Chapter 13

Rathore nod karta hai: that's it for the day! Ghar jao...kal continue karenge. Aur jaldi records check karo, warna kahi hum dead end par na pahunch jaaye.

Sab nod karte hai...

Ek kamre mein Arjun aur Riya dono akele hai. dono ek dusre ko peet karke baithe hai. unke haath bandhe hue hai aur aankhon par bhi patti bandhi hai. Arjun ko hosh aata hai, woh dheerese apni aankhein kholta hai lekin fir bhi patti ki wajah se use kuch dikhayi nahi deta. Woh confuse hota hai. use mehsoos hota hai koi uske back par support le raha hai. use dheere-dheere yaad aata hai ki woh waha kaise pahuncha.

Arjun(worried): Riya!! Riya!!! Kya tum ho?? Riya!!!

Woh peeche wale ko nudge karta hai. Uske chillane se Riya ko bhi hosh aata hai

Arjun: Riya!!! Riya kuch toh bolo!! Kya tum ho?!!? Riya!!!!

Riya abhi bhi puri tarah se sense mein nahi aayi hai lekin Arjun ki awaaz pehchanti hai(Softly): Arjun?

Arjun uski awaaz sunkar relived hota hai: thank goodness! Tum theek toh ho? Main toh dar hi gaya tha

Riya(ab pure hosh mein): main...main theek hun...lekin kuch dikhayi kyun nahi de raha hai?

Arjun: humare haath aur aankh dono bandhe hai.

Riya: koyi aur hai kya?

Arjun: lagta toh nahi hai

Riya: main chudaati hun hume

Arjun(confused): kaise?

Riya: mere paas chaku hai

Arjun(shocked): what?

Riya(sharply): where do you think the knife on your neck came from?

Arjun: mere gale par chaku tha, tumhe lagta hai main woh sab sochunga? Aur itni choti dress mein tumne chaku kaha chupaya hai?

Riya disbelief mein sar hilati hai: sandal ke sole mein

Arjun: main tumhe yaad dila du ki humare haath bandhe hai

Riya: lekin pair toh nahi na

Arjun: kya matlab?

Riya: dekhte jaaiye

Arjun: that's kind of hard considering Mere Aankhon Par Patti Bandhi Hai!

Riya uske statement ko ignore karti hai. woh apne pair ko bend karke peeche le jaati hai. Arjun ko uski heel chubti hai.

Arjun: ouch!

Riya: sorry.

Woh thoda struggle karke apne sandal mein chaku nikalti hai

Arjun: Riya sambhal kar, kahi chaku nikalne ke chakkar mein tum khud ko chot na pahuncha do

Riya: ha...(handle ko haath mein lete hai) bas ho gaya.

Woh fir se apna pair seedha kar deti hai.

Riya: ho gaya! Main aapke haath kholti hun okay?

Arjun: hmm

Riya: aap hilna mat, warna lag jaayegi

Woh apne free haath se rasi ki feel karte hue us par chaku rakhti hai aur dheere-dheere ghisne lagti hai. Chaku sharp hai, isliye kuch hi Palo mein rasi katne lagti hai. Arjun ko mehsoos hota hai ki rasi loose ho rahi hai. woh bhi wrists move karke use aur loose karta hai.

Arjun: ho gaya!

Riya ruk jaati hai. Arjun apne haath chuda kar apni aankhon ki patti kholta hai. achanak Roshni padne se uski aankhein reflexively band ho jaati hai. woh dheerse se apni aankhein kholta hai aur chaaron taraf dekhta hai.. uske hosh ud jaate hai

Arjun: Riya?

Riya: hmm?

Arjun: have you still got your blindfold on?

Riya: obviously

Arjun: promise me you won't take it off!

Riya: aisa kya hai?

Arjun: trust me tum nahi dekhna chahti ho

Riya: really? Aur bina dekhe hum yaha se baahar kaise niklenge?

Arjun: main huna jaan, fikar kyun karti ho?

Arjun uske haath kholkar use khada karta hai. woh uska chaku khud le leta hai.

Arjun: ghar jaakar waapis kar dunga

Riya: ha theek hai lekin...ye ajeeb si badbu kyun hai?

