Chapter 15

Rakesh: sirf murder nahi aur bhi bahot kuch hua tha...

Riya(dar kar): matlab?

Rakesh: are madam, andar ki baat hai uski jo laash thi na us par torture ke marks bhi the. Subah woh nikla tha Nagpur jaane ke liye chachi ke paas lekin waha kabhi pahuncha hi nahi, aap hi sochiye subah ka nikla Nagpur jaane ke liye, Goa ke expressway ke paas aadhi raat ko kya kar raha hoga?

Arjun: agar torture ke nishaan the toh investigation nahi ki?

Rakesh: nahi saab, use chupane ke liye us par se truck chala di thi aur upar se waha ki local police...kitna paisa lagega itni si baat dabane ke liye? Sab ko toh yahi laga ki uska accident hua tha

Arjun aur Riya ek dusre ko dekhte hai. Riya ke toh hosh ude hue hai. use woh doctor yaad aata hai. matlab use bhi zinda isliye rakha hoga taaki use torture karke maar sake. Woh shiver karti hai.

Arjun: lekin us ACP ke saath toh aise kuch nahi hua tha?

Rakesh: uske saath karte toh pakde jaate na saab, ye toh junior officer tha. Kise padi hoti hai unki?

Arjun: lekin woh Nagpur jaane ke bajay Goa expressway pahunch gaya toh bhi kisi ko shak nahi hua? Authorities chodo, uski family ko bhi nahi?

Rakesh: pata nahi saab, lekin accident keh kar hi case band ho gaya tha. Aur koi investigation nahi hui thi aur kisi ne koi arzi bhi nahi daali case fir kholne ke liye

Arjun nod karta hai.

Rakesh: aur madam ek aur baat pata chali hai

Riya: hmm?

Rakesh: us ACP ko dooba kar maara tha na? use darasal drug diya gaya tha, jiski wajah se woh tairte waqt paralyze ho gaya aur doob gaya. Woh jo drug tha, uske drink mein ek waiter ne milaya tha. Us hadse ke kuch din baad usne naukri chod di aur ab Pune mein reh raha hai. koyi job bhi nahi karta. Lekin aisho aaram ki zindgi jeeta hai.

Arjun: Pune mein kaha?

Rakesh: woh, Nanded mein Hanuman mandir ke paas Gokul colony mein ghar no. 14. Uska naam hai Chetan

Arjun: aur kuch?

Rakesh: bas itna hi

Arjun: Raana?

Rakesh: abhi tak toh kuch nahi saab

Arjun: theek hai

Riya use paise deti hai: thank you

Rakesh gratefully paise leta: shukriya madam.

Riya apna scarf firse pehan leti hai. woh aur Arjun waha se nikal kar firse ghar jaate hai.

On the other hand ETF Arjun ke bataye hue address par raid maarne jaati hai.

Building ke andar-

Ek admi bhaag kar Raghu ke paas jaata hai

Admi: Boss!! Boss!! Raid padi hai!

Raghu(shocked): kya?!?! (uska gussa aasmaan chuta hai) kisi kaam ke nahi ho tum log! (woh use thapad maarta hai) pehle woh ladka-ladki bhaag gaye aur ab ye...

Woh complete kare usse pehle ETF ki taraf se firing shuru ho jaati hai. Raghu aur uske admi apni-apni gun nikalte hai. unki taraf se bhi firing shuru ho jaati hai. lekin woh log zyaada nahi hai aur upar se ETF ki skill ke saamne unka koi chance nahi hai. ETF jaldi hi unhe overpower kar leti hai.

Woh waha padi laashein aur drugs dono seize karte hai aur Raghu ko bhi pehchante hai.

Chotu: Rathore sir ye toh Raghu hai

Rathore bhi wahi soch raha. Woh aur Ayesha nazre milate hai. dono ke dimag mein ek hi insaan aata hai...Arjun. lekin use kaise pata? Kya ye sirf ittefaq hai ki jise woh dhundh rahe the usi ka pata Arjun ke informer ne use diya? Aur woh informer...woh ladki hai kaun jise itna sab kuch pata hai? aur kiske khilaaf woh log ye baazi khel rahe hai? aur Arjun kyun is case mein apne aap ko bhul raha hai? aisa kya connection hai uska case ke saath?

