Chapter 12

Woh khud ko chudwaakar room se bhaag jaati hai. uske peeche Arjun bed par lete hue uski haalat par has raha hai. udhar Riya bhaag kar kitchen mein chali jaati hai. uske aankhon ke saamne wahi pal baar-baar aa raha hai. woh apni badhti dhadkano ko shaant karne ke liye glass mein paani bharti hai, bas peene waali hai lekin fir aankhein band karke us pal ko firse mehsoos karti hai...

ETF office-

Ayesha aur Rathore dono office pahunchte hai aur dono conference room mein jaate hai. Sakshi abhi bhi wahi hai. Shree aur Chotu saare statements ko organize kar rahe hai.

Rathore(apni jagah par baithte hue): Shree! Kuch pata chala?

Shree: ha sir, lekin

Ayesha: lekin kya?

Shree: lekin mujhe humare records aur Intel abhi check karne hai. Jo information mili hai us hissab aisa ho hi nahi sakta ki humare paas koi records na ho. Zaroor usme se hume kuch aur clue milenge

Rathore(irritated): paheliyan bhujana band karo aur pehle ye batao ki kya pata chala uske baad jitna check karna ho, karte rehna

Shree: ha sir, ye jo...

Chotu: Sir, ye Jayant aur uske admi toh sirf mohre hai  (Shree interruption ke liye use ghurta hai lekin Chotu ka dhyaan nahi hai) in fact ye toh pyaade hai, asli badshah toh koi aur hi hai

Rathore(angrily): Information Kya Hai?!?!

Chotu chup hokar Shree ko dekhta hai. Shree use glare karta hai.

Shree: sir, ye log laashon ke through drugs supply aur smuggle karte hai. yahi unka modus operandi hai. aur ye sirf yaha se nahi desh bhar mein alag-alag shehron se hote hai. Imperial shipping ki khud ki branches Surat, Mumbai, Kochi, Chennai, Vishakhapatnam aur Kolkata mein hai. iske ilawa aur bhi shipping services hai jo ye kaam karti hai. inka dhandha bahot saalon se chal raha hai lekin ye exactly kitna faila hua hai ye baat woh log bhi nahi jaante hai. unhe sirf Mumbai ke baare mein information hai kyunki Mumbai mein Imperial Shipping hi 70% kaam karti hai.

Ayesha: aur unka boss?

Shree: unhe toh chain of command ke baare mein kuch khaas nahi pata lekin ek admi hai, Rafiq. Wahi un tak drugs se bhari laashein pahunchata hai. Jayant ne kaha ki woh har shanivaar ko Night Magic club mein jaata hai. shayad humare records mein se, us gang ke kuch aur pata chale?

Rathore: jaldi check karo

Shree: ji sir...abhi check karta hun

woh laptop mein ghusta hai aur Rafiq ke naam se dhundhne ki koshish karta hai

Rathore: aaj guruvaar hai matlab parso woh hume club mein mil jaayega. Chotu! Ek kaam karo, ek sketch artist ko bulwao aur Rafiq ka sketch banwao aur Ayesha...

Shree: uh Rathore sir, ek uh...choti si problem hai

Rathore: ab kya?

Shree: sir yaha do Rafiq  hai, lekin dono mein se kisi ka bhi us gang se connection nahi hai.

Ayesha: photographs hai?

Shree: ha

Ayesha: Jayant ko dikh kar aao

Shree nod karta hai. woh apna laptop lekar interrogation room mein jaata hai

Rathore: Ayesha, apne (ishara karte hue) informers ko inform kar do

Ayesha uska ishara samaj kar positively nod karti hai. woh apna phone nikaal kar, Arjun ko Rafiq ke baare mein message karti hai.

Interrogation room-

Shree Jayant ke paas jaata hai aur dono Rafiq ki photographs dikhata hai.

Shree: in dono mein se kisi ko pehchaante ho?

Jayant Chotu ki pitayi se already adhmara hai isliye seedhe-seedhe jawab de deta hai. woh ek photo ki taraf point karta hai

Jayant: ye...yahi Rafiq hai saab

Shree: pakka milega na Night magic mein?