Arjun firse apni surrounding ko dekhta hai jaha par laashon ko kaat kar rakha hua hai. ek kone mein pile dump karke rakha hua hai.. kayi laashon mein se organs nikalkar idhar-udhar rakhe hue hai taaki andar drugs ke liye jagah bana sake. drugs ke packet pade hue hai taaki unhe andar bhara jaa sake.  Arjun ko khud use dekhkar ghin aur chid dono ho rahi hai Aur woh achese jaanta hai ki agar Riya ne ye sab dekha toh woh behosh hi ho jaayegi.

Riya: Arjun?

Arjun: ha woh, band jagah haina toh isliye badbu aa rahi hai.  chodo woh sab...hum baahar nikalte hai yahase. Woh door ke paas jaane ke bajay Riya ko khidki taraf guide karta hai. woh khidki kholkar neeche dekhta hai. woh log 4^th floor par hai, matlab zyaada khatra nahi hai. zyaada se zyaada teen chaar haddiyan tutenge agar accident hua toh. Woh neeche ki surrounding check karta hai. waha koyi bhi nahi hai. uski nazar chaje par padti hai. concrete ka bana hai isliye safe hai aur size bhi sufficient hai.

Arjun: Riya, ek badi seedhi hai okay? Main tumhe neeche rakh raha hun. Tum neeche jaaane ke baad statue ban jaogi! Bilcul bhi aage peeche mat hilna okay?

Riya: okay lekin...

Uski baat puri ho usse pehle Arjun use apni baahon mein utha leta hai. Riya chup ho jaati hai aur use tightly pakad leti hai. use kuch samaj mein nahi aa raha hai ki waha kya ho raha hai. Arjun window sill par chadta hai aur dheerese Riya ko chaje par utarta hai.

Uske kehne ke Anusaar Riya bilcul nahi hilti. Bas jaha utri wahi khadi rehti hai lekin...

Riya: Arjun itni hawa kyun hai? hum khule mein hai kya?

Arjun khud neeche utarta hai: yea, kind of.

Riya(confused): matlab?

Arjun: promise me, you won't freak out

Riya(anxiously): Arjun kya bol rahe hai aap?

Arjun use hilte hue dekh kar pakad leta hai: hilo mat! Ek minute

Woh uske aankhon par patti nikalta hai aur firse use pakad leta hai. Riya dheerese apni aankhein kholti hai. sabse pehle Arjun ko uske saamne paakar relieved mehsoos karti hai lekin agle hi pal jaise hi uski nazar aaspaas padti hai

Riya: ARJ...

Arjun uske muh par haath rakhta: shhh!! Riya relax! chillana mat!! It's ok!

Riya apne muh se uska haath hatati hai(horrified): it's ok? It's not okay! (woh deewar ko chipak jaati hai) ye...ye sab...

Arjun: Riya! Riya shaant ho jao! Main huna? Relax!!

Riya: kya shaant ho jau? Aapko kisi cheez se dar nahi lagta kya?

Arjun: Riya hum darwaaze se nahi jaa sakte hai. hume nahi pata ki aur kitne log hai yaha par aur mere paas gun bhi nahi, yahi sabse safe option hai

Riya taana maarti hai: ha humare upar jaane ka safe option!

Arjun: upar nahi jaogi tum Riya, 4^th floor se gir kar koyi nahi marta hai aur kaunsa hume yahase kudna hai? (woh pipe ki taraf point karta hai) hume uske sahare neeche jaana hai aur yahase seedha ghar bhaagna hai, that's it

Riya: that's it? Aap toh aise bol rahe hai jaise Xora khaana ho

Arjun (in utter disbelief): woh aasan hai?

Riya neeche dekhti hai: ise toh behtar hi option hai

Arjun kisi tarah khud ko control karta hai: nahi! Woh better option nahi hai...usme zinda rehne ke chance 1.7% hai! isme zinda rehne ke chance 91.39% hai!

Riya(amused): are waah, aapko percentages ka shauk kabse chad gaya

Arjun: tum nahi thi na toh kabhi-kabhi woh sadi hui boring statistic kitaabe padh liya karta tha

Riya use hug karti hai: aap kitne ache ho!

Arjun: ha mujhe pata hai...(woh use khud se alag karta hai) ab isse pehle ki kisi ko pata chale ki bhaag gaye hai hume jaana chahiye

Riya nod karti hai. woh Arjun ki madad se pipe tak pahunchti hai

Arjun: Riyu sambhal kar

Riya pipe ko tightly pakadti hai aur apne pairon ko firmly deewar par rakhti hai. woh neeche dekhti hai

Arjun: neeche mat dekho!