Itne saare sawaal aur jawaab ek bhi nahi hai.

Rathore: isse puch tach karo...pata karo kya jaanta hai yeh

Chotu: yes sir!

Rathore mv "aur main firse Arjun ke peeche padta hun, hopefully gusse aur irritation mein hi kuch ugal de. Woh sigh karta hai.

Shree whine karta hai: ye records kab check honge yaar?

Liza: shaant ho jao Specky! Interrogation toh Chotu karega na, hum dono continue karenge aur Ayesha bhi toh hai

Shree shaant hota hai: shukar hai bhagwan ka

Sab waapis office jaate hai.

Rathore's car-

Ayesha aur Rathore dono akele hai aur dono hi confused hai.

Ayesha: main apne phone se Arjun sir ko phone karu?

Rathore bas ha mein sar hilata hai

Ayesha Arjun ko phone karti hai. uski ring jaa rahi hai.

Ayesha: aapko lagta hai ki woh kuch bolenge?

Rathore: nahi

Arjun phone utatha hai: ha Bhabhi? Raid ho gayi? Please ye mat kehna ki aapka pati hospital mein hai, kyunki seriously mere paas us sab ke liye abhi waqt nahi hai

Rathore steering wheel ko tightly pakadta hai: mujhe kuch nahi hua Arjun! Aur tumhari raid complete ho gayi hai

Arjun: meri? Shayad aap bhul rahe hai Sir ki main Suspend Ho Chuka Hun!

Rathore ko kya jawab dena, samaj mein nahi aata.

Ayesha mv "in dono ke beech toh banti baatein bhi bigad jaati hai. kab theek hoga ye sab?

Arjun: aur waise bhi aap toh sab on-duty officers haina sir? Iske bavjud aapke paas itni fursat hai ki aap mujhe faltu mein phone kar rahe hai?

Rathore bhi peeche nahi hat ta: nahi Arjun, mere paas faltu ka waqt nahi hai! tumhare paas us admi ka pata kaha se aaya jiske baare mein Rafiq ne hume bataya tha?

Arjun: tumse matlab?

Rathore(angrily): bakwas mat karo Rawte! Report banani hai hume! Apne informer ka naam batao

Arjun: mera naam likh do!

Rathore: tum suspended ho? Abhi tumne hi toh yaad dilaya...itni jaldi bhul gaye?

Arjun grits his teeth: mera naam likhna hai toh likho warna bhaad mein jao!

Aur phone kaat deta hai. Ayesha Sameer ke gusse se apne phone ko bachane ke liye andar rakh deti hai.

Sameer(calmly): iske informer ka kuch toh karna padega

Ayesha: aap unke informer ke peeche kyun pade hai? in fact hum dono kyun unke informer ke peeche pade hai? I mean informer hi toh hai. aap jaante hai unka kaam karne ka tareeka, woh use secret rakhna chahte honge aur waise bhi informer ke naam jitne gupt rahe utna acha hi toh hai.

Sameer: hum uske peeche isliye pade hai kyunki woh already Sakshi ke case mein fasa hua hai, aur ab woh is case mein ulajh raha hai. Ayesha saaf-saaf dikh raha hai ki yeh case jitna aasan dikhta hai utna hai nahi. Upar se woh hai akela aur kuch pucho toh bata bhi nahi raha... ya toh woh nahi jaanta ki woh kisse panga le raha hai aur uska kya haal hoga ya fir woh fir apne ego aur junoon ke chakkar mein sab kuch ignore kar raha hai!

Ayesha: Sameer aap shayad sahi keh...

Ab Sameer bhadakta hai: shayad? Tumhe main abhi bhi shayad sahi lag raha hun Ayesha...this is unbelievable! Tum meri biwi ho ya Arjun ki?

Ayesha: gaadi rokiye

Sameer(incredulously): What?

Ayesha(sternly): Gaadi Rokiye!!!

Sameer car rokta hai. Ayesha seatbelt nikaal kar door open karti hai.

Ayesha(utarte hue): Aaj Raat Se Aap Ghar Ke Baahar Garden Mein Soyenge!!!

Sameer(shocked): KYAA?!?!

