha...tha lekin woh toh sirf technical support de raha tha hume

Rakesh: ha wahi, Alok Sinha...ACP Harshit ke murder ke do mahino baad Alok ka accident ho gaya, hit and run. Raat ka samay tha, kisi ne kuch nahi dekha agle din uski laash mili aur aaj tak pata nahi chala ki kisne use thoka

Riya apne aapko control karti hai: tumhare kehne ka matlab ki uska bhi murder hua tha?

Rakesh: sirf murder nahi aur bhi bahot kuch hua tha...