Jayant: ha saab

Shree: mil jaaye wahi acha hai warna Chotu...

Jayant(horrified): nahi! Nahi saab! Mil jaayega...hum bhi usse wahi milte the...woh humse wahi par contact karta tha

Shree nod karta hai aur waapis conference room mein jaata hai.

Shree: sir, ek Rafiq ki shakal uske Rafiq se match hoti hai

Rathore: great! Uska address nikalo aur...

Shree: address nahi hai, sir

Rathore(surprised): police record haina? Toh address kaise nahi hai?

Shree: sir, woh har kuch mahino mein apna thikaana badalta rehta hai. koi permanent address nahi hai

Ayesha: koi baat nahi, hume ye toh pata hai ki woh Night Magic mein aayega. Hum wahi use dhar-dabochenge

Rathore : ab wahi option hai

Shree: sir! Problem abhi bhi wahi ki wahi hai

Rathore: ab kya?

Shree: sir, woh Rafiq agar pakda bhi gaya toh bhi use bhi zyaada kuch pata nahi hoga. Jis  tarah ki secrecy in logon ne maintain ki hai, ise saaf zaahir hota hai ki yeh log bahot structured aur organised hai.

Rathore: point par aao Shree

Shree: sir, Rafiq ke ilawa aur koyi lead nahi hai, aur humare records ke mutabik case ka aur Rafiq ka koi lene dena nahi hai, main case ke baare mein pata kaise karu? Kis basis par search karu?

Rathore soch mein pad jaata hai aur kuch pal baad: ek hi raasta hai Shree

Shree: kya?

Rathore: sab kuch dhundho! Drugs se, related sab kuch, Liza kaha hai? maybe she can help you narrow down.

Tabhi Liza andar aati hai: sir! Hume jitne drugs mile hai unki value kam se kam 8-9 crore ki hogi

Chotu: haila! Itna saara?

Liza: ha toh itni saari laashein thi waha par, kitne saare packets the andar pata hai, (cringing) itna thus-thus kar andar daale the jaise, jaise ki baarish ke mausam mein gutter jam ho gayi hai...soul-less bas***ds!

Shree: acha Lizard, ye bata drugs kaunse hai? ek hi type ke hai ya fir?

Liza: nahi, do-teen type ke hai, lekin teeno ki market mein bahot achi demand hai. do toh party drugs hai...uske customers kam honge lekin bahot paisewaale honge aur teesra local hai, thoda sasta hai lekin uska customer base kaafi bada hai

Shree Rathore ki taraf darte hue dekhta hai.

Rathore: meri shakal nihaarna band karo aur teeno shuru ho jao. Kehkar chala jaata hai

Liza(confused): kya shuru ho jao?

Shree: hume saare police records aur Intel check karni hai.

Liza: toh isme kya hai? keyword daal do, result apne aap mil jaayenge

Shree: uske liye hona chahiye na

Liza use horrified look deti hai: iska matlab...iska matlab...hume sab kuch manually karna hai?

Shree lightly blink karta hai.

Liza(dramatically): NAHIII!!!!!

Ayesha: guys shut up! Shree shuru karo, main bhi madad karti hun tum logon ki

Shree: Ayesha! Agar hum chaaron bhi kare na toh bhi kam se 4-5 din lag jaayenge. Hume pata bhi nahi ki kaha se shuru karna hai? hume ye tak nahi pata ki hume dhundhna kya hai

Ayesha: jab milega tab pata chal jaayega!

Is sab ke beech mein na Sakshi ne ek shabd bola na hi kisine uski taraf mud ke dekha.

Sakshi mv "bichare! Kaash Arjun hota, toh zaroor ab tak case solve ho chuka hota. Afsos! Par galti bhi usiki hai. use mujhe is tarah thukrana nahi chahiye tha.

Arjun's house-

Arjun abhi tak room mein hai. use Ayesha ka message aata hai. woh use padh kar Riya ko inform karne ke liye baahar jaata hai, lekin Riya already laptop mein busy hai. uski aankhein bas screen ko taak rahi hai. Arjun confuse hota hai.

