Hello guys trying to be active here again.
Sprry for not replying to the tags but life sucks and it still is sucking the life out of me. Ek to health kharab uper se busy schedule and the kachra story to pucho hi mat.
Here is my try on the current scenarios of the Show.
Madhu do the taggings please.
Index
Link to chapter 1 - https://www.indiaforums.com/forum/post/162462737
Link to chapter 2- https://www.indiaforums.com/forum/post/162470768
YEH KYUN KIYA KHUDA
(AN ABHIRA FF)
(CHAPTER 1)
So I know guys
Like you all
Even I am frustrated with the ongoing track of Yrkkh. We expected more from Abhimanyu as he was our dream man. But what to say ITv and it's traits of always muting the male lead.
So here I am starting this new story to vent all my frustration.
Story starts with Manjari blaming Akshara for Neil's death and Abhimanyu being the silent spectator of all those verbal violence against his wife.
Akshara looks at the entire hall of her so called sasural and not even one person is in her favour except her Bade Papa and Badi Mumma. Akhilesh was always for Aarohi so she least expected his support. But her Kairav Bhaiya was also looking at her as if she was the one guilty here.
Ak : Ek baar pehle bhi aisa hua tha. Tab bahut chhoti thi main. Khud ko defend karna aata nahi tha isiliye ilzaam lagaya gaya mujhpe aur main bhi uske guilt me chali gayi. Us waqt jab doctor Abhimanyu ko ye sab pata chala ki mere panick attacks ke peeche ki wajah kya hai tab unhe bahut bura laga tha lekin aaj jab unki khud ki maa mere saath wahi kar rahi hai to unhe ek baar bhi galat nahi lag raha hai. Actually haa ab to mere heart ki halat bahut achhi ho gayi hai right doctor Abhimanyu. Khair jis ghar me meri kadar hi nahi hai us ghar me mere hone na hone par kisi ko kya hi farq padega. Doctor Abhimanyu ki life me to unki bike ki bhi priority hai bas unki wife pata nahi priority list ke kis number me aati hai. Last bhi hai ya nahi. (To shefali) Bhabhi ab aap bataiye kya main Neil ko concert ke liye leke gayi thi.
S : Nahi tumhe to maine hi bheja tha kyu ki tumhe bahut jor se pain ho raha tha cramps ki wajah se. Tum to jaa bhi nahi rahi thi phir Neil aur maine hi tumhe jabardasti bheja. Aur Birla Hospital ke paas bahut traffic tha isiliye wo tumhe City Hospital leke gaya.
Everyone got shocked even Abhimanyu who was till now very sure that Akshara broke her promise for concert.
Ak : Agar phir bhi confirm hona hai to City Hospital ke reception me phone kar ke pata kar lijiye aap log ki waha par Akshara Birla ke naam ki entry hai ya nahi. Gynaecologist se bhi pata kar sakte hai aap log ki main waha apna check up karwane gayi thi ya nahi. Hum log waha se wapas aa rahe the. Mujhe un bachhiyo ka call aaya ki unka kidnap ho raha hai. Call log check kar sakte hai aap log (giving her phone) ye raha mera phone aur usme recording bhi hai. Ab aap log bataiye kya ye sab dekhne aur sunne ke baad kya kar sakte. Neil ne bola ki bhabhi police ko aane me kam se kam aadha ghanta lag jaayega aur tab tak un bachhiyo ke saath kya hoga isiliye hum log waha gaye. Ab aap log bataiye main kis tarah se jimmedar huyi. (To Manjari) Aur aapse Mam aapse main kya hi kahu. Humesha aadhi baat sunti hai aur apna situation bana leti hai. Aur sabke paas ek hi to insaan hai jiske uper blame laga ke khud ke guilt ko kam kiya jaa sake. To ek baar phir Akshara jimmedar. Aur doctor Abhimanyu ne ek baar phir prove kar diya ki koi second chance kuch bhi nahi hota. Inhone mujhse promise kiya tha ki ab ye mujhpe trust karenge lekin trust aur Abhimanyu ek saath nahi chal sakte.
