So, guys this is a really random and totally nonsensical OS... Bas likhne baithe the to aise hi likh diya...
Am ready for all the jootas and chappals that you guys throw at me...
Advance main warn kar rahe hain... Read at your own risk... Warna baad main mat kehna bataya nahi tha...
Jaadui Coat
Hmmm... To aaj hum baat karenge apne Sirjee ke coat ke baare main...
Aree na na na na... Koi aisa-waisa coat nahi hai ye!! Jaadui coat hai... Jaadui!!
Aisi-aisi cheezein nikalti hain na is coat se na ki ek baar ko Doraemon ko bhi complex aa jaye...aur wo bechara bhi dukhi hokar ya retirement le lega ya phir inke under main aakar inka chela ban jayega... Ab kya kare!!
Iske coat liye to bas yahi do linein arz hain:
"Tareef karu kya uski, jisne tumhe banaya"
Sachhi bata rahe hain... Wo coat banane wala tailor bhi kisi jaadugar se kam nahi hoga... Aisa coat koi mamuli insan bana sakta hai kya?? Bilkul bhi nahi... kam se kam is duniya main to aisa koi insan nahi hai jo aisa coat bana sake... Hota to wo aise coat bana kar bechta thode hi...wo to khud unhe pehenta aur ameer ban jaata... Shayad Ambani se bhi zyada ameer ban jaata...
Matlab pata nahi kaun si Doraemon ki pocket hai coat main ki jis cheez ki zarurat hoti hai, nikal aati hai...phir chahe wo Reevavanshi special rassi ho ya Kohrayan Katar ya Chalayan Dravya ya Patal Ketki ki bottle...bas farmaish kijiye aur cheez haazir!! Par ye hai ki wo jeb dikhti nahi hai... Bas Sirjee zara sa coat ke andar haath daalte hain aur chutki bajate hi cheez haazir!!!
Kabhi kabhi to man karta hai ki is coat ko chura lein aur jaadu ka khel dikha kar Mumbai ke world famous jaadugar ban jaye...
Par kya kare!! Har ek coat jaadui nahi hota na... Sirf usi coat main jaadu hota hai jo Sirjee pehente hain... Coat utarte hi jaadu bhi kahin gayab ho jaata hai... Shayad Sirjee ke paas hi koi special power hai jiski wajah se jo coat wo pehente hain, wo Doraemon coat ban jaata hai...
Sachhi bata rahe hain... Sirjee ka coat dekh kar na, bade-bade scientists ka bhi dimag ghoom jayega... Ka hai na ki apni poori zindagi main unhone aisi koi bhi cheez nahi dekhi hogi...aur na hi dekhne ki ummeed kar rahe honge...
Par kya hai na, yahan to aisi kai cheezein hain jo unhone kabhi nahi dekhi hongi... Ab aap kisi scientist se Daayan, Chudail, Davansh ke baare main poochenge to wo to aapko hi paagal bolega na? Kya pata aapka pagalkhane ka ticket katwa de? Ya phir aapke dimag ko ke jaaye apne saath ye pata karne ke liye ki is dimag main samasya kya hai??
To jis prakar ye log in Kaali Shaktiyon ke baare main nahi samajh sakte, waise hi is coat ke jaadu ko bhi nahi samajh sakte... Aur waise bhi, is coat ke jaadu ko samajhna har kisi ke bas ki baat thode hi hai...
Jo bhi ho, ye jadui coat to humare Sirjee ki aan, baan aur shaan hain... Hum to soch rahe hain Sirjee ke in jaadui coats ko (aur ho sake to saath main Sirjee ko bhi) kisi ajayabghar main rakhwa dein... Aakhir log bhi to dekhe duniya ka naya ajooba!!!
Inke coats bina to wo adhure hi hain...
Khair chhodiye... Aap bataiye, aap kabhi kalpana main bhi Professor Nishant ko bina coat ke dekh sakte hain?? Hum to nahi dekh sakte bhai...
Chalo, aaj ke liye itni bakwas kaafi hai... Abhi nikalte hain warna aap log bhi joote-chappal lekar humare peeche pad jayenge!!
Chalte hain!! Jai Ram Ji Ki...
Edited by Nikki_srk - 3 years ago
DO NOT COPY THIS POST AS THIS IS EXCLUSIVE TO INDIA FORUMS
comment:
p_commentcount