Arjun: Riyu kya dekh rahi ho

Riya: hmm

Arjun: kya hmm?

Riya: hmm

Arjun disbelief mein sar hilata hai. woh uske paas baithkar screen ko dekhta hai. Riya Sakshi ki pesh ki gayi footage ko baar-baar dekh rahi hai.

Arjun: Riya tum ye kya bakwas dekh rahi ho?

Riya: dekh rahi hun ki ye footage asli kaise hai?

Arjun: kyun?

Riya pc ko side par rakhti hai: kyun ka kya matlab hai? saboot dhundhne ke liye aur kis liye?

Arjun: maine tumse kaha na ki main kar lunga toh phir kyun?

Riya: lekin ise jhoota toh saabit karna padega na aur...

Arjun: Riya, jab Shree ko bhi kuch nahi mila toh tumhe kaise milega?

Riya: aap is tarah himmat kaise haar sakte hai?

Arjun: main himmat nahi haara Riya, mujhe ache se pata hai ki mujhe kya karna hai. bharosa rakho mujh par

Riya sigh karti hai: theek hai, jaise aapki marzi par aapko agle peshi mein innocent saabit hona padega warna...warna main...ha mujhe jo karna hoga woh main karungi and that includes coming out of hiding

Arjun (horrified): Nahi!!! Main...main nirdosh saabit ho jaunga, ok? Tum kuch mat karna aur...aur chodo na woh sab (woh apna phone use dikhata hai) ye dekho Ayesha ne kya bheja hai

Riya: kya?

Arjun use divert karke relief mehsoos karta hai: ye dekho, ye admi...dekha hai kabhi ise?

Riya: nahi...kaun hai?

Arjun: Rafiq naam hai iska. Waha ke supervisor ne iska pata diya hai. apparently unhe laashon ki supply isi ke paas se milti hai. koi address toh nahi lekin shanivaar ko Night Magic mein milega

Riya ki aankhein chamakti hai.

Arjun uska meaning samaj jaata hai: Riya NOOO!!!!

Riya: please? Please! Please! Please?

Arjun: Riya tumhara dimag kharaab hai?

Riya: theek hai toh main khud hi chali jaungi

Arjun: BILCUL NAHI!!!

Riya: toh phir mere saath chaliye aur meri madad kijiye

Arjun: Riya Tum Itni Ziddi Kyun Ho??

Riya use butter lagate hue uske side hug karti hai: jaisi bhi hun, aapki huna?

Arjun: Riya ETF haina? Woh log information nikal lenge!

Riya: ha lekin jo hume pata hai woh unhe toh nahi pata na...toh puch taach bhi aadhi hi karenge aur kya pata ki hume kuch aur mil jaaye.

Arjun(incredulously): humare puchne na puchne se kya farak padta hai? use toh utna hi pata hoga na...tum bas jaane ke liye ulte-seedhe bahane mat banao!

Riya: Arjun please...acha hum sirf dur se dekhenge aur waise bhi aapko bhi kaha allowed hai?

Arjun jaanta tha ki woh apni baat manwa kar hi rahegi: fine! Lekin tum kuch nahi karogi, kahi nahi jaogi! Is that clear?

Riya khush hokar uske cheek par kiss karti hai: Yes Sir!!

Arjun sigh karta hai mv "ye nahi sudharne waali. Mujhe hi is madam ki babysitting karni hogi. hey bhagwan, kis baat ka badla le rahe hai aap mujhse? Kaise sambhalu ise main?

Riya: aap chup kyun ho gaye?

Arjun(smiling): tum itni bak-bak karti ho, kya kam hai? kisi ko toh ghar mein shaanti rakhni padegi na?

Riya: ha woh toh hai, aur kisi ko bak-bak sunni bhi padegi na aur aapke ilawa toh main kisi ko suna nahi sakti

Arjun: toh main kya sirf tumhari bak-bak sunne ke liye hun?

Riya: are nahi baba, woh toh sirf extra credit hai...aapke toh bahot saare faayde hai, itna niraash mat hoiye aur wink karti hai.