Ma : Chal beta. In logo ke saamne kuch bhi kehne ka koi fayda nahi hai.
Ak : Haa Bade Papa main bhi ab in logo ke saath koi conversation nahi karna chahti aur naahi KOI RISHTA RAKHNA HAI MUJHE IN LOGO SE. (Forwarding her hand) Ek cheez wapas karungi to ek cheez lungi bhi aapse. Please mera bracelet mujhe wapas kar dijiye taaki is baar hume connect karne wali koi nishani aapke paas na ho. Is baar kisi bhi tarah ka koi connection nahi chahiye mujhe naahi aapse naahi aapke pariwar se. (Opening her nuptial chain) Aur ye rahi humare khokhale rishte ki nishaani jo wapas karke jaa rahi hu. Ab wapas se kabhi ise mere paas lekar mat aana. Aur haa ek aur baat do din ke andar divorce papers mil jaayenge aapko. Sign karke mere paas bhijwa dena khud aane ki jarurat nahi hai. Main papera fast track pe submit karwaungi taaki jitni jaldi ho sake is rishte se ajadi mil jaaye mujhe bhi aur aapko bhi.
Ka : Akshu beta ye kya keh rahi hai.
Ak : Ab tak jis tarah se shaant the please ab bhi shaant rahiye. Ya phir yoon kahu jaaiye aapki behan ko aapki jarurat hai usne apna pati khoya hai bahut toot gayi hai wo. Wo behan jisne apne fayde ke liye apne bhai ka sauda kar diya tha Anisha ke case me.
Ma : Akshu ye kya keh rahi hai beta.
Ak : Sach hi to keh rahi hu Bade Papa. Jab main Kairav Bhaiya ke saath Mauritius me thi tab Mrs Aarohi Birla ek ek information Goenka house ki Mahima Mam ko paas out karti thi aur wo bhi kis liye kyu ki Mahima mam ne uska licence renew karwa diya tha. Main us waqt apne is bhaiya ke saath thi mera rishta bhi daav pe lag gaya us wajah se. Asli wajah peeche chhut gayi sabko ye laga ki unhi ke support ke liye main bhaagi thi phir bhi main aaj galat hu aur ye sab ke nazar me mahaan hai. As usual Aarohi kabhi galat nahi hoti na. Aaj yaha sabne kuch na kuch khoya hai. Kisi ne apna pati , kisi ne apna beta , kisi ne apna Bhai aur mera kya maine to kuch bhi nahi khoya hai na. Jo mere pet me tha wo bhi mera kuch nahi tha aur naahi Neil se mera kuch rishta tha. Meri galti kya hai meri galti ye hai ki mujhe pain ho raha tha to ho raha tha. Pain me rehte rehte mar jaana chahiye tha maine kyun Shefali Bhabhi ko bataya ki mujhe pain ho raha hai. Aaj pata hai kya lag raha hai. Aaj lag raha hai Kaash main Naira Mumma ke saath hi khatam ho gayi hoti to aaj ye kahani nahi hoti.
Ma : Bas meri bachhi. Chal ab yaha se.
Ak : Bade Papa mera samaan hai wo sab leke aa jaati hu. Ab yaha apni ek bhi yaad nahi chhodna chahati taaki in logo ko mujhe bad dua dene ka mauka mile. Aaj se Akshara Goenka apni kismat khud likhegi aur strong banke dikhayegi sabko.
She went upstairs and took all her belongings. She came back again and forwarded her hands towards Abhimanyu.
Ak : Ye raha wo Star jo aapne mujhe gift giya tha. (She threw that star in the hall) Jab rishta hi nahi to gift ka kya matlab aur ab mujhe mera bracelet lauta dijiye.
Abhimanyu was crying but was unable to say anything. Because he was shattered today he lost three of his most important relations one his kid brother, his kids and his life Akshu. Two because of situation and other one because of his lack of trust. He silently gave that bracelet to her.
