Posted:
Principal mam Sam ko bol rahi hai ki Yeh mera college hai ( haan toh humne kab inkaar kiya hai) koi maar kutai ka adda nahi.
JBR ne doosre tareeke bataye Sharad ko handle karne ke.
( JBR samjha karo doosre tareekon se story aage nahi badhti, phir hum kya aise hi chandan ki tarah ghiste rehte)
Sam bola ki mere saamne koi ek ladki pe haath utha raha hai aur main doosre tareeke apnaun? Main itna bhi well-mannared nahi hun.
Principal again said This is my college.
( koi stamp paper pe likh ke do re isko ki hum samajh gaye this is your college)
Follow Rules or I will resticate you.
Sam kahan sunne walon mein se hai aur waise bhi isko kaunsa padhai mein interest hai bola ki I don't care.
N shocked, Princi shocked. ( We are not shocked)
Princi ko shakk hai yeh sab Naina ke liye kiya hai. Phir inka takiyaa kalaam " main batati hun'
( iske pati ki haalat ka soch sakte ho, kya hota hoga uske saath)
Princi said tum donon ke beech kya chal raha hai yeh main achchhi tarah jaanti hun.
( lagta hai saare college ki khabar rakhti hai, peon batata hoga sab,, toh yeh bhi pata hoga Su kitni dumbo hai)
Phir Sam bola ki main aur Naina sirf dost hain aur N ki jagah koi aur bhi hoti toh maarta.
Princi ne last warning de kar chhod diya.
JBR bola same old story of Romeo and Juliet. ( isko kaamwali bai yaad aai hogi abhi)
N VO ne hint diya ki JBR ka future prediction galat saabit hoga ( iske liye ab Romeo and Juliet ki story padhni padegi) aur VJN mein bole Samaina ka naam aaj bhi famous hai.
Idhar ghar ke baahar Anand ko BKC mila aur bola ki mujhe pitwaya hai Naina ne apne aashiq se.
( waise kya director sahab ko pehle se pata tha fighting scene mein naak tootegi? yeh scene pehle hi shoot kar liya tha)
Aur yeh toh jhoota bhi hai apne boss ki tarah bola asli mard wahi hota hai jo aurat pe haath na uthaye.
( matlab yeh na-mard hai, apne munh se bol diya isne toh)
Zinda laash ban chuke Anand ne haath jod kar maafi maangi aur bola ki N bhi maafi maangegi.
Idhar college mein Sam thodi der akela rehna chahta hai aur recent proposal ke baad wale FB, N ka chachaji alaap yaad aa raha hai aur phir thappad bhi.
Naina ka hausla tootne laga hai.
" kab tak main saza deti rahungi Sam ko aur khud ko bhi, kab tak saabit karti rahun ki mere liye meri family,, phir bhi chain se nahi reh paa rahi na,, roz har roz lad rahi hun, Sam se bhi aur khud se bhi,, ab nahi lada jaata.
( Chalo kuchh to feelings dikhai CVs ne,mini redemption but yeh dil maange more, haha)
P nahi jaanti ki uske papa ki aatma mar chuki hai toh bol rahi hai Papa samajh jaayenge.
( aise nahi Preeti, jaise Sam ko samjhaane ke liye thappad zaroori hai, waise hi inke liye bhi bina awaaz wala thappad chahiye)
Sam VO talking abt ki roka nahi jaata toh Sharad ka naksha bigaad deta, kisi aur ladki ke saath karta tab bhi. Iska seena bole 56 inch na sahi par phool jaata hai aaj bhi.
College Parking area mein Anand ne Sam ko gunda mawali bola par Sam ke sabr ka paimana oopar tak bhar ke overflow hone laga tha, uska saara frustration Anand pe nikal gaya, sab bata diya.
My fav dialogue of this confrontation ( what's yours?)
"Meri taraf dekhiye chachaji aur apne dil pe haath rakh kar kahiye kya Sharad mujhse better hai? Kya woh Naina ko mujhse zyada pyar kar paayega? kya woh N ko mujhse zyada khusshi de paayega?
Naina ne aap ki khushi ki khatir mujhe aur mere pyar ko chhod diya, kya aap Agrawal aur Maheshwari wali baat chhod sakte hain?
aur Anand ki aatma jise hum mara hua ghoshit kar chuke the, woh actual mein coma mein gayi thi.
Jaise jaise Sam ne bolna shuru kiya waise waise uss ne harkat ki. Aatma ne pehle apni ek ungli hilaayi phir haath, phir dheere dheere pairon mein jaan aane lagi aur end mein jab Sam ne bola ki Agar Sharad ne phir N ke saath badtameezi ki toh main shayad uski jaan bhi le lun.
Ab tak aatma mein aadhe se zyada jaan aa chuki thi,bass visibility aur brain zinda hona baaki tha.
Sam wahaan se chala gaya aur MunDit uske peechhe.
Ghar pe Preeti full ghusse mein. Sharad ko ganja karke maarti agar wahaan hoti toh.
( Yeh toh beta pehle hum maan lete but aajkal doubtful lagta hai yeh sab, blame yourself Preeti)
N saare hathiyaar daal chuki hai aur bol rahi hai meri na toh kisi ko sunni hai na maanni.
Udhar Munna mummy Naina ko bura bhala kehte huye kyunki wahi hua jiska isey darr tha. N ne reject kar diya phir se Sam ko.
Aaj Arjun ka bahot ref aa raha hai... Hint hint
Ponga ko ab bhi ummid hai ki N maan jaayegi.
( Yeh to CVs ne raham kiya ek hi din mein proposal, maar kutai aur do do confrontations dikha ke warna tere ideas toh hum dekh hi chuke hain Ponge)
Sam bola ki aajse No Naina ( and thank God No Sunaina too)...aaj se hum teenon dost saath rahenge, hamare beech N bhi hargiz nahi aayegi. Pakka wala promise.
( lagta hai N ke redemption ki tayyari chal rahi CVs ki, waise ek hi promise do do baar karne ka kya matlab Sam?)
Anand apni aadhi zinda aatma ke saath ghar aaya aur idhar bhi Arjun bhaiya
( Yeh CVs ka puraana tareeka, future track se pehle chandan ki tarah ghisne ka. Remember Judai judai before Nanu's death, phir birthday pe bhi similar type family family raag tha)
Preeti darling confronting Naina aur idhar Anand ki bachi hui aatma mein dheere dheere jaan aane lagi.
N ne P ko rok liya Anand ko batane se, itna bharosa hai ise apne chachaji par ki sab kuchh karegi jo woh kahenge aur unka koi faisla bole galat nahi ho sakta.
( shayad CVs ko laga hoga aise dialogues se hi Agrawals ko satisfy kiya jaa sakta hai aur phir Anand, the great, Agrawal ki aatma ko poori tarah jagaane ki baat thi, samjha karo)
Aakhir mein N boli ki kunwein mein bhi chhalaang laga dungi kyunki chachaji mere baare mein kuchh galat soch hi nahi sakte.
( yeh sunna tha ki Anand ki aatma zinda ho gayi pehle ki tarah)
And he entered,N ko bola mere saath chalo bina kuchh puchhe.
( Subah ka bhoola shaam ko ghar aa jaaye toh woh bhoola nahi kehlata aur CVs itne shaane hain ki iss cheez ko literally follow kiya, ek din mein sab kuch, subah maar diya aur shaam ko zinda bhi kar diya Anand ki aatma ko)
Precap... Sam mandir mein jaane ko tayyar par MunDit ko lagta hai Agrwal family bahot maaregi Sam ko.