Riya aankhein band kar pipe par concentrate karti hai. aur fir gehri saans lekar neeche jaane lagti hai. Beech-beech mein uske pairon ko chaje ka support bhi milta hai. woh smoothly neeche pahunch jaati hai. woh safely neeche pahunch gayi ye dekhkar Arjun bhi pipe ki taraf badhta hai. woh bhi neeche utarne lagta hai. Riya continuously use dekh rahi hai. Arjun kuch hi seconds mein neeche pahunch jaata hai.

Riya: are you okay?

Arjun nod karta hai aur uska haath pakadta hai: chale?

Riya: ha

Dono baahar ki taraf jaane lagte hai. is baar aur choukana hokar. Fortunately, neeche koyi nahi hai sab log building ke andar hai. Arjun Riya ko lekar seedhe baahar jaata hai. woh jis raaste se aaye usi se waapis bhaag jaate hai aur firse club pahunchne tak nahi rukte.

Woh peeche ki gali mein jaate hai jaha thodi dur par Arjun ne apni car park ki thi. Dono waha se nikal kar seedhe ghar jaate hai.

Next day-

Sameer taiyaar hokar washroom se baahar aata hai aur Ayesha ko uthane ki koshish karta hai.

Sameer: Ayesha...Ayeshu utho, subah ho gayi

Ayesha irritate hokar dusri taraf turn ho jaati hai: toh main kya karu?

Sameer: kya karu matlab? Office nahi jaana hai kya?

Ayesha: nahi! Aap jayiye! Waise bhi aapke paas Damnit sunane ke ilawa aur koyi kaam nahi, bitha diya sabko haath se records check karne ke liye

Sameer: Ayesha, dhundhna toh padega na? ab utho bhi, late ho jaayega...dekho ab tum nahi uthi na toh main...main tumhare bagair hi chala jaunga

Ayesha: toh jaiye

Sameer sigh karta hai. fir use idea aata hai aur woh Ayesha ko hug karta hai.

Sameer(sweetly): Ayeshu...tumhare bagair main kaise jaunga? Tumhe toh pata haina ki tumhare bagair mera man nahi lagta. (cuddle karke) biwi ke bina pati bichara kya karega?

Par woh jawaab nahi deti.

Sameer: ab maan bhi jao na Ayeshu...aur fir tumhare bina bichare Shree, Chotu aur Liza akele kaise kaam karenge?

Ayesha: 2-3 ghante akele kar lenge toh paahad nahi tut jaayega

Sameer ko samaj mein nahi aata ki ab kya kare. Itne mein uska phone bajta hai.

Sameer: Arjun?

Ayesha ki saari neend ud jaati hai.

Ayesha: are bol kya rahe hai, uthaiye

Sameer(sternly): ab tumhe neend nahi aa rahi hai?

Ayesha: oho! uthaiye na aur speaker par rakhiye

Sameer disbelief mein sar hilata hai aur phone speaker par rakhta hai: bol!

Arjun: Rathore! Ek information hai

Sameer alert hota hai: kaisi information?

Arjun: us case se, related

Sameer taunt karta hai: aapko yaad dila du ACP Arjun Suryakant Rawte ki aapke upar bhi ek case chal raha hai jise aapko suljhaana hai!!!

Arjun choukta hai mv "ise sach mein farak padta bhi hai kya?

Sameer: hello?

Arjun presence mein aata hai: huh? Ha...woh main tumhe ek address SMS karta hun, waha raid maar dena

Sameer sigh karta hai: aur tumhe ye information kaha se mili?

Arjun: mujhe kaha se mili isse tumhe kya? Rafiq se kya pata chala

Sameer uski rudeness waapis aate dekh khud bhi tedhe jawab deta hai: tum suspend ho chuke ho, interrogation mein kya nikla aur kya nahi ise tumhe kya?

Lekin Arjun ko firse Sakshi ka lagaya hua ilzaam yaad aata hai aur usse gussa aata hai: I'm Sorry Rathore Sir! Dobara Nahi Puchunga!!!

Aur phone kaat deta hai...

Okay toh jaise ki sabne guess kar liya hoga, mere laptop ko discharge mil gaya hai so two things:

1. I have a lot of pending work and a lot of pm's toh please short comments bear kar lena

2. there was a small confusion in part 12 regarding ki Arjun aur Riya kis raat ke baare mein baat kar rahe the jo main pichli baar clear karna bhul gayi toh...Arjun us raat ko refer kar raha tha jab Riya ne use kidnap kiya aur un dono confess kiya tha