Arjun use pakadne ki koshish karta hai: Riya...ruko tum

Riya uthkar bhagne lagti hai: Arjun nahi main mazaak kar rahi thi...please...nahi..

Arjun bhi uske peeche bhagta hai: galti tumhari hai Riya... ruko tum! Abhi khabar leta hun tumhari!! 

Aise hi do din beet jaate hai. Arjun aur Riya apni hi duniya mein mast hai. At the same time dono ko dusre ki case ki fikar ho rahi hai. Riya use baar-baar court ke baare mein yaad dilati rehti hai lekin Arjun bas use verbal consolation deta hai lekin ye nahi kehta ki woh kya karne waala hai aur Raana ke baare mein information nikalne ki koshish karta hai. uske khabri bhi alert par hai lekin dono mein se kisi ko bhi ab tak kuch pata nahi chala hai.

Dusri taraf ETF mein maatam chaaya hua hai. Shree, Chotu, Ayesha aur Liza manually sab check kar rahe hai aur kuch samaj mein nahi aa raha hai ki asal mein ho kya raha hai. chaaron koshish kar rahe hai lekin saalon purane records dhundhne aur padhne dono mein time lag raha hai. Sakshi wahi silent spectator hai. kaam toh waise bhi woh nahi karti thi ab kisi ke saath baat bhi nahi hoti aur waise bhi karega kaun? Sameer bas chaaron par tezi se kaam karne ke liye keh raha hai. Shanivaar ko kaam bhi nahi hota kyunki sab raat ki taiyaari mein lage hue hai.

Night Magic Club-

Dance floor par disco lights ghum rahi hai. uske ilawa baakhi koyi lighting nahi hai isliye andhere mein chehra dekhna thoda mushkil hai. Plus masquerade hai, club mein enter hote hi masks de rahe hai isliye woh problematic hai. ek side par bar aur kuch tables hai. Dance floor par kuch ladkiyaan dance kar rahi hai. table par baithe log dance dekhte hue drink kar rahe hai. kuch toh nashe mein pure dhut hai lekin fir bhi piye jaa rahe hai.

Sakshi ko chodkar saare ETF officers club mein hai. Chotu bartending kar raha hai. Shree waiter bankar ghum raha hai. Sameer ek table par baithkar sirf pine ki acting kar raha hai. Chotu ne use glass mein soft drink de di hai. Ayesha aur Liza dono ladkiyon ke beech hai. sabki nazar darwaaze par tiki hui hai taaki Rafiq ko pehchaan sake kyunki agar ek baar usne mask pehan liya toh koi pehchan nahi paayega.

Arjun aur Riya baahar hai. dono peeche ke raaste ke side par hai. dono ne blend hone ke liye kapde pehne hai.

Arjun: Riya...ek baar fir soch lo, this is dangerous.

Riya: Arjun humari job hi dangerous ka synonym hai

Arjun: but you're dead, remember? (Riya face banati hai) aur jaha tak mujhe pata hai mare hue log job nahi karte, sirf pension khaate hai.

Riya: pension mare hue ko nahi uske pariwar waalon ko milti hai

Arjun: whatever..

Riya: ya toh hum yaha khade hokar argument kar sakte hai ya fir andar jaa kar kuch pata kar sakte hai.

Arjun sigh karta hai: tum yahi ruko main ek baar jaakar check karta hun, ETF bhi hogi unki position dekh kar tumhe batata hun (Riya nod karti hai) tum apna scarf mat hatana

Riya: nahi hataungi

Arjun apni hoodie sar par pehan leta hai aur sar niche rakh kar chalta hai taaki kisi ko uska chehra na dikhe. Woh main entrance se andar jaata hai. andar ghuste hi uske haath mein ek waiter mask thamata hai.

Arjun: sabko pehan na hai?

Waiter: agar waiter ya bartender ho toh mat pehno

Arjun mask le leta hai aur use pata na chale waise Riya ke liye ek aur lekar jacket mein chupa deta hai.

Sameer microphone mein whisper karta hai: ye admi apna chehra kyun chupa raha hai...nazar rakho us par.