Man : Akshu beta
Ak : Akshara Mam Akshara. Main Akshu nahi hu ab. Aaj yaha Akshu ki bhi death ho gayi. Aaj se Akshara Goenka ka naya janm hua hai. Ab tak jis ladki ke liye uska rishta sab kuch hua karta tha aaj us ladki ne apna sab kuch Neil ke saath hi jala ke khatam kar diya. Ab se koi rishta , koi bond mere liye kuch bhi nahi hai. Ek nayi Akshara hu. Aur aap logo ke liye Akshara bhi nahi hu. Anjaan logo Miss Goenka hi bula sakte hai mujhe.
Ma : Chal meri bachhi.
Ak : Bade Papa ek request karu.
Ma : Haa meri bachhi bol na.
Ak : Mujhe kuch din Naira Mumma ke kareeb rehna hai. Please main us jagah jaa sakti hu jaha Naira Mumma ki yaadein basti hai. Aur waise bhi Goenka House me mere mute bhaiya honge aur unhe apne saamne dekh paana ab mujhse nahi ho paayega. Jab bhi jarurat huyi wo mere liye shaant the to ab mujhe unse koi wasta nahi rakhna.
Ma : Beta tujhe is halat me akele chhodne ka dil nahi kar raha hai. Koi baat nahi tu waha Jaa thode time me hum bhi waha apna samaan lekar aa jaayenge. Main driver ko keh deta hu ki tujhe waha drop kar de aur hum taxi lekar chale jaate hai Goenka House.
Ak : Ji Bade Papa.
Saying this Akshara left from there.
Man: Abhi beta Akshu jaa rahi hai. Rok le use.
Ab : Jaa rahi hai to nikala bhi to aapne hi hai. Jab use dhakka diya tab nahi samajh aaya. Har baar ki tarah aadhi baat pata thi aapko aur wahi aadhi baat aapne mujhe batayi. Ab mujhe Akshu ki situation samajh aa rahi hai. Sirat Maa ki death ke baad wo kyun Aarohi ke har ek matter me uske saath rehti thi isliye nahi kyu ki wo guilty thi balki isliye kyu ki usne waada kiya tha apni Marti huyi maa se aur aaj main bhi apne marte huye Bhai se kiye waade ki wajah se bandh gaya. Haadse me apna Bhai aur apne bachhon ko to kho hi diya maine aur mujhse meri jindagi chheen li aap logo ne. Apne Bhai se kiye waade ki wajah se main aisa bandh gaya ki galat ko galat bhi nahi keh paa raha. Khair Akshu ko to maine apni khud ki wajah se khoya hai. Mujhe us par trust karna chahiye tha lekin main nahi kar paaya. Sach hi kaha usne maine use kabhi prioritise nahi kiya apni life me. Kabhi behan ke liye , kabhi bhai ke liye , kabhi maa ke liye. Har baar use second choice hi rakha. Wo jab tak mere hisaab se chalti thi use apna maana aur jaha wo thoda bhi idhar udhar huyi maine hi use akela kiya. Ab jab sab kuch kho chuka hu tab samajh aa raha hai ki kitna akela hu main. (To Aarohi) Galti tumne bahut saari ki hai. Maine apne Bhai ko waada kiya hai isliye Aaj se tumhare bachhe ki saari responsibility meri hai par usse jyada mujhse kuch expect mat karna.
Saying this he left from their. And with this all ended.
Loved it 😍I hope they would hv shown something like this in the serial.looking forward to more 💖
Awesome story
Atleast you should have shown that one of their kid is alive
Then Birlas especially abhi and manjiri will be more guilty
| topics | author | replies | views | reply |
|---|---|---|---|---|
| firewings_diya | 212 | 10327 | ||
| Sushma_Reddy | 65 | 3479 | ||
| Renee.Clare | 1261 | 78280 | ||
| Alia547 | 13 | 1463 | ||
| Agni_Jytsona | 236 | 21733 |
comment:
p_commentcount