Ayesha: Ha! woh darwaaza slam karke taxi pakadne chali jaati hai

Sameer: What The Hell?!? (upar dekh kar) Arjun kam tha? Jo yeh bhi bhej di aapne meri zindgi mein? (woh irritate hokar gaadi fir start karta hai) mujhe bhi isi se pyaar hona tha...college mein hi acha tha! itni saari ladkiyaan aage peeche ghumti thi mere aur main? Mere paas unme se aadhi ko bhaav dene ke liye time bhi nahi hota...kitni mushkil se utne kam saalon mein sabko girlfriend banne ka mauka diya tha aur ye? Garden mein sona! Dammit!

Arjun's house-

Riya silently Arjun aur Sameer ka jhagda sun rahi hai. Arjun gusse mein phone rakh deta hai aur sofa ke back rest par sar rakh kar khud ko shaant karne ki koshish karta hai. Riya uska haath pakadti hai.

Riya: Arjun sir?

Arjun (bina mude): hmm?

Riya: aapko nahi lagta, is baar shuruwat aapne ki?

Arjun(tired): nahi, shuruwat usne ki thi! Aaj subah!

Riya ko yaad aata hai ki Arjun ne us jagah ke baare mein batane ke liye Rathore ko subah phone kiya tha aur fir jab woh waapis aaya tabhi bhi upset tha. kuch pal dono ke beech silence rehti hai

Arjun: Rafiq ke statement se Raghu ke baare mein pata chala

Riya presence mein aati hai: Raghu?

Arjun: ha...Rathore keh raha tha ki Rafiq ne unhe jis admi ke baare mein bataya woh unhe...woh bolte-bolte ruk jaata hai

Riya confuse hoti hai: kya hua?

Arjun phone lekar number dial karta hai: uski photo mangwaata hun, shayad hume kuch aur pata chal jaaye (call answer hota hai) Shree! Bolna mat ki main hun

Shree conscious ho jaata hai: ha...bhaiya

Arjun apni eyebrow raise karta hai: seriously Shree?

Shree: woh...achanak sab kuch tay ho gaya na isliye. By the way, hum subah field par the na, isliye aapka message nahi dekha

Arjun: mujhe pata hai tum log raid maarne gaye the

Shree: oh

Arjun: mujhe Raghu ki photo mail kar sakte ho?

Shree: ha bhaiya, main do minute mein aapko jija ji ki photo send karta hun. In fact, I think papa ke paas na engagement ki photo hai, usme puri family hai. main aapko wahi bhej deta hun

Arjun: theek hai.

Call disconnect

Arjun: woh bhej raha hai.

Riya nod karti hai aur apna laptop lekar aata hai. Arjun apna email kholta hai aur Shree ke message ki raah dekhta hai. 5 minute baad Shree ka email aata hai. Arjun use open karta hai.

Riya: ye sab toh wahi hai jin logon ne hume pakda tha, lekin woh admi nahi hai jisne Rafiq ka packet (Raghu ki photo ki taraf point karke) ise diya tha

Arjun: hmm...database check karo.

Riya nod karti hai aur firse department ka database hack karti hai. woh sab par facial recognition chalati hai. ek-ek karke un sabki kundli nikalti hai.

Riya: ye sab toh purane paapi hai drug peddling mein andar bhi gaye hai lekin...(woh apni taraf se searches karti hai) ye records toh purane hai. atleast 3-4 saal purane ek minute!

Woh uthkar apni filen laati hai aur unhe dekhne lagti hai. woh saare sabuton ko crosscheck karti hai aur unhe naye information ke saath tally karti hai.

Riya(irritated): ugh! Damn this! Woh file ko table par patakti hai

Arjun: kya hua Riya? Kya dhundhne ki koshish kar rahi ho kabse?

Riya: mujhe ek doubt hai aur use solve karne ke liye us Chetan se milne padega

Arjun: kya doubt hai?

Riya: woh...sab bahot confusing hai. main aapko puri kahani baad mein bataungi. Lekin filhaal main kal ki Pune jaane ki ticket book karti hun

Riya jaane ke liye uthti hai lekin Arjun uska haath pakadta hai

Arjun: Woah! Woah! Woah! Hold on! Ticket nahi tickets.

Riya: ji nahi Arjun aap mere saath nahi aa rahe hai.

Arjun uth khada hota hai: toh tum akeli nahi jaa rahi ho...