Arjun aage aakar ek table par baithta hai. Sameer ki nazre usi par gadi hui hai. Shree serve karne ke bahane uske paas jaata hai.

Shree: drink sir?

Obviously Arjun use pehchan leta hai. woh bina bole haathon se mana karta hai taaki uski awaaz ko Shree na pehchane. Woh chala jaata hai. Arjun ki nazre baakhi sab ko dhundhti hai. Chotu use sabse pehle dikhta hai, bartending karte hue. Sameer ko woh uski brown leather jacket se pehchanta hai.

Arjun mv "gadhe! ab toh apna wardrobe update kar de...college se ek hi jacket hai tere paas. Abhi bachi...Ayesha aur Liza.

Lekin use zyaada mehnat nahi karni padti hai. dance floor par nazar rakhte hai woh unhe pehchaan jaata hai. Nadia ki dance style abhi bhi waisi hi thi aur Liza bhi uske paas reh rahi thi. It was obvious ki woh wahi hai. Arjun apne aap mein hi smile karta hai, use dikh jaata hai ki woh sab use hi dekh rahe hai. isliye seedhe-seedhe nikalne ke bajay, apna phone nikal kar baat karne ka bahana banakar baahar jaata hai.

Sameer: main iske peeche jaata hun...tum log dhyaan rakho.

Sameer baahar jaata hai lekin...Arjun gayab ho chuka hai. woh aaspaas dekhta hai par woh nahi dikhayi deta. Sameer mutter karte hue andar chala jaata hai.

Dusri taraf, Arjun Riya ke paas jaata hai aur use mask deta hai.

Arjun: andar masquerade hai, ise pehan lo.

Riya apna scarf hatakar mask pehan leti hai. Arjun uska scarf lekar apne pocket mein chupa deta hai.

Arjun: ab meri baat dhyaan se suno, Shree waiter hai, Chotu bartender aur Rathore brown color ki jacket mein hai. Ayesha aur Liza bhi hai, dance floor par lekin woh dono tumhe nahi jaanti isliye woh issue nahi hai. presumably, unhe mujh par shak ho raha hai shayad isliye kyunki main chehra chupa kar gaya tha. Tohzaahir si baat hai ki Rafiq ab tak waha nahi pahuncha. Tum peeche ke raaste se hi andar jao aur ladkiyon ke beech shaamil ho jana. Aur sabse zaroori baat Miss Riya Mukherjee Khabar Daar Agar Tumne Kuch Bhi Karne Ki Koshish Ki Toh Mujhse Bura Aur Koyi Nahi Hoga...Is That Clear? Tum yaha sirf dekhne aayi ho!!

Riya obediently nod karti hai: main kuch nahi karungi, pakka

Arjun nod karta hai: aur agar kuch bhi gadbad ho toh tum...

Riya: seedha aapke paas aaungi aur fir hum ghar chale jaayenge

Arjun: exactly!

Riya: abhi chale?

Arjun: hmm...pehle tum jao

Riya peeche ke entrance se andar jaati hai. Arjun uske enter hone ke baad aage ke entrance par jaakar fir andar jaata hai. woh firse table occupy karta hai. Riya bhi ladkiyon mein shaamil ho gayi hai. ETF ko aisa hi lagta hai ki woh ladki bhi Club ki hai isliye us par zyaada dhyaan nahi dete hai.

Tabhi ek admi enter karta hai.

Shree(whisper): Sir! Rafiq!

Sab alert ho jaate hai. Arjun aur Riya ko bhi pata chal jaata hai, unhone bhi uski tasveer dekhi thi. Rafiq bhi mask pehanta hai aur ek group ke saath table par baith jaata hai.

 Drink order karke woh bhi peene lagta hai. Riya dance karte hue us table par jaati hai. woh unhe fuslaane ki koshish karti hai. Arjun ye dekhkar apni mutthi band karta hai mv "Chup Chap Dekhne Ka Kya Matlab Hota Hai Riya?

Liza: Sir, ise pakad le?

Sameer: ha...move in.

Riya kuch hi palon mein firse stage par pahunch jaati hai. uske peeche Sameer Rafiq ke sar par gun taanta hai. Rafiq shock hokar wahase bhaagne ki koshish karta hai lekin Chotu ke hote hue woh thodi bhaag sakta hai? chaaron taraf afra-tafri mach jaati hai. lekin ETF focused hokar Rafiq ko surround karte hai.

Sameer: boss kaun hai tumhara?

Rafiq: saab chod do mujhe

Sameer use thapad maarta hai: arrest karo ise!!!

Chotu use gardan se pakadkar uske haathon par hathkadi pehnata hai. ETF use arrest karke le jaati hai. Sameer baahar jaakar rukta hai aur idhar-udhar dekhta hai.

Ayesha: kya hua?

Sameer: Rafiq toh yaha hai fir woh admi?

Ayesha: zaroori toh nahi kar har chehra chupane waala criminal ho aur waise bhi agar uska is case se kuch lena dena hota toh Rafiq uske saath baitha hota hai

Sameer nod karta hai: tum sahi keh rahi ho.

Saare confusion mein Arjun Riya ko lekar peeche ke raaste se bhaag jaata hai. Dono ne apne mask utar diye the. Aur bhi kaafi saare log wahi se bhaage the. Riya achanak ulte direction mein jaati hai.

Arjun: kaha jaa rahi ho?

Riya ek admi ki taraf point karti hai: woh admi Rafiq ke saath hai

Arjun: tumhe kaise pata?

Riya: jab main uske table par gayi thi maine dekha tha Rafiq ne ek packet us admi ko table ke neeche se diya tha

Arjun: Riya...

Riya: sir please...woh humare haath se nikal jaayega please chaliye

Arjun kashmakash mein chala jaata hai. use samaj mein nahi aata ki kya kare. Utne mein woh admi dusre direction mein jaane lagta hai

Arjun Riya ka haath tightly pakadta hai: chalo!

Riya khush hoti hai. Dono us admi ke peeche jaate hai. woh admi tezi se chal raha hai. Arjun aur Riya dur se uska peecha karte hai. uska peecha karte-karte woh ek khandar building mein pahunchte hai. waha koi security guard nahi hai, pura compound bhi sunsan hai.

woh Admi ek baar peeche mudkar dekhta hai. Arjun aur Riya immediately ek gaadi ke peeche jhuk jaate hai. koyi nahi hai, yeh dekh kar woh admi andar chala jaata hai. Dono uska peecha karte hai aur ek pillar ke peeche chupkar dekhte hai.

Riya(whisper): ye yaha kya karne aaya hoga?

Arjun: shayad unka koi adda hoga

Riya: lekin yaha toh kuch bhi nahi hai

Arjun: aisa hume lagta hai.

Woh admi dusre admi se milta hai aur ek packet use deta hai.

Riya: ye toh wahi hai packet hai jo Rafiq ne ise diya tha.

Dusra admi pehle waale ko paise thamata hai aur woh khushi-khushi baahar aane lagte hai. Dusra admi seedhiyon ke upar jaata hai. Arjun khud ko aur Riya ko pillar ki dusri side par chupa deta hai. us admi ke jaane ke baad Arjun aur Riya dono hiding se baahar aate hai aur andar ki taraf jaate hai.

Building puraani hai. deewaron par seelan aur fungus lagi hui hai. idhar udhar randomly light bulbs hang kar rahe hai. Arjun aur Riya dheere-dheere andar jaate hai. woh seedhiyon par chadne lagte hai. dono ko nazar do opposite directions mein hai taaki dusre ko warn kar sake.

Woh first floor par pahunchte hai aur use explore karne ki koshish karte hai. waha ek ajeeb si chupi hai. Dono puri tarah se alert hokar aage badhte hai. unhe koi aur dikhayi nahi deta hai lekin fir bhi aise mehsoos hone lagta hai ki koyi un par nazar rakh raha hai. Atmosphere achanak se ekdum tensed ho jaata hai.

Riya Arjun ki taraf face karti hai: Arjun...mujhe lagta hai ki, hume yaha se nikalna chahiye. Yaha kuch theek nahi hai. zaroor koyi badi gadbad hai.

Isse pehle ki Arjun agree kare, Peechese ek awaaz aati hai: sahi kaha.

Dono shock hokar mudte hai. Arjun automatically Riya ke aage protective step leta hai. ek admi un par gun point karke khada hai. dono chouk jaate hai. itne mein aur bhi log baahar aakar unhe surround karte hai. unke haath mein bhi guns hai.

Riya(mutter): gaye kaam se

Arjun stiff ho jaata hai. woh saamne khade admi ko ghurne lagta hai.

Admi(Riya ko dekhte hue): are waah! iska toh acha dam aayega, madam dekh kar khush ho jaayegi

Riya ki dhadkan tez ho jaati hai lekin Arjun ka gussa aasmaan chuta hai.

Arjun: Meri Laash Ke Upar Se!

Admi smile karta hai: jaise tumhari marzi

Woh dusre admi ko ishara karta hai. Arjun us par attack karne ke liye aage badhta lekin tabhi dusra admi Riya ki neck mein dart shoot karta hai.

Riya: Arjun! 

Woh immediately behosh ho jaati hai. Arjun ka dhyaan bat jaata hai aur woh Riya ko girne se bachata hai.

Arjun(worried): Riya!!! (woh uske gale se dart nikalta hai) Riya utho!!! (Lekin woh nahi uthti) Riya!!!

Itne mein woh admi Arjun ke gale mein bhi dart shoot karta hai.

Arjun wince karta hai: Riya...woh bhi behosh hone lagta hai.

Woh admi Riya aur use alag karne ki koshish karta hai. Arjun jitna ho sake utna tightly Riya ko pakadta hai lekin agle hi second apne hosh kho deta hai.

ETF office-

Chotu aur Rathore Rafiq ki interrogation kar rahe hai. Ayesha, Shree aur Liza teeno baahar se glass ke through dekh rahe hai.

Rafiq: saab, mujhe kuch nahi pata saab

Chotu use punch maarta hai: kuch nahi pata toh laashein kya hawa mein se tapki thi?

Do ghante tak uska interrogation chalta hai aur woh finally apna muh kholta hai, pura pitne aur 1 litre khoon bahane ke baad.

Rafiq(weakly): saab, mujhe zyaada kuch nahi pata...bas...bas itna ki ek admi hai, jise main drugs pahunchata hun...aur fir...usse drugs waali laashein lekar us...us Jayant tak pahunchata hun. Jab bhi laashein ready hoti hai, mujhe phone aa jaata hai...aur fir, fir raat ko...raat ko ek baje hum Dockyard ke paas ek khaali plot par milte the...aur woh mujhe laashein de deta tha...aur, aur fir, uske jaaane ke baad main unhe Jayant ke paas bhej deta tha.

Rathore: uska naam kya hai, kaha milega? aur drugs ki supply kaha se milti hai tujhe?

Rafiq: uska naam Raghu hai, woh kaha milega mujhe nahi pata...

Rathore use firse  maarne waala hai

Rafiq apni chair mein jump karta hai: saab mujh sach mein nahi pata!!

Rathore peeche hat ta hai: drugs?

Rafiq: ek lab mein main khud illegally banwaata hun

Chotu aur Rathore baahar aate hai.

Rathore: isse us lab ka pata lo aur local police ko inform karo! Aur is Raghu ke baare mein pata karo

Shree(complaining): sir abhi tak toh hum manually records hi check karne mein lage hai, Raghu ko dhundhne ke liye hume firse shuruwat karni padegi

Ayesha uske sar pat tapli marti hai: idiot! Raghu ka naam toh computer hi database mein search kar sakta haina?

Shree(realize karke): are ha...ye do din se haath se sab kuch check kar rahe haina toh bhul gaya ki technology bhi hoti hai

Rathore use glare karta hai. Shree chup ho jaata hai.

Ayesha: main aur Chotu informers ko bhi activate karte hai

Rathore nod karta hai: that's it for the day! Ghar jao...kal continue karenge. Aur jaldi records check karo, warna kahi hum dead end par na pahunch jaaye.

Sab nod